Արդեն 370 տնտեսվարող սուբյեկտների իրազեկում ենք ուղարկել, որ դադարեցնեն գործունեությունը․ ՀՀ փոխոստիկանապետ

Կոորոնավիրուսի դեմ պայքարի գործողությունների առաջին փուլը մենք սկսել էինք դեռեւս փետրվարի 23-ից։ Այս մասին այսօր կառավարությունում հրավիրված ասուլիսի ժամանակ ասաց ՀՀ ոստիկանության պետի տեղակալ Հայկ Մհրյանը։ Նա նշեց, որ այդ ժամանակ ոստիկանության պետի կողմից ստորագրվել է հրաման, որով կարգավոորվում էին միջոցառումները եւ այն ուժերը, որոնք պետք է դա իրականացնեն։

«Մենք սկսկեցինք Իրանի Իսլամական Հանրապետությունից բեռնատար մեքենաների ուղեկցումը ՀՀ տարբեր տարածքներ, եւ խնդիրն այն էր, որ թույլ չտայինք Իրանի բեռնատարների վարորդների մտնելը կոնտակտի մեջ ՀՀ քաղաքացիների հետ»,- ասաց Մհերյանը՝ հավելելով, որ այս ժամանակահատվածում ուղեկցել են մոտ 459 տրանսպորտային միջոց։ «Դրանք կատարվում էին խմբերով եւ նշված վայրից՝ նշված վայր, այսինքն՝ սահմանից դեպի տերմինալ»,- ասաց նա։

Ինչպես ներկայացրեց Մհրյանը, հաջորդ փուլով իրենք իրականացնում են այն անձանց մեկուսացումը, որոնք կարող էին լինել վարակակիր։ «Դրանից հետո իրականացր արդեն «Զվարթնոց» օդանավակայանի մասնաշենքի եւ «Ռենկո» ընկերության աշխատակիցների մեկուսացումը»,- ասաց նա։

Մհրյանը նշեց, որ երկրորդ փուլի գործողություններն սկսվեցին, երբ ՀՀ-ում հայտարարվեց արտակարգ դրություն։ Նա շեշտեց, որ այդ պահից սկսած՝ իրենց կայուն պահակակետերի ցանկն ավելացավ եւս 10-ով։

«Մենք իրականացնում ենք նաեւ ինքնամեկուսացման ենթարկված քաղաքացիների հսկողությունը՝ դա անելով հեռախոսակապի միջոցով. օրը մի քանի անգամ հատ-հատ կապվում ենք նրանց հետ, եւ եթե նրանք այդ զանգերի ընթացքում ունենում են բողոքներ, մենք անմիջապես կապվում ենք Առողջապահության նախարարություն, եւ մասնագետը մոտենում է տվյալ հասցեին»,- ասաց Մհրյանը՝ հավելելով՝ եղել են դեպքեր, որ ինքնամեկուսացման ռեժիմը խաղտողներ են եղել։ Նա շեշտեց, որ նմանատիպ դեպքերի ժամանակ կապվել են այդ քաղաքացու հետ եւ խնդրել, որ նա կատարի ինքնամեկուսացման պահանջները։

«Պարետի ցուցումով մենք հանձնարարություն ստացանք հսկողություն իրականացնել նաեւ հուղարկավորության կազմակերպման տնտեսվարող սուբյեկտների նկատմամբ եւ սերտ համագործակցություն իրականացնելով տարածքային կառավարման մարմինների հետ՝ 12 ժամ առաջ սկսեցինք տեղեկություն հավաքել այն տնտեսվարողներից, որոնք իրականացնում են տարբեր միջոցառումներ, եւ պահպանեցինք եւ պահպանում ենք 20 հոգուց ոչ ավելի հավաքվելու պահանջը»,- ասաց նա՝ հավելելով, որ Ոստիկանությունը ցուցումն ստսնալուց հետո 1351 իրազեկում է ուղարկել նմանատիպ օբյեկտների, որոնցից 1133-ը զվարճանքի եւ ժամանցի վայրեր էին, իսկ 126-ը՝ հոգեհանգստի սրահներ։

Փոխոստիկանապետը ներկայացրեց, որ երեկվա դրությամբ 115 հոգեհանգստի եւ հուղարկավորության միջոցառումներ են սպասարկվել, եւ պահպանվել է 20 հոգու սահմանափակման ռեժիմը։

«Պարետի հաջորդ ցուցումն օբյեկտների ցանկն էր, որոնք պետք է դադարեցնեին իրենց գործունեությունը։ Մենք արդեն 370 իրազեկում ենք ուղարկել այդ տնտեսվարող սուբյեկտներին, որ իրենք դադարեցնեն իրենց գործունեությունը»,- հայտարարեց փոխոստիկանապետը։

Ինչպես նշեց Մհրյանը, ՀՀ ոստիկանության հոսպիտալում եւս կազմակերպվել է կորոնավիրուսով հիվանդ քաղաքացիների բուժման պրոցես եւ այժմ այնտեղ 59 բուժվող քաղաքացի կա։

Նա շեշտեց, որ առավոտյան Ոստիկանության բոլոր բաժինների աշխատակիցներն ամբողջությամբ ստուգում են անցնում, եւ երբ հայտնաբերվում է տաքության առկայություն, տվյալ աշխատակցին ուղղորդում են բուժվարչություն եւ ինքնամեկուսացման ։

«Այժմ մենք ցուցում ունենք, որ Իրանից ստացած բեռները, որոնք ունեն խիստ անհրաժեշտության պահանջ ՀՀ-ի համար, նորից ուղեկցումները սահմանված կարգով ՃՈ-ի եւ այլ ստորաբաժանումների միջոցով են արվում»,- նշեց նա։

Ինչ վերաբերում է լրատվամիջոցներին, փոխոստիկանապետն ասաց, որ պարետի ցուցումի համաձայն՝ սոց ցանցերի կամ անհատ օգտատերերի հետ ունեցել են որոշակի գործառույթներ, որի արդյունքում հորդորել եւ խնդրել են, որ օգտատերերը կամ լրատվամիջոցները հեռացնեն այն տեղեկությունները, որոնք չեն բխում պաշտոնական տեղեկատվությունից։ Վերջում նա հավելեց նաեւ, որ այս գործողությունները ոստիկանությունն իրականացնում է 24 ժամյա ռեժիմով։

Տպել
1318 դիտում

Անցկացվել են ապահովման դասակների հրամանատարների հավաքներ. ՊՆ

Կլինեն ձգձգումներ, բայց դրանք աղետալի չեն. դատավորը՝ արտակարգ դրության պայմաններում դատարանների աշխատանքի մասին

Ժամկետային զինծառայողին մեղադրանք է առաջադրվել՝ ծառայակցին դիտավորությամբ կյանքից զրկելու համար

«Դարոյնք» կազմակերպությունում վարակվածը ոչ թե արտադրության աշխատակից է, այլ մենեջեր․ Ավետիսյան

4 երկիր, որտեղ ֆուտբոլային առաջնությունները չեն դադարեցվել

Այսօր կորոնավիրուսից բուժվածների թիվը գերազանցել է հաստատված նոր դեպքերի թվին. Բաբկեն Թունյան

Ամերիաբանկը շարունակում է ֆինանսապես սատարել ներմուծող և արտահանող ընկերություններին

Սյունիքի, Գեղարքունիքի մարզերում, Լոռու մարզի Վանաձոր քաղաքում և Դիլիջանի ոլորաններում ձյուն է տեղում

«Ծովագյուղ» եւ «Գնթունիք» սուպերմարկետ-ֆուդկորտերը սննդի մատուցման գործընթացը չէին դադարեցրել․ ՍԱՏՄ ղեկավար

Սերժ Սարգսյանը կմասնակցի Ապրիլյան քառօրյայի հանգամանքներն ուսումնասիրող հանձնաժողովի նիստին

Արվեստի դասերի անհրաժեշտ ծավալը պիտի լրացվի այն ժամանակ, երբ դրա հնարավորությունը լինի

Ռոբերտ Քոչարյանի պաշտպանն Աննա Դանիբեկյանի վերաբերյալ եւս մեկ հարցում է ուղարկել Երեւան քաղաքի դատարան

Իմբիրը թանկացրած Մեյմանդարի շուկայի էդ մարդուն ես ի՞նչ անեմ. ՏՄՊՊՀ նախագահը՝ պատգամավորներին

Ճգնաժամից հետո հանդիսատեսը նույնը չի լինելու, ինչ եղել է մինչեւ այդ. Արա Խզմալյան

Հայտարարված է երկրորդ դրամաշնորհային մրցույթը. առցանց հնարավորությամբ մշակութային նախագծերը կլինեն առավել կենսունակ

Անցած 1 օրում ՀՀ-ում գրանցվել է 14 տրանսպորտային պատահար, վնասվածք է ստացել 17 մարդ

Ամերիաբանկը կանգնած է բիզնեսի կողքին` երկարաժամկետ ֆինանսավորման նոր և ճկուն հնարավորություններով

Արցախում մեկուսացված 2 անձանցից մեկի մոտ կորոնավիրուս է հաստատվել. մեկնել էին Հայաստանից

Գնահատման օբյեկտիվության խնդիր կա, բայց մենք վստահում ենք դպրոցին. ԿԳՄՍ փոխնախարար

«Քոնթուրգլոբալ հիդրոկասկադ» ՓԲԸ-ն, որը գտնվում է քաղաք Գորիս, Գր. Տաթեւացու 2 հասցեում, հայտարարում է Մրցույթ