Զինվորներին կսովորեցնեն, թե լեռներում ինչպես դիմագրավել վտանգներին. ՊՆ-ն համագործակցում է ալպինիստների հետ

Ալպինիզմի եւ լեռնային տուրիզմի հայկական ֆեդերացիան առաջարկել է Պաշտպանության նախարարությանը համատեղ կազմել եւ իրականացնել զինծառայողներին լեռնային պայմաններում աշխատանքի առանձնահատկություններին ծանոթացնելու եւ վտանգներին դիմագրավելու հմտությունների ուսուցման ծրագիր:

Այս լուրը «Հայկական ժամանակ»-ի հետ զրույցում հաստատեց Պաշտպանության նախարարության խոսնակ Արծրուն Հովհաննիսյանը՝ նշելով, որ ինքն անձամբ է ընդունել ալպինիստների դիմումն ու փոխանցել գլխավոր շտաբ:

Հովհաննիսյանն այս նախաձեռնությունը որակեց «բավական լավը», իսկ ալպինիզմի եւ լեռնային տուրիզմի հայկական ֆեդերացիայի փոխնախագահ Սուրեն Դանիելյանը մեզ հետ զրույցում նշեց, որ քննարկումները ՊՆ-ի հետ արդեն սկսվել են, և այս ծրագիրն առաջիկայում կներդրվի նմանատիպ դասընթացի կարիք ունեցող բոլոր զորամասերում՝ ըստ տեղանքի:

«Հիմա մենք քննարկումներ ենք ունենում՝ հասկանալու համար, թե այդ ամենն ինչպես պիտի տեղի ունենա: Առաջիկա ամիսներին դա կորոշվի: Մի բան միանշանակ է. առաջիկայում այս ծրագիրը կգործարկվի Արցախի ու Հայաստանի բոլոր այն զորամասերում, որտեղ դրա կարիքը կա»,- ասաց Դանիելյանը:

Նա ընդգծեց, որ լեռնային մարզումներ հիմա էլ անցկացվում են զորամասերում: Իրենց առաջարկած ծրագրով փորձ է արվում ավելի կատարելագործել այդ դասընթացը՝ նպատակ ունենալով զինվորականներին դարձնել լեռնային տեղանքին ծանոթ եւ վտանգներից պաշտպանված:

«Հիմա զորամասերում կան ֆիզպատրաստության հրահանգիչներ, որ նաեւ պատասխանատու են լեռնային պատրաստության առումով: Մեր ծրագրով այդ հրահանգիչներին պիտի ուսուցանենք, որ նրանք արդեն տեղում ուսուցանեն զինվորներին: Դա ենթադրում է գրքեր, ծրագրեր, տեղ, գույք, վարժանքի համար համապատասխան հրամաններ նախապատրաստել: Այս աշխատանքն այն չէ, ինչ արվում է լեռնագնացների հետ, այն շատ ավելի բարդ գործընթաց է»,- նշեց Դանիելյանը:

Նրա խոսքով՝ իրենց թիմի դասընթացը հրահանգիչների հետ տեւելու է երեքից ինը ամիս, որից հետո նրանք, արդեն հաշվի առնելով իրենց զորամասերի տեղանքի առանձնահատկությունները, պիտի դասավանդեն զինծառայողներին:

Հիշեցնենք, որ փետրվարի 7-ին Սյունիքի մարզում՝ զորամասի պահպանության տեղամասում, ձնահյուսի տակ էր մնացել չորս պայմանագրային զինծառայող: Ձեռնարկված որոնողափրկարարական աշխատանքների արդյունքում հայտնաբերվել էին նրանցից երեքի դիերը: Փրկվեց միայն մեկը: ՀԺ-ի այն հարցին, թե արդյոք այս դեպքն է առիթ դարձել, որ ալպինիստների հետ ՊՆ-ի համագործակցության ծրագիրը գործարկվի, Դանիելյանը պատասխանեց. «Մենք նմանատիպ առաջարկով ՊՆ-ին դիմել ենք տարիներ շարունակ եւ որոշակի համագործակցության փորձ ունեինք երեք տարի առաջվանից, մեր այս ծրագրի հետ կապված քննարկումներ էլ ունեինք, երբ այս դեպքը եղավ»:

Կարո՞ղ էին փրկվել ձնահյուսի տակ մնացած զինծառայողները, եթե տիրապետեին այս ծրագրով նախատեսված հմտություններին՝ հարցին Դանիելյանը դժվարացավ պատասխանել՝ նշելով, որ ծանոթ չէ դեպքի մանրամասներին, անձամբ չի եղել դեպքի վայրում:

Տպել
1042 դիտում

Ո՞ւմ հորդորով Խաչատուրովը չեկավ ԱԺ. Ապրիլյան պատերազմի վավերագրությունը պատրաստ է, սպասենք սենսացիոն բացահայտումների

Սարդարապատ համայնքում սուբվենցիոն ծրագրի շրջանակում կտեղադրվի 10 հակակարկտային կայան

Տարիների աղետ Արկտիկայի համար. ինչ է հայտնի գետերը լցված 21 հազար տոննա նավթամթերքի մասին

Լանջազատ համայնքում գազաֆիկացման աշխատանքների կատարման համար հայտարարվել է մրցույթ

Գյումրու Սավոյան փողոցի տնակներից մեկից հեռուստացույց ու համակարգիչ են գողացել (տեսանյութ)

ԱՀ նախագահ Արայիկ Հարությունյանը խորը վշտով է տեղեկացել Սաթենիկ Սաֆարյանի մահվան մասին

Վարակը չի ստիպել վայր դնել զենքը. արյունալի հակամարտությունները շարունակվում են

ԶՈՒ ԳՇ պետ Արտակ Դավթյանն այցելել է զինվորական հոսպիտալ

Վաղը օլիմպիադաների հանրապետական փուլն է. նախարարը ծնողներին խնդրում է հեռու լինել դպրոցից և կուտակումներ թույլ չտալ

Մենք պայքարում ենք և ձեզ վերադարձնում ընտանիք, դուք էլ մեր համար պայքարեք և մեզ վերադարձրեք մեր ընտանիք. ռեանիմատոլոգ

Սահմանափակումներին վերադառնալու դեպքում տնտեսապես այդ բեռը կլինի անտանելի, բայց հարցը քննարկվում է. վարչապետ

Գերմանիայում աշխատող բժշկին գումար են առաջարկել, որ հայ հասարակության շրջանում խոսի ընդդեմ դիմակների և պատվաստանյութերի

ԱԱԾ-ն չի պատասխանում Գագիկ Խաչատրյանի ընտանիքին առնչվող քրեական գործի մասին ՀԺ-ի գրավոր հարցմանը

Կորոնավիրուսը հնարավոր չէ կանխարգելել որևէ դեղով, պաշտոնապես հայտարարում եմ. Արսեն Թորոսյան (տեսանյութ)

Կորոնավիրուսից 33-ամյա քաղաքացի է մահացել. 418 ծանր, 81 ծայրահեղ ծանր վիճակում գտնվող պացիենտ կա. Արսեն Թորոսյան

24 ժամով կասեցվել է Երեւանի Խորենացի պողոտայի վրա գտնվող ոսկու շուկայի գործունեությունը (տեսանյութ)

Կորոնավիրուսային իրավիճակը երկրում շարունակվում է լարվել. Նիկոլ Փաշինյան (ուղիղ)

Պատգամավորների կյանքին ու առողջությանն սպառնալիքներ հնչեցնելու դեպքի առթիվ քրեական գործ է հարուցվել

Վրաց քաղաքական ու հասարակական գործիչներն առաջարկում են օգնել Հայաստանին. aliq.ge

ՀՀ ֆուտբոլի հավաքականի խաղացողը կարող է հայտնվել Կիպրոսի բազմակի չեմպիոնի կազմում