Աղամալ Հարությունյանի պաշտպանը միջնորդեց դատակոչել Պողոս Պողոսյանի դիակի եզրակացություն տված փորձագետին

Պողոս Պողոսյանի սպանության գործով դատապարտված Աղամալ Հարությունյանի պաշտպան Ռոբերտ Բեջանյանը միջնորդեց հետաձգել դատական նիստը՝ գործի նյութերին ծանոթ չլինելու հիմքով:

Մինչ դա պաշտպանը միջնորդեց նաեւ հետագայում դատարան հրավիրել եւ հարցաքննել Պողոս Պողոսյանի դիակի վերաբերյալ եզրակացություն տված փորձագետին: Մեղադրող դատախազի կարծիքով, սակայն, առանց գործի նյութերին ծանոթանալու այդ միջնորդությունը քննարկվել չի կարող. «Եթե գործի նյութերին ծանոթանալուց հետո պաշտպանը նույն միջնորդությամբ հանդես կգա, այդ ժամանակ կքննարկենք»:

Տեղում խորհրդակցելով՝ նախագահող դատավոր Ռուբիկ Մխիթարյանը որոշեց մերժել միջնորդությունը ժամանակավրեպ եւ չհիմնավորված լինելու հիմքով:

Անդրադառնալով դատական նիստը հետաձգելուն՝ պաշտպան Բեջանյանը նշեց, որ ինքը, որպես Աղամալ Հարությունյանի պաշտպան, բողոքի քննությանը ներգրավվեց այսօրվա նիստին եւ հայտնեց, որ նախկինում այս գործով չի հանդիսացել պաշտպան, ծանոթ չէ ինչպես Պողոս Պողոսյանի սպանության գործի նյութերին, այնպես էլ՝ Դատախազության վերաբացման բողոքին: Պաշտպանը խնդրեց տրամադրել ողջամիտ ժամկետ, որպեսզի ծանոթանա գործի նյութերին, կարողանա կառուցել իր պաշտպանական մարտավարությունը եւ բողոքի վերաբերյալ հայտնի իրենց դիրքորոշումը:

Նախագահող դատավոր Ռուբիկ Մխիթարյանն Աղամալ Հարությունյանից հետաքրքրվեց, թե ինչու մինչ այս հնարավոր չի եղել ներգրավել պաշտպան՝ հաշվի առնելով, որ գործի նյութերն իրեն ուղարկվել են հունվար ամսին. «Արդյոք ձեր այդ վարքագիծը չի՞ հետապնդում դատավարական իրավունքի չարաշահում»,- հարցրեց դատավորը:

Աղամալ Հարությունյանը խնդրեց, որ այդ հարցին պատասխանի իր պաշտպանը՝ ասելով, որ ինքը չի պատկերացրել, թե ինչ է կատարվում: Պաշտպան Ռոբերտ Բեջանյանն էլ ասաց. «Ես իմ պաշտպանյալի հետ պայմանագիրը կնքել եմ փետրվարի 26-ին, եւ իմ ձեռքի տակ այդ ժամանակ եղել է միայն դատարանի կողմից վարույթ հարուցելու որոշումը»,- պարզաբանեց պաշտպանը:

Դատավորի հարցին, թե մոտավորապես ինչ ժամկետներ են պաշտպանության կողմին անհրաժեշտ, Ռոբերտ Բեջանյանը նշեց, որ չգիտի, թե ինչ ծավալի նյութերի մասին է խոսքը, բայց, ամեն դեպքում, խնդրեց տրամադրել դրանք՝ ստանալու օրվանից սկսած 15 օր ժամկետով: Դատախազ Հայկ Խաչատրյանը հետաձգման վերաբերյալ առարկություն չուներ:

Լսելով կողմերին եւ տեղում խորհրդակցելով՝ դատարանը բավարարեց միջնորդությունը եւ որոշեց դատական նիստը հետաձգել: Հաջորդ դատական նիստը նշանակվեց մարտի 27-ին:

Տպել
849 դիտում

ԱՄՆ-ում ապրիլի 24-ին Ցեղասպանության նվիրված բոլոր միջոցառումները չեղարկվել են կորոնավիրուսի պատճառով

Սպիտակի ոստիկանները ապօրինի թմրաշրջանառության դեպք են բացահայտել

Միջպետական և հանրապետական նշանակության ճանապարհներին կատարվում են ընթացիկ ամառային սպասարկման աշխատանքներ

Դիլիջան քաղաքի տներից մեկում հայտնաբերվել է դի. ԱԻՆ աշխատակիցներն ախտահանել են տարածքը

Աշխարհում կորոնավիրուսով վարակվածների թիվը գերազանցել է 1.500.000-ը. Worldometers

Ալավերդի քաղաքում ամբողջությամբ այրվել է ոչ բնակելի տնակ

Lexus-ը բախվել է Ավան վարչական շրջանի ղեկավարի աշխատավայրի շենքի պատին. կա վիրավոր

Կորոնավիրուսով վարակված 4-ամյա երեխան համալսարանական հիվանդանոցում վիրահատվել է

Թրամփը նոր մամուլի քարտուղար է նշանակել. նախագահի պաշտոնավարման 3 տարում նա 4-րդ խոսնակն է

Բորիս Ջոնսոնը շարունակում է մնալ ինտենսիվ թերապիայի բաժամունքում. վիճակը կայուն է

Ստուգվել են զինծառայողների մասնագիտական գիտելիքները. ՊՆ

ԱՄՆ-ը մահերի թվի նոր ռեկորդ է սահմանում, Եվրոպան ազդարարում է համաճարակային ճգնաժամի թուլացման մասին

Հաստատված կորոնավիրուսային հիվանդությամբ 758 պացիենտ բուժում է ստանում. 4571 թեստ բացասական արդյունք է գրանցել

Միայնակ տարեցներն ու հաշմանդամություն ունեցողները մեկ ամիս սննդի ու հիգիենիկ պարագաների կարիք չեն ունենա

Ոստիկանության Մաշտոցի բաժնի ծառայողները մեքենաներից կատարված գողություններ են բացահայտել

9 հակաճգնաժամային միջոցառումների շրջանակներում բաշխվել է 3 միլիարդ 670 միլիոն դրամ. վարչապետ

Ալափարսում հայտնաբերվել է առանց համապատասխան փաստաթղթերի կրային թերթաքարով բեռնված «Զիլ» մակնիշի մեքենա

Ձեզ լուրջ պահեք, մեզ հետեւում են. ֆեյսբուքն օգտատերերի մասին տեղեկություններ կտրամադրի COVID-19-ի դեմ պայքարի համար

Ելակը մտավ զորամաս. վարչապետ (տեսանյութ)

Մուլտի գրուպի տնօրեն Սեդրակ Առուստամյանի գործով նախաքննությունն ավարտվել է