Աշակերտների դասագրքերը 2 մասի բաժանելու արդյունավետությունը գնահատելու նպատակով հարցում է անցկացվել

Մարտի 12-ին ՀՀ ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի անդամ, ՀՀ ԱԺ «Իմ քայլը» խմբակցության պատգամավոր Լիլիթ Ստեփանյանի նախաձեռնությամբ տեղի է ունեցել աշխատանքային քննարկում «Դասագրքերի եւ տեղեկատվական հաղորդակցման տեխնոլոգիաների շրջանառու հիմնադրամի» ներկայացուցիչների հետ: Մասնակցել են հանձնաժողովի նախագահի տեղակալ Հովհաննես Հովհաննիսյանը, հանձնաժողովի անդամ Աննա Կոստանյանը, կրթության ոլորտի պատասխանատուներ, հայաստանյան տարբեր դպրոցների տնօրեններ, ուսուցիչներ:

Լիլիթ Ստեփանյանը ներկայացրել է աշխատանքային քննարկման անհրաժեշտությունը՝ նշելով, որ դեռեւս 2018թ-ին ՀՀ առողջապահության նախարարության համապատասխան որոշմամբ սահմանվել էին աշակերտների պայուսակների տարողության թույլատրելի կիլոգրամներն ըստ տարիքի՝ հաշվի առնելով ծանրությունից եւ անհարմարավետությունից առաջացող մի շարք առողջական հետեւանքները:

Հարցի վերաբերյալ «Դասագրքերի եւ տեղեկատվական հաղորդակցման տեխնոլոգիաների շրջանառու հիմնադրամը» հայաստանյան մի շարք մարզերում կատարել է մշտադիտարկումներ. ծնողների գնահատմամբ՝ պայուսակի մինիմում քաշը կազմում է 6 կգ, որի գերակշիռ մասը դասագրքերն են: Այն հարցին, թե ինչպիսի պայուսակներ են նախընտրում գնել, ծնողները հիմնականում պատասխանել են՝ հարմարավետ, որակյալ: Հարցվածների քիչ մասն է միայն պատասխանել՝ օրթոպեդիկ:

Հիմնադրամի տնօրեն Գոռ Գասպարյանի խոսքով՝ դասագրքերը 2 մասի բաժանելու վերաբերյալ կարծիքները պարզելու եւ դրա արդյունավետությունը գնահատելու նպատակով Երեւան քաղաքի, Լոռու եւ Սյունիքի մարզերի 5-12-րդ դասարանների աշակերտների ծնողների շրջանում եւս անցկացվել է սոցոլոգիական հարցում: Արդյունքում հարցվածների 51 տոկոսը պատրաստ է եղել պայուսակի ծավալը նվազեցնելու նպատակով 2 մասից բաժանված գրքերի համար վճարել:

Քննարկման մասնակիցները ներկայացրել են առաջարկներ, մասնավորապես գրքերն աշակերտներին 2 օրինակից տրամադրելու վերաբերյալ՝ մեկ օրինակը դպրոցում թողնելու նպատակով: Առաջարկ է հնչել նաեւ դասագրքերի բովանդակությունը թեթեւացնելու վերաբերյալ:

Պատգամավորները հույս են հայտնել, որ բարձրացված հարցերը կստանան լուծումներ:

Տպել
433 դիտում

Վարդենյաց լեռնանցքը փակ է, տարբեր մարզերում ձյուն է տեղում

Դանակահարություն Երևանում. 28-ամյա քաղաքացին խոստովանական բացատրություն է տվել

Ձեր կողմից չօգտագործվող սարքերը նվիրե՛ք դրա կարիքն ունեցող երեխաներին. ԿԳՄՍ-ն դիմում է քաղաքացիների օգնությանը

Վրաստանում կորոնավիրուսից մահվան առաջին դեպքն է գրանցվել. AliQ.Media

Անցած շաբաթ հակառակորդը հրադադարի պահպանման ռեժիմը խախտել է ավելի քան 170 անգամ

Զինծառայող Գարեգին Բաբակեխյանին դիտավորությամբ կյանքից զրկելու կասկածանքով ձերբակալվել է համածառայակիցը. ՀՀ ՔԿ

Ապրիլի 3-ից 4-ը ոստիկանությունն արձանագրություն է կազմել 477 անձի նկատմամբ

Կառավարության գործունեությունը վերածվել է հակաճգնաժամային օպերատիվ շտաբի գործունեության. վարչապետ (տեսանյութ)

Ե՞րբ COVID-19-ը կարող է ավարտել իր կենսաբանական ցիկլը. doctors.am

Ապրիլի 6-ին ՌԴ-ից Հայաստան վերադարձող քաղաքացիները կենթարկվեն 14-օրյա պարտադիր կարանտինային ռեժիմի. Ալեն Սիմոնյան

Հանրության վստահությունը լուրջ ռեսուրս է

Ոստիկանությունը մարդկանց ազատ տեղաշարժի իրավունքի սահմանափակումների մասին տեսանյութ է հրապարակել

ԱՀ ոստիկանությունում ընտրախախտումների վերաբերյալ 9 հաղորդում է ստացվել

Օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ

Հայաստանում կորոնավիրուսով վարակվածների թիվը հասել է 770-ի, բուժված է համարվում 43 մարդ

Ռազմական ինստիտուտի մոտակայքում 22-ամյա վարորդը դուրս է եկել երթևեկելի գոտուց և բախվել 3 տարբեր մեքենաների

Կապան-Նորաշենիկ ճանապարհին ավտոմեքենան ձորն է գլորվել. վարորդի վիճակը ծանր է

Հանրապետության հինգ մարզում ձյուն է տեղում

Սուրբ Սարգիս մատուռի մոտակայքում ավտոմեքենան կախվել է դեպի մոտակա ձորակը

«Ռեդ Վինգս» ավիանկերությունը ձեռք է բերել մեկանգամյա Մոսկվա-Երեւան չարտերային թռիչք կազմակերպվելու թույլտվություն