Վանաձորում կարի ֆաբրիկայի աշխատակցին կորոնավիրուսի կասկածանքով տեղափոխել են ստուգման

ՀԺ-ի տեղեկություններով՝ բժիշկների հատուկ անձնակազմը կորոնավիրուսով վարակված լինելու կամ կոնտակտավոր համարվելու պատճառով այսօր Վանաձորից մի քանի հոգու տեղափոխել է բժշկական հաստատություններ: Ըստ աղբյուրի՝ տեղափոխվածներից մեկը Վանաձորի «Գլորիա» կարի արտադրամասի աշխատակիցն է: «Առավոտյան շտապօգնության մեքենան եկավ, համապատասխան հանդերձանքով մտան տարածք ու ինչ-որ մեկին տարան իրենց հետ»,- հայտնեց մեր աղբյուրը՝ նշելով, որ տվյալ քաղաքացին իտալացի է: Մեկ այլ աղբյուրի փոխանցմամբ՝ կարի արտադրամասից տեղափոխվածը գործարանի հայ աշխատակից է:

Այն, որ արտադրամասից մարդ է տեղափոխվել, փաստեցին տարածքում գտնվողները: ՀԺ-ի հետ զրույցում «Գլորիա» կարի ֆաբրիկայի տնօրեն Բագրատ Դարբինյանն սկզբում հերքեց, թե իրենց արտադրամասից այդ կորոնավիրուսի պատճառով մարդ է տեղափոխվել: «Շտապօգնություն, այո՛, եկել է,- ասաց տնօրենը,- բայց 2600 մարդ է աշխատում, ամեն օր էլ գալիս է շտապօգնության մեքենա, մարդիկ են, իրենց նաեւ վատ են զգում»: Դարբինյանը տարածված լուրերն սկզբում կապում էր գործարանի մրցակիցների հետ, հետո, սակայն, ասաց՝ իսկապես մարդ է տեղափոխվել, որը կոնտակտային անձ է, շփվել է Իտալիայից ժամանած իրենց աշխատակիցներից մեկի հետ. «Մի հատ իտալացի էր եկել, որին օդանավակայանից անմիջապես մեկուսացրել էին, բայց մարդը ո՛չ տաքություն ուներ, ո՛չ էլ ոչ մի բան, տարան, 14 օր կարանտինում պահեցին, պարզվեց՝ մաքուր է թեստը»:

Բագրատ Դարբինյանի խոսքով՝ բացի այս 1 իտալացուց, եւս մեկ իտալացի է եկել գործարան, որը երեկ իրեն լավ չի զգացել, դիմել է բժշկական հաստատություն, այնուհետ արդեն եկել են գործարան այն անձի հետեւից, ում հետ անմիջական շփում է ունեցել: Արտադրամասի տնօրենը վստահեցրեց՝ մինչ օրս կարանտինում գտնվող, ինչպես նաեւ երկրորդ իտալացու մոտ ախտանշաններ չեն եղել, լինելու դեպքում, առաջինը իրենք կմտածեն արտադրամասը փակելու մասին. «Մենք էլ ենք շփվում, մենք էլ չենք ուզի վիրուս տանել մեր տուն»:

Թե ինչ կանխարգելիչ միջոցառումներ են իրականացվում, հիվանդության կամ հիվանդ մարդկանց մուտքը գործարան կանխելու, ինչպես նաեւ կանխարգելիչ այլ գործողություններ անելու համար, հուզում է գործարանի բազմաթիվ աշխատակիցների: ՀԺ-ն այսօր մի քանի հեռախոսազանգ է ստացել աշխատակիցներից, ովքեր նշում են, որ գործարան պարբերաբար Իտալիայից ժամանած մարդիկ են գալիս, որոնք կարող են նաեւ վարակակիրներ լինել:

Այս ամենից բացի, մեր աղբյուրի փոխանցմամբ՝ Վանաձորից եւս 2 հոգու են տեղափոխել ստուգման, ովքեր վերջերս են վերադարձել Իտալիայից: Նրանցից մեկը, ըստ մեր աղբյուրի, դպրոցի տնօրեն է:

ՀԺ-ն ժամեր շարունակ փորձեց պարզաբանումներ ստանալ առողջապահության նախարարության լրատվական ծառայությունից, որտեղից, սակայն, միայն խոստանում են ճշտել տեղեկատվությունը:

Հ.Գ

Նյութի հրապարակումից րոպեներ անց առողջապահության նախարար Արսեն Թորոսյանի մամուլի խոսնակ Ալինա Նիկողոսյանը ֆեյսբուքյան իր էջում տեղեկացրեց, որ Վանաձորի ինֆեկցիոն հիվանդանոց է տեղափոխվել 5 քաղաքացի, որոնք ունեցել են որոշակի գանգատներ:

Նրանցից վերցվել են նմուշառումներ, որպեսզի կատարվի թեստավորում:

Տպել
10108 դիտում

Բարձրաստիճան պաշտոնյաների պարգեւավճարային ֆոնդը կազմում է 1 միլիարդ դրամ. կառավարությունը պարզաբանում է

ՎՏԲ – Հայաստան Բանկը կվճարի հրատապ միանվագ աջակցության գումարներ

Սկսվել է Երևան-Մոսկվա երկրորդ հատուկ չվերթի հաշվառումը (տեսանյութ)

Դատախազության միջնորդությամբ 9 անձի խափանման միջոց փոխվել է. կորոնավիրուսով պայմանավորված՝ նրանք ազատ են արձակվել

Այս տարի վերջին զանգը կունենա բոլորովին այլ նշանակություն, քննությունը կարող է լինել էլեկտրոնային. Ժաննա Անդրեասյան

Սամվել Բաբայանը նախագահական ընտրությունների երկրորդ փուլում ոչ մեկին չի սատարի

Տարեց և անժառանգ արվեստագետների համար աջակցության ծրագրեր են նախատեսվում

Հանրային հետաքրքրությունը մշակույթի հանդեպ շեշտակի աճել է. Արա Խզմալյան

Այսօրվանից ջերմաստիճանը կնվազի 6-8, որոշ տեղերրում՝ 12-15 աստիճանով, տեղումներ են սպասվում

Սիրելի մայրեր ու դուստրեր, այս դժվարին և բարդ պայմաններում առավել ուշադրություն ցուցաբերեք ձեր ընտանյաց անդամներին

«Վանաձոր» ՔԿՀ-ում-ում փորձել են քրեական հեղինակություններով խնդիրներ պարզել, այլ ՔԿՀ-ում արգելված իրեր են տարվել

Ռոբերտ Քոչարյանը դատի է տվել Նիկոլ Փաշինյանին․ նա 2 միլիոն դրամ փոխհատուցում է պահանջում

Բացահայտվում են հեռավար կրթության նոր հեռանկարներ, որ կգործարկվեն նաև արտակարգ դրության ավարտից հետո

Սերժ Սարգսյանի եղբորորդին՝ Նարեկ Սարգսյանը, կմնա կալանավորված. դատարանը մերժել է պաշտպանի բողոքը

ՊՎԾ-ն խնդիրներ է արձանագրել հանրային հատվածի կազմակերպություններում աուդիտի գնման գործընթացներում

«Արմենիա» ավիաընկերությունը չեղարկում է մինչև ապրիլի 30-ը ներառյալ բոլոր չվերթները

Արքան մերկ է. գերմանացի բժշկագետը ուռճացված է համարում կորոնավիրուսի վտանգավորությունը

Yandex.Taxi-ն կորոնավիրուսից տուժած վարորդներին աջակցություն ցուցաբերելու համար հիմնադրամ է գործարկում

Գործարկվել է սոցիալական աջակցության www.online.ssa.am կայքը. աջակցությունը պետք է ստանալ բանկից

Ջերմորեն շնորհավորում եմ բոլոր մայրերին եւ մայրության բերկրանքին սպասող մեր քույրերին. Մարության