Թող մրցույթ չլինի, գումարը մեզ տան՝ որպես դրամաշնորհ կամ նվիրատվություն. բողոքի ակցիա քաղաքապետարանի դիմաց

Երևանի քաղաքապետարանի դիմաց այսօր բողոքի ակցիա էին իրականացնում հեծանվորդներ և հեծանվասպորտի ներկայացուցիչներ: «Հայաստան» ՀԿ-ի փոխտնօրեն Աբգար Պետրոսյանը հանդիպում ունեցավ Երևանի քաղաքապետի տեղակալ Տիգրան Վիրաբյանի հետ:

Հանդիպումից հետո լրագրողների հետ զրույցում փոխտնօրեն Աբգար Պետրոսյանը նշեց, որ փոխքաղաքապետի հետ համաձայնություն է ձեռք բերվել, որ երկու օր անց Տիգրան Վիրաբյանը կայցելի հեծանվահրապարակ և տեղում կծանոթանա այն իրավիճակին, որ ներկայացրել են իրենք:

Փոխտնօրենի խոսքով՝ խնդիրն այն է, որ «Հայաստան» հասարակական կազմակերպությունն իր մարզաբազայում առկա հին հեծանվահրապարակը (մոտ 1.4 հա), որը գտնվում է Գրիգոր Լուսավորիչ 4 հասցեում, տարիներ առաջ նվիրել է Երևանի քաղաքապետարանին՝ պայմանով, որ կառուցվի նոր հեծանվահրապարակ ու ևս մի կառույց, որ իրենց համար լինի հաստատուն ֆինանսական աղբյուր: Արդյունքում կառուցվել է նոր հեծանվահրապարակը և Ազատության հրապարակի մոտ գտնվող ստորգետնյա ավտոկայանատեղին՝ 530 ավտոմեքենայի կայանման հնարավորությամբ:

«Մենք գիտակցել ենք, որ պիտի ունենանք նոր հեծանվահրապարակ և հաստատուն ֆինանսական միջոցներ, որոնք բավարարեն թե՛ բազայի պահպանմանը, թե՛ հեծանվասպորտի զարգացմանը: Մենք մեր սեփականությունը նվիրաբերել ենք, փոխարենը քաղաքապետարանն ստացել է նոր հեծանվահրապարակ և ավտոկայանատեղի, որ մի տարի՝ 80, երկրորդ տարին՝ 90, երրորդ տարին 100 միլիոնով ուզում է հավատարմագրային ձևով տալ կառավարման»,- նշեց Աբգար Պետրոսյանը:

Այս պահին, ըստ նրա, կա մի լուրջ խնդիր. տարիներ շարունակ ամենամյա մրցույթներում հաղթել է իրենց կազմակերպությունը, քանի որ այդ գործունեությամբ միայն իրենք են զբաղվել, և հեծանվահրապարակ պահելու փորձ ուրիշ ոչ մի կազմակերպություն չի ունեցել: Այժմ մրցույթի օրենքներում փոխվել է նեղ մասնագիտական որակավորման պահանջի կետը, և մրցույթը կարող է շահել որևէ տաքսի ծառայություն կամ լիմոնադի գործարան:

«Հիմա եթե գա մեկը, առաջարկի, օրինակ, 25 մլն, ու պռավալ տա: Մի տարի էս մեկն ընկնի սև ցուցակ, մյուս տարի՝ էն մեկը: Էդ արդեն կապ չունի, արդեն հեծանվահրապարակը քանդված կլինի: Եթե հեծանվահրապարակը լավ ձեռքերում է, ինչի՞ նորից մրցույթ արվի: Մենք ասում ենք՝ խնդիր չկա, էլի ձերն ա, մեզ հետ անհատույց պայմանագիր կնքեք, դրամաշնորհ տվեք կամ նվիրատվություն արեք: Մենք խնդրում ենք, չենք ուզում վատ նոտայով սկսենք: Մենք զոհաբերել ենք մեր սեփականությունը, որ ունենանք հաստատուն սահմանված գումար, ինչու պիտի հիմա մրցույթի մասնակցենք և ընկնենք նման քաշքշուկների մեջ: Ավելի լավ է՝ մեր գումարը դրամաշնորհային կարգով տվեք կամ նվիրատվություն արեք մեզ»,- ասաց նա:

Պետրոսյանի խոսքով՝ համայնքային բյուջեից տարեկան իրենց հատկացվող գումարը եղել է 52 մլն դրամ: «Ուզում էին կրճատել մինչև 30 մլն, տարել ենք բացատրական աշխատանք, հասկացել են, կրճատել են 2 մլն: Հիմա 49.5 մլն է: Մենք եկել ենք, քանի որ ուզում ենք մեր խնդիրը մենք ներկայացնենք քաղաքապետին: Մենք հարց ենք տալիս պարոն Վիրաբյանին. եթե այս ընթացքում ոչ մի բան չի կորել, ամեն ինչ մաքուր մնացել է, ի՞նչ նպատակ ունի նորից մրցույթի դնել, որ ուրիշը գա շահի՞»,- նշեց նա՝ ընդգծելով, որ այս տարվա համար քաղաքապետարանն իրենց գումար չի փոխանցել, և 30-ից ավելի աշխատակիցները երկու ամսվա աշխատանքի համար չեն վարձատրվել:

Լրագրողների հետ հանդիպեց նաև Երևանի փոխքաղաքապետ Տիգրան Վիրաբյանը. «Երկար տարիներ այս գործընթացը կազմակերպվել է մրցութային կարգով. հայտարարվել է մրցույթ, բայց ներկայացված պահանջներին բավարարել է միայն այս կազմակերպությունը: Այսպես ասած՝ մրցույթը՝ որպես մրցույթ, տեղի չի ունեցել, ուղղակի արվել է կազմակերպության համար՝ հաշվի առնելով որոշ կետեր, որոնց բավարարում է միայն այս կազմակերպությունը»:

Վիրաբյանը նշեց, որ «Հայաստան» ՀԿ-ն մեծ ներդրում ունի այն հարցում, որ Երևանն այսօր ունի նման հեծանվահրապարակ, բայց, ըստ նրա, պետք է առաջնորդվել համայնքի շահերով: «Նրանք էլ ունեն մրցույթին մասնակցելու հնարավորություն և ունեն առավելություն, քանի որ տարիների փորձ ունեն: Բայց կազմակերպությունը դիմում է, որ մրցութային կարգը փոխվի, դարձվի դրամաշնորհ: Մրցութային կարգը նախկինում քննարկվել է իրենց և երրորդ կողմի միջև: Քաղաքապետարանը որևէ կարգ չի փոխում, անում է այնպես, ինչպես արվել է ամեն տարի: Բայց այս տարի արդեն իրենց չի բավարարում այդ կարգը, և իրենք կարծում են, որ պիտի արվի փոփոխություն, և կարգը հարմարեցվի այնպես, որ իրենք լինեն բացարձակ կազմակերպիչն ու տնօրինողը: Մենք կարծում ենք, որ այս մոտեցումը ճիշտ չէ, և եթե կազմակերպությունը կարծում է, որ ինքը լավագույնն է իրականացնում այս ծառայությունը, թող թափանցիկ կարգով դիմի»,- փաստեց քաղաքապետի տեղակալը:

Տպել
794 դիտում

Ձնեմարդ՝ ծաղկած այգիների տակ. Արցախում եւս ցրտահարություն է գրանցվել (լուսանկար)

Մարդկանց կորոնավիրուսային մեկուսացման շնորհիվ բնությունը շնչում է, օդը մաքրվում է, պանդաները՝ զուգավորվում

Արաբական կոալիցիան եւս Եմենում հրադադար է հայտարարել

Երեւանը բժշկական պարագաներ է ստացել չինական Չոնգցին գործընկեր քաղաքից

Կորոնավիրուսի համաճարակի հետեւանքով աշխարհում կարող է աղքատանալ 500 միլիոն մարդ

Դանակահարություն Արտաշատում. բերման է ենթարկվել 37-ամյա տղամարդ

ՌԴ-ում մնացած նորածինն ու մայրն արդեն Հայաստանում են, ինքնամեկուսացման մեջ. ՄԻՊ-ը ևս մեկ ընտանիք է վերամիավորել

Հակաճգնաժամային միջոցառումների շրջանակներում բաշխվել է 10 միլիարդ 700 միլիոն դրամի աջակցություն. վարչապետ

Ո՞ր դեպքերում են թույլատրվում միջմարզային և դեպի Երևան ուղևորափոխադրումները (տեսանյութ)

Հրետանային ստորաբաժանումների զինծառայողները պարապմունքներ են անցկացրել

Միջադեպեր, ծեծկռտուք Սիսիանում. կիզակետում Սիսիանի ոստիկանապետի պաշտոնակատարն է

Չգիտեմ, թե ինչն է իմ ԱԱԾ-ում հանդիպման շուրջ անհանգստության եւ անառողջ աժիոտաժի իմաստը. Հակոբ Ճաղարյանը

Հանրային պաշտպանները 108 միջնորդություն են ներկայացրել. կալանավորված 29 անձի խափանման միջոց արդեն փոխվել է

Գագիկ Սուրենյանը գյուղատնտեսներին խորհուրդ է տալիս բացօթյա սածիլում չկատարել. ցուրտ օդային հոսանքները պահպանվելու են

Քաշաթաղի ինքնամեկուսացված համայնքները առաջիկայում կապահովվեն անհրաժեշտ պարենամթերքով. ԱՀ ԱՆ

Մայիսի 1-ից գազալցակայաններում այլեւս խաղային ավտոմատներ չեն լինի. վարչապետ

Այս օրերին ճիշտ կլինի թուրմերը եւ համեմունքները համադրել․ Դավիթ Պիպոյանի խորհուրդները

Վարչապետ Նիկոլ Փաշինյանը նոր նշանակում է արել

ԱԺ նախկին պատգամավոր Արթուր Գեւորգյանին կալանավորելու որոշում է կայացվել. նա հետախուզվում է

Հայ Առաքելական եկեղեցին նշում է Ավագ հինգշաբթին