Արտաշատի թատրոնում շուտով տնօրեն կընտրեն. արդեն քանի տարի այստեղ չկա ո՛չ գեղարվեստական ղեկավար, ո՛չ ռեժիսոր

Արտաշատի Ամո Խարազյանի անվան պետական դրամատիկական թատրոնն արդեն մի քանի տարի է՝ չունի ո՛չ գեղարվեստական ղեկավար, ո՛չ ռեժիսոր: Չնայած ռեժիսորի հաստիք ունեն, բայց այդ պաշտոնը թափուր է մնում:

ԿԳՄՍ նախարարության հետ համաձայնեցնելու արդյունքում թատրոնի գեղղեկավարի աշխատանքները կատարում է գեղարվեստական խորհուրդը: Թատրոնի տնօրենի պաշտոնակատար Կամո Նաղդալյանը «Հայկական ժամանակի» հետ զրույցում դրական գնահատական տվեց նման ձեւով աշխատելուն: Նրա խոսքով՝ գեղղեկավարին ազատելու ժամանակ թատրոնի ներսում առանձնապես ըմբոստություններ էլ չեն եղել:

Արտաշատի թատրոնի գեղարվեստական ղեկավար Հայկ Մնացականյանին աշխատանքից ազատել էր նախկին տնօրեն Գագիկ Ռոստոմյանը: Ներկայիս ԺՊ-ն չցանկացավ անդրադառնալ այդ ազատմանը:

Թատրոնի 12 հոգուց կազմված գեղարվեստական խորհրդի կազմը երբեմն փոփոխության է ենթարկվում: Նաղդալյանը հայտնեց, որ խորհրդի կազմում ընդգրկելու առաջարկ է արել դրամատուրգ Կարինե Խոդիկյանին ու դրական պատասխան ստացել:

Տնօրենի ԺՊ-ի վստահեցմամբ՝ ռեժիսորի ազատ հաստիքի շնորհիվ են կարողանում որոշակի գումար հատկացնել եւ այլ թատրոններից ռեժիսորներ հրավիրել՝ բեմադրություններ անելու: Նաղդալյանը հայտնեց, որ այս պահին ռեժիսոր Արմեն Մարգարյանը բեմադրում է «Տունը սահմանին» ներկայացումը:

Արտաշատի թատրոնը գրեթե ոչնչի չծառայող պահեստ է ունեցել, որն արտաբյուջեի հաշվին տիկնիկային թատրոնի են վերածել: Փոքր բեմ են ստեղծել, մոտ 80 տեղանոց դահլիճն այժմ ծառայեցնելու են փոքրիկ հանդիսատեսի համար: Մարտի 10-ին կլինի Տիկնիկային թատրոնի բացումը: Առաջնախաղը բեմադրել է Երեւանի Տիկնիկային թատրոնից հրավիրված ռեժիսոր Դերենիկ Մարտիրոսյանը:

«Եթե նախկինում 3 տարվա մեջ արել են մեկ ներկայացում, ես հիմա այնպես եմ անում, որ գոնե 6 առաջնախաղ ունենանք: 2020 թվականին մեր առաջին ներկայացումը կլինի մարտի 10-ին՝ վերը նշած տիկնիկային ներկայացումը՝ Մարտիրոսյանի բեմադրությամբ: Ապրիլին՝ եւս երկու նոր ներկայացում: Առաջիկա 2 ամսում կունենանք 4 առաջնախաղ»,- ասաց Կամո Նաղդալյանը՝ վստահեցնելով, որ աշխատանքային բուռն պրոցեսի մեջ են:

Այս ամենով հանդերձ չունենալով հիմնական բեմադրություններ անող ռեժիսոր՝ թատրոնն իր ուրույն ձեռագիրը, փաստորեն, չունի: ԺՊ-ն դեռ այդ ուղղությամբ չի էլ մտածում, քանի որ առջեւում է տնօրենի մրցույթը: Այն նախատեսված է մարտի 24-ին: Կամո Նաղդալյանն Արտաշատի թատրոնում 10 տարի աշխատել է՝ որպես դերասան, ԺՊ նշանակվելուց առաջ մեկ տարի զբաղեցրել է թատրոնի փոխտնօրենի պաշտոնը: Հիմա էլ մեծ ցանկություն ունի մնալ եւ շարունակել պաշտոնավարումը: Նաղդալյանն արդեն դիմել է տնօրենի մրցույթին մասնակցելու համար: Կարծում է՝ այլ թեկնածուներ եւս կլինեն: Թատրոնի ներսում, ըստ նրա, դեռեւս ցանկացողներ չկան կամ կան, չեն բարձրաձայնում:

Նաղդալյանը «Հայկական ժամանակի» հետ զրույցում հայտնեց, որ այս թատրոնում երկար տարիներ խնդիրներ են եղել պետական ոչ բավարար ուշադրության պատճառով: Բացի այդ, թատրոնը տարիներ շարունակ ու մինչեւ օրս ներգրավված է դատական պրոցեսներում: «Նախկին տնօրեն Գեղանուշ Սահակյանն աշխատանքի էր ընդունել մի ուսանողուհու, որը դիպլոմային աշխատանքի հիման վրա արված գործ պիտի ներկայացներ: Ավելի ուշ Սահակյանն ազատել էր այդ աղջկան, քանի որ չէր կարողացել անել աշխատանքը: Աղջիկն էլ ինչ-ինչ պատճառներով դատի էր տվել: Մյուս դատական գործը վերաբերում է մեկ այլ նախկին տնօրեն Գագիկ Ռոստոմյանին, որը պայմանագիրը խզել է Հայկ Մնացականյանի հետ, չի ցանկացել նրա հետ աշխատել: Երկու նախկին տնօրենների հետ կապված՝ թատրոնի վրա քրեական գործեր կան, որը դեռ նախնական փուլում է, քննություն է ընթանում»,- ասաց նա:

Մեր հարցին, թե դատական պրոցեսներն ու ազատումները խաթարել են թատրոնի բնականոն աշխատանքը, Նաղդալյանը պատասխանեց՝ մթնոլորտն ինչ-որ չափով տուժել է:

Թատրոնի հաստիքացուցակը 60 հոգուց է բաղկացած, իսկ ստեղծագործական անձնակազմը 20-ն է: ԺՊ-ի խոսքով՝ առաջիկայում միաձայն բարձրաձայնելու են թատրոնի տեխնիկական խնդիրների մասին, որպեսզի կարողանան գոնե նվազագույն հարցերը կարգավորել: «90-ականների լուսաձայնային տեխնիկա է, շենքի պայմանները վատ են, գորգ չկա, լուսավորությունը նորմալ չէ: «Մեր ուժերով մաքրել, կարգի ենք բերել, որ աշխատենք: Պահեստի հետ միացրել, սարքել ենք 80 տեղանոց փոքր դահլիճը»,- ասաց նա:

Նշեց, որ նախորդ կառավարությունը շենքի վերանորոգման համար գումար էր հատկացրել, սակայն շինարարությունն անորակ կերպով են արել, որից հետո նախկին մարզպետը դիմել էր դատարան։ Թատրոնի շինարարության մասով էլ դատարանում գործ կա: «Հիմա մինչեւ դատական գործը չավարտվի եւ գումար չստանանք, չենք կարող թատրոնի շինարարությունն ավարտել ամբողջովին։ Իսկ գործը, իրոք, շատ անորակ ու վատ է արված, թատրոնի հետ կապ չունի նման վերանորոգումը, մասնագիտական մոտեցում է անհրաժեշտ թատրոնին»,- նկատեց ԺՊ-ն:

Նաղդալյանը ցանկանում է նաեւ միկրոավտոբուսի հարց լուծել, որպեսզի սահմանամերձ գյուղեր ներկայացումներ տանեն. «Թատրոնը բոլորի համար է, եւ եթե նրանք չեն կարողանում գալ, մենք պետք է գնանք»:

Տպել
2126 դիտում

ԿԸՀ-ն հաշվարկել է քվեաթերթիկների 27%-ը. ՔՊ-ն ակնհայտ առաջատար է

«Հայաստան» դաշինքը չի ընդունում ընտրությունների նախնական արդյունքները

9/54 ընտրատեղամասում ավարտվել է ընտրությունների արդյունքների ամփոփումը

Քվեարկության ընդհանուր քարտեզը մեզ արդեն պարզ է. Նիկոլ Փաշինյանն ամփոփում է նախնական արդյունքները (տեսանյութ)

Երևանի 3 ընտրատեղամասերի քվեարկության արդյունքներով առաջատարը «Հայաստան» դաշինքն է

Ափնա համայնքում նախնական տվյալներով առաջատարը «Քաղաքացիական պայմանագիրն» է

ԿԸՀ-ն ներկայացրել է 465 ընտրատեղամասի քվեարկության արդյունքները. առայժմ ՔՊ-ն առաջատար է

2/25 ընտրատեղամասում ևս ամփոփվեցին ընտրության նախնական տվյալները

Էրեբունի վարչական շրջանի ընտրատեղամասերից մեկի քվեարկության արդյունքները պատրաստ են

Կապան քաղաքում քվեարկության նախնական արդյունքներով ՔՊ-ն զգալի առաջատար է

Մալաթիա-Սեբաստիա վարչական շրջանի 2 ընտրատեղամասերի նախնական արդյունքները հայտնի են

Ընտրությունների արդյունքները որոշ համայնքապետերի համար պետք է հետագա պաշտոնավարման վերաբերյալ ազդանշան լինեն. Թորոսյան

Մալաթիա-Սեբաստիայի 7/07 ընտրատեղամասում ՔՊ-ն բացարձակ առաջատար է. նախնական

«Քաղաքացիական պայմանագիրն» Արմավիրում ստացել է ընտրողների ձայների 62.5%-ը. քաղաքապետը գրառում է արել

Ընթացք է տրվել առերևույթ ընտրական հանցագործությունների մասին 319 հաղորդման, հարուցվել է 6 քրեական գործ. Դատախազություն

Քվեարկության արդյունքների նախնական պատկերը՝ ըստ 168 ընտրական տեղամասերի. ԿԸՀ

Արամուս համայնքի 28/20 ընտրատեղամասի քվեարկության արդյունքները հայտնի են

Հովտաշատ համայնքում ՔՊ-ն ստացել է 551 ձայն, «Հայաստան» դաշինքը՝ 59

Էրեբունի վարչական շրջանի 10/16 ընտրատեղամասում ձայների հաշվարկն ավարտվել է. նախնական արդյունքները հայտնի են

Կենտրոնի 9/44 ընտրատեղամասի ձայների նախնական արդյունքները հայտնի են

Քանաքեռ Զեյթուն վարչական շրջանի 3/3 ընտրատեղամասում ձայների հաշվարկն ավարտվել է

Շուռ են տվել ծաղկամանը, աթոռ շպրտել միմյանց վրա. վիճաբանություն և ծեծկռտուք 6/18 ընտրական տեղամասում (տեսանյութ)

ԿԸՀ-ն հրապարակեց 80 համայնքներում քվեարկության առաջին նախնական արդյունքները

Հայտնի են 13 այլ փոքր համայնքներում ընտրությունների նախնական արդյունքները

Ժամը 21:00-ի դրությամբ ստացվել եւ նախապատրաստվել է 66 նյութ. ստացվել է 2 քրեական գործ. ՔԿ

Հայտնի են էլեկտրոնային քվեարկության արդյունքները

Հայտնի են տարբեր մարզերի ևս մի քանի ընտրատեղամասերում քվեարկության արդյունքները

ՀԷՑ-ի իրավասությունից դուրս համակարգային խնդիր է եղել. infocom.am

Հայտնի են Նիզամիում ընտրության նախնական արդյունքները

Շուռնուխում «Քաղաքացիական պայմանագիր»-ը հաղթանակ է տարել. նախնական

Հակաքարոզչական թերթիկներ տարածած անձը ներկայացել է ոստիկանություն

Լոռու 12 փոքր ընտրատեղամասերի քվեարկության նախնական արդյունքները հայտնի են

Համատարած հոսանքազրկումներ ՀՀ մարզերում. ընթացքի մեջ է քվեաթերթիկների հաշվարկի գործընթացը

Ամփոփվել են մի քանի եզդիական համայնքներում ընտրությունների նախնական արդյունքները

Երեւանի 10/15 տեղամասում քվեարկությանը մասնակցել է ընտրողների կեսից ավելին

Շիրակի մարզի 4 ընտրատարածքների ընտրական ընդհանուր պատկերը ժամը 20:00-ի դրությամբ

Հայտնի են Սյունիքի մարզի 6 ընտրատեղամասերում ընտրությունների արդյունքները

ԱԺ արտահերթ ընտրություններին մասնակցել է ընտրողների 49,4 տոկոսը. ԿԸՀ-ն հրապարակեց նախնական տվյալները

Հայտնի են Ալավերդու Դեբեդ թաղամասում և Կաճաճկուտում քվեարկության արդյունքները

Ծաղկաշատում ընտրողների 60 տոկոսը քվեարկել է ՔՊ-ի օգտին