Կարանտինի մեջ ծիծաղենք միասին և չտապալենք աշխարհափրկիչ առաքելությունը

Հասան եւ այն օրերը, երբ երկար մտածում ենք՝ դուրս գա՞լ հացի, թե՞ ամեն դեպքում այս անգամ էլ մակարոն խաշել, երբ դուրս գալիս պետք է գրավոր հիմնավորել հացի անհրաժեշտությունը հայի կյանքում, իսկ դրսում ամեն գնով չհազալ ու չփռշտալ, ա՜խր, շատ թարս են նայում ամեն կողմից:

Տանը հիմնականում երկու տեղ ենք՝ համակարգչի առաջ (աշխատանքային ժամերին) ու հեռախոսի հետ (պարզելու ինչ կա-չկա): Ընկերներին հանդիպում ենք Viber փաբում, ուշ երեկոյան թեյում «Հեռուստացույցի մոտ» սրճարանում, վարժություններ անում «Ննջարան» մարզասրահում, ընդմիջմանը գնում հարազատ «Խոհանոց» կենտրոն. ամեն ինչ այստեղ տնական է: Իրականում անսովոր ու դժվար է միանգամից սովորել տնից դուրս չգալուն, մանավանդ որ՝ 

Այս վիրտուալ համակեցությունը, հեռահար աշխատանքի եւ ուսման արագացված անցման հետ բազմաթիվ հումորային իրավիճակներ է ստեղծում, դրանցից ոգեշնչված՝ հնարվում են համանման դրվագներ, որ էապես թեթեւացնում են պարտադիր նստակեցության հետեւանքով պարբերաբար ընկնող տրամադրությունը:

Եկեք վերհիշենք այս օրերին սոցցանցերում առավել հավանության արժանացած կատակները՝ չմոռանալով, որ կատակի մի մասը, անշուշտ, կատակ է: «Ձեր ընտանիքո՞ւմ էլ է խանութ գնում նա, ով ձեր մեղքը չի գալիս»:

Արտակարգ դրության առաջին օրերին բոլորը կատակում էին, որ Ամանորի շեմին բազմաթիվ ընտանիքներ նորածիններ են նվեր ստանալու: Հիմա հասկացել են, որ ամուսնանալիս հարկ է հաշվի առնել, որ կարող է ստիպված լինես այդ մարդու հետ կարանտինում նստել տանը: 

Առանձին շարքով ներկայացնենք դպրոցական… է՜, հեռավար ուսուցման հետ կապված կատակները, ընդգծենք, սակայն, որ մանուկների ու հատկապես տեխնիկայի հետ վաղուց ընկերացած պատանիների աշխարհից մեր աշխարհ հասնում է կատակների շատ փոքր մասը, քանի որ գոնե առաջիկայում «որոշ բաների» մասին մեծերը պիտի չիմանան. աշակերտները դրանք դեռ օգտագործում են: Դասի ժամանակ հաղորդագրություններով՝ առանց աչք թարթելու, հուշում են դասը պատասխանող ընկերներին: Գծագրերը, կառուցման առաջադրանքները, խնդիրների լուծումները «սքրինշոթով» իրար ուղարկելն ուղղակի վայրկյանի հարց է նրանց համար: Իսկ հեռավար ուսուցման հիմնական ZOOM ծրագրի գրատախտակին կարողանում են գրել միաժամանակ բոլորով՝ ամբողջ դասարանով…

Պատահում են նաեւ վիրտուալ չարություններ. 

Աշխատող ծնողները հաճախ համակարգչով աշխատելիս զուգահեռաբար իրենց 5-ամյա վարսահարդարիկների հաճախորդներն են, բժիկիկների՝ հիվանդները, ուսուցչիկների՝ աշակերտները, բայց երբեմն էլ նյարդերը տեղի են տալիս: 

Եվ ընդհանրապես, բոլորս կարոտել ենք քեզ, սիրելի՛ դպրոց:

Եվրոպայում առաջին օրը, երբ հայտարարվեց արտակարգ դրություն, զարմանքով արձանագրեցինք, որ ամենուր՝ բոլոր երկրների խանութներում դատարկվում են սննդամթերքի դարակները, իսկ Մեծ Բրիտանիայում՝ զուգարանի թղթի դարակները: Աշխարհը մի կուշտ ծիծաղեց ու արձանագրեց, որ՝ բայց, իրոք, շատ մթերք առնելուց հետո դա իրականում ամենատրամաբանական քայլ էր: Եվ ահա, ամենուր, այդ թվում՝ Հայաստանում, կտրուկ, որոշ դեպքերում 108 անգամ մեծացավ զուգարանի թղթի պահանջարկը:

 

Երեկ, երբ հայտարարվեց, որ տնից դուրս գալիս պարտադիր է ունենալ լրացված ձևաթուղթ, համացանցը հեղեղվեց լրացված կատակներով: 

Բայց ընդհանրապես այս օրերի կարևորագույն հարցն է՝ ինչպես չվարակվել կորոնավիրուսով, ամենատարածված պատասխանը վարկ վերցնելու խորհուրդն է. թույլ չեն տա՝ մեռնես՝ վստահ են փորձառու վարկառուները: Լաբորատոր հետազոտություն չանցած, բայց շատ տարածված տեսություն կա, որ կորոնավիրուսով չեն վարակվում բարիները, սակայն այլ տարբերակ էլ կա.

Բժիշկները պարբերաբար հայտարարում են, որ կորոնավիրուսն առայժմ որեւէ առանձնահատուկ բուժում չունի, բայց ժամանակ առ ժամանակ հայտնվում են «խորհուրդներ»:

Վերջում հիշենք, որ բարձր տրամադրությունը բարձրացնում է մարդու դիմադրողականությունը և մեծացնում վիրուսներին հաղթելու հավանականությունը դրանց հետ հանդիպման ցանկացած փուլում, լուրջ: Հուսով ենք՝ ձեր իմունային համակարգը մի քիչ էլ ամրացավ: Դե, ուրեմն չմոռանանք, որ կյանքում առաջին անգամ կարող ենք աշխարհը փրկել տնից դուրս չգալով, մահճակալին պառկած, համացանցը քչփորելով կամ ֆիլմ դիտելով... եկեք չտապալենք առաքելությունը:

Տպել
2899 դիտում

Կորոնավիրուսով հիվանդներից 14-ի վիճակը ծանր է, 1 անձի վիճակը՝ ծայրահեղ ծանր. նախարար

ՈՒԵՖԱ-ի նախագահը կարծում է, որ ընթացիկ մրցաշրջանը հնարավոր է չեղարկվի. BBC

Երեկվա ընթացքում 332 անձի նկատմամբ կազմվել է վարչական վարույթ՝ մեկուսացման կանոնները խախտելու համար

Կոչ եմ անում մեր բոլոր հայրենակիցներին առանձնակի ուշադիր լինել այս խմբի մեր հայրենակիցների նկատմամբ․ վարչապետ

Պարետի որոշումը խախտելու համար Երևանի Վարդանանց փողոցում գտնվող 2 շինանյութի խանութի գործունեությունը կասեցվել է

Կորոնավիրուսով հիվանդների թիվը Հայաստանում հասել է 482-ի. 58 նոր դեպք է արձանագրվել 24 ժամում

«Հայաստանում գյուղական տարածքների տնտեսական զարգացման» հիմնադրամում արձանագրվել են 618 մլն դրամի խախտումներ․ՊՎԾ

Կառավարությունն առաջարկում է կորոնավիրուսային հիվանդության հետևանքով անձի մահվան դեպքում չիրականացնել հերձում

Վարակը վաղ թե ուշ ավարտվելու է՝ տնտեսական ակտիվությանը հասցնելով շոշափելի վնասներ. Արտակ Քամալյան

ԱՄՆ-ում սովորող մի խումբ հայ ուսանողներ բաց նամակ են հղել ՀՀ կառավարությանը. դեսպանատունն արձագանքել է

Ժամը 12:00-ին տեղի կունենա կառավարության արտահերթ նիստ, կընդունվի հակաճգնաժամային եւս 3 փաթեթ. վարչապետ

ԱՄՆ-ում կորոնավիրուսից կարող է 100.000 մարդ զոհվել. այդ թվով սահմանափակվելը Թրամփը «հաջողված» կհամարի. CNN

Երգիչ Իգոր Նիկոլաեւի կորոնավիրուսային թեստի պատասխանը բացասական է. օրերս երկկողմանի թոքաբորբով դիմել էր հիվանդանոց

Թուրքիայում կորոնավիրուսով վարակվածների թիվը շուրջ 10 հազար է. մահերի թիվը հասել է 131-ի

Ոստիկաններին հայհոյել է, հարվածներ հասցրել. 28-ամյա տղամարդը ձերբակալվել է. մանրամասներ (տեսանյութ)

Ավտոմեքենան սահել է ձորը. տուժածներ չկան

Վարչապետի աշխատակազմը հրավիրում է աշխատանքի Կադաստրի կոմիտեում

ԲՏԱՆ հայտարարում է թոքերի օդափոխման սարքերի նախագծման եւ մասնակի արտադրության առաջարկների մասին

Ստեփանծմինդա-Լարս ավտոճանապարհը ձնամաքրման աշխատանքներից հետո բաց է միայն բեռնատարների համար

Վրաստանը և Ռուսաստանը Հայաստանի բեռների համար կապահովեն «կանաչ գոտի». հանդիպում ընկերությունների ղեկավարների հետ