Չի բացառվում, որ որեւէ սահմանափակող միջոցառում տեղի ունենա, այդ թվում՝ հանրային հավաքների հետ կապված. Թորոսյան

Հայաստան ժամանող բոլոր ուղեւորներին հնարավոր չէ մեկուսացնել: Հետեւաբար ամեն ինչ արվում է՝ Հակահամաճարակային խորհուրդների, միջազգային խորհուրդներին համապատասխան: Այս մասին այսօր ՀՀ կառավարության նիստից հետո լրագրողների հետ ճեպազրույցում ասաց առողջապահության նախարար Արսեն Թորոսյանը՝ անդրադառնալով հարցին, թե արդյոք հնարավոր չէ կորոնավիրուսով վարակվածների շրջապատն ամբողջովին մեկուսացնել:

«Մեկուսացում ցուցված է միայն հաստատված դեպքի անմիջական կոնտակտներին: Ինչպես եւ մենք արել ենք»,- ասաց նա:

Ինչ վերաբերում է երեկ հայտնաբերված երեք պացիենտներին, Թորոսյանն ասաց, որ արվում են բոլոր անհրաժեշտ միջոցառումները. «Մենք երեք պացիենտների հետ անմիջական շփում ունեցող անձանց մեկուսացնում ենք, նաեւ իրականացնում ենք այդ անձանց շրջանակները պարզելու գործընթացները։ Մի դեպքում ունենք մեծ շրջանակ, գրեթե բոլորը հայտնի են, արդեն մենք իրենց իդենտիֆիկացրել ենք։ Բացարձակ կապ չունի, թե այդ մեծ շրջանակն ինչ հանգամանքներում է իրար հետ շփվել. դա կարող է լինել խանութում՝ առեւտուր, հարեւանի հետ շփում, ինչ-որ միջոցառման մասնակցել կամ որեւէ այլ հաստատություն այցելել։ Շրջանակը հնարավոր է մինչեւ 50 հոգի դառնա, եւ այդ 50 հոգու համար մեկուսացվելու աշխատանքներ կտարվեն։ Նաեւ Իտալիայի քաղաքացու շրջանակն է մի քիչ մեծ, որոնք բոլորը միանգամից մեկուսացվել են, բայց իրենց բնակավայրում, չեն լքել իրենց բնակավայրը, դա առանձնացված շենք է, ուրիշ մարդիկ չեն բնակվում այդ շենքում, եւ այդ ընտանիքներն ուղղակի երկու շաբաթ կմնան»,- ասաց Թորոսյանը:

Նախարարը նշեց, որ հնարավոր չէ ու իմաստ էլ չկա մեկուսացնելու Հայաստան ժամանող հարյուրավոր քաղաքացիներին. «Դա վերաբերում է նաեւ Իտալիայից, Չինաստանից, Իրանից ժամանողներին: Խնդիրն այն է, որ դեպքը վաղ հայտնաբերվի, թեստավորվի, կոնտակտների շրջանակը հայտնաբերվի, փոխանցման ուղին կոտրվի: Դրանից ավելի բան որեւէ վարակիչ հիվանդության դեպքում չի արվում»:

Նա նշեց, որ անցած տարի կարմրուկի բերովի դեպք է եղել, որի ժամանակ եւս նույն գործողություններն են կատարվել:

Նախարարն անդրադարձավ նաեւ հարցին, թե ինչու որոշում չկա դադարեցնելու վարչապետի կողմից անցկացվող քարոզարշավն ու փակելու կրթական հաստատությունները։

«Եկեք որոշումների առումով դեռ չշտապենք։ Որոշումները կայացվում են օրական ռեժիմով, երբեմն՝ ժամային, եւ հնարավոր է՝ ցանկացած պահի այլ որոշում կայացվի։ Ցանկացած երկիր իրականացնում է իրավիճակին համահունչ միջոցառումներ։ Երբ մենք մեկ դեպքով դադարեցրեցինք դասերը, շատ պարզ բացատրություն կար այդ ամենին. հանրային վստահության համար որոշվեց հինգ օրանոց արձակուրդը տեղափոխել առաջ։ Հիմա ունենք նոր իրավիճակ, եւ այսօր էլի որոշում կկայացվի այդ նոր իրավիճակի վերաբերյալ։ Որոշումն այս պահին դեռ կայացված չէ, թե չէ ես կհայտնեի։ Սակայն չի բացառվում, որ որեւէ սահմանափակող միջոցառում տեղի ունենա, այդ թվում՝ հանրային հավաքների հետ կապված։ Մենք բազմիցս նշել ենք, որ հանրային առողջությունը եւ մեր քաղաքացիների առողջությունն ամենակարեւորն է ՀՀ գործող կառավարության համար։ Եվ որեւէ քաղաքական դրդապատճառ մեզ հետ չի պահի նման որոշումներ կայացնելուց։ Որոշումները կկայացվեն, եւ դրա մասին հանրությունը պատշաճ կտեղեկացվի»,- ասաց Թորոսյանը։

Նախարարը չբացառեց, որ առաջիկայում Ծաղկաձոր տեղափոխված 31 քաղաքացիները տուն կուղարկվեն, սակայն դա կարվի ստուգումներից հետո:

Նա կոչ արեց համաճարակի օջախ հանդիսացող վայրերից Հայաստան ժամանածներին սահմանափակել շփումները եւ ինքնամեկուսանալ. «Եվ ամենակարեւորը, գանգատների ի հայտ գալու դեպքում պետք չէ զբաղվել ինքնաբուժմամբ: Պետք է անմիջապես հայտնել մեր ծառայություններին, որպեսզի մենք կարողանանք թեստ դնել»:

Թորոսյանը նշեց, որ վարակված անձն այդ պահին վարակակիր չէ. «Եթե ես հենց հիմա ձեզանից որեւէ մեկից վարակվեմ կորոնավիրուսով, ես մեկ րոպե, 5 րոպե, 2 օր հետո վարակակիր չեմ լինի: Վիրուսի մեծ քանակ է պետք, որպեսզի այն արտազատվի ու մյուսներին վարակի: Հետեւաբար այսօրվա սխեման միակ գործողն է հիվանդության տարածումը կանխելու համար»:

Հարցին՝ ինչ է ենթադրում ինքնամեկուսացումը, նախարարը պատասխանեց՝ մնալ տանը, եթե հնարավոր է՝ առանձին սենյակում, սահմանափակել շփումները:

Նա ասաց, որ երեկ հայտնաբերված պացիենտները տարբեր օրեր են վերադարձել Իտալիայից: Խոսելով վիճակագրության մասին՝ Թորոսյանն ասաց, որ բոլոր երկրներում ծանր ու մահացու դեպքերը երեխաներին, երիտասարդ տարիքի անձանց չեն սպառնում:

«Ամենամեծ ռիսկը 80 եւ ավելի տարիք ունեցող անձանց է սպառնում, հետո՝ 70: 70-ից հետո մահացության դեպքերը, եթե գումարենք իրար, կկազմեն մահացության ընդհանուր դեպքերի մոտավորապես 80 տոկոսը»,- ասաց Թորոսյանը:

Անդրադառնալով Իտալիայից սպասվող չարթերային թռիչքին՝ նախարարն ասաց, որ քննարկվում է այդ անձանց երկու շաբաթով հատուկ տեղում պահելու հնարավորությունը։

Տպել
1976 դիտում

Վայոց ձորում Mercedes-ը մխրճվել է երկաթե արգելապատնեշի մեջ. 5-ամյա տղան տեղում մահացել է

Երևանում և մարզերում էլեկտրաէներգիայի պլանային անջատումներ են սպասվում

Արագածոտնի, Վայոց ձորի, Շիրակի մարզերի ավտոճանապարհներին առկա է մերկասառույց

Երեկ կատարված 1953 թեստավորումից հաստատվել է կորոնավիրուսի 127 նոր դեպք

Մեկնարկեցին շախմատի Հայաստանի տղամարդկանց և կանանց 1-ին խմբի մրցաշարերը

Երևան-Երասխ ավտոճանապարհին մեքենան բախվել է բետոնե արգելապատնեշին և շրջվել դաշտամիջյան հատվածում․ կա տուժած

Ադրբեջանը վերադարձրել է 30 հայ զինծառայողի աճյուն, մարմիններն անճանաչելի են․ ԱԻՊԾ

Քաղաքական դաշտ մտնելով՝ ցույց եմ տալիս նաև, որ հավատարիմ եմ 18 թվականի հեղափոխությանը. Գնել Սարգսյան

Ազոխում դիեր են գտնվել. 80-ամյա Յուրիկը գյուղից չի հեռացել կամովին, 55-ամյա Սերժիկը նկուղում է մնացել պատահաբար

Արա Այվազյանը Դավիդ Զալկալիանիի հետ տարածաշրջանային անվտանգության, փոխկապակցվածության հարցերին է անդրադարձել(տեսանյութ)

9 մարզի 101 դպրոցում 18 առարկա չի դասավանդվում ուսուցիչների բացակայության հետևանքով

Իր գործունեությունն է սկսել «Կրթության զարգացման և նորարարության ազգային կենտրոն» հիմնադրամը

Սիսիան-«Զանգեր» ճանապարհահատվածում բուք է, Սարավանի լեռնանցքում՝ տեղ-տեղ մերկասառույց

Երկրաշարժ է գրանցվել Նախիջևանից 34 կմ հյուսիս-արևելք. ցնցումները զգացվել են Վայքում և Սյունիքում

7 մետր սահելուց հետո մեքենան հայտնվել է Արփա գետում

Մահացել է ամերիկացի լեգենդար հեռուստամեկնաբան Լարի Քինգը

Պատերազմից հետո Արցախում աշխատուժի պակաս է զգացվում

Օպերլիազորը հետախուզվողից 400 եվրո է հափշտակել. ՀՀ ոստիկանություն

Ֆրանսիայում աննախադեպ վիրահատություն է իրականացվել․ երկու ձեռքի փոխպատվաստումն արվել է հայ բժշկի գլխավորությամբ

Ես ինձ խաբված եմ զգում, մենք 20-30 տարի անզեն զինվորի ենք ոգեւորել մեր երգերով․ Համլետ Գեւորգյան

Սարավան-«Զանգեր» հատվածում, Սյունիքի մարզի ավտոճանապարհներին առկա է մերկասառույց

Դավիթ Բաբայանը Զարեհ Սինանյանի հետ քննարկել է Արցախում սփյուռքի ներուժի ներգրավվածության հնարավորությունները

Արցախն ու Հայաստանը կունենան միասնական օպերատիվ աշխատանքային օրակարգ

Հայաստան է տեղափոխվել կողոպուտի մեղադրանքով հետախուզվող

Վահան Քերոբյանն Իրանում ներկայացրել է ՀՀ տնտեսության զարգացման ընթացիկ և հեռանկարային ծրագրերը

Հունաստանի իրավապահների կողմից հետախուզվողը հայտնաբերվել է Օձունում

Արցախում փայտե բնակարաններ են կառուցվում. այս պահին կացարանի կարիք ունի 10.000 ընտանիք

Ջերմաստիճանը կբարձրանա 7-ից 10 աստիճանով

Հայաստանում COVID-19-ի համաճարակային իրավիճակը կայուն է

Լարսը փակ է միայն բեռնատար ավտոմեքենաների համար

Տեղահանված արցախցիները Հայաստանում բոլոր բուժծառայություններից օգտվում են անվճար (տեսանյութ)

Արայիկ Հարությունյանն ընդունել է Զարեհ Սինանյանի գլխավորած պատվիրակությանը. «Արմենպրես»

Ճանաչենք մեր հերոսներին. խոցել են հրետանային, ռեակտիվ և ականանետային մարտկոցներ, տանկեր

Մարտունիում և Ասկերանում կիրականացվի չպայթած և վտանգավոր ռազմամթերքի վնասազերծում

Մեկ օրում Երևանից Ստեփանակերտ է վերադարձել 131 արցախցի

Անցած մեկ օրում ՀՀ-ում գրանցվել է ճանապարհատրանսպորտային 8 պատահար

Ոստիկանության գործավարության և գաղտնիության ռեժիմի ապահովման վարչության պետն Արագածոտնում կհանդիպի քաղաքացիների հետ

Միջպետական և հանրապետական նշանակության ավտոճանապարհները բաց են. Վարդենյաց լեռնանցքը փակ է կցորդիչով մեքենաների համար

Հայաստանում այս տարվա հոկտեմբերին մարդահամար է անցկացվելու․ այն հետաձգվել էր մեկ տարով

Շահութահարկի նվազեցում, ԱԱՀ գումարի վերադարձի նոր մեխանիզմ. ՊԵԿ-ը բիզնեսի համար սպասված նորություններ է հրապարակել