Լյովա Սարգսյանի արտահանձնումը Մարտի 1-ի բուն գործով օգտակարություն կունենա. Սեդա Սաֆարյան

20/03/2020 schedule20:00

11 տարվա վաղեմության ավազակային հարձակումը պատվիրելու գործով հետախուզվող նախկին պատգամավոր Լեւոն Սարգսյանի պաշտպան Աշոտ Սարգսյանը նրա արտահանձնման որոշման մասին մամուլից է տեղեկացել: ՀԺ-ի հետ զրույցում պաշտպանը նշեց, որ այդ հարցերով Սարգսյանի Մոսկվայի փաստաբանն է զբաղվում, ինքը որեւէ տեղեկություն չունի եւ երբ ծանոթանա որոշմանը, այդ ժամանակ միայն կկարողանա մեկնաբանություն անել: Մեր հարցին՝ արտահանձնման որոշումը ենթադրո՞ւմ է, որ Սարգսյանի՝ ՌԴ քաղաքացի դառնալու դիմումը մերժվել է, պաշտպանը պատասխանեց. «Նա այդ դիմումը վաղուց էր ներկայացրել՝ դեռ 2017 թվականից, ընթացքի մասին ես տեղեկություն չունեմ, բայց տրամաբանորեն երեւի թե այդ հարցը չի լուծվել, ո՞նց կարող է լուծված լինել, եթե արտահանձնում են»:

Հիշեցնենք՝ Մաքսային պետական կոմիտեի նախկին պետ Արմեն Ավետիսյանի առանձնատան վրա կատարված ավազակային հարձակումը պատվիրելու համար Լեւոն Սարգսյանը ԱԱԾ-ում քննվող քրեական գործով որպես մեղադրյալ է ներգրավվել կազմակերպված խմբի կազմում առանձնապես խոշոր չափերով գույք հափշտակելու նպատակով ավազակության և հանցավոր համագործակցությանը մասնակցելու համար: Նա հայտնաբերվել եւ ձերբակալվել էր 2019 թվականի նոյեմբերի 21-ին ՌԴ Մոսկվայի մարզի Զելենոգրադ քաղաքում, իսկ 4 օր անց ՌԴ դատարանը բավարարել էր արտահանձնելու հարցը քննարկելու շրջանակներում նրան կալանավորելու միջնորդությունը: 2020 թվականի հունվարին էլ կալանավորման ժամկետը երկարաձգվել էր: Լեւոն Սարգսյանի անունը, սակայն, շոշափվում է նաեւ Մարտի 1-ի գործի շրջանակում: Դեռեւս 2019 թվականի մայիս ամսին ՀՀ գլխավոր դատախազ Արթուր Դավթյանը ՀԺ-ի հարցին ի պատասխան՝ ասել էր, որ Ռոբերտ Քոչարյանի մեղադրանքում նշված մերձավոր անձանց թվում է նաեւ Լեւոն Սարգսյանը: Արթուր Դավթյանը մանրամասնել էր, որ խոսքը վերաբերում է օլիգարխների թիկնազորին համազգեստ բաժանելու դրվագին:

Մեր զրույցում Մարտի 1-ի գործով փաստահավաք խմբի անդամ, փաստաբան Սեդա Սաֆարյանը նշեց, որ Սարգսյանի արտահանձնումը Մարտի 1-ի՝ նախաքննությունը շարունակվող գործով որոշակի օգտակարություն կունենա. «Ես սրանով չեմ մխիթարվում, որովհետեւ կարեւոր է, որ հատկապես իրավական համակարգը  աղավաղած եւ այդ համակարգում մեծ դեր ունեցած մարդկանց եւս հանձնեն, չնայած չեմ թերագնահատում նաեւ Լեւոն Սարգսյանի դերը. Մարտի 1-ի գործով բազմաթիվ հարցեր, հանգամանքներ, մասնավորապես՝ որոշակի զենքերի հնարավոր կիրառման, դրանց պատկանելիության, սպանությունների խնդիրների հետ կապված ասելիք նա ունի, եւ այդ առիթով բազմաթիվ առերեսումներ կունենա, իհարկե, միաժամանակ կարեւոր է նաեւ ԱԱԾ-ում քննվող քրեական գործը»:

Սաֆարյանը հիշեցրեց՝ զենքերի մասին արտահայտվելիս Լեւոն Սարգսյանը դրանք պատմական է անվանել. «Զենքեր էր բերում, ասում էր՝ լավ նայեք, սրանք պատմական զենքեր են, իսկ այդպիսի բնորոշում կստանային միայն այն դեպքում, եթե դրանք կիրառված լինեին, ուրիշ պարագայում չէր կարող այն պատմական լինել, դրա համար էլ մենք կարծում ենք, որ դրանք կիրառվել են»: Սեդա Սաֆարյանի կարծիքով՝ լավ է, որ ՀՀ դատախազությունը կարողացել է նրա հարցում հետեւողականություն դրսեւորել. «Մտավախություն կա, որ Դատախազության կողմից հետամուտ լինելու սկզբունք չկա, ժողովրդի մեջ էլ է այդպիսի տրամադրվածություն, օրինակ են բերում, ասում են՝ գիտեն, չէ՞, Կոստանյանը որտեղ է դասախոսում, ինչո՞ւ չեն գնում, այնտեղից վերցնում, տանում մեր դեսպանատուն, ուզում եմ ասել՝ մարդիկ արդեն ճանապարհներն էլ են հուշում, ինչը շատ անդուր իրավիճակ է ստեղծում. երբ գիտես, որ քո երկրի իրավապահ համակարգը հետամուտ չի լինում այդ հարցը լուծելուն, հոգեբանորեն է ծանր իրավիճակ առաջանում այսօրվա՝ հեղափոխական իրավիճակից հետո»:

Անդրադառնալով Լեւոն Սարգսյանի քաղաքացիության դիմում ներկայացնելուն, Սաֆարյանն ասաց, որ միայն այն հանգամանքը, երբ քաղաքացիության հարց են ուզում լուծել մեկ այլ երկրում քրեական պատասխանատվությունից խուսափելու նպատակով, պիտի արդեն մերժման հիմք լինի. «Այդ առումով չեմ բացառում, որ նրան մերժած լինեն, բայց հակված չեմ նաեւ այս որոշումը բացառապես դրանով պայմանավորել»: Ընդհանուր առմամբ, արտահանձնումների գործընթացներում ընտրելիության սկզբունքը Սաֆարյանի համար ընդունելի չէ. «Այդ տարանջատումը, որ կարելի է, օրինակ, Վահագն Հարությունյանին, Միհրան Պողոսյանին, Գեւորգ Կոստանյանին չհանձնել, բայց Լեւոն Սարգսյանին հանձնել, էլի օրինական չեմ դիտարկում, բայց, դե, երեւի այն բազմաթիվ հայտարարությունները, որ ՌԴ-ն մշտական վարք է դրսեւորում ՀՀ-ի կողմից փնտրվող անձանց պաշտպանության տակ առնելու առումով, հասկացրել է, որ երկու պետությունների միջեւ իրավական հարթության վրա խնդիրները չլուծելը հանգեցնելու է քաղաքական հայտարարությունների»: Ըստ Սեդա Սաֆարյանի՝ այնպիսի տպավորություն է, որ ՌԴ-ն իր մեծ ազդեցության ոլորտը ի վնաս մեր ազգի է օգտագործում. «Չեն տալիս ու վերջ, չեն տալիս, իսկ մենք այլ լծակներ այդ առումով չունենք, բացի օրինական ընթացակարգերով բողոքարկումը»:

Լեւոն Սարգսյանի արտահանձնումը, Սաֆարյանի խոսքով, շատ չի ուշանա. օրենքը դրա համար տասնօրյա ժամկետ է նախատեսում. «Ես չգիտեմ՝ կարող են բողոքարկել, չեն կարող, չեմ կարծում, թե ինչ-որ մեկը շահագրգիռ կլինի այդ որոշումը բողոքարկել, բացի այն անձից, ում արտահանձման խնդիրն է դրված, եւ չեմ էլ կարող ասել՝ Լեւոն Սարգսյանը ցանկանո՞ւմ է գալ Հայաստան թե՞ ցանկանում է այդ կարգավիճակով մնալ այնտեղ՝ անորոշության մեջ թողնելով իր կողմից տրվելիք ցուցմունքների ճակատագիրը»:

Տպել
969 դիտում

Վանաձորում մեքենան բախվել է շինության պատին. վարորդը տեղում մահացել է (լուսանկարներ)

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող

Համավարակը սահման և ազգություն չի ճանաչում. այն ազդեցություն է թողել յուրաքանչյուրիս վրա. Մհեր Գրիգորյանն ուղերձ է հղել

Հասարակության «լրջության կորագիծը»

Մոսկվա-Երևան չարտերային հերթական թռիչքը կկայան վաղը՝ մայիսի 31-ին՝ «Դոմոդեդովո» օդանավակայանից

Սեպտեմբերին մենք կարող ենք դասերը լիարժեք սկսել, սակայն պետք է խստագույնս հետևենք ցուցումներին. ԿԳՄՍ նախարար (տեսանյութ)