Լոռու մարզային գրադարանը կփակվի՞. աշխատակիցների շրջանում բողոքի ալիք է բարձրացել

Լոռու մարզային գրադարանում կրքերը չեն հանդարտվում: Բանն այն է, որ տեւական ժամանակ է, ինչ խոսակցություններ են տարածվել, թե Վանաձորի Վարդանանց փողոցում գտնվող շենքերից մեկի 2-րդ հարկը զբաղեցնող գրադարանից տարածքը վերցվելու է եւ փոխարենն այնտեղ ստեղծվելու է «Լոֆթ» կենտրոն:

Թե որտեղ եւ ինչ պայմաններում է գործելու գրադարանի՝ 2-րդ հարկում տեղակայված մի քանի բաժինները,  աշխատակիցները տեղյակ չեն: Չգիտեն նաեւ՝ կմնան իրենց գործին, թե ոչ. «Դեռ մեկ տարի առաջ ասացին, որ ցանկանում են մեր ձեռքից վերցնել 2-րդ հարկը, այն տարածքը, որտեղ մենք ենք աշխատում ու որը հենց գրադարանի տարածքն է՝ իր գրապահոցներով, ընթերցասրահով ու դահլիճով հանդերձ: Տնօրենը կանչել է բաժնի վարիչներին, բաժնի վարիչներն էլ մեզ են ասել, որ ցանկանում են վերջնական վերցնել տարածքը, «Լոֆթ» դարձնել, միջոցառումներ անել, բայց մենք էլ ենք, բացի գրադարան լինելուց, միջոցառումներ անում: Միայն անցած ամիս 25 միջոցառում ենք արել: Ընթերցողները շատ-շատ են մեզ մոտ»,- ՀԺ-ին հայտնեցին մարզային գրադարանի աշխատակիցները:

Նշեցին, որ այլընտրանք իրենց չի առաջարկվել. «Ոչ ասում են՝ մենք ուր ենք գնալու, ոչ ասում են՝ աշխատելու ենք թե ոչ, անորոշ վիճակ է մեզ մոտ, ինչ է թե տարածքը կենտրոն տեղ է… որտեղ են էս հավաքածուն տեղավորելու, ինչ են անելու, մենակ ասել են՝ որ Լոֆթ ա դառնալու»:

Աշխատակիցները նկատում են՝ «Լոֆթը» վճարովի տեղ է լինելու, մինչդեռ մարզային գրադարանը միակ անվճար վայրն է, որտեղ գալիս են ոչ միայն գիրք կարդալու, այլ նաեւ օրվա թերթերը կարդալու, հատկապես տատիկ-պապիկները:

Աշխատակիցներին դժգոհեցրել է նաեւ տնօրենի ոչինչ չասող պատասխանը. «Տնօրենը միայն հայտնեց, որ ԿԳՄՍ նախարարությունը որոշել է «Լոֆթ» դարձնել ու վերջ: Որեւէ այլ պատասխան մեզ չի ասում»:

Խնդրի հետ կապված այսօր գրադարանի 3 աշխատակցի ընդունել է Լոռու մարզպետ Անդրեյ Ղուկասյանը: Նա տեղեկացրել է, որ վաղը ԿԳՄՍ ներկայացուցիչները կայցելեն գրադարան ու տեղում կքննարկեն ստեղծված իրավիճակը:

Լոռու մարզային գրադարանի տնօրեն Կարինե Հակոբյանը ՀԺ-ի հետ զրույցում հաստատեց՝ գրադարանի 2-րդ հարկն ամբողջությամբ ցանկանում են վերցնել ու «Լոֆթ» դարձնել, իսկ թե ինչ է լինելու գրադարանի ու ճակատագիրը՝ չգիտեր. «Ուրբաթ օրը ինձ կանչել են ԿԳՄՍ նախարարություն՝ «Լոֆթ»-ի հետ հուշագիր ստորագրելու, ես էլ խնդրել եմ նախարարության ներկայացուցիչներին գալ ու գրադարանում քննարկել՝ հասկանալու համար մեր հետագա անելիքները, իրենք էլ համաձայնեցին գալ»,- ասաց տնօրենը՝ նշելով, որ իրեն կանչել էին նախարարություն «Լոֆթի» հետ հուշագիր ստորագրելու, որը չի ստորագրվել:

«Աշխատակիցների, գրադարանի հետագա գործունեության, գրապահոցի տեղակայման ու մյուս հարցերը մեծ խնդիրներ են, որոնց պատասխանը ես չունեմ, իրենք կգան վաղը, մանրամասն կքննարկենք, կհասկանանք, որեւէ հարց դեռ քննարկված չի: Ես հույս ունեմ, որ այս ամենը ի շահ բոլորի կլինի, թե գրադարանի ու թե «Լոֆթի»»,- ասաց Կարինե Հակոբյանը:

Գրադարանի շուրջ 3 տարվա տնօրենն ասում է՝ իր կողմից առաջարկվել է մարզային գրադարանի մանկական բաժինն ամբողջությամբ, որը գտնվում է Տիգրան Մեծ փողոցի վրա: «Մենք մի կերպ կարող էինք մանկական բաժինը բերել այստեղ, բայց այստեղի 3 բաժինը տանել մի քիչ բարդ է: Իրենք չեն համաձայնվել, իրենք այս տարածքն են ուզում: Հարցեր կան, որոնք դեռ պատասխաններ չունեն»,-ասաց տնօրենը:

Թե ինչ հանգուցալուծում կստանա ստեղծված իրավիճակը՝ դեռ հայտնի չէ: Թե աշխատակիցների ու թե տնօրենի միակ հույսը վաղվա քննարկումն է:

Տպել
4540 դիտում

Վարույթ է ընդունվել «Ազատության» լրագրողի մասնագիտական գործունեությունը խոչընդոտելու դեպքի առթիվ հարուցված քրգործը․ ՔԿ

ԱԺ շենքից հրազենի ցուցադրությունը խաղաղ հավաքին պետության կողմից գործադրված անվտանգության անհամարժեք միջոց է․ ՄԻՊ

Կամո Հովհաննիսյանի չիրացրած 11 մետրանոցը «թանկ նստեց» «Կայրաթի» վրա

Ես հրավեր եմ հղել խորհրդարանական ուժերի ղեկավարներին եւ պլանավորում եմ առաջիկա օրերին հանդիպել նրանց հետ. վարչապետ

Հենց այս պահին բանակցություններ են ընթանում, որպեսզի Boeing 737 օդանավը այսօր վերադառնա Երևան. Տիգրան Ավինյան

Տիգրան Ավինյանը՝ համացանցում տարածված փաստաթղթի մասին

Հազվագյուտ կադրեր Հայաստանի բնաշխարհից․ Մարտի 3-ը՝ Վայրի բնության համաշխարհային օր (տեսանյութ)

Մինչև երեկո պարզ կլինի, թե ինչ դիրքորոշում կարտահայտի նախագահը. ըստ այդմ՝ կլինեն մեր գործողությունները. Մանուկյան

Պատրաստ ենք ընդդիմության հետ քննարկել արտահերթ խորհրդարանական ընտրություններ անցկացնելու հարցը. Ավինյան

ԱԺ փոխխոսնակը պատգամավորին խնդրեց գրավոր ուղարկել «Պարոն Փաշինյան, ո՞նց եք» հարցը

Անահիտ Ավանեսյանը և Չինաստանի դեսպանը քննարկել են հետագա գործակցության շրջանակները

Պատասխան տվին՝ տվին, չէ՝ կդիմենք ծայրահեղ քայլի. գերեվարված զինվորների մայրերը Շիրակի մարզպետարանում են

«ԳՇ պետի և շուրջ 40 զինվորականների հայտարարությունը խնդրահարույց է». վարչապետին ուղղված հարցերին պատասխանեց փոխվարչապետը

Արմեն Սարգսյանը ծննդյան օրվա առթիվ շնորհավորական ուղերձ է հղել ՌԴ վարչապետ Միխայիլ Միշուստինին

Եթե Նիկոլ Փաշինյանն Օնիկ Գասպարյանին ազատի պաշտոնից, բանակը չի ենթարկվի այդ որոշմանը. Վազգեն Մանուկյան

ՀՀ տարածքում կան փակ ավտոճանապարհներ․ Սյունիքի մարզի «Մեղրու սար» կոչվող հատվածում բուք է

«Իսկանդերի» վերաբերյալ հայտարարության առնչությամբ բոլոր պարզաբանումները տրված են. փոխվարչապետ

Ազգային ժողովի շենքի դիմաց մեկնարկել է ընդդիմության հանրահավաքը, զուգահեռ ընթանում է Կառավարության հետ հարցուպատասխանը

8 օր, մինչեւ 2025 թվականը...սրանք իրավաբանորեն հիմնավորված ժամկետներ չեն. փաստաբանը՝ ԳՇ պետի հետագա պաշտոնավարման մասին

Արդարադատության նախարարությունը սկսում է 2021 թվականի համար նոտարների թեկնածուների որակավորման ստուգման աշխատանքները

Հայաստանում չկա արդար դատարանների հանրային լայն ընկալում. Արսեն Մկրտչյան

Վանեցյանի ազդեցությունը պահպանվե՞լ է Ձեզ վրա․ Քոչարյանը՝ Վարդազարյանին

Արմեն Սարգսյանին հավատարմագրերն է հանձնել Հայաստանում Կիպրոսի դեսպան Անդրեաս Զինոնոսը

Արմեն Սարգսյանն այսօր հանդիպել է Օնիկ Գասպարյանի հետ

Վերջին տարիներին դատական համակարգի համար մարտահրավեր է դարձել դատարանների գերծանրաբեռնվածությունը. Հայկյանց

Մահացել է ՀՀ ժողովրդական արտիստ Մեդեա Աբրահամյանը

46-ամյա քաղաքացին փորձել է ինքնասպան լինել՝ նետվելով շենքի տանիքից. վիճակը գնահատվում է ծանր

Նախագահն առաջիկա ժամերին կհայտնի իր որոշումը. Վանեցյանը՝ Արմեն Սարգսյանի հետ հանդիպման մասին

Բազմազավակ ընտանիքների աջակցության նոր ծրագիր է մշակվել. կօգնեն գումարով, կենսապայմանների բարելավմամբ ու տնով

Արմեն Սարգսյանը հանդիպել է «Հայրենիքի փրկության շարժման» ղեկավարների հետ

Երևանի մաքսային պահեստներից մեկում 365 կգ հերոին է հայտնաբերվել. աննախադեպ դեպք՝ 2014-ից ի վեր (տեսանյութ)

Բացվել է Մատենադարան-Գանձասար գիտամշակութային կենտրոնից տարհանված ձեռագրերի ցուցադրությունը

Դուք ձեր քայլով անարգել եք Ազգային ժողովը. Վահագն Հովակիմյանը՝ ԲԴԽ նախագահին

Գրիգորի Մարտիրոսյանը ներկայացրել է էկոնոմիկայի և գյուղատնտեսության նախարարին

Իմ հայտարարությունը կապ չի ունեցել որևէ հարցի քննարկման կամ անձի հետ. Վարդազարյանը՝ պատգամավորին

Համակարգային խնդիրներ Խարբերդի մանկատանը. ՄԻՊ աշխատակազմի չհայտարարված այցի արդյունքները

«Իմ քայլի» պահվածքը առնվազն ագրեսիվ է, բայց պատճառը չգիտեմ. Ռուբեն Վարդազարյան

Վարչապետը շնորհավորական ուղերձ է հղել Ռուսաստանի վարչապետին ծննդյան օրվա առթիվ

Արա Այվազյանը հեռախոսազրույց է ունեցել ՄԱԿ Գլխավոր քարտուղարի՝ հումանիտար հարցերով տեղակալի հետ

Հարցը վերաբերում է ձեր «չքաղաքական» հայտարարությանը, և բարի եղեք պատասխանել. Հակոբյանը՝ Վարդազարյանին