Արցախում նախընտրական խմորումներ են. թեկնածուներից 1-2-ը փորձում են մյուսներին համախմբել իրենց շուրջը

Մարտի 31-ին սպասվող նախագահական ընտրությունների շեմին Արցախում լուրջ քաղաքական խմորումներ են ընթանում առաջադրվելու մասին հայտարարած նախագահի թեկնածուների միջեւ: Նպատակը՝ այնպես անել, որ տեղամաս գնացող ընտրողը հստակ պատկերացում ունենա, թե ով է ընդդիմադիր (կամ գործող իշխանությունների հետ կապ չունեցող) թեկնածուն: 

Թերեւս հենց սա է պատճառը, որ թեեւ երեկ առաջադրվելու 5-րդ օրն էր, սակայն ընդամենը 2  թեկնածու էր իր փաստաթղթերը ԱՀ Կենտրոնական ընտրական հանձնաժողով ներկայացրել: Խոսքը «Անկախության սերունդ» կուսակցության կողմից առաջադրված Արցախի ԱԺ անկախ պատգամավոր Ռուսլան Իսրայելյանի եւ «Արդարություն» կուսակցության կողմից առաջադրված Արցախի ԱԽ նախկին քարտուղար Վիտալի Բալասանյանի մասին է: Մինչդեռ դեռեւս նախորդ տարվանից իրենց առաջադրվելու մասին հայտարարել են Արցախի նախկին վարչապետ Արայիկ Հարությունյանը, գործող արտգործնախարար Մասիս Մայիլյանը, ԱՀ ԱԺ պատգամավոր Հայկ Խանումյանը, նախկին պատգամավոր Վահան Բադասյանը, «Արցախյան արվեստի ֆորում» հիմնադրամի տնօրեն Քրիստին Բալայանը, Արցախի ԱԺ նախագահ Աշոտ Ղուլյանը, նախագահի խորհրդական Դավիթ Բաբայանը: 

Ռուսլան Իսրայելյանը երեկ մեզ հետ զրույցում ասաց, որ չի բացառում այլ թեկնածուների հետ համագործակցությունը: Նախագահի թեկնածուն ասաց, որ չի պատրաստվում որեւէ մեկի օգտին հանել իր թեկնածությունը, բայց բանակցում է իրեն միանալու հարցի շուրջ: Թեկնածուն, որի հետ նա պատրաստ է համագործակցել, չպետք է լինի գործող իշխանությունների կողմից առաջադրված: Նա բացառեց նախկին վարչապետ Արայիկ Հարությունյանին սատարելը: Հարցին, թե հնարավո՞ր է Մասիս Մայիլյանի հետ համագործակցի՝  պատասխանեց. «Ընթացքը ցույց կտա: Եթե պարզվի, որ Մայիլյանը իշխանությունների թեկնածուն չի (այդ հարցում դեռեւս կասկածներ ունենք), նոր կմտածենք»:

Ստորեւ՝ հատված մեր զրույցից.

- Պարոն Իսրայելյան, պաշտոնապես քարոզարշավը մեկնարկելու է փետրվարի 26-ից: Իրականում շատերը կարծեք թե նախընտրական հունի մեջ են:

- Վաղուց դա սկսված է: Հանդիպումներ են անցկացնում, կուսակցաշինության անվան տակ հանդես գալիս քարոզչական գործողություններով:

- Նորմա՞լ է դա, իրավական հարթությունից դուրս  չէ՞:

- Ես համարում եմ, որ դա իրավական հարթությունից դուրս է, բայց իրավապահ մարմինները պետք է դրա գնահատականը տան: Ցավոք սրտի, իշխանությունների կողմից միջամտություն չկա, որ կանոնակարգվի այդ ամենը: Ամեն մեկն իր համար ինչ-որ ձեւով քարոզարշավ է անում, հանդիպումներ են կազմակերպում:

- Դուք արձագանքել էիք ՀՀ վարչապետի կոչին եւ կարծիք արտահայտել ԼՂ հարցում ՀՀ նախկին իշխանությունների  թողած ժառանգության վերաբերյալ: Եթե մեկ նախադասությամբ ձեւակերպենք՝ ո՞րն է ձեր դիրքորոշումը:

- Մենք զիջելու տարածք չունենք:

- Ինչպիսի՞ն է լինելու Արցախի ապագան, եթե դուք լինեք նախագահ:

- Արցախի ապագան տեսնում եմ այսօրվա տարածքներով, բնակչության շարունակական ավելացմամբ, բանակի հզորացմամբ, որ ոչ ոք չհամարձակվի մեզ հետ ուժի լեզվով խոսել:

Ինչ վերաբերում է Հայկ Խանումյանին, ապա առաջադրվելու հարցում նրա հապաղելու պատճառը տեխնիկական խոչընդոտն է: Խանումյանը խնդիր ունի՝ կապված 10 տարի Արցախում բնակության տեղեկանքի հետ:  Բանն այն է, որ արդեն մի քանի օր չի բավականացնում նրան 10 տարվա բնակության տեղեկանք տալու համար:

Փետրվարի 13-ին հրապարակվելու է այս հարցով դատարանի որոշումը: Այդ օրը պարզ կդառնա՝ կառաջադրվի՞ նա, թե՞ ոչ: Հարցին՝ եթե չկարողանաք առաջադրվել, սատարելո՞ւ եք որեւէ մեկին՝ Խանումյանը պատասխանեց. «Առայժմ կա համագումարի որոշումը, որը ենթադրում է նախագահի թեկնածուի առաջադրում, եւ այդ թեկնածուն ես եմ: Ընդ որում, մենք կարծում ենք, որ ընտրությունները 1-ին փուլով չեն ավարտվելու, լինելու է 2-րդ փուլ: Մեր նպատակը 2-րդ փուլ անցնելն է»:

Քրիստին Բալայանից եւս հետաքրքրվեցինք, թե ինչու ԿԸՀ չի ներկայացրել իր փաստաթղթերը: Ասաց, որ հավաքում է դրանք, առաջիկայում կներկայացնի: Նախագահի միակ կին թեկնածուն որոշել է ոչ ոքի չսատարել, առաջադրվել անձամբ:

Այլ է պատկերը Մասիս Մայիլյանի, Դավիթ Բաբայանի, Արայիկ Հարությունյանի եւ մյուսների դեպքում: Նախօրեին Շուշի քաղաքում տեղի է ունեցել «Միասնական հայրենիք» կուսակցության արտահերթ համագումարը, որի ընթացքում կուսակցության նախագահ Սամվել Բաբայանը հայտարարել էր, որ պատրաստվում են սատարել առաջադրվող թեկնածուներից մեկին: Ինչպես հայտնի է՝ նա եւս չի կարող առաջադրվել՝ կրկին 10 տարի Արցախում բնակվելու մասին փաստաթղթի պատճառով: Նա շատ բուռն բանակցությունների մեջ էր՝ մեկ թեկնածուի շուրջ համախմբվելու հարցով: Մասնավորապես, դիտարկում էր ինչպես որեւէ թեկնածուի աջակցելու հարցը, այնպես էլ Ստեփանակերտի քաղաքապետարանի աշխատակազմի ղեկավար Գագիկ Նազլուխանյանին առաջադրելու հնարավորությունը:

Երեկ նա իր ֆեյսբուքի էջում գրել էր, որ 5-օրյա ժամկետում համապետական ընտրություններին Արցախի նախագահի թեկնածության հարցի վերաբերյալ հանդես կգա կուսակցության վերջնական դիրքորոշումն արտացոլող հայտարարությամբ: Այսօր Բաբայանի գլխավորած կուսակցությունը հայտարարեց, որ սատարելու են Մասիս Մայիլյանին:  

Ի դեպ, Բաբայանի կուսակցության համագումարին Արցախի արտգործնախարար Մասիս Մայիլյանը ներկա էր եղել, ինչը առիթ էր տվել վերլուծությունների, որ Բաբայանը հենց նրան էլ սատարելու է: Մայիլյանն այս կապակցությամբ հայտարարել էր, որ իրեն հրավիրել են, եկել է: Նա նաեւ չէր հերքել, որ Բաբայանի հետ բանակցություններ են ընթանում:

Ավելի վաղ Մայիլյանը 3 այլ կուսակցությունների հետ «Մայիլյան-Նոր Արցախ» նախընտրական դաշինք էր ձեւավորել:

Քաղաքական շրջանակներում շրջանառվող լուրերի համաձայն՝ եթե Մասիս Մայիլյանին հաջողվի իր շուրջ համախմբել մի քանի թեկնածուի, ապա նա լուրջ մրցակից կդառնա ֆավորիտ թեկնածուներից նախկին վարչապետ Արայիկ Հարությունյանի համար:

Հ.Գ. Քիչ առաջ Արցախի ԿԸՀ-ն տեղեկացրեց, որ 2020թ. փետրվարի 11-ի ժամը 17.00-ի տվյալներով ս.թ. մարտի 31-ին անցկացվելիք  համապետական ընտրություններին մասնակցելու համար ներկայացվել են Հանրապետության նախագահի երեք թեկնածուների գրանցման փաստաթղթեր. 11.02.2020թ. ԱՀ կենտրոնական ընտրական հանձնաժողովն ստացել է Արցախի Հանրապետության նախագահի ընտրություններին ինքնաառաջադրման միջոցով իր թեկնածությունն  առաջադրելու մասին Մասիս Սամվելի Մայիլյանի դիմումը: 

Հ.Գ1. Մարտի 31-ին Արցախում նաեւ խորհրդարանական ընտրություններ են լինելու: Մինչ երեկ դեռ որեւէ կուսակցություն կամ դաշինք ընտրական ցուցակների գրանցման փաստաթղթեր ԱՀ կենտրոնական ընտրական հանձնաժողով չէր ներկայացրել: Վերջնաժամկետը փետրվարի 15-ն է:

Տպել
12625 դիտում

Իրականում ինչ է ասել Ալեն Սիմոնյանը. համացանցում տարածվել է տեսանյութի ամբողջական տարբերակը

Շրջանների զգալի մասում սպասվում են տեղումներ՝ լեռնային և նախալեռնային շրջաններում ձյան տեսքով

Մոսկվայում ձյան աննախադեպ տեղումներ են, քաղաքի փողոցներում՝ 8 բալանոց խցանումներ (տեսանյութ)

Նյութը մոնտաժված է. Ալեն Սիմոնյանը՝ գերիների վերաբերյալ համացանցում հայտնված տեսանյութի մասին

Արցախի մասին պատմող «Երբ որ քամին հանդարտվի» ֆիլմը ներկայացվել է «Ոսկե գլոբուս»-ի

Գյումրու օդը խնկաբույր է այսօր. փոխվարչապետը հարգանքի տուրք մատուցեց 88-ի աղետի զոհերի հիշատակին (լուսանկարներ)

ՀՀ նախագահն ու Արման Բաբաջանյանը հանդիպել են, անդրադարձել երկրում առկա ներքին խնդիրներին և արտաքին մարտահրավերներին

36 ժամով կանջատվի Երևանի Քանաքեռ-Զեյթուն և Արաբկիր վարչական շրջանների մի մասի ջրամատակարարումը

Երևան քաղաքի Նանսենի նրբանցքում կկատարվի երթևեկության կազմակերպման փոփոխություն

Ընդդիմությունը Թալինում կոալիցիա է կազմում՝ չնայած նրան, որ համայնքում ձայների մեծամասնությունը ստացել է ՔՊ-ն

Վերահաշվարկի կամ ընտրության արդյունքներն անվավեր ճանաչելու մասին 67 դիմում է ստացվել․ ԿԸՀ

Կրակոցներ Ծաղկաձորում. դեպքի վայրում հայտնաբերվել է որսորդական հրացանի փամփուշտների 10 գնդակ

Արայիկ Հարությունյանը հարգանքի տուրք է մատուցել Սպիտակի ավերիչ երկրաշարժի անմեղ զոհերի հիշատակին

Ադրբեջանի նախագահի հայտարարությունները հակասում են Սոչիում ձեռք բերված պայմանավորվածություններին. ԱԳՆ

Երևանում հագուստի խանութ է հրդեհվել (լուսանկարներ)

Ընդգծվել է Հայաստանի զգալի առաջընթացը. ԱՄՆ դեսպանատունը հայտարարություն է տարածել ՏԻՄ ընտրությունների վերաբերյալ

Պուտինի ու Բայդենի հանդիպումն այսօր է, թեման՝ ըստ ԱՄՆ-ի, Ուկրաինայի տարածք Ռուսաստանի հնարավոր ներխուժումը

Արցախում կորոնավիրուսով վարակված 18 քաղաքացու վիճակը ծայրահեղ ծանր է. 4 մահ է գրանցվել

ԱՄՆ-ը կարող է նոր պատժամիջոցներ սահմանել Ռուսաստանի դեմ, որը կազդի ռուբլու փոխարժեքի վրա. Bloomberg

Արցախի երեխաների համար՝ Ամանորի նվերներ. ռուս խաղաղապահները 9 տոննա մարդասիրական բեռ են հասցրել Ստեփանակերտ

Պետք է հավատով կառուցենք ամուր տուն-հայրենիք. նախագահը՝ Սպիտակի երկրաշարժից հետո ապրելու մասին

Կորոնավիրուսի մեկօրյա մահերի թիվը կրկին աճել է. 27 մարդ է մահացել, հաստատվել՝ 240 նոր դեպք

«Քաղաքացիական պայմանագիր»-ը կբողոքարկի Աբովյանի 25 խոշոր ընտրական տեղամասերի արդյունքները

Ստեփանակերտ-Ննգի-Մարտունի ավտոճանապարհին մեքենաներ են բախվել. կա տուժած

Դիարբեքիրի հայկական եկեղեցին վերանորոգումից հետո հանձնել են տեղի համալսարանի տնօրինությանը

Մի շարք ավտոճանապարհների մերկասառույց է, կան փակ ճանապարհներ

Երևանի ու 6 մարզերի որոշ հասցեներում մի քանի ժամ լույս չի լինի

«Ապրելու երկիր» և «Զարթոնք» կուսակցության հետ կոալիցիա կազմելու պայմանավորվածություն չկա. «Հանուն Հանրապետության»

Ձեր վստահությունը խիստ պարտավորեցնող է համայնքի զարգացման ծրագրերն իրագործելու գործում. Արտաշատում ՔՊ-ի թեկնածու

Մրգանուշ-Դվին ավտոճանապարհին մեքենան դուրս է եկել երթևեկելի հատվածից և կողաշրջվել. կա տուժած

Այսօր Սպիտակի ավերիչ երկրաշարժի 33-րդ տարելիցն է

Հրդեհ Արմավիրի մարզի Նոր Արմավիր գյուղում. այրվել է բնակելի մեկհարկանի տուն

Նոր Արմավիր գյուղի տներից մեկում հրդեհ է բռնկվել․ դեպքի վայրում է հրշեջ-փրկարարական ջոկատների երեք մարտական հաշվարկ

Հովտաշատում օծվել է Արցախյան պատերազմում զոհվածների հիշատակը հավերժացնող խաչքար (տեսանյութ)

Ընդդիմությունը ցանկալին ներկայացնում է իրականություն․ ՏԻՄ ընտրությունը չի կարող համեմատվել համապետական ընտրության հետ

Ստեփանավանի ոլորաններ կոչվող հատվածում, Վանաձոր-Դիլիջան և Արթիկ-Ալագյազ ավտոճանապարհներին տեղ-տեղ առկա է մերկասառույց

Պատրաստակամ ենք ընդլայնել համագործակցությունը․ Նարեկ Մկրտչյանն ընդունել է ՄԱԿ-ի մանկական հիմնադրամի ներկայացուցչին

Դոլարն ու եվրոն թանկացել են․ Կենտրոնական բանկը սահմանել է նոր փոխարժեքներ

Իջևան-Դիլիջան ճանապարհահատվածում բեռնատարն ու թեթեւ մարդատարը բախվել են․ բեռնատարի վարորդը հոսպիտալացվել է

Հայաստանում անցկացվել է անվասայլակներով բասկետբոլի ու հաշմանդամություն ունեցող անձանց սեղանի թենիսի առաջնությունը