Պուտինի եւ Էրդողանի՝ 6 ժամ տեւած հանդիպումն ավարտվել է. Իդլիբում դադարեցվում են ռազմական գործողությունները

Թուրքիայի նախագահ Ռեջեփ Թայիփ Էրդողանը մարտի 5-ի առավոտյան ժամանել է Մոսկվա, որտեղ նախատեսված էր հանդիպում Ռուսաստանի Դաշնության նախագահ Վլադիմիր Պուտինի հետ: Հանդիպման ընթացքում 2 երկրների առաջնորդները պետք է փորձեին համաձայնության գալ սիրիական Իդլիբում ստեղծված իրավիճակի հանգուցալուծման շուրջ:

Մինչ այդ Մոսկվայում եւ Անկարայում մի քանի հանդիպումներ էին տեղի ունեցել փորձագիտական խմբերի եւ պատվիրակների մասնակցությամբ, սակայն տարվող բանակցություններում որեւէ արդյունքի կամ պայմանավորվածության հասնել չի հաջողվել, եւ բանակցությունները տեղափոխվել են նախագահական մակարդակ:

6 ժամ տեւած բանակցությունների արդյունքում կողմերը համատեղ փաստաթուղթ են կազմել Սիրիայում իրավիճակի կարգավորման մասին, որը ներառում է հետեւյալ կետերը.

  1. Մարտի 5-ի, լույս 6-ի գիշերվանից սկսած դադարեցվում են հակամարտության գծում բոլոր ռազմական գործողությունները:
  2. Ռուսաստանը և Թուրքիան ստեղծում են Սիրիայի Մ -4 մայրուղուց հյուսիս եւ հարավ ձգվող 6 կիլոմետրանոց անվտանգության միջանցք:
  3. Մարտի 15-ից Ռուսաստանն ու Թուրքիան համատեղ պարեկություն են սկսում հիշատակված Մ -4 մայրուղու երկայնքով:

Ռուսաստանի Դաշնության նախագահ Վլադիմիր Պուտինի ու Թուրքիայի նախագահ Ռեջեփ Թայիփ Էրդողանի հանդիպումը մեկնարկել էր Կրեմլում՝ ժամը 14:06-ին եւ տեւել շուրջ 6 ժամ: Նշենք, որ սկզբում նախատեսված է եղել 4-ժամյա հանդիպում, սակայն հետո այն ձգձգվել է:

Սկզբում նախագահները հանդիպել են տետատետ, այնուհետ հանդիպումը շարունակվել է պատվիրակությունների ձեւաչափով: Թուրքական պատվիրակության կազմում են եղել երկրի Արտաքին գործերի, Պաշտպանության, Պատիժների եւ Ֆինանսների նախարարները, ինչպես նաեւ Թուրքիայի ազգային հետախուզական կազմակերպության ղեկավարը:

Բացելով հանդիպումը, Պուտինը շեշտել է, որ դրա անհրաժեշտությունը կար, քանի որ Սիրիայի Իդլիբի հատվածում, էսկալացիոն գոտում ստեղծված այժմյան իրավիճակը պահանջում էր իրենց ուղիղ շփումն ու խոսքը: Նա եւս մեկ անգամ ցավակցել է Էրդողանին՝ 36 թուրք զինծառայողների զոհվելու կապակցությամբ եւ նշել, որ ոչ ոք, այդ թվում՝ Սիրիայի կառավարական բանակի զինվորները չեն իմացել թուրք զինվորականների այնտեղ գտնվելու մասին: Պուտինը նաեւ ուշադրություն է հրավիրել Իդլիբում սիրիական բանակի լուրջ կորուստներին: Այս ամենով պայմանավորված ՌԴ նախագահն առաջարկել է բաց տեքստով եւ ամբողջությամբ քննարկել 2 կողմերին հուզող բոլոր հարցերը, որպեսզի նման իրավիճակ այլեւս երբեք չկրկնվի եւ կորուստները բացառվեն, իսկ ռուս-թուրքկան հարաբերություններն էլ չտուժեն:

Էրդողանն էլ հանդիպման սկզբում ասել է, որ այն կարեւոր նշանակություն ունի եւ Կրեմլում ընթացող իրենց բանակցություններին հետեւում է ողջ աշխարհը: Էրդողանը հավելել է, որ որոշումները, որոնք կայացվելու են բանակցությունների ընթացքում, պետք է թեթեւացնեն լարվածությունը Իդլիբում: Բացի այդ, Թուրքիայի նախագահը նշել է, որ Ռուսաստանի հետ իրենց հարաբերություններն ավելի քան լավ են, զգալի արդյունքներ ունեն առեւտրի եւ ռազմատեխնիկական համագործակցության ոլորտներում եւ 2 երկրների միջեւ մութ կետեր չպետք է մնան:

Հիշեցնենք՝ իրավիճակն Իդլիբում սրվեց փետրվարի 27-ին, երբ Հայաթ Թահրիր-աշ-Շամ խմբավորման ահաբեկիչները մեծածավալ հարձակումներ սկսեցին սիրիական կառավարական ուժերի վրա: Սիրիական բանակը պատասխան կրակ բացեց, այնուհետ հայտնի դարձավ, որ կրակահերթերի հետեւանքով տուժել են նաեւ թուրք զինվորականներ, որոնք չպետք է այնտեղ գտնվեին: Զոհվել էր 36 թուրք զինվորական, վիրավորումներ էին ստացել 30-ը: Ռուսական կողմը միջամտել էր՝ կրակի դադարեցմանը նպաստելու համար, կազմակերպվել էր վիրավորների եւ զոհերի անվտանգ տարհանումը հակամարտ գոտուց:

Ռուսական կողմը հայտարարում է, որ Թուրքիան խախտել էր Սիրիայի Իդլիբի հարցով ձեռք բերված պայմանավորվածությունները, Թուրքիան պնդում՝ իրենց գործողությունները միտված են եղել ահաբեկչության դեմ պայքարին միայն:

Տպել
1609 դիտում

Դիլիջանի ոլորաններում ձյուն է տեղում. դժվարանցանելի են Աշոցքի և Ամասիայի միջհամայնքային ավտոճանապարհները

ԱՄՆ-ը գերազանցում է բոլոր ռեկորդները. առաջին անգամ 1 գիշերում 1300 մահ է գրանցվել 1 երկրի տարածքում. JHU

Եթե մեզ հաջողվի սահմանին գազի գինը նվազեցնել 23 դոլարով, ապա գազի սակագինը չի փոխվի․ փոխվարչապետ

Մուշ գյուղի 8/46 ընտրատեղամասի դիմաց վիճաբանության փաստով Արցախի ոստիկանությունը ստուգումներ է իրականացնում

Վարչապետը հարգանքի տուրք է մատուցել ապրիլյան քառօրյայի հերոսների հիշատակին. Եռաբլուր այցը՝ լուսանկարներով

Արմեն Սարգսյանը «Եռաբլուր» պանթեոնում հարգանքի տուրք է մատուցել քառօրյայի ժամանակ զոհված հերոսների հիշատակին

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 1.7 հա տարածք

Ապրիլի 10-ից քաղաքացիները կարող են դիմել սոցիալական աջակցությունները ստանալու համար. Նաիրի Սարգսյան

Լարվածության, վախի, զոհերի, հաղթանակի քառօրյան. ապրիլյան պատերազմից 4 տարի անց

Նիկոլ Փաշինյանը հարգանքի տուրք է մատուցել ապրիլյան քառօրյա պատերազմի հերոսների հիշատակին (տեսանյութ)

78-ի կոալիցիան. Իսրայելը դուրս է գալիս քաղաքական ճգնաժամից

Ապրիլի 10-ից քաղաքացիները կարող են դիմել առցանց եւ ստանալ նախատեսված սոցիալական աջակցությունները

ԱՀ ոստիկանությունը ստուգումներ է իրականացնում Քաշաթաղի շրջանի Մուշ համայնքում տեղի ունեցած միջադեպի վերաբերյալ

Բանտարկությունից մինչեւ սեփական թեստերի կիրառում. ինչպես Սինգապուրը դարձավ կորոնավիրուսի արդյունավետ պայքարի օրինակ

Տավուշում կարտոֆիլի բարձրորակ տնկանյութի բավարարման նպատակով մարզպետարանը հավաքագրել է անհրաժեշտ տեղեկությունները

«Գյումրի» ԲԿ բժիշկները մասնակցել են COVID-19-ի կանխարգելմանն ու բուժմանն ուղղված օնլայն դասընթացներին

Արցախի ժողովրդի ինքնորոշման իրավունքը ղարաբաղյան հակամարտության կարգավորման հիմնաքարն է. ՀՀ ԱԳՆ

Մասնագիտական պարապմունքներ են անցկացվել 4-րդ զորամիավորումում․ ՊՆ

Արցախում Հայաստանից մեկնած երկու քաղաքացի է մեկուսացվել, իրականացվել է նմուշառում

Արցախ մեկնած ՀՀ քաղաքացիները կարող են վերադառնալ մինչև ապրիլի 2-ը՝ ժամը 23:59-ը