Լոռի այցելած հյուրերին ու լոռեցիներին հյուրընկալողներին այսուհետ միայն Lոռվա արտադրանք կնվիրեն. փոխմարզպետ

Լոռու մարզ այցելող հյուրերին մարզպետարանի կողմից այսուհետ կտրվեն միայն Լոռիում արտադրված հուշանվերներ: Այս ամենը մի քանի նպատակ ունի՝ լոռեցի արտադրողների հանրահռչակում, որոշակի ֆինանսական աջակցություն ու հետագա կապերի ամրապնդում: Այս մասին ՀԺ-ն տեղեկացավ Լոռու մարզպետի տեղակալ Գայանե Մարկոսյանից:

«Պաշտոնավարման սկզբից, երբ որ շփումներ են եղել լոռեցի գործարարների կամ տեղական արտադրողների հետ, միշտ առաջ էին քաշում այն խնդիրը, որ ներկայանալու եւ իրենց արտադրանքը ներկայացնելու խնդիր ունեն, ինչը մի շարք օբյեկտիվ եւ սուբյեկտիվ պատճառներ ունի: Սրան ավելի ռացիոնալ աջակցելու համար 2 բան ենք մտածել: Դուք գիտեք, որ Լոռու մարզպետարանը հաճախ է պաշտոնական այցեր ունենում դրսում եւ հաճախ էլ դրսից է հյուրեր ընդունում, որի ժամանակ էլ ընդունված կարգի համաձայն՝ նվերներ ենք փոխանակում: Որոշում կայացվեց, որ այսուհետ այդ նվերները պետք է լինեն միայն լոռեցու արտադրանքը: Նպատակն այն է, որ Լոռի եկած հյուրը Լոռին բնորոշող որեւէ իր տանի իր հետ»,- ասաց Գայանե Մարկոսյանը:

Փոխմարզպետն ասում է՝ սրանով քայլ է արվում հետագայում կապեր ստեղծել լոռեցի արտադրողների ու պաշտոնատար անձանց, հյուրերի միջեւ. «Գործարար կապերի ամրապնդման համար մարդը պետք է հասկանա, թե ինչ ու ինչ որակի ապրանք է արտադրվում մեր մարզում»:

Սրան զուգահեռ մարզպետարանը նախատեսում է Լոռու գործարար կապերի կատալոգ ստեղծել: Արդեն իսկ ցուցակագրվել են այն գործարարները, որոնք ցանկություն են հայտնել ներառվել կատալոգում ու ներկայացնել իրենց արտադրանքը: Աշխատանքային խմբի փորձագետը լուսանկարչի հետ շրջելու է արտադրամասերում, ինչի ավարտին, ըստ փոխմարզպետի, կունենան հստակ բազա, որը կդրվի բոլոր այն գործընկերների սեղանին, որոնք հետաքրքրված են Լոռիով:

Հուշանվերները, որ նվիրվելու են Լոռի այցելած հյուրերին կամ պաշտոնական այցերի ժամանակ, մարզպետարանը գնելու է լոռեցի արտադրողներից. «Թվում է՝ փոքր բան է, երբ ինչ-որ 5000 կամ 50 հազար դրամի հուշանվեր ենք գնելու արտադրողից, բայց սա նաեւ փոքր ֆինանսական աջակցություն կլինի, որ պետական կառույցը շուկայական արժեքով, ՀԴՄ կտրոնով ապրանք կգնի: Եթե հիմա այդ 5000 դրամի գնումն էական բան չի փոխի արտադրողի կյանքում, հետագայում, վստահ եմ, հետադարձ արձագանք ու հետագա կապեր կբերի իր հետ»:

Մարզպետարանն արդեն իսկ գնել է քանդակագործ Բոգդանի գործերից, գեղագետիտության ազգային կենտրոնի Լոռու մասնաճյուղից են մանրանկարչական գործեր ձեռք բերել, ինչպես նաեւ պահածո արտադրողներից ու մեղվաբույծներից են գնումներ արել, որոնք շուտով կնվիրվեն: «Այս շարքը լինելու է շարունակական»,- հավելեց մարզպետի տեղակալ Գայանե Մարկոսյանը:

Տպել
1024 դիտում

Բարձրաստիճան պաշտոնյաների պարգեւավճարային ֆոնդը կազմում է 1 միլիարդ դրամ. կառավարությունը պարզաբանում է

ՎՏԲ – Հայաստան Բանկը կվճարի հրատապ միանվագ աջակցության գումարներ

Սկսվել է Երևան-Մոսկվա երկրորդ հատուկ չվերթի հաշվառումը (տեսանյութ)

Դատախազության միջնորդությամբ 9 անձի խափանման միջոց փոխվել է. կորոնավիրուսով պայմանավորված՝ նրանք ազատ են արձակվել

Այս տարի վերջին զանգը կունենա բոլորովին այլ նշանակություն, քննությունը կարող է լինել էլեկտրոնային. Ժաննա Անդրեասյան

Սամվել Բաբայանը նախագահական ընտրությունների երկրորդ փուլում ոչ մեկին չի սատարի

Տարեց և անժառանգ արվեստագետների համար աջակցության ծրագրեր են նախատեսվում

Հանրային հետաքրքրությունը մշակույթի հանդեպ շեշտակի աճել է. Արա Խզմալյան

Այսօրվանից ջերմաստիճանը կնվազի 6-8, որոշ տեղերրում՝ 12-15 աստիճանով, տեղումներ են սպասվում

Սիրելի մայրեր ու դուստրեր, այս դժվարին և բարդ պայմաններում առավել ուշադրություն ցուցաբերեք ձեր ընտանյաց անդամներին

«Վանաձոր» ՔԿՀ-ում-ում փորձել են քրեական հեղինակություններով խնդիրներ պարզել, այլ ՔԿՀ-ում արգելված իրեր են տարվել

Ռոբերտ Քոչարյանը դատի է տվել Նիկոլ Փաշինյանին․ նա 2 միլիոն դրամ փոխհատուցում է պահանջում

Բացահայտվում են հեռավար կրթության նոր հեռանկարներ, որ կգործարկվեն նաև արտակարգ դրության ավարտից հետո

Սերժ Սարգսյանի եղբորորդին՝ Նարեկ Սարգսյանը, կմնա կալանավորված. դատարանը մերժել է պաշտպանի բողոքը

ՊՎԾ-ն խնդիրներ է արձանագրել հանրային հատվածի կազմակերպություններում աուդիտի գնման գործընթացներում

«Արմենիա» ավիաընկերությունը չեղարկում է մինչև ապրիլի 30-ը ներառյալ բոլոր չվերթները

Արքան մերկ է. գերմանացի բժշկագետը ուռճացված է համարում կորոնավիրուսի վտանգավորությունը

Yandex.Taxi-ն կորոնավիրուսից տուժած վարորդներին աջակցություն ցուցաբերելու համար հիմնադրամ է գործարկում

Գործարկվել է սոցիալական աջակցության www.online.ssa.am կայքը. աջակցությունը պետք է ստանալ բանկից

Ջերմորեն շնորհավորում եմ բոլոր մայրերին եւ մայրության բերկրանքին սպասող մեր քույրերին. Մարության