Դպրոցներում «բացակաները» ոչ միշտ են նշանակվում. արդյոք ԱՆ-ը վարակի տարածվածության սխալ պատկեր ու եզրակացություն չունի

Հանրապետությունում շարունակում են տարածվել սուր շնչառական վարակներով հիվանդացությունները, դրա հետ մեկտեղ հակասական տեղեկություններ են հրապարակվում դպրոցներում բացակայությունների վերաբերյալ:

Առողջապահական գերատեսչությունը բացակայությունների ցածր ցուցանիշներ է նշում եւ վստահեցնում, որ իրավիճակը վերահսկվում է, անհանգստանալու կարիք չկա: Ծնողները վստահեցնում են, որ սովորողների հաճախելիությունը շատ ավելի փոքր է, քան ներկայացվում է:  

Հայտնի է, որ հաճախ ուսուցիչները ծնողների խնդրանքով կամ սեփական նախաձեռնությամբ աշակերտների բացակաները չեն նշանակում, որպեսզի դրանք չհատեն թույլատրելի 120 դասաժամի շեմը, որովհետեւ հակառակ դեպքում դպրոցականը պետք է քննություններ հանձնի՝ հաջորդ դասարան փոխադրվելու համար: Այս դեպքում, երբ հանրապետությունում տարածված են սուր շնչառական վարակները, երեւույթն առավել ակնառու է դառնում:

Վերջին շրջանում այս անհամապատասխանության մասին քիչ չէին նաեւ սոցիալական ցանցերում արված գրառումները: Աշակերտների ծնողները նշել էին, որ դպրոցներում բացականերն իրականում ավելի շատ են: Օգտատերերից մի քանիսն ընդգծել էին, որ իրենց երեխաների դասարաններում 80%-ը բացակա է: Մեկ այլ օգտատիրոջ գրառման համաձայն՝ հաստատությունում սովորողների շուրջ 50%-ը դպրոց չի հաճախում:

Ու եթե առողջապահության նախարարության համապատասխան ստորաբաժանում հաղորդվող թիվն էապես փոքր է իրական պատկերն արտահայտող ցուցանիշից, նշանակում է՝ գերատեսչությունն էլ սխալ տեղեկություններ է ստանում եւ հետեւաբար հանգում սխալ եզրակացության: 

Նախարարությունից, սակայն, վստահեցնում են, որ այդպիսի վտանգ չկա: Հասարակայնության հետ կապերի բաժնից մեզ տեղեկացրին, որ իրենց հրապարակած տվյալները ճիշտ են, բացի այդ՝ իրենք հրապարակում են ոչ թե կոնկրետ, այլ ընդհանուր թվեր: Ըստ այդմ՝ նախարարությունը չի հիմնվում միայն դպրոցներում գրանցված բացակայությունների վրա, այլ նաեւ ուսումնասիրվում են պոլիկլինիկաներում առկա տվյալները, հաշվարկվում սուր շնչառական հիվանդությունների դեպքերը:

Նշենք՝ երեկ նախարարությունը հայտարարություն էր տարածել, որ կրթական հաստատություններում սուր շնչառական վարակներով բացակայությունը կազմել է 5,8%: Դրանում նշվում էր նաեւ, որ սուր շնչառական վարակների տարածումը հնարավորինս բացառելու նպատակով ուժեղացվել է «համաճարակային ֆիլտրը»: Արդյունքում չի թույլատրվել 1032 (380-ը՝ Երևանում, 652-ը՝ մարզերում) երեխայի մուտքը կրթական հաստատություններ:

Հիշեցնենք, որ հանրապետությունում դեռևս շրջանառում են գրիպի Ա H1N1 ենթատեսակը եւ Բ տեսակը, ինչպես նաեւ շնչառական այլ վարակների հարուցիչներ (ռինովիրուս, բոկավիրուս, ռեսպիրատոր սինտիցիալ վիրուս, ադենովիրոս):

Նշենք, որ ծնողների շրջանում տարածվել է նաեւ այն կարծիքը, որ դպրոցներն ու մանկապարտեզներն այս շրջանում պետք է փակել: ԿԳՄՍՆ լրատվական բաժնից ասացին, որ չեն կարող ոչինչ անել, մինչեւ Առողջապահության նախարարությունը համաճարակային իրավիճակ չհայտարարի: Նշենք, որ օրեր առաջ մեր հարցին ի պատասխան՝ ԱՆ հասարակայնության հետ կապերի բաժնից նշել էին, որ այդպիսի որոշում կայացնելու համար պետք է վիրուսի բռնկում լինի, դպրոցի աշակերտներն սկսեն զանգվածաբար միմյանց վարակել, եւ վարակն արագությամբ տարածվի: Դեռեւս, ըստ նախարարության, նման բան անելու հիմքեր չկան:

Տպել
1218 դիտում

«Zoom» և «Skype» հավելվածներով առցանց հանդիպումների հնարավորություն՝ «X», «Y» և «Z» սակագնային

Կհայտարարվի ծրագրավորման առցանց դասընթացի մրցույթ. Հակոբ Արշակյան

Առաքվել է թոշակների 96 տոկոսը, նպաստների՝ 77 տոկոսը. դժվարություններ կան արտերկրի առաքումների հետ կապված

Արցախում հաստատված կորոնավիրուսով քաղաքացին մասնակցել է համապետական ընտրություններին

Գողություն, սպանության փորձ, ծեծ. ոստիկանությունը 1 օրում հանցագործության 42 դեպք է բացահայտել

Օն-լայն առևտրաշրջանառությունը գրեթե եռապատկվել է. օն-լայն նախագծերի մրցույթի արդյունքներն ամփոփվում են

Թոքերի արհեստական օդափոխման սարքերի նախագծումը 1-2 ամսվա գործընթաց չէ. միանալու պատրաստակամություն են հայտնել շատերը

Պաշտպանները Ռոբերտ Քոչարյանի խափանման միջոցը վերացնելու նոր միջնորդություն են ներկայացրել. դատավորը դեռ անաշխատունակ է

Մանկական հոգեբուժական դիսպանսեր ծառայությունը կենտրոնացվել է «Սուրբ Գրիգոր Լուսավորիչ» ԲԿ-ի պոլիկլինիկայում

Երեւանում հայտնաբերվել է դասալքության համար նախորդ տարվանից հետախուզվող երիտասարդը

Արմեն Թավադյանի եւ Վարուժան Մկրտչյանի վերաբերյալ քրեական գործով առաջին նիստի օրը հայտնի է

Հակոբ Ճաղարյանն ազատվել է վարչապետի խորհրդականի պաշտոնից

Թալինում «Mercedes C» ավտոմեքենան բախվել է գազատար խողովակին․ կա տուժած

COVID-19-ի հետազոտման շարժական լաբորատորիան կգործարկվի այսօրվանից՝ հետազոտելով 99 տոկոս ճշտությամբ

Մահվան դեպքն արձանագրվել է Արտաշատի բժշկական կենտրոնում. պացիենտը եղել է 93 տարեկան

Աշխարհահռչակ Ռոնալդինյոն 1.6 մլն դոլար գրավ է վճարել, որ բանտում մնալու փոխարեն տնային կալանքի ենթարկվի

Այսօր ունենք կորոնավիրուսի 28 նոր դեպք. գրանցվել է 1 նոր մահ. վարչապետ

Կորոնավիրուսով վարակված արցախցու հետ շփված 20 անձ է մեկուսացվել, ինքնամեկուսացած է ամբողջ գյուղը

ՌԴ-ն արտահանձնում է Ալրաղացի Լյովիկ մականունով հայտնի Լեւոն Սարգսյանին

Հայկական դուդուկը ՅՈՒՆԵՍԿՕ-ի ցանկում գրանցվել է 2008 թվականին․ ԿԳՄՍՆ