Չեմ կարծում, որ թիվ մեկ հարկատուի հանդեպ սա ճիշտ վերաբերմունք է․ պատգամավորը՝ հակածխախոտային օրինագծի մասին

Հակածխախոտային նախագծին պետք է դեմ քվեարկել այն բանի համար, որ խախտվել է քաղաքական պայմանավորվածությունը: Ազգային ժողովի ամբիոնից հայտարարեց «Լուսավոր Հայաստան» խմբակցության պատգամավոր Գուրգեն Բաղդասարյանը՝ անդրադառնալով «Ծխախոտային արտադրատեսակների եւ դրանց փոխարինիչների օգտագործման հետեւանքով առողջությանը հասցվող վնասի նվազեցման եւ կանխարգելման մասին» եւ կից ներկայացված օրենքների նախագծերի փաթեթին:

«Երեք խմբակցությունները գալիս են այս ամբիոնից մեկ բան են պայմանավորվում, եւ գիշերը օրենքը փոխում, հաջորդ օրը բերում են հանձնաժողովի նիստին՝ խոստումը չկատարած, որը կարծում եմ՝ շատ վատ երեւույթ է: Զուտ դրա համար դեմ պետք է քվեարկել այս նախագծին»,- ասաց նա:

Գուրգեն Բաղդասարյանը հարց հնչեցրեց, թե այս նախագծով ինչ մեսիջ են հղում թիվ մեկ հարկատուին եւ մյուս կազմակերպություններին․

«Առողջապահության նախարարությունն օրենք է արտագրել Ավստրալիայից, որ տուփերը պետք է սպիտակեն, բայց հաշվի չի առել, որ Ավստրալիայում տեղական ընկերությունը չի գրավում շուկայի 50 եւ ավելի տոկոս մասնաբաժինը: Այսինքն՝ մենք ինչ մեսիջ ենք ուղարկում «Գրանդ Տոբակոյին» եւ «Սիգարոնին», ասում ենք՝ ձեզ երեք տարի հետո դուրս ենք հանելու տրանսազգային կորպորացիաների հետ մրցակցությունից: Կարծում եմ՝ պատկերացնում եք՝ ինչ եմ ասում, քանի որ այնտեղ կա շատ քողարկված գովազդներ. նույն «Ֆիլիպ Մորիսը», «Դավիդովը», նույն «Ջեյ Թի Այ»-ը: Հիմա ուզում եմ բոլորիդ հարց տալ՝ սենց բան Ամերիկան «Ֆիլիպ Մորիսի» հանդեպ անո՞ւմ է կամ Գերմանիան՝ «Դավիդովի» հանդեպ։ Կարծում եմ՝ ոչ»:

Պատգամավորը, անդրադառնալով ծխախոտների տուփերի դիզայնը հանելուն, հիշեցրեց, որ երկու տարի առաջ դատի էին տվել «Արարատի» տուփի համար, մարդիկ դատական գործը շահել, դիզայն են որոշել, ծախս են արել:

«Հիմա պետք է ասել՝ ԵԱՏՄ շուկայում այդ օրենքը չկա, գնացեք, ինչքան կարող եք, շուկան գրավեք: Մենք ասում ենք՝ չէ, մեր մոտ ներքեւ կիջնեք, հետո մնացածն ինչ լինի, կլինի։ Չեմ կարծում, որ թիվ մեկ հարկատուի հանդեպ սա ճիշտ վերաբերմունք է»:

Բաղդասարյանի խոսքով՝ աշխարհում ընդունված նորմ է՝ ծխախոտի քիչ սպառումը կոռելյացիոն կապ ունի օրական տնօրինելի եկամուտների հետ, դա գրված է Համաշխարհային բանկի զեկույցում, դա գրված է նաեւ առողջապահության համաշխարհային կառույցի զեկույցում։ Դրա համար պետք է մարդկանց հարստացնել եւ ոչ թե գալ, ամեն մի երկրից օրենք արտագրել, ատգամավորի պնդմամբ, ինչ-որ կազմակերպության հավանությանն արժանանալու համար, եւ այս օրենքը բերել մեր պես փոքր երկրներ, որոնց թիվ մեկ հարկատուն հենց ծխախոտագործն է։

Պատգամավորը հիշեցրեց նաեւ, որ իննսունական թվականներին, երբ ՀՀՇ-ն եկավ իշխանության, առաջինն ասում էր՝ փակենք «Նաիրիտը», բոլորիս թունավորում է: «Փակվեց Նաիրիտը, հետո ի՞նչ եղավ՝ բոլորդ գիտեք: Հիմա այս մեսիջն ուղղում ենք մեր արդյունաբերողներին: Կարծում եմ, որ ժամանակ կա քաղաքական պայմանավորվածությունն ուժի մեջ պահելու, որը այս ամբիոնից հնչեցվել է ճիշտ որոշում կայացնելու համար»,- ասաց Գուրգեն Բաղդասարյանը:

Հիշեցնենք՝ Ազգային ժողովը երկրորդ ընթերցմամբ եւ ամբողջությամբ ընդունելու համար քննարկում է հակածխախոտային այնքան քննարկված օրինագիծը, որով առաջարկվում է ծխելն արգելել հանրային փակ տարածքներում ու հանրային սննդի բոլոր օբյեկտներում։

«Ծխախոտային արտադրատեսակների եւ դրանց փոխարինիչների օգտագործման հետեւանքով առողջությանը հասցվող վնասի նվազեցման եւ կանխարգելման մասին» եւ կից օրենքների նախագծերի փաթեթն ԱԺ-ում ներկայացրեց առողջապահության փոխնախարար Լենա Նանուշյանը:

Տպել
753 դիտում

Տավուշի մարզի 5 բնակչի մոտ կորոնավիրուս է հայտնաբերվել. մարզպետ

Արցախում հակառակորդի կրակոցից հրազենային վիրավորում ստացած զինծառայողին տեղափոխել են Երեւան

Արցախում թանկացել են հնդկաձավարը, շաքարավազն ու կարագը, էժանացել՝ վարունգն ու բրինձը

Իրաքում հրթիռակոծության են ենթարկվել ամերիկյան ընկերության նավթային հանքահորերը

2019թ. 31.6%-ով ավելացել է առերևույթ կոռուպցիոն հանցագործության կատարման համար քրեական հետապնդման ենթարկվածների թիվը

Բավական հետաքրքիր նախագծեր կան. հանձնաժողովն ամփոփում է դրամաշնորհային մրցույթի արդյունքները. Հակոբ Արշակյան

Վարչապետ Նիկոլ Փաշինյանը Վլադիմիր Պուտինի հետ բնական գազի մատակարարման հետ կապված հարցեր է քննարկել

«Ճըվճըվ Արոյի» որդին համաներմամբ ազատ է արձակվել

Վարակազերծման աշխատանքներ են իրականացվել հանրային 475 վայրում, սննդի և առևտրային խոշոր կետերում (տեսանյութ)

#Մնատանը և միացիր ՀՖՖ «Իստագրամ»-ի ուղիղ եթերին. Գևորգ Ղազարյանը պատասխանելու է երկրպագուների հարցերին

Մարտունիում խորհրդակցություն է հրավիրվել. քննարկվել են կորոնավիրուսի կանխարգելմանն ուղղված քայլերը

22 ՃՏՊ, 5 թունավորում, 13 մահ. ԱԻՆ-ն ամփոփել է անցած շաբաթը

Պետք է խնդրենք մեր բեռնափոխադրողներին հաշվի առնել այս օրերին երկրների կողմից իրականացվող միջոցառումները․ փոխնախարար

Լիլիթ Հովհաննիսյանը չի կարողանում Բրազիլիայից վերադառնալ Հայաստան

Ախտահանիչ միջոցներ արտադրող 20 ընկերություններից միայն մեկը չի ունեցել սերտիֆիկատ․ Սիմոնյան

Շնորհակալ եմ, բժշկուհի՛ ջան, արի մի հատ քեզ պաչեմ. պացիենտներից մեծ ուժ են ստանում բուժաշխատողները

Վահագն Վերմիշյանի կալանավորման ժամկետը դատարանի որոշմամբ երկարաձգվել է

ՀՎՀՀ ստանալու համար ֆիզիկական անձինք դիմում կարող են ներկայացնել էլեկտրոնային եղանակով. ՊԵԿ

Covid-19-ը ստեղծելու և Չինաստանին վաճառելու մասին կեղծ լուրը մեկամսյա շրջագայությունից հետո հասավ Հայաստան

ԱԳՆ-ի հյուպատոսական մի շարք ծառայություններ հասանելի կլինեն տեսակապի միջոցով