Կորոնավիրուսն արդեն ողջ աշխարհում է. պիտի սովորենք ապրել նրա հետ

Նոր կորոնավիրուս COVID-19-ի հետեւանքով մահվան դեպքերի թիվն այսօր հատեց 4380-ի սահմանը: Մինչ այս պահը գրանցվել է վարակվելու ավելի քան 121 հազար դեպք. մոտ 6 հազար հիվանդ ծանր կամ ծայրահեղ ծանր վիճակում են:

Վերջին մեկ օրում կորոնավիրուսի հետեւանքով մահացել է 273 մարդ: Առողջացել եւ հիվանդանոցներից դուրս են գրվել ավելի քան 66 հազարը. այս մասին տեղեկանում ենք worldometers.info/coronavirus/ անընդմեջ թարմացվող կայքից:

Վարակի դեպքերով առաջատար երկրները շարունակում են մնալ Չինաստանը, Իտալիան, Հարավային Կորեան եւ Իրանը. գրանցված դեպքերի 93%-ն այս 4 երկրում է: Այդուհանդերձ, իրավիճակը Չինաստանում կայունանում է: Հետաքրքիր է նկատել, որ վարակի բռնկման կենտրոն Ուհանում փակվել է ժամանակավոր 16 հիվանդանոցից 13-ը. Չինաստանն այժմ միջոցառումներ է ձեռք առնում, որ երկիր վարակը դրսից չբերվի:

Կորոնավիրուսը հասավ Թուրքիա

Թուրքիայում այսօր հաստատվել է նոր կորոնավիրուս Covid-19-ով վարակման առաջին դեպքը. այս մասին հաղորդում է Anadolu գործակալությունը: Թուրքիայի առողջապահության նախարար Ֆահրեթին Քոջան նշել է, որ փորձաքննությունը դրական արդյունք է ցույց տվել: Նախարարի խոսքով՝ վարակված տղամարդը վերջերս էր վերադարձել Եվրոպայում ուղեւորությունից եւ հիմա ինքն ու իր ընտանիքը կարանտինի մեջ են, նրա առողջական վիճակն ընդհանուր առմամբ բավարար է:

Գերմանիացիների 60-70 տոկոսը կարող է վարակվել

Կանցլեր Անգելա Մերկելը շաբաթներ շարունակ որեւէ կերպ չէր անդրադարձել նոր կորոնավիրուս Covid-19-ի՝ Գերմանիայում ավելի ու ավելի տարածվելու խնդրին. այսօր նա խոսել է ԳԴ Բունդեսթագում: «Գերմանիացիների 60-70 տոկոսը կարող է վարակվել կորոնավիրուսով»,- ասել է նա: Bild.de-ի ուղիղ եթերում նշել է, որ արդեն արձանագրվել է վարակման ավելի քան 1400 եւ մահվան 2 դեպք: Սա Մերկելի առաջին մեծ անդրադարձն էր կորոնավիրուսի խնդրին, եւ պարբերականի բնորոշմամբ նրա խոսքը ճակատագրական-օրհասական երանգ է ունեցել:

Պիտի սովորենք ապրել նրա հետ

Վիրուսն այլեւս չինական չէ, այն արդեն տարածվել է ողջ աշխարհում եւ պիտի սովորենք ապրել իր հետ այնպես, ինչպես ժամանակին սովորել ենք ապրել գրիպի հետ. ուղիղ եթերում նոր կորոնավիրուսի տարածման խնդրին է անդրադարձել հայտնի մանկաբույժ Կոմարովսկին: Նա հիշեցրել է, որ այս վարակը ծանր չէ երեխաների, երիտասարդների եւ առողջների համար, վտանգավոր չէ նրանց համար, ում իմունային համակարգն ամուր է: «Որեւէ հիմք չկա պնդելու, որ վարակն առանձնահատուկ վտանգավոր է հղիների համար, որ անցնում է պտղին»,- ընդգծել է նա: Իսկ տարեցներին եւ քրոնիկ հիվանդություններ ունեցողներին հորդորել է մի շարք նախազգուշական միջոցառումների դիմել՝ խուսափել մարդաշատ վայրերից, ավելորդ անգամ չմտնել խանութ ու չօգտվել հանրային տրանսպորտից, հնարավորության դեպքում առանձնանալ ամառանոցներում:

Կոմարովսկին կարեւորել է պետությունների ձեռնարկած կարանտինային միջոցառումները, քանի որ դրանք հնարավորություն են տալիս բուժկենտրոններին համաչափ սպասարկել վարակակիր բնակչությանը, հակառակ դեպքում, ըստ նրա, կարող է լինել հարյուրավորների միաժամանակյա հիվանդացություն, եւ բուժկենտրոնների տարածքային ու մարդկային ռեսուրսները չբավարարեն նրանց պատշաճ սպասարկելու համար:

 

Տպել
1496 դիտում

System of a Down-ը նոր երգերի միջոցով մեկ միլիոն դոլար է հավաքել Արցախին աջակցելու համար

Ռուստամ Մուրադովն անձամբ այցելել է Ադրբեջան, հանդիպել հայ ռազմագերիների հետ, մեզ տրամադրել նրանց անունները. ԱՀ նախագահ

Արցախում ստուգվել է խմելու ջրի որակը. հերքվել են բնակչության մտահոգությունները

Հայազգի համաշխարհային աստղերը կոչ են անում գերությունից ազատել հայ ռազմագերիներին. Fox 11 Los Angeles

Վարչապետը կրկին հանդիպում է ունեցել գերեվարված և անհետ կորած անձանց ընտանիքների անդամների հետ

Ընդդիմությունը վարչապետին հեռանալու համար մինչեւ երեքշաբթի օրը ժամանակ տվեց, այլապես կդիմեն անհնազանդությունների

Հանրահավաքի մասնակիցները երթով շարժվում են դեպի կառավարական ամառանոցներ

Վազգեն Մանուկյանը ներկայացրեց առաջարկվող ժամանակավոր կառավարության առաջնահերթությունները

Արսեն Թորոսյանը հանդիպել է վիրավոր զինծառայողների

Օրենքի խախտմամբ հավաքներ անցկացնելու համար ընդհանուր առմամբ մեղադրվում է 35 անձ

Լևոն Տեր-Պետրոսյանն իր մտահոգությունն է արտահայտել ներքաղաքական թեժացող գործընթացների առնչությամբ

Գագիկ Ծառուկյանն ԱԱԾ-ում է. հրապարակում նրա անունից խոսք կարդաց Իվետա Տոնոյանը

Խնածախ համայնքի տարածքում տեղի կունենա հայտնաբերված զենք-զինամթերքի վնասազերծում

Սյունիքի մարզի քաղաքային համայնքների ղեկավարները պահանջում են Նիկոլ Փաշինյանի հրաժարականը

Նիկոլ Փաշինյանի հրաժարականի պահանջով հանրահավաք Ազատության հրապարակում. մարդկանց խմբեր տանելու ահազանգեր են հնչում

Ստեփանակերտի Վերածննդի հրապարակում կայացել է նոր ռեանոմոբիլների նվիրատվության արարողությունը

Երեւանի Սարալանջի խճուղում բախվել են 4 մեքենաներ. կա զոհ եւ տուժածներ

Ավարտվել են Կապան քաղաքի «Սյունիք» օդանավակայանի վերականգնման աշխատանքները

Վրաերթի ենթարկված 57-ամյա կինը հիվանդանոցում մահացել է

Ապարան եւ Չարենցավան քաղաքներում ձյուն է տեղում, «Չայնիի ոլորաններ»-ում մառախուղ է