Սկզբից ես եմ ասել, որ պետությունը պետք է աջակցի աշխատակիցներին, Գագիկ Ծառուկյանն ինձնից հետո է ասել․ Էդմոն Մարուքյան

Իմ՝ ԱԺ նիստին միայն խորհրդի անդամներով մնալու առաջարկը մտքումս ծնվել է վարչապետի երեկվա հայտարարությունից հետո։ Այս մասին այսօր խորհրդարանում լրագրողների հետ զրույցի ժամանակ ասաց «Լուսավոր Հայաստան» խմբակցության պատգամավոր Էդմոն Մարուքյանը։ Նրա կարծիքով՝ խորհրդարանի այսօրվա օրակարգում չկան այնպիսի հարցեր, որոնք հրատապ են։

«Ես առաջարկում էի ԱԺ խորհուրդը՝ ես, նախագահը, փոխխոսնակները, հանձնաժողովի նախագահները, խմբակցության ղեկավարները, մնանք շենքում, մնացածին ուղարկենք տուն եւ օպերատիվ կապի միջոցներով կապ պահենք բոլորի հետ, եւ եթե կարիք լինի, հավաքվենք, նիստ անենք։ Առաջարկը լավ չընդունվեց եւ առիթ հանդիսացավ որոշ մարդկանց համար հերոսանալու, որ իրենք կաշխատեն, բան, դե հիմա, էդպես էլ է լինում»,- ասաց պատգամավորը։

Նրա պնդմամբ՝ դիմակով պաշտպանվելն անիմաստ է, քանի որ եթե այդտեղ մի մարդ էլ հիվանդ լինի, բոլորը կվարակվեն։ «Մարդիկ ասում են՝ եթե խնդիր լինի, խորհրդարանը նիստ չի անի, եթե անում է, ուրեմն լուրջ չեն վերաբերվում, եթե լուրջ չեն վերաբերվում, քաղաքացիներն ինչո՞ւ պետք է լուրջ վերաբերվեն»,- նկատեց Մարուքյանը։

Նա մտահոգություն հայտնեց նաեւ այն քաղաքացիների մասով, որոնք այս պահին չեն աշխատում։ «Պետությանն առաջարկ ենք արել, որ ֆինանսավորի մեր աշխատող այն քաղաքացիներին, որոնք աշխատում են ամենախոցված ոլորտներում, եւ արգելվել է դրանց գործունեությունը պետական մակարդակով։ Ամբողջ աշխարհում այս մեթոդն է կիրառվում։ Պետությունն ունի ռեզերվներ եւ պիտի աջակցի, ոչ թե ասի՝ գնացեք, 0 տոկոսով վարկ վերցրեք, որն անարդյունավետ միջոց է, որովհետեւ հիմա վտանգ կա, որ բանկերն իրենց մտերիմ գործարարներին կտան այդ վարկերը, գործարարները կփակեն իրենց բարձր տոկոսով վարկերը եւ կունենան 0 տոկոսով վարկ»,- ասաց պատգամավորը՝ հավելելով, որ շրջանառու միջոցից կվճարեն աշխատավարձերը, վարկը չի հասնի այն քաղաքացուն, որը տուժած է։

Նրա պնդմամբ՝ երբ մարդիկ բանկերից բողոքում են, պետք չէ մարդկանց նորից ուղարկել բանկեր։ Ավելի արդյունավետ է հենց բանկերին տրամադրվող գումարը տալ քաղաքացիներին։ Մարուքյանը վստահ է, որ այն ընկերությունները, որոնք փակվել են կամ փակվելու վտանգ ունեն, անիմաստ են համարում այդ վարկերը, որովհետեւ չեն կարողանալու հետո վերադարձնել։

Հարցին, թե ինչպե՞ս է վերաբերում Գագիկ Ծառուկյանի այն հայտարարությանը, որ չի պատրաստվում վճարել աշխատողներին պարապուրդի համար եւ պնդում է, որ պետությունը պետք է աջակցի, Մարուքյանը պատասխանեց, որ չի կարող մեկնաբանել խոշոր ձեռնարկատերերի հայտարարությունները։

«Ես նորից եմ ասում, որ այն ոլորտները, որոնք փակվել են հատկապես պետության միջամտությամբ, պետությունը պիտի աջակցի»,- ասաց Մարուքյանը, ինչից հետո լրագրողը հարցրեց՝ այսինքն՝ կիսո՞ւմ եք Գագիկ Ծառուկյանի մոտեցումը։

«Ինչ է նշանակում՝ այսինքն՝ կիսում եք։ Դա սկզբից ես եմ ասել, Գագիկ Ծառուկյանը չի ասել, ինձնից հետո է ասել, ուղղակի տարբերությունն այն է, որ ես չունեմ հազարավոր աշխատողներ, նա ունի»,- եզրափակեց պատգամավորը։

Տպել
602 դիտում

«Նորք»-ում գրանցվեց մահվան եւս մեկ դեպք. Հայաստանում կորոնավիրուսից մահացածների թիվը դարձավ յոթ

Բոլորս պետք է լծվենք գազի գնի հայտի ուսումնասիրության հիմնավորվածությանն ու դրա գնահատականին. պատգամավոր

Դատավորը նկատողություն ստացավ «օրենքով գող» Հայկո Աստրախանսկիին երկիրը լքելու թույլտվություն տալու համար

Բելառուսը ռուսական նավթը կգնի բարելի դիմաց 4 դոլար արժեքով. հավելավճարներ չեն լինի

ԲԴԽ-ն խիստ նկատողություն է հայտարարել դատավոր Նաիրա Մխիթարյանին

Արցախում մեկուսացված 3 քաղաքացու հետազոտության արդյունքները եղել են բացասական․ ԱՀ-ում առայսօր կորոնավիրուսի դեպք չկա

«Առականի». նոր նախագիծ ԿԳՄՍ նախարարությունից

Բագրատաշենի սահմանային անցակետում հետախուզվող է հայտնաբերվել

Ռուսաստանում կարանտինային արձակուրդը կտեւի ամբողջ ապրիլ. Պուտինը նոր ուղերձով է հանդես եկել

Հայաստանում արձանագրվել է կորոնավիրուսի հետեւանքով մահվան 6-րդ դեպքը

Ներդրումային առաջարկներին մեր արձագանքի արագությունը եւ որակը պետք է էական փոփոխությունների ենթարկվի. վարչապետ

Անցկացվել են հրետանավորների գործնական պարապմունքներ․ ՊՆ

Մահակով եւ հակագազով ցուցմունք կորզելու գործով տուժողն առերեսվել է երկու մեղադրյալների հետ

Արցախում մարտին թանկացել են բժշկական դիմակը, ալյուրը, հավի ձուն, սոխը, կիտրոնն ու այլ ապրանքներ

ՊԵԿ-ը շարունակում է խրախուսել հարկերը պարտաճանաչ վճարող տնտեսվարողներին․ 4 տնտեսվարողի հավաստագիր է ուղարկվել փոստով

Ապրիլյան ագրեսիան ամրապնդել է Արցախի ժողովրդի և իշխանությունների՝ պետականության զարգացումը շարունակելու վճռականությունը

Գյումրիի խանութնրից մեկում հայտնաբերվել եւ ոչնչացվել են ժամկետանց վաֆլիներ․ ՍԱՏՄ

Օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ

Ոստիկանության Դիլիջանի ու Վարդենիսի բաժիններում քաղաքացիներն ապօրինի հրազեններ են հանձնել

Խոնարհվեցի հայրենիքի պաշտպանության ժամանակ ընկած հերոսների շիրիմների առջեւ․ Արարատ Միրզոյան