Ադրբեջանում խորհրդարանական ընտրությունները ոչ ժողովրդավարական են գնահատել ԵԱՀԿ-ն և այլ կառույցներ

Ադրբեջանում խորհրդարանական ընտրությունները չեն համապատասխանել ժողովրդավարության եվրոպական նորմերին եւ չեն կարող համարվել բնակչության ազատ կամքի արտահայտում։ Այսպիսին է ԵԱՀԿ ԺՀՄԻԳ, ԵԽԽՎ, ԵԱՀԿ ԽՎ դիտորդների միացյալ առաքելության գնահատականը, հղում անելով  Turan գործակալությանը, այս մասին հայտնում է JAM-news-ը:

Հիշեցնենք, փետրվարի 9–ին Ադրբեջանում տեղի ունեցած արտահերթ խորհրդարանական ընտրություններին հաղթել է իշխող «Ենի Ազերբայջան» («Նոր Ադրբեջան») կուսակցությունը, որը խորհրդարանում ստացել է տեղերի մեծ մասը։

Ըստ ԵԱՀԿ ԺՀՄԻԳ առաքելության համակարգող Արթուր Գերասիմովի, քանի որ հեռուստաալիքներն ու մյուս ավանդական մեդիաները գրեթե չեն լուսաբանել թեկնածուների նախընտրական արշավները, բացակայել է իրական քաղաքական բանավեճն ու ընտրողներին իմաստավորված ընտրություն կատարելու հնարավորություն չի տրվել։

ԵԽԽՎ առաքելության համակարգող Ֆրանկ Շվաբեն խոսել է բազմաթիվ խախտումների մասին ինչպես քվեարկության, այնպես էլ ձայների հաշվարկի ժամանակ։

Նշվում է, որ ընտրատեղամասերի 16%–ում գրանցվել է քվեաթերթիկների լցոնում, 5%–ում՝ «կարուսելներ», 4%–ում՝ գաղտնիության խախտում։ 39 դեպքերում ընտրական հանձնաժողովների անդամները չեն համագործակցել դիտորդների հետ, իսկ 6 դեպքերում կուսակցությունների ներկայացուցիչներին եւ թեկնածուներին վռնդել են տեղամասերից։ 44 ընտրատեղամասերում կողմնակի անձինք են եղել, որոնք չպետք է այնտեղ գտնվեին (օրինակ՝ զինվորականներ , պետական պաշտոնյաներ)։

Մեկնաբանելով բացասական արձագանքներն՝ Ադրբեջանի նախագահ Իլհամ Ալիեւը լրատվամիջոցներին ասել է․

«Մենք արդեն վաղուց սովոր ենք բացասական կարծիքին։ Նրանց եզրակացությունները որոշ դեպքերում նախապես են գրվում, ընդ որում՝ ոչ նրանց կողմից, այլ ուրիշ վայրերում, այնուհետեւ փոխանցվում են նրանց։ Մենք բազմիցս ականատես ենք եղել դրան։ Դուք էլ եք նկատել մեր նկատմամբ Եվրախորհրդի բացասական վերաբերմունքը»։

Իսկ Ադրբեջանի արտգործնախարարությունը հայտարարություն է տարածել, որում ասվում է, որ բոլոր խախտումները հետաքննվում են, եւ համապատասխան միջոցներ են ձեռնարկվելու։ Ընդ որում, նախարարությունը պնդում է, որ «այս ընտրություններն արտահայտում են Ադրբեջանի ժողովրդի կամքը ու երկրի հերթական հաջող քայլն է ժողովրդավարական զարգացման ճանապարհին»։

 

Տպել
1422 դիտում

Մեր նպատակը կապիտալ ծախսերի խթանման միջոցով նոր աշխատատեղերի ստեղծումն է. վարչապետ (տեսանյութ)

ՀՀ քաղաքացիական ավիացիայի կոմիտեն լիցենզիայից չի զրկվել. կոմիտեն հայտարարություն է տարածել

Վերակենդանացման բաժանմունքներում 25 հիվանդ կա. նրանցից 1-ի վիճակը ծայրահեղ ծանր է

Կորոնավիրուսը, Արմեն Մուրադյանը եւ նախարարի պորտֆելը

ՀՀ մարզերում ձյուն է տեղում, Լարսը բաց է միայն բեռնատարների համար

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել

Ապրիլի 6-ին Մոսկվայից կազմակերպվող չարտերային թռիչքի ուղևորներն ընտրվել են ըստ առաջնահերթության

Ապրիլի 4-ին Արցախում աճել է ադամաթզի, սոխ գինը, անկել՝ վարունգի, բենզինի, կիտրոնի, լոլիկի և այլ ապրանքների գները

ՀՀ ՊՆ պարզաբանումը լրատվամիջոցներում հրապարակված բաց նամակի կապակցությամբ

Երևանում բետոնե պատշգամբ է փլուզվել

Մեր «մշտական կորոնավիրուսը»

«Աղավնո», «Խարխափուտ», «Խնձորեսկ» բժշկասանիտարական հսկիչ կետերում ջերմաչափվում են Արցախ մեկնող բոլոր քաղաքացիները

Մոսկվա-Երևան չարտերային թռիչքի ապրիլի 6-ի տոմսերը սպառված են. երկրորդ թռիչքի անհրաժեշտություն կա

Ապրիլի 6-ին, ժամը 18.30-ից Նիկոլ Փաշինյանը ֆեյսբուքի իր էջի ուղիղ եթերում կպատասխանի քաղաքացիների հարցերին

Վթարի ենթարկված շտապօգնության մեքենայում կորոնավիրուսով հիվանդ 3 պացիենտ է գտնվել. Ալինա Նիկողոսյան

2017թ-ից հետախուզման մեջ գտնվող տղամարդը ներկայացել է ոստիկանության Արաբկիրի բաժին

ԱԻՆ-ը Երևանում 49 սուպերմարկետ և 128 հանրային տարածք է վարակազերծել

Կենտրոն համայնքում քամին ծառեր է տապալել

Հայաստանում կորոնավիրուսով վարակվածներից 500-ը բուժման կարիք չունի, նրանք նաև ջերմություն չունեն. Նիկոլ Փաշինյան