Վանաձորում որոշել են «Թումո» կենտրոն կառուցել. քննարկվում է տարածքի երկու տարբերակ

Այսօր Լոռու մարզպետ Անդրեյ Ղուկասյանն ընդունեց «Թումո» ստեղծարար տեխնոլոգիաների կենտրոնի գործադիր տնօրեն Մարի Լու Փափազեանին:

Խոսելով մարզպետարանից ու մարզի ղեկավարից սպասվող աջակցության մասին՝ գործադիր տնօրենն առաջին հերթին հիշատակեց տրանսպորտի հարցը, որը եւ պետք է գյուղերից երեխաներին հասցնի Վանաձոր՝ «Թումո» կենտրոն: «Աջակցությունը, որ պետք է ակնկալենք մարզպետարանից, տրանսպորտի անխափան գործելն է, որը քաղաքի մեջ, նաև՝ տարածաշրջաններից, երեխաներին կտեղափոխի կենտրոն և ապա՝ տուն, որովհետև «Թումոն» արտադպրոցական կենտրոն է և գործելու է դպրոցի հիմնական դասաժամերից հետո: Ակնկալում ենք աջակցություն նաև որոշ կազմակերպչական հարցերում»,- ասաց տիկին Փափազեանը:

Մարզպետ Անդրեյ Ղուկասյանը նշեց, որ պատրաստակամ է ամենայն աջակցություն ցուցաբերելու, որպեսզի ծրագիրը հնարավոր լինի կյանքի կոչել Վանաձորում: «Իմ նպատակներից մեկն էլ այն է, որ կարողանանք Վանաձորում «Թումո» կենտրոն հիմնել, և ես անձամբ ու մարզպետարանի աշխատակազմը պատրաստակամ ենք անելու ամեն հնարավորը, որպեսզի շուտափույթ կերպով նախաձեռնությունն իրականություն դառնա»,- ասաց նա՝ վստահեցնելով, որ տրանսպորտի հարցը որևէ խոչընդոտող խնդիր չի կարող հանդիսանալ: Մարզի ղեկավարը նաեւ պատրաստակամություն հայտնեց աջակցել տարածքների դիտարկման և ընտրության հարցում՝ իր կողմից առաջարկելով մի քանի տարածք, որոնք կարող են հարմար լինել կենտրոնը հիմնելու համար:

Հանդիպման ավարտին մարզպետարանի աշխատակազմի կրթության վարչության պետ Ռաֆայել Հարությունյանի հետ Մարի Լու Փափազեանը շրջեց Վանաձորի բոլոր այն հնարավոր վայրերում, որտեղ, ըստ նրա, կարող է գործել «Թումո» կենտրոնը: Շրջայցից հետո մարզպետի մոտ կրկին քննարկում ծավալվեց ուսումնասիրված տարածքների ու հետագա անելիքների շուրջ, արդեն՝ ավելի առարկայական:

Տնօրենի եւ մարզպետարանի ներկայացուցչի կողմից շրջայցի ընթացքում դիտարկվել էր 4 տարածք՝ «Սպայի տան» շենքը, քիմգործարանի ու «Դիմաց» թաղամասի այգիները, Վանաձորի ավտոկայանի շենքը: Քննարկումների արդյունքում որոշում կայացվեց կանգ առնել «Սպայի տան» շենքի կամ քիմգործարանի հարակից այգու վրա: Հաջորդ անգամ, ինչպես վստահեցրեց Մարի Լու Փափազեանը, մարզ կայցելեն նաեւ մասնագետները՝ ուսումնասիրելու դիտարկվող շինության ու տարածքի ամրությունը ու կտան մասնագիտական գնահատական: Մարզպետն իր հերթին վստահեցրեց՝ կանեն իրենցից կախված հնարավորը:

Հժ-ի հետ զրույցում Մարի Լու Փափազեանն ասաց՝ հաջորդն ու առաջնահերթը պետք է կառուցվի Վանաձորում, որի շրջանակներում դրամահավաք կիրականացվի, կփորձեն բարերարներ գտնել «Կենտրոնը կծառայի ոչ միայն վանաձորցիների, այլ մարզի 4-5 հազր երեխայի: Աշխատանքներն արդեն սկսել ենք, բարերարներ ենք փնտրում, հնարավորինս արագ կփորձենք գտնել»,- ասաց գործադիր տնօրենը՝ նկատելով, որ ամենամեծ խնդիրներից մեկը տարածքի ու շինության բացակայությունն է. «Եթե նոր շենք ենք կառուցելու, տարբեր ծախս կլինի, եթե գոյություն ունեցող շենք վերանորոգելու մասին խոսենք, ծախսը փոքր կլինի, եւ մեր աշխատանքը կթեթեւանա»: Թե երբ կսկսեն արդեն գործուն քայլեր իրականացվել «Թումո»-ի կառուցման կամ շենքի վերակառուցման ուղղությամբ, գործադիր տնօրենը դժվարացավ ժամկետներ նշել:

Լոռու մարզպետ Անդրեյ Ղուկասյանը ՀԺ-ի հետ զրույցում մարզում «Թումո» կենտրոնի կառուցումը հեղափոխական քայլ համարեց մարզի կրթական ոլորտի համար: «Մեր համագործակցությունը «Թումո» կենտրոնի տնօրինության հետ կլինի ամենօրյա ռեժիմով»,- ասաց նա: Անդրադառնալով տարածքների կամ պետական գույք համարվող շինությունների՝ համայնքում չլինելուն՝ նշեց. «Մենք Վանաձոր քաղաքում, ինչպես նաեւ մնացած համայնքներում, չունենք գրեթե համայնքին կամ պետությանը մնացած գույքեր: Բոլորը ժամանակին շատ «բարեհաջող» ձեւով ու ծիծաղելի գներով են ինչ-որ անձանց օտարվել, բազմաթիվ քրեական գործեր կան: Այսօր մնացել են միայն այն շենքերը, որոնք եղել են ինչ-որ գերատեսչության ենթակայության տակ եւ ինչ-որ ձեւով պահպանվել են, որի վառ օրինակը սպայի տունն է: Կարգավիճակը կճշտենք, ըստ այդմ՝ կդիտարկենք»:

Տպել
1493 դիտում

Սամվել Բաբայանը նախագահական ընտրությունների երկրորդ փուլում ոչ մեկին չի սատարի

Տարեց և անժառանգ արվեստագետների համար աջակցության ծրագրեր են նախատեսվում

Հանրային հետաքրքրությունը մշակույթի հանդեպ շեշտակի աճել է. Արա Խզմալյան

Այսօրվանից ջերմաստիճանը կնվազի 6-8, որոշ տեղերրում՝ 12-15 աստիճանով, տեղումներ են սպասվում

Սիրելի մայրեր ու դուստրեր, այս դժվարին և բարդ պայմաններում առավել ուշադրություն ցուցաբերեք ձեր ընտանյաց անդամներին

«Վանաձոր» ՔԿՀ-ում-ում փորձել են քրեական հեղինակություններով խնդիրներ պարզել, այլ ՔԿՀ-ում արգելված իրեր են տարվել

Ռոբերտ Քոչարյանը դատի է տվել Նիկոլ Փաշինյանին․ նա 2 միլիոն դրամ փոխհատուցում է պահանջում

Բացահայտվում են հեռավար կրթության նոր հեռանկարներ, որ կգործարկվեն նաև արտակարգ դրության ավարտից հետո

Սերժ Սարգսյանի եղբորորդին՝ Նարեկ Սարգսյանը, կմնա կալանավորված. դատարանը մերժել է պաշտպանի բողոքը

ՊՎԾ-ն խնդիրներ է արձանագրել հանրային հատվածի կազմակերպություններում աուդիտի գնման գործընթացներում

«Արմենիա» ավիաընկերությունը չեղարկում է մինչև ապրիլի 30-ը ներառյալ բոլոր չվերթները

Արքան մերկ է. գերմանացի բժշկագետը ուռճացված է համարում կորոնավիրուսի վտանգավորությունը

Yandex.Taxi-ն կորոնավիրուսից տուժած վարորդներին աջակցություն ցուցաբերելու համար հիմնադրամ է գործարկում

Գործարկվել է սոցիալական աջակցության www.online.ssa.am կայքը. աջակցությունը պետք է ստանալ բանկից

Ջերմորեն շնորհավորում եմ բոլոր մայրերին եւ մայրության բերկրանքին սպասող մեր քույրերին. Մարության

Այսուհետ կգործեն ՌԴ-ում ՀՀ դեսպանությանը կից մաքսային կցորդի հետ հետադարձ կապի միջոցներ

Երևանի Թումանյանի այգու մոտակա ձորակն ընկած քաղաքացուն հոսպիտալացրել են

ՀԿԵ-ն հայտնում է երկաթուղային ճանապարհով ներկրման անկման մասին

1400 մահճակալ ունենք կորոնավիրուսի համար, բայց դրանց կեսն է զբաղված․ Նիկոլ Փաշինյան

Առողջության համաշխարհային օրն է. ԱՀԿ-ն առաջարկում է գտնել մեկ րոպե, շնորհավորել բուժաշխատողներին