Նախնական տվյալներով՝ հակառակորդը շատ մեծ խմբով չի եղել, իրավիճակը վերահսկվում է. ՀՀ ՊՆ փոխնախարար

Վերջին շրջանում ՀՀ Տավուշի մարզի սահմանամերձ մարտական դիրքերի ուղղությամբ հակառակորդի ակտիվացումների եւ այսօրվա դիվերսիոն փորձի վերաբերյալ ՀԺ-ն զրուցել է ՀՀ Պաշտպանության փոխնախարար Գաբրիել Բալայանի եւ ռազմական փորձագետ Հրաչյա Պետրոսյանցի հետ:

Գաբրիել Բալայանը ՀԺ-ի հետ զրույցում ասաց, որ նախնական տվյալներով՝ հակառակորդը շատ մեծ խմբով չի եղել: «Առնվազն 1 զոհ ունեն, որի մասին իրենք էլ են հայտարարել: Մնացածն ընթացքում կհայտարարվի»,- եզրափակեց Բալայանը: 

- Պարոն փոխնախարար, սպասելի՞ էր հայկական կողմի համար ադրբեջանական զինուժի այս մարտավարությունը եւ հնարավոր դիվերսիան:

- Միշտ սպասելի է, որովհետեւ ժամանակ առ ժամանակ նման փորձեր լինում են: Բայց որեւիցե անգամ հաջողության չեն հասնում: Ես միշտ ասել եմ, որ ցանկացած պարագայում հակառակորդի կողմից որեւիցե զորավարժություն, որեւիցե գործողություն կատարելը չի ազդում մեր մարտունակության վրա: Վերջին գործողությունը դրա վառ ապացույցն է: Իրավիճակի հսկողությունը լիովին հայկական կողմի տիրապետության ներքո է:

- Ո՞րն է պատճառը, որ վերջին օրերին հենց Տավուշի մարզի ուղղությամբ են այսպես ակտիվացել:

- Այնտեղ մարտական հերթապահություն իրականացնում է ոչ թե Ադրբեջանի պաշտպանության նախարարությունը, այլ սահմանապահ ծառայությունը: Ես կարծում եմ, որ այնտեղ են փորձում իրենց «դրսեւորել», քանի որ ճակատի այլ մասում սահմանապահ ծառայությունը իրենց «հերոսացնելու» հնարավորություն չունի: Իջեւանի հատվածն իրենց սահմանապահ ծառայությունն է պահում, եւ կարծում եմ, որ պետք է համապատասխան վերլուծություն արվի, թե արդյո՞ք իրենց այդ գործողությունները պաշտպանական բնագավառի իրենց լիազոր մարմնի հետ համաձայնեցված են, թե՞ ոչ:

- Նկատելի էր, որ հակառակորդն օգտագործում է գերմանական արտադրության «Վալլոն» ականորսիչ: Նախկինում երբեւէ եղե՞լ է, որ նրանք գերմանական արտադրության տեխնիկա օգտագործեն:

- Այդ հարցին չեմ կարող պատասխանել, նման տեղեկության չեմ տիրապետում:

- ՀՀ ՊՆ-ն սրանով պայմանավորված քայլեր ձեռնարկելո՞ւ է:

- Մեր գործողությունները պլանավորված չեն հակառակորդի գործողությունների հետ: Մեր գործը անընդհատ զգոն լինելն է, ինչպես նաեւ մարտական պատրաստության աստիճանի բարձրացումը: Այսինքն՝ մենք միշտ պատրաստ պետք է լինենք ու այդ ուղղությամբ էլ գնում ենք, որպեսզի կարողանանք նման ցանկացած սանձարձակ գործողության հակահարված տալ, որպեսզի համապատասխան առավելություն ձեռք բերելու ցանկություն հակառակորդի մտքով չանցնի: Դա վերաբերվում է ոչ միայն նման դիվերսիոն գործողություններին, այլեւ մնացած գործողություններին, որոնք իրականացվում են շփման գծում:

- Պարոն Բալայան, ըստ ձեզ, հայ-ադրբեջանական սահմանին այս լարվածությունը կարո՞ղ է կապ ունենալ Թուրքիայի ԱԳ նախարար Մեւլութ Չավուշօղլուի եւ Մինսկի խմբի համանախագահների հանդիպման հետ: Հաշվի առնելով, որ Չավուշօղլուն հայտարարեց, թե ԼՂ հարցը պետք է լուծվի Ադրբեջանի տարածքային ամբողջականության շրջանակում:

- Կարծում եմ՝ դա իրականում ԱԳՆ-ի հետ կապված հարց է: Կարող եմ ասել, որ այդ հանդիպումները պաշտպանության նախարարության գործառույթների վրա չեն ազդում:

Ռազմական փորձագետ Հրաչյա Պետրոսյանցի կարծիքով էլ՝ հակառակորդի նման ակտիվությունը 2 պատճառ կարող է ունենալ. «Առաջինը ընդհանուր տարածաշրջանի լարված իրավիճակն է՝ Թուրքիայի հետ կապված խնդիրներ կան, Սիրիայի հետ կապված խնդիրներ կան: Միգուցե դա առիթ է հանդիսացել, որ Ադրբեջանը ակտիվացնի որոշակի գործողություններ: Չի կարելի դա բացառել: Երկրորդն այն է, որ ամեն տարի այս ամիսները հիմնականում համընկնում են հակառակորդի հատուկ նշանակության ջոկատների ուսումնական փուլի ավարտի հետ: Կա նմանատիպ կարծիք, որ իրենք իրենց քննությունը հենց այդ վերջին փորձով են հանձնում: Եթե մի քիչ հետ գնանք ու նայենք՝ կտեսնենք, որ նման դեպքեր շատ-շատ են եղել՝ հենց Տավուշի մարզի ուղղության վրա՝ մարտ-ապրիլ ամիսներին»:

Պետրոսյանցը նշեց, որ հակառակորդի խնդիրը նման փորձեր կատարելն է, իսկ մեր խնդիրը՝ դրանք կանխելը. «Դա մարտական խնդիր է, յուրաքանչյուր կողմ փորձում է իր խնդիրը կատարել: Փաստացի պատերազմի մեջ գտնվող երկու հակամարտող կողմերի համար սա այն է, ինչ պետք է կատարվի ամեն օր»:

Անդրադառնալով հարցին, թե ինչպե՞ս է Ադրբեջանը գերամանական ականորսիչ ձեռք բերել, փորձագետը պատասխանեց. «Հնարավոր է՝ Թուրքիան կամ Իսրայելը այդ ականորսիչները ձեռք են բերել Գերմանիայից, իսկ Ադրբեջանը՝ նրանցից: Չեմ բացառում, որ թուրքական բանակի սպառազինությունից այն հանվել է եւ որպես օգնություն տրվել է Ադրբեջանին: Չեմ կարծում, որ անմիջապես Գերմանիայից ձեռք բերած լինեն»: 

Տպել
3356 դիտում

«Հայաստանի ներսում մենք թշնամի չունենք». Նիկոլ Փաշինյանի գլխավորությամբ երթ է սկսվել

ԱԱԾ-ն հորդորում է զերծ մնալ ազգային անվտանգությանը սպառնացող գործողություններ իրագործելուց

Նիկոլ Փաշինյանի կոչից հետո քաղաքացիները հավաքվել են Կառավարության գլխավոր շենքի մոտ

Պաշտոնական Մոսկվան կոչ է անում բոլոր կողմերին հանդարտություն ցուցաբերել. Պեսկով

ԳՇ հայտարարությունն ակնհայտ քաղաքական ենթատեքստ ունի. Անդրանիկ Քոչարյան

Կրեմլը մեկնաբանել է Հայաստանում ստեղծված իրավիճակը

«Հայրենիքի փրկության շարժման» առաջնորդները շտապ հավաք են կազմակերպել Ազատության հրապարակում

Որևէ դեպքում չի կարելի ժողովրդին տանել բախումների, քանզի այն լի է մի շարք տեսանելի ու անտեսանելի վտանգներով. Ցոլակյան

Չի կարելի թույլ տալ լարվածության բերող որևէ զարգացում. Արման Թաթոյան

Պաշտպանության նախարարին հրահանգված է ապահովել զինված ուժերի բնականոն աշխատանքը. վարչապետ

Հարգելի շիրակցիներ, Գյումրու Վարդանանց հրապարակից շարժվում ենք դեպի Հանրապետության հրապարակ. պատգամավոր

ԲԴԽ-ն այսօր կքննի Ջհանգիրյանի լիազորությունները դադարեցնելու հարցով դիմած դատավորին պատասխանատվության ենթարկելու հարցը

Հանրապետության հրապարակում ելույթ կունենամ ժամը 16.00-ին. Նիկոլ Փաշինյան

Մի քանի գեներալների դուր չի գալիս, որ հասարակությունը կամ Կառավարությունը կարող են իրենց հարցեր ունենալ. վարչապետ

Ուզում ենք երեխան ծառայի, բայց Հայաստանում. զինծառայողների հարազատները բողոքի ակցիա են անում ՊՆ-ի դիմաց

Այս պահին բոլոր ընկերությունները ներկայանալի տեսք ունեն. նախարարը՝ Աբու Դաբիի ցուցահանդեսի մասին

Արցախի նախագահն իր միջնորդությունն է առաջարկում՝ Հայաստանում քաղաքական ճգնաժամը հաղթահարելու գործում

Երեկ ԶՈՒ ԳՇ պետ Օնիկ Գասպարյանին աշխատանքից ազատելու որոշում եմ կայացրել, դրան հետեւել է ԳՇ հայտարարությունը. վարչապետ

Կառավարությունը 2 մլրդ 161 մլն դրամ հատկացրեց 140 պարեկային ավտոմեքենա ձեռք բերելու համար

ԳՇ հայտարարությունը համարում եմ ռազմական հեղաշրջման փորձ. բոլորին հրավիրում եմ Հանրապետության հրապարակ. վարչապետ

Տրանսպորտային միջոցների նկատմամբ սեփականության իրավունքի պետական գրանցումը հնարավոր կլինի իրականացնել նաեւ հեռավար

Որդեկորույս մայրերը կօգտվեն վերարտադրողական օժանդակ տեխնոլոգիաներով մատուցվող ծառայություններից. Ավանեսյան

ՊԵԿ-ը բացահայտել է ինտերնետային վճարովի ծառայություններից ստացված գումարների դիմաց հարկերը պակաս վճարելու դեպք

Երևանի տարբեր հատվածներում առավոտյան անհնազանդության ակցիաներ են եղել. բերման է ենթարկվել 2 ցուցարար

Եթե պարզվի, որ մեր պաշտոնյաները թերացել են, պատասխանատվության կկանչվեն. վարչապետը՝ Աբու Դաբիի ցուցահանդեսի մասին

Հայաստանը իսկապես մեծ գիտական ներուժ ունի. «Ֆիլիպ Մորիս Արմենիա»-ի ներկայացուցիչները հանդիպել են ԲՏԱ նախարարի հետ

Աշխատանքային խումբ կստեղծվի, որը կիրականացնի ԶՈՒ բարեփոխումների հայեցակարգի ձեւավորումը. վարչապետ

Հաստատվել է կորոնավիրուսային հիվանդության 282 նոր դեպք. գրանցվել է 4 մահ

Մեկնարկել է ՀՀ կառավարության հերթական նիստը. օրակարգում ներառված է 42 հարց

Ձնաբքի պատճառով Լարսի ավտոճանապարհը կրկին փակ է բոլոր տեսակի մեքենաների համար

Սևանա լճի հանրային 3 լողափերում ջրափնյա հանգիստ կազմակերպելու և սպասարկման նպատակով կատարվում է հայտերի ընդունում

Չպայթած զենք-զինամթերքի վնասազերծման աշխատանքներ են նախատեսվում մի քանի համայնքներում

«Ստրանջայի » մրցաշարում 3 հայ բռնցքամարտիկ ապահովել է առնվազն բրոնզե մեդալ

Արցախը Հայաստանին կապող ներպետական ճանապարհի որոշ հատվածներում տեսանելիությունը անբավարար է

ՀՀ տարածքում կա մի քանի փակ ավտոճանապարհ. Տավուշի մարզի ճանապարհները դժվարանցանելի են

Գիշերը Mercedes-ը տապալել է «Կինո Հայրենիքի» տուֆե հսկա սյունը. Վարորդը հիվանդանոցի ճանապարհին մահացել է

Մի քանի ժամով լույս չի լինելու Երեւանում եւ 4 մարզում

Հրշեջ-փրկարարները 1 օրում մարել են ընդհանուր 2.5 հա տարածքում բռնկված հրդեհները

Պաշտպանը ցանկանում է պարզել՝ Սերժ Սարգսյանը կամ Հովիկ Աբրահամյանը հարցաքննվե՞լ են Լևոն Սարգսյանին առնչվող գործով

Դեպարդյեի դեմ կրկին հետաքննություն է սկսվել՝ երիտասարդ դերասանուհու բռնաբարության մեղադրանքով