Թեստ՝ պաշտոնյաների համար. ազդեցիկ պաշտոնյաներից ու հայտնի աստղերից ովքեր են վարակվել կորոնավիրուսով

Կորոնավիրուսային վարակը շարունակում է արագորեն տարածվել աշխարհով մեկ: Վարակից չի հաջողվում խուսափել անգամ հայտնի աստղերին ու պաշտոնյաներին, ազդեցիկ առաջնորդներին:

Առաջիններից մեկը կորոնավիրուսային վարակի առկայության մասին ազդարարեցին Կանադայից: Երկրի վարչապետ Ջասթին-Թրյուդոյի կնոջ՝ Սոֆի Գրեգուար Թրյուդոյի մոտ կորոնավիրուս էր հայտնաբերվել: Վարչապետն ու կինը մեկուսացել են, սայմանափակել շփումները եւ անցել տնային բուժման եւ հեռակա աշխատանքի: Սոֆի Գրեգուար-Թրյուդոն կորոնավիրուսով վարակվել էր Մեծ Բրիտանիա այցի ժամանակ, Լոնդոնից վերադառնալուց հետո նրա մոտ մրսածության նախանշաններ էին սկսվել, բարձր ջերմություն: Կանադայի վարչապետի տիկինը կորոնավիրուսի թեստ էր անցել, որի արդյունքը եղել էր դրական:

Կորոնավիրուս է հայտնաբերվել նաեւ Իսպանական թագավորական ընտանիքում:  Կառավարության անդամներից մեկի մոտ կորոնավիրուսի վարակ հաստատվելուց հետո, նրա հետ անմիջական շփում ունեցած իսպանական թագավորական ընտանիքն ու նրանց երեխաները կորոնավիրուսի թեստ են հանձնել, նրանցից մեկի մոտ պատասխանը դրական է եղել, թե ում մոտ՝ առայժմ չի հրապարակվում:

Բրիտանական արքունիքի թագաժառանգ արքայազն Չարլզի մոտ եւս կորոնավիրուս է հայտնաբերվել: Ելիզավետա 2-րդի որդի եւ Ուելսի արքայազն Չարլզը կորոնավիրուսի թեստ է հանձնել ինքնազգացողության փոքր անկում ունենալուց հետո, արդյունքները եղել են դրական:

Արքայազնը մոտ վիրուսը թեթեւ ընթացք ունի, նա մեկուսացել է Շոտլանդիայում գտնվող իր տանը:

Արքայազն Չարլզի կինը՝ Քորնուոլի դքսուհի Քամիլլան, եւս հանձնել է կորոնավիրուսի թեստ, որի արդյունքը բացասական է եղել:

Այսօր միջազգային եւ հայկական մամուլը ողողվել էր Մեծ Բրիտանիայի վարչապետի մոտ կորոնավիրուսի հայտնաբերման մասին լուրերով:  Բրիտանական կառավարության ղեկավար Բորիս Ջոնսոնն ինքն է հայտնել իր մոտ վիրուսի առկայության մասին, նշել է, որ ունի ջերմություն, հազ, բայց ընդհանուր առմամբ իրեն լավ է զգում: Նա նշել է, որ այժմ ինքնամեկուսացված է իր նստավայրում՝ Դաունինգ-սթրիթ 10-ում, բայց շարունակելու է կառավարության աշխատանքներով զբաղվել՝ հեռակա կարգով:

Կորոնավիրուսային թեստ են անցել նաեւ ԱՄՆ-ի նախագահ Դոնալդ Թրամփն ու վերջինիս կինը՝ Մելանյա Թրամփը: Չնայած նախապես ունեցած կասկածներին, նրանց մոտ վիրուսի առկայությունը չէր հաստատվել:

Հարեւան Իրանում, որտեղ եւս բավական  շատ են կորոնավիրուսով վարակման թվերը, միանգամից մի քանի պաշտոնյաներ են վարակվել: Ամենից ազդեցիկ եղավ Վատիկանում եւ Եգիպտոսում Իրանի նախկին դեսպան Հադի Հոսրոուշախի մահվան մասին լուրերը: վերջինս մահացել էր հենց կորոնավիրուսից, դեսպանը թոշակի էր անցել եւ կորոնավիրուսով վարակվել էր տարեց հասակում:

Իրանի 3 այլ պաշտոնյաներ՝ երկրի փոխնախագահ Մասումե Էբթեքարը, արդյունաբերության նախարարը եւ առողջապահության փոխնախարարը եւս  վարակվել էին կորոնավիրուսով: Բոլորնն էլ արդեն բուժվել են:

Կորոնավիրուս է հաստատվել նաեւ Ավստալիայի ներքին գործերի նախարար Փիթեր Դաթոնի մոտ: Նա բժշկի է դիմել բարձր ջերմությամբ եւ կոկորդի ցավով, անկիջապես էլ անցել կորոնավիրուսի թեստ:

Իսպանիայում վիրուսի առկայությունը հաստատվել է հավասարության հարցերով նախարար Իռեն Մոնտերոյի մոտ, նրա ինքնազգացողությունը լավ է, բարդացումներ չկան: Կնոջ մոտ վիրուսի առկայության պատճառով մեկուսացվել է նաեւ վերջինիս ամուսինը՝ Իսպանիայի փոխվարչապետ Պաբլո Իգլեսիասը:

Լեհաստանում կորոնավիրուս է հաստատվել երկրի Զինված ուժերի հրամանատար Յարոսլավ Միկայի մոտ:

Ֆրանսիայում կորոնավիրուսով վարակված պաշտոնյաներից են մշակույթի նախարար Ֆրանկ Ռիսթերը, երկրի խորհրդարանում Էլզասի ներկայացուցիչ Ժան Լյուկ-Ռայցերը:

Իտալիայում, ի թիվս այլ պաշտոնյաների, հաստատված կորոնավիրուս է առկա Լացիոյի նահանգապետ Նիկոլա Ձինգարետիի մոտ:

Կորոնավիրուսով վարակված բազմաթիվ հայտնի աստղեր էլ կան:

Վերջին օրերին բավական մեծ թափով տարածվեց դերասան Թոմ Հենքսի եւ վերջինիս կնոջ՝ Ռիտա Ուլիսոնի կորոնավիրուսով վարկված լինելու մասին լուրը: Աստղային ամուսինները մեկուսացվել են: Հենքսը վարակվել էր Ավստրալիայում, որտեղ աշխատում էր Էլվիս Փրեսլիի մասին պատմող ֆիլմի վրա: Ավստրալիայում նա մասնակցել էր ցուցադրությունների, պրեմիերաների եւ դեռ հայտնի չէ, թե քանի հոգու էր հասցրել նա վիրուսը փոխանցել:

Կորոնավիրուսային թեստը դրական արդյունքներ է գրանցել նաեւ Լոնդոնի «Արսենալ»-ի մարզիչ Միգել Արտետայի մոտ: Վերջինս որոշել է թեստ անցնել, երբ ինքնազգացողության վատացում է ունեցել: Մարզչի մոտ վիրուսի առկայությամբ պայմանավորված, թիմի ամբողջ բազան փակվել է, մարզչական խումբը, ֆուտբոլիստները, ամբող թիմի աշխատակազմը գտնվում է կարանտինում:

Սպորտային աշխարհում այլ դեպքեր էլ կան, կորոնավիրուսով է վարակվել իտալացի ֆուտբոլիստ Մանոլո Գաբբյադինին, ինչպես նաեւ  Յուվենտուսի պաշտպան Դանիելե Ռուհանին:

Աշխարհահռչակ իսպանացի տենոր Պլաչիդո Դոմինգոն վարակվել է կորոնավիրուսով՝ հենց ինքն էլ սոցցանցի իր էջերում հայտնելով տեղեկության մասին:

69 տարեկանում կորոնավիրուսի բարդացումների հետեւանքով մահացել է հոլիվուդյան դերասան Մարկ Բլումը:

86 տարեկանում, նույն ախտորոշմամբ մահացել է նաեւ երգիչ եւ սաքսոֆոնահար Մանու Դինբանգոն, որը աֆրո-ջազի հիմնադիրներից էր համարվում:

Ռուսական էստրադայի աստղերից Լեւ Լեշչենկոն,  Իգոր Նիկոլաեւը եւս վարակված են կորոնավիրուսով:

Տպել
17252 դիտում

Հոսպիտալացման խնդրի պատճառով այսօր ունեցել ենք մահվան առաջին դեպքը. մենք արդեն քայլում ենք դժոխքի եզրով. վարչապետ

ՊԲ հրամանատար Ջալալ Հարությունյանի նախագահությամբ անց է կացվել ՌԽ հեռավար նիստ

72 ժամով կասեցվել է ռեստորանային համալիրի գործունեությունը. մոտ 50 հանրային սննդի օբյեկտի աշխատանքը՝ 24 ժամով

Վարչապետը շնորհավորական ուղերձ է հղել Շվեդիայի վարչապետին՝ երկրի ազգային տոնի առթիվ

Գավառի արյունալի միջադեպերի հետեւանքով տուժած 5 անձինք ապաքինվել են եւ դուրս գրվել հիվանդանոցներից

«Սուրբ Հովհաննես» մատուռ բարձրանալիս քաղաքացին ընկել և վնասել է ոտքը. օգնել են փրկարարները

Քաղաքացիների ահազանգերը՝ տնտեսավարողների կասեցման հիմք․ ԱԱՏՄ-ն շարունակում է անակնկալ ստուգայցերը և կասեցումները

Ձորագյուղի մուտքի ու ելքի սահմանափակումները կգործեն այսօր, ժամը 18:00-ից սկսած՝ 2 շաբաթ շարունակ

Փոխվարչապետ Տիգրան Ավինյանը աշխատակազմին է ներկայացրել ՊԵԿ նորանշանակ նախագահին

Մնացել են փեսայի կեղծ մատնագրերի հույսին

Արցախի 10 համայնքների համար կիրառվող սահմանափակումները շարունակում են գործել, դրանք հանվել են մի շարք համայնքներում

Եսայան եղբայրները հերքում են ԱԱԾ հրավիրվելու մասին լուրը

Վանաձորի տներից մեկի բակում ականանետային արկ է հայտնաբերվել (լուսանկարներ)

Արմեն Սարգսյանը շնորհավորական ուղերձ է հղել Շվեդիայի թագավոր Կարլ Գուստավ Տասնվեցերորդին` երկրի ազգային տոնի առթիվ

Պարետի որոշմամբ կարգելափակվեն Ձորագյուղի ելքերն ու մուտքերը. 1 անձը վարակել է թաղման մի քանի տասնյակ մասնակցի. վարչապետ

Կմեկնարկի Արցախը մայր հայրենիքին կապող նոր մայրուղու շինարարությունը. պաշտոնյաները հարավային թեւում են

Կոլորադոյի Ներկայացուցիչների պալատը միաձայն ընդունել է դպրոցներում Հայոց ցեղասպանության ուսուցման մասին օրինագիծ

Այսօր ուժեղ կարկտահարություն է եղել Գորիսում (տեսանյութ)

Ոստիկանության ուժեղացված ստուգայցերը շարունակվում են. հունիսի 5-ին հայտնաբերվել է 1058 իրավախախտում

Կապամոնտաժվի Մարգարյան փողոցի բանուկ հատվածում ինքնակամ տեղադրված կրպակը. Հակոբ Կարապետյան