ՌԴ-ում առաջիկա շաբաթը ոչ աշխատանքային է. ինչ է առաջարկում Պուտինը հասարակ ընտանիքներին ու բիզնեսին

Կորոնավիրուսային վարակի տարածման ֆոնին ՌԴ նախագահ Վլադիմիր Պուտինը ռուսներին է դիմել տեսաուղերձով:

Նախագահը նշել է, որ պետությունը պետք է աշխատի շրջահայաց լինել եւ գլխավոր նպատակն է լինելու քաղաքացիների կյանքն ու առողջությունը, քանի որ աշխարհում կորոնավիրուսը զարգանում է աներեւակայելի տեմպերով: Պուտինի խոսքերով, անհնար է Ռուսաստանը կատարյալ շրջափակման մեջ պահել եւ անգամ բոլոր միջոցների ներգրավմամբ ու հնարավոր բոլոր միջոցառումների իրականացմամբ անհնար էր կանխել վիրուսի ներթափանցումը Ռուսաստանի տարածք այն դեպքում, երբ ՌԴ-ի հարեւան եւ սահմանակից բոլոր երկրներում կորոնավիրուսային հիվանդությունը մեծ չափերի է հասնում, իսկ Եվրոպայի ու ամբողջ աշխարհի տնտեսությունը կործանման եզրին է, այդ մասին են գուժում տասնյակ երկրներ ու բազմաթիվ կազմակերպություններ: ՌԴ նախագահի հավաստմամբ, շնորհիվ երկրում ձեռնարկված միջոցառումների, առայժմ հնարավոր է երկրում վերահսկողության տակ պահել հիվանդության տեմպերը եւ նվազեցնել ռիսկերը:

Ելույթի կարեւոր հատվածներից մեկն այն էր, որ երկրում ստեղծված ոչ բարենպաստ իրավիճակի պատճառով Պուտինն առաջարկեց տեղափոխել Սահմանադրության մեջ փոփոխությունների համար քվեարկության ամսաթիվը՝ ասելով, որ նոր ամսաթվի մասին որոշում կկայացնեն ավելի ուշ՝ մասնագետների հետ խորհրդակցություններից հետո:

«Դուք գիտեք, թե ես որքան մեծ կարեւորություն եմ տալիս Սահմանադրական բարեփոխումների հանրաքվեին, որը տեղի էր ունենալու ապրիլի 22-ին եւ իհարկե կրկին ու կրկին կդիմեմ բոլորին խնդրանքով, որ գան ու հայտնեն իրենց սկզբունքային կարծիքը բարեփոխումների վերաբերյալ: Սակայն այս պահին եւ առկա իրավիճակում մեզ համար առաջնային է եւ կարեւոր մեր քաղաքացիների կյանքն ու առողջությունը, այդ պատճառով էլ գտնում եմ, որ քվեարկությունը պետք է տեղափոխել ավելի ուշ ժամանակահատված»,-ասաց Պուտինը՝ հավելելով, որ եկող շաբաթը հայտարարում է ոչ աշխատանքային, հանգստի շաբաթ, որը կսկսվի շաբաթ օրվանից՝ մարտի 28-ից եւ կտեւի մինչեւ հաջորդ կիրակի՝ ապրիլի 5-ը:

ՌԴ նախագահը հորդորեց այդ օրերն անցկացնել ոչ թե զբոսանքների, զվարճանքների եւ առեւտրի վրա, այլ ընտանիքում, տանը հանգսի եղանակով:

«Չպետք է անլուրջ վերաբերվել խնդիրին եւ մտածել՝ ինձ հիվանդությունը մոտ չի գա, ինձ ոչինչ չի լինի: Վիրուսը կարող է սպառնալ յուրաքանչյուրին եւ այն, ինչ այժմ կատարվում է Իտալիայում, Իսպանիայում ու ողջ Եվրոպայում, մոտ ապագայում կարող է սպառնալ մեզանից յուրաքանչյուրին: Պետք է խնայել  սեփական անձին եւ մտերիմներին, իսկ դրա լավագույն տարբերակը տանը մնալն է»,-նշեց ՌԴ առաջնորդը:

Տնտեսության պահպանման, տնտեսվարողներին եւ քաղաքացիներին աջակցելու գործողությունների շրջանակում նախագահն առաջարկել է հետեւյալ միջոցները.

  1. Կորոնավիրուսի հետագա տարածումը կանխարգելելու նպատակով առաջիկա ամբողջ շաբաթը ՌԴ տարածում կհայտարարվի որպես ոչ աշխատանքային՝ աշխատող քաղաքացիների շաբաթավճարի պահպանմամբ: Կենսագործունեության համար անհրաժեշտ բոլոր կառույցները, այդ թվում՝ տրանսպորտը, ՏԻՄ մարմիններն ու առողջապահական հինարկները կշարունակեն աշխատանքը:
  2. Հաջորդ վեց ամիսների ընթացքում բոլոր սոցիալական վճարների ու նպաստների երկարաձգումները կկատարվեն՝ առանց փաստաթղթերի տրամադրման, նախկին տվյալներով:
  3. Մեծ Հաղթանակի 75-ամյակի կապակցությամբ վետերանների և աշխատանքի առաջամարտիկների համար նախատեսված վճարումները պետք է տրվեն ապրիլին:
  4. Հիվանդության թերթիկով աշխատավարձի տրամադրումը պետք է հաշվարկվի առնվազն մեկ ամսվա նվազագույն աշխատավարձի չափով:
  5. Գործազրկության նպաստները կհավասարվեն նվազագույն աշխատավարձին:
  6. Ծնողներական կապիտալի իրավունք ունեցող երեխաների ընտանիքներին աջակցելու համար, առաջիկա 3 ամսում նրանց վճարվելու է մինչեւ 3 տարեկան յուրաքանչյուր երեխայի համար 5 հազար ռուբլի:
  7. Ամսական եկամտի ավելի քան 30%-ի անկման դեպքում քաղաքացին պետք է տարկետում ստանա սպառողական և հիփոթեքային վարկերի սպասարկման հարցում:
  8. Փոքր և միջին բիզնեսին հարկ վճարելու տակետում կտրվի վեց ամսվով՝ բացառությամբ ԱԱՀ-ի:
  9. Կառավարությունը և Կենտրոնական բանկը պետք է առաջարկեն ու ձեռնարկեն լրացուցիչ միջոցներ՝ տնտեսության իրական հատվածի կայուն զարգացման համար, ներառյալ պետական երաշխիքներ:
  10. Արտերկիր մուտք գործող տոկոսների եւ շահաբաժինների տեսքով եկամտի բոլոր վճարումները հարկվելու են 15% տոկոսադրույքով:
  11. Բանկային ավանդներից ստացված տոկոսագումարներն ու եկամուտները ավելի քան մեկ միլիոն ռուբլի պարտքային արժեթղթերում կատարված ներդրումներից հարկվելու են 13% տոկոսադրույքով:
  12. Նվազագույն ապահովագրական պարգեւավճարները 15% -ով նվազեցնել նվազագույն աշխատավարձից բարձր աշխատավար ստացողների համար՝ հատկապես նրանց, որոնք աշխատում են փոքր եւ միջին բիզնեսի համար:
  13. Մտցնել ծանր իրավիճակում գտնվող ձեռնարկությունների սնանկության վեցամսյա մորատորիում. սնանկության կարգը պետք է լինի իրագործելի եւ ոչ մեծ:
  14. Վերանայել վարկի տրամադրման մեխանիզմ անհատ ձեռնարկատերերի համար, որոնք տուժել են կորոնավիրուսի հետեւանքով:

Նախագահը նաեւ կոչ է արել քաղաքացիներին չապավինել «ռուսական հնարավորություններին» եւ հետեւել կորոնավիրուսի կանխարգելմանն ուղղված հորդորներին, կանխել կորոնավիրուսի տարածումը, պատասխանատու լինել սեփական անձի եւ շրջապատի համար:

«Եթե պետությունը, քաղաքացիներն ու հասարակությունը միասին գործեն, մենք արդյունքի կհասնենք: Կարեւոր է յուրաքանչյուր քաղաքացու անհատական պատասխանատվությունը, աչալրջությունն ու  խնդրի խորքայնության գիտակցումը: Մենք արդյունքների չենք հասնի, եթե չհամագործակցենք միմյանց հետ»,-եզրափակեց նախագահը:

Վերջին տվյալենրով, Ռուսաստանի Դաշնության տարածքում COVID-19 կորոնավիրուսով վարակման 658 հաստատված դեպք կա, որից միայն 410-ը՝ Մոսկվայում: Առողջացել եւ դուրս է գրվել 29 մարդ, 122 հազար մարդ գտնվում է հսկողության տակ, այսօրվա տվյալներով կորոնավիրուսից երկրում 2 մահացության դեպք է գրանցվել, երկուսն էլ՝ ուղեկից հիվադնություններով 73-ամյա եւ 88-ամյա տարեցներ:

Առողջապահության համաշխարհային կազմակերպության վերջին տվյալներով, աշխարհում կորոնավիրուսով վարակված ավելի քան 370 հազար մարդ կա, մահացել է 16 հազար մարդ:

Տպել
1209 դիտում

Չգնահատված հանճարներն ու սադրիչները երկրորդ ճակատ են բացել իշխանության դեմ. Լեւոն Տեր-Պետրոսյան

56 նոր պլանշետ է տրամադրվել Լոռու մարզին հեռավար դասապրոցեսն անխափան իրականացնելու նպատակով

Լրատվական կայքերում վիճակաղերի գովազդն իրականացնել 21։00-ից մինչեւ 06։00-ն․ ֆինանսների նախարարության նախագիծը

Աշխարհում մնացել է 18 պետություն, որտեղ պաշտոնապես չի գրանցվել կորոնավիրուսի որեւէ դեպք

Գեղարքունիքի մարզի որոշ համայնքների աղբավայրերում կատարվում են հողածածկման աշխատանքներ

56 համակարգչային տեխնիկա է հատկացվել Արմավիրի սոցիալապես խոցելի խմբերում գտնվող ընտանիքների երեխաներին

Կրակային պատրաստության պարապմունքներ են անցկացվել. ՊՆ

Առաջարկվում է մի շարք գետերում արգելել փոքր հիդրոէլեկտրոկայաններ կառուցել

Հայաստանում հնարավոր է մեկ-երկու շաբաթում տասնյակ հազարավոր թեստեր արտադրել․ Արսեն Առաքելյան

Րոպեներ առաջ ՀՀ է ժամանել ՌԴ զինված ուժերի մասնագետների թիմը. Շուշան Ստեփանյան

Մոսկվա-Երեւան երկու թռիչքով Հայաստան են վերադարձել 400-ից ավելի ՀՀ քաղաքացիներ. ԱԳՆ

Արմեն Սարգսյանը կորոնավիրուսով վարակված Մեծ Բրիտանիայի վարչապետ Բորիս Ջոնսոնին մաղթել է շուտափույթ ապաքինում

Հայաստանում ԵԽ այլ երկրների համեմատ նկատվել է ազատազրկման մակարդակի ամենամեծ նվազումը՝ 36%. Ռուստամ Բադասյան

Որոշ խախտումներ արձանագրվել են, մեր թիմը եւս դժգոհություն է ունեցել. Ա. Հարությունյանը՝ ԱՀ-ում ընտրական իրավիճակի մասին

Արցախի ԿԸՀ-ն բաշխել է պատգամավորական մանդատները եւ նախագահական ընտրությունների 2-րդ փուլի օր նշանակել

Անցկացվել են մարտավարական-մասնագիտական վարժանքներ. ՊՆ

Մխիթարյանի նախկին թիմն ամենաշատ գումար կորցրած ֆուտբոլային թիմը կլինի Անգլիայում

Անդրեա Բոչելին Զատիկի օրը համերգ կտա Միլանի դատարկ տաճարում` ուղիղ հեռարձակմամբ

Արցախում արհեստական կամ սպեկուլյատիվ գնաճ չկա. պետնախարար

Երկրպագուները Քիմ Քարդաշյանին խիստ մեղադրել են նոր օծանելիքի վաճառք սկսելու համար. նրան անզգամ են համարում