Ծեծի հետևանքով մահացած 43-ամյա կինը առաջին անգամ չէ, որ մեղադրյալի կողմից բռնության է ենթարկվել. դատախազը մանրամասնում է

Գյումրիում մարտի 5-ին կատարված աղմկահարույց սպանության դեպքով կալանավորված 28-ամյա երիտասարդը գրանցված է եղել Գյումրու հոգեկան առողջության կենտրոնում: Նաեւ նախկինում եղել է 4 անգամ դատապարտված՝ 2 անգամ՝ հափշտակության, 1 անգամ՝ սպանության սպառնալիքի, 1 անգամ անձին մարմնական վնասվածք հասցնելու համար (մարմնական վնասվածք ստացողը 43-ամյա Մարինեն չի եղել): Այս մասին այսօր լրագրողների հետ զրույցում ասաց Շիրակի մարզի դատախազ Կարեն Գաբրիելյանը:

Հարցին, արդյոք հոգեկան առողջության կենտրոնում գրանցված լինելու պարագայում քննարկվում է ենթադրյալ հանցագործի մեղսունակության խնդիրը, դատախազն ասաց՝ այո՛, կնշանակվի դատահոգեբուժական փորձաքննություն: Նաեւ նշեց, որ նախկինում նրա նկատմամբ հարուցված քրեական գործերի շրջանակներում նշանակված են եղել դատահոգեբուժական փորձաքննություններ, եւ բոլորի արդյունքներով էլ փաստվել է, որ տղան մեղսունակ է: 

Դատախազի խոսքով՝ մարտի 5-ին ծեծի հետեւանքով մահացած 43-ամյա Մարինեն պարզվում է՝ առաջին անգամ չէ, որ այդ երիտասարդի կողմից բռնության է ենթարկվել: 2016 թվականին կրկին միջադեպ է եղել, կինը սկզբում բողոք է ներկայացրել ոստիկանություն, հարուցվել է քրեական գործ ՀՀ ՔՕ 113 հոդվածի հատկանիշներով (Դիտավորությամբ առողջությանը միջին ծանրության վնաս պատճառելը): Քրեական գործը, սակայն, ըստ դատախազի, հաշտության հիմքով կարճվել է: Տուժողը բողոքը ետ է վերցրել, իսկ այդ պայմաններում անձին մեղադրանք առաջադրելու հիմք առկա չի եղել:

Եթե պարզվի, որ այդ դեպքից բացի, նախկինում կրկին բռնության դրսեւորումներ են եղել, եւ ոստիկանությունն օրենքով նախատեսված կարգով չի արձագանքել դրանց, դատախազը խոստացավ, որ քրեաիրավական գնահատական կտրվի ոստիկանության աշխատակիցների արարքին:

Ենթադրյալ հանցագործը մինչ այս պահը ցուցմունք չի տվել, փորձաքննությունից շարունակում է հրաժարվել, առաջադրված մեղադրանքը չի ընդունում, իրեն մեղավոր չի ճանաչում: Ըստ դատախազի, սակայն, նրան մեղադրանք առաջադրելու բավարար հիմքեր ունեն: «Հանցագործություն կատարածի մայրը, հայրը հարցաքննվել են եւ տվել այնպիսի ցուցմունքներ, որոնք վկայում են, որ նշված անձը դիտավորությամբ մարմնական վնասվածքներ է հասցրել տուժողներին: Դեպքից հետո է կատարողը զանգել, մորը կանչել: Մայրը գնացել է, եւ տղան մոր ներկայությամբ խոստովանել է կատարածի մասին»,- ասաց դատախազը:

Ծեծից տեւական ժամանակ հետո է տղան մորը զանգել: Դեպքը տեղի է ունեցել մարտի 5-ին՝ ժամը 02:00-ի սահմաններում, սակայն տուժողի մահը, ըստ դատախազի, արձանագրվել է ժամը 14:30-ի սահմաններում: «Դրա համար ենք առաջադրել ծանր մարմնական վնասվածք, որն անզգուշությամբ առաջացրել է տուժողի մահը: ՔՕ-ն այս առաջադրված մեղադրանքով 5-ից 10 տարի պատիժ է նախատեսում, սակայն դա նախնական է: Երբ կստանանք դիակի եւ երեխայի դատաբժշկական փորձաքննությունների արդյունքները, կքննարկենք այդ հարցը»:

Այս պահին ենթադրյալ հանցագործին մեղադրանք է առաջադրված ՀՀ քրեական օրենսգրքի 112-րդ հոդվածի (դիտավորությամբ առողջությանը ծանր վնաս պատճառելը) 2-րդ մասի (երկու կամ ավելի անձանց նկատմամբ) 1-ին և 14-րդ (անզգուշությամբ առաջացնելով տուժողի մահ) կետերով: Բայց եթե գործի քննության ընթացքում այլ հանգամանքներ ի հայտ գան, հնարավոր է, որ փոխվի մեղադրանքը: Ըստ դատախազի՝ եթե տրված հանձնարարականների արդյունքում պարզվի, որ մահացած կինը, կամ նրա անչափահաս դուստրը, կամ երկուսը միասին պարբերաբար բռնության են ենթարկվել այդ անձի կողմից, ապա չի բացառվում, որ մեղադրանք կառաջադրվի նաեւ խոշտանգման համար:  

Գործում առկա նախնական տեղեկատվությամբ՝՝ սկզբում մայրն է ծեծի ենթարկվել: Վիճաբանությունը ծագել է խանդի հողի վրա: Աղջիկը միջամտել, թույլ չի տվել, որ տղամարդը մորը հարվածի, ինչի հետեւանքով նա եւս ստացել է մարմնական ծանր վնասվածքներ: Դատախազն ասաց՝ երկուսին էլ տղամարդը բռունցքներով է հարվածել: Վերջինիս ձեռքերի համապատասխան հատվածներում հայտնաբերվել են մարմնական վնասվածքներ: «Դեպքի վայրում չենք հայտնաբերել այնպիսի հետքեր ու առարկաներ, որոնց վրա առկա լինեին նմուշներ, մազեր, որոնք թույլ կտային ենթադրել, որ հարվածները գուցե դրանցով են հասցվել»,- պարզաբանեց Կարեն Գաբրիելյանը:

Գյումրիում նաեւ շրջանառվում են խոսակցություններ, որ երեխան հնարավոր է նաեւ՝ սեռական բռնության է ենթարկվել: ՇՄ դատախազն ասաց՝ այս պահին քրեական գործում նման տվյալներ չկան, սակայն դա եւս քննության առարկա կարող է դառնալ, միայն թե այն պահից, երբ հարցաքննվի աղջիկը:  

Հիշեցնենք, որ մարտի 5-ին՝ ժամը 14:50-ին, Գյումրիի Պռոշյան 14 հասցեում հայտնաբերվել էր 43-ամյա կնոջ դի: Նույն տնից մարմնական վնասվածքներով հիվանդանոց էր տեղափոխվել 2007 թվականին ծնված երեխա:

Տպել
3359 դիտում

Տոկիո-2020. Ըմբիշ Արսեն Հարությունյանը պարտվեց առաջին գոտեմարտում (տեսանյութ)

Տոկիո-2020. Արթուր Ալեքսանյանի և Սիմոն Մարտիրոսյանի պարգևատրման արարողությունը (տեսանյութ)

Տոկիո-2020. Սիմոն Մարտիրոսյան. Հավանաբար էլ չի ստացվում քաշ գցել

Տոկիո-2020. Սիմոն Մարտիրոսյանը՝ օլիմպիական խաղերի փոխչեմպիոն (տեսանյութ)

Տոկիո-2020. Ծափահարություններ մրցավարներին. Արթուր Ալեքսանյանը՝ օլիմպիական խաղերի փոխչեմպիոն (տեսանյութ)

Տոկիո-2020. Հեռացատկորդ Լևոն Աղասյանն ավարտեց պայքարը (տեսանյութ)

Ճապոնական կարգապահությունն ու Օլիմպիական խաղերը. հայացք Տոկիոյից

Տոկիո-2020. Մրցավարներն ըմբիշ Կարեն Ասլանյանից խայտառակ կերպով խլեցին կիսաեզրափակչի ուղեգիրը (տեսանյութ)

Տոկիո-2020. Հովհաննես Բաչկովը վստահ հաղթանակ տարավ ու դուրս եկավ կիսաեզրափակիչ (տեսանյութ)

Տոկիո-2020. Արթուր Դավթյանի պարգևատրման արարողությունը (տեսանյութ)

Հեղափոխությունից հետո Հայաստանում հաստատված անգլիացի կենսաթոշակառուն գրախանութ է բացել. այնտեղ իր հին ու թանկ գրքերն են

Տոկիո-2020. Արթուր Դավթյան. «Եթե մարզաձևի պայմանները Հայաստանում բավարար լինեին, կարող էր ավելի մեծ հաջողություն լինել»

Գերությունից վերադարձած Արեգն օգնության կարիք ունի

ՍԴ-ն հակասահմանադրական է ճանաչել «Բարձագույն կրթության և գիտության մասին» օրենքի որոշ դրույթներ

Տոկիո-2020. Մարմնամարզիկ Արթուր Դավթյանն առաջին մեդալը նվաճեց Հայաստանի համար (տեսանյութ)

Տոկիո-2020. Արթուր Ալեքսանյանը վնասվածք ստացավ, բայց կարողացավ դուրս գալ եզրափակիչ (տեսանյութ)

Տոկիո-2020. Ըմբիշներ Կարապետ Չալյանն ու Արթուր Ալեքսանյանը կիսաեզրափակչում են (տեսանյութ)

Տոկիո-2020. Արթուր Ալեքսանյան և Կարապետ Չալյան. Ռևանշի ցանկությամբ

Տոկիո-2020. Արմեն Մելիքյանը մեկ հաղթանակ տարավ ու մեկ պարտություն կրեց (տեսանյութ)

Տոկիո-2020. Արման Դարչինյանը պարտվեց նոկաուտով (տեսանյութ)

Ճամբարներում իրականացվել են առողջ ապրելակերպի խթանմանն ուղղված իրազեկման աշխատանքներ

Նպատակ կա ՀՀ բոլոր բնակավայրերը միացնել լայնաշերտ ինտերնետ կապին. Հայկ Չոբանյան (տեսանյութ)

Ալավերդու համայնքապետարանը սոցիալական խմբերին արժեթղթեր է տալիս, և նրանք ստիպված են գնումներ կատարել կոնկրետ խանութից

Թուրքիան անտառային հրդեհների ճիրաններում է հայտնվել

Այն ինչ հիմա պետք է մեր երկրին, կրթված հասարակությունն է. Արամ Հայրյան

Մասիսում անասնագոմ է այրվել

ԱԹՍ օդանավակայան կառուցելու համար անհրաժեշտ գումարը հավաքվեց 15 օրում. այն կկառուցվի Լեռնապատ համայնքում

Մինչև տարկետում տալու որոշում է կայացվում, օլիմպիադան ավարտվում է. ԿԳՄՍՆ համագործակցելու պատրաստակամություն է հայտնում

ԱՄՆ կոնգրեսականը հորդորել է Ադրբեջանին անհապաղ դուրս գալ Հայաստանի տարածքից և դադարեցնել բռնությունը. «Արմենպրես»

Գագիկ Ջհանգիրյանը շրջայց է կատարել մարզերի ընդհանուր իրավասության դատարաններում (տեսանյութ)

Իրանում Էկոնոմիկայի փոխնախարարը քննարկել է դեղագործության ոլորտում ներդրումային ծրագրեր իրականացնելու հնարավորությունը

10 հազար դոլարի փոխարեն 2 հազար դոլար. քթի պլաստիկ վիրահատության համար օտարերկացիները գալիս են Հայաստան

Մեկնարկել են Condor ավիաուղիների Ֆրանկֆուրտ-Երևան-Ֆրանկֆուրտ երթուղով չվերթերը

Օդի ջերմաստիճանը կբարձրանա 2-ից 3 աստիճանով

Կրակոցներ Երևանում, կասկածյալներից 3-ը եղբայրներ են. shamshyan.com

Երևան քաղաքապետարանի պատվիրած ավտոբուսներն ուղևորվել են Շանհայի նավահանգիստ, ՀՀ կհասնեն հոկտեմբերին (լուսանկարներ)

Վաղը ներհանրապետական էլեկտրագնացքներով երթևեկություն կլինի անվճար՝ բացառությամբ Երևան-Գյումրի էքսպրեսների

Կարգալույծ է հռչակվել Տեր Պետրոս աբեղա Ազարյանը

Երևանում անցկացվել է Ատոմյաին տեխնոլոգիաների երեկո

Բողոքի նամակ համաշխարհային ճանաչում ունեցող հայագետներից. ՀՀ-ն չի ընդգրկվել միջազգային գիտաժողովի մասնակիցների ցանկում