21-րդ դարն ա, բայց միջնադարյան սայլի ճանապարհներ են. Մոտկորի գյուղախմբի բնակիչ

«Քանի հարս է էս ճանապարհներին ծննդաբերում, սկոռին ա դաժե մի կերպ տեղ հասնում, 6000-ից ավելի բնակիչ կա էս 6 գյուղերում, մեղք էլ ենք մենք, մեր հույսը վարչապետն ա, տեսնում ենք՝ բոլոր մարզերում ինչ ճանապարհաշինություն ա գնում, հիմա եկել խնդրում ենք վարչապետին՝ գա մեր Մոտկորի գյուղեր, իր աչքով տեսնի ու որոշի՝ արժե սարքել էս ճամփեքը, թե ոչ»,- լրագրողների հետ զրույցում ասաց Լոռու մարզպետարանի բակում այսօր բողոքի ցույցի մասնակիցներից Շամուտ բնակավայրի վարչական ղեկավարը. «Մեր պահանջն էս մի կտոր՝ 28 կմ ճամփեն սարքելն ա… էսքան տարի մենակ փողերի հարթեցում են արել, ոչ թե՝ ճանապարհների»:

Թումանյան խոշորացված համայնքի կազմի մեջ են Քարինջ, Մարց, Լորուտ, Ահնիձոր, Շամուտ եւ Աթան բնակավայրերը: Թումանյանից մինչեւ վերջին գյուղ՝ Աթան հասնող ճանապարհի երկարությունը 28 կմ է:

Աթանի բնակիչ Տիգրան Քոչարյանի խոսքով՝ ճանապարհների վիճակն անտանելի է, անբարեկարգ ճանապարհներին գումարվել է սողանքը. «Մեր աշխատած փողերը մենակ ավտո սարքելուն ենք տալիս. կա՛մ պետք է ճանապարհ լինի, կա՛մ պետք է լքենք գյուղը, հոգնել ենք արդեն: Երթուղային տրանսպորտն էլ հանվեց, պատճառն էլի ճանապարհներն էին: Մարդիկ գյուղմթերք են արտադրում, մինչեւ հասցնում են Թումանյան՝ փչանում է, 28 կմ ճանապարհը 2 ժամում չենք հասնում»:

Բնակիչները ցանկացան, որ մարզպետ Անդրեյ Ղուկասյանն իջնի բակ ու լսի իրենց պահանջը: Մարզպետարանից էլ առաջարկեցին՝ 3 հոգով բարձրանան մարզպետի աշխատասենյակ: Առաջարկը, սակայն, չընդունվեց, գյուղացիների խոսքով՝ 5 մետր իջնելը բարդ չէ: Շուրջ կես ժամ հետո հանդիպման իջավ մարզի ղեկավարը, որին եւս գյուղացիները ներկայացրին ճանապարհներին տիրող իրավիճակը. «Ոչ միայն կենսական, այլ նաեւ ռազմավարական նշանակության ճանապարհներ են, 21-րդ դարում ենք ապրում, բայց միջնադարյան սայլի ճանապարհներ են: Աստված չանի՝ հիվանդանոց հասցնելու հարց լինի… ողբերգական ավարտ ենք ունենում: Տարվա սկզբին մեծ հույսեր ունեինք, որ 500 կմ նորոգվող ճանապարհի մեջ մեր ճանապարհներն էլ կլինեն, բայց, փաստորեն, չկան: Հիասթափված ու տարակուսած ենք: Մենք ուզում ենք իմանանք՝ որն է պատճառը, որ մեր կառավարությունն անտեսել է մեզ: Մեր այդ ճանապարհը, 6 գյուղերը նաեւ տնտեսապես զարգացնող ճանապարհ է, տնտեսության ու տուրիզմի զարգացումից է խոսվում, բայց նման ճանապարհով ոչինչ չի զարգանա: Ակնկալում ենք վարչապետի միջամտությունը, որպեսզի վերանայի իր որոշումը, եւ մեր ճանապարահներն էլ այս տարի հիմնանորոգվեն»,- մարզպետին ներկայացրին գյուղացիները, ինչին ի պատասխան՝ Ղուկասյանն ասաց, որ հիշյալ ճանապարհը ներառված է 2021 թ.-ի հիմնանորոգվող ճանապարհների ցանկում. «Եթե տարվա ընթացքում կլինեն փոփոխություններ կամ տնտեսումներ, չի բացառվում, որ ինչ-որ բան փոխվի, բայց այն, որ 2021-ի մեջ ներառվել է, դա արդեն վկայում է այն մասին, որ թե՛ ես, թե՛ կառավարությունը տեղյակ ենք այդ ճանապարհի խնդրի ու կարեւորության մասին: Տասնյակ տարիներ այդ վատ ճանապարհով երթեւեկել եք եւ նախկին տարիների ընթացքում անգամ հույս չեք ունեցել,  որ երբեւէ կվերանորոգվի, բայց այսօր ծրագրում կա, ինչը, ըստ իս, արդեն մեծ բան է»,-ասաց մարզպետը՝ նշելով, որ մինչ հիմնանորոգումը պատկան մարմինները պարբերաբար հարթեցումներ կանեն:

Տպել
500 դիտում

Հայտարարված է երկրորդ դրամաշնորհային մրցույթը. առցանց հնարավորությամբ մշակութային նախագծերը կլինեն առավել կենսունակ

Անցած 1 օրում ՀՀ-ում գրանցվել է 14 տրանսպորտային պատահար, վնասվածք է ստացել 17 մարդ

Ամերիաբանկը կանգնած է բիզնեսի կողքին` երկարաժամկետ ֆինանսավորման նոր և ճկուն հնարավորություններով

Արցախում մեկուսացված 2 անձանցից մեկի մոտ կորոնավիրուս է հաստատվել. մեկնել էին Հայաստանից

Գնահատման օբյեկտիվության խնդիր կա, բայց մենք վստահում ենք դպրոցին. ԿԳՄՍ փոխնախարար

«Քոնթուրգլոբալ հիդրոկասկադ» ՓԲԸ-ն, որը գտնվում է քաղաք Գորիս, Գր. Տաթեւացու 2 հասցեում, հայտարարում է Մրցույթ

Բարձրաստիճան պաշտոնյաների պարգեւավճարային ֆոնդը կազմում է 1 միլիարդ դրամ. կառավարությունը պարզաբանում է

ՎՏԲ – Հայաստան Բանկը կվճարի հրատապ միանվագ աջակցության գումարներ

Սկսվել է Երևան-Մոսկվա երկրորդ հատուկ չվերթի հաշվառումը (տեսանյութ)

Դատախազության միջնորդությամբ 9 անձի խափանման միջոց փոխվել է. կորոնավիրուսով պայմանավորված՝ նրանք ազատ են արձակվել

Այս տարի վերջին զանգը կունենա բոլորովին այլ նշանակություն, քննությունը կարող է լինել էլեկտրոնային. Ժաննա Անդրեասյան

Սամվել Բաբայանը նախագահական ընտրությունների երկրորդ փուլում ոչ մեկին չի սատարի

Տարեց և անժառանգ արվեստագետների համար աջակցության ծրագրեր են նախատեսվում

Հանրային հետաքրքրությունը մշակույթի հանդեպ շեշտակի աճել է. Արա Խզմալյան

Այսօրվանից ջերմաստիճանը կնվազի 6-8, որոշ տեղերրում՝ 12-15 աստիճանով, տեղումներ են սպասվում

Սիրելի մայրեր ու դուստրեր, այս դժվարին և բարդ պայմաններում առավել ուշադրություն ցուցաբերեք ձեր ընտանյաց անդամներին

«Վանաձոր» ՔԿՀ-ում-ում փորձել են քրեական հեղինակություններով խնդիրներ պարզել, այլ ՔԿՀ-ում արգելված իրեր են տարվել

Ռոբերտ Քոչարյանը դատի է տվել Նիկոլ Փաշինյանին․ նա 2 միլիոն դրամ փոխհատուցում է պահանջում

Բացահայտվում են հեռավար կրթության նոր հեռանկարներ, որ կգործարկվեն նաև արտակարգ դրության ավարտից հետո

Սերժ Սարգսյանի եղբորորդին՝ Նարեկ Սարգսյանը, կմնա կալանավորված. դատարանը մերժել է պաշտպանի բողոքը