Դատախազը միջնորդեց կալանավորել դատավորին հետապնդած երիտասարդներից Նարեկ Մութաֆյանին. դատարանը այն մերժեց

Երեւանի ընդհանուր իրավասության դատարանում Ռոբերտ Քոչարյանի աջակիցներ Սարգիս Օհանջանյանի եւ Նարեկ Մութաֆյանի գործով դատական նիստին մեղադրող դատախազ Ասպուրակ Ավետիսյանը միջնորդություն ներկայացրեց ամբաստանյալ Նարեկ Մութաֆյանին կալանավորելու վերաբերյալ:

Նշենք, որ այս քրեական գործի շրջանակում Նարեկ Մութաֆյանի նկատմամբ խափանման միջոց կալանավորումը ընտրվել էր դեռ 2019 թվականի սեպտեմբերի 29-ին, երբ Երեւանի ընդհանուր իրավասության դատարանի դատավոր Արտուշ Գաբրիելյանը բավարարել էր նախաքննական մարմնի միջնորդությունը: Երկու ամիս անց Մութաֆյանի կալանավորումը երկարաձգվել էր: Դատարանի այդ որոշումը պաշտպանական կողմը բողոքարկել էր Վերաքննիչ դատարան, որն էլ դատավոր Ռուբիկ Մխիթարյանի նախագահությամբ որոշել էր Նարեկ Մութաֆյանին ազատ արձակել: Հետագայում քրեական գործը վարույթ ընդունելով՝ դատավոր Արմինե Մելիքսեթյանը նրա նկատմամբ որպես խափանման միջոց էր ընտրել չհեռանալու մասին ստորագրությունը:

Միջնորդությունը ներկայացնելիս մեղադրող դատախազ Ասպուրակ Ավետիսյանը նշեց, որ Վերաքննիչ դատարանը, իրավաչափ ճանաչելով Մութաֆյանի նկատմամբ կալանավորման երկարաձգման որոշումը, բեկանել է այն՝ պատճառաբանելով անմեղության կանխավարկածի չհաղթահարված լինելու հանգամանքով: Սակայն, դատախազի խոսքով, խափանման միջոցի կիրառման համար ամենեւին էլ պարտադիր չէ օրինական ուժի մեջ մտած դատական ակտի առկայություն. «Դատարանին ներկայանալիս ամբաստանյալը նշեց մեկ այլ քրեական գործով նախկինում դատվածություն ունենալու մասին: Այդ քրեական գործով Մութաֆյանի նկատմամբ կիրառվել է կալանավորմանը այլընտրանքային խափանման միջոց գրավը: Գտնում եմ, որ գրավ կիրառված լինելու պայմաններում եւս վերստին չթույլատրված արարք կատարելը բավարար է Քրեական դատավարության 135-րդ հոդվածի կարգով՝ կալանավորում խափանման միջոցը կիրառելու համար»: Դատախազի խոսքով՝ այլ քրեական գործով դատական ակտն արդեն իսկ մտել է օրինական ուժի մեջ, սակայն այդ հանգամանքն իր միջնորդության մեջ, ըստ էության, որեւէ բան չի փոխում:

Մեղադրող դատախազը նշեց, որ չհեռանալու մասին ստորագրությամբ հնարավոր չէ կանխել մեղադրյալի ոչ պատշաճ վարքագիծը եւ խնդրեց փոփոխել այն:

Պաշտպան Արամ Վարդեւանյանը առարկեց միջնորդության դեմ՝ այն որակելով ակնհայտ անհիմն: Ըստ Վարդեւանյանի՝ միակ գնահատականը, որ կարող է Դատախազությունը տալ Վերաքննիչ դատարանի որոշմանը, Վճռաբեկ բողոք ներկայացնելն է, ինչն էլ արել է: Պաշտպանի խոսքով՝ Վճռաբեկ դատարանը բողոքը դեռ վարույթ չի ընդունել, հետեւաբար Վերաքննիչի դեռեւս գործող դատական ակտը դատախազի կողմից կասկածի տակ դնելը տարօրինակ է. «Վերաքննիչ դատարանի դատավոր Ռուբիկ Մխիթարյանի կողմից կայացված դատական ակտը ամբողջովին իրավաչափ է: Դրա կայացման ժամանակ պաշտպանյալս ամբողջությամբ անմեղ էր, չուներ դատվածություն, հիմա ունի, թե ոչ, ես չգիտեմ: Ես գտնում եմ, որ սույն գործով, հատկապես Նարեկ Մութաֆյանի նկատմամբ, դրսեւորվում է առանձնահատուկ վերաբերմունք»:

Պաշտպանի խոսքով՝ այս ընթացքում ամբաստանյալը դրսեւորել է պատշաճ վարքագիծ եւ այսօրվա նիստին ներկայացել է առանց ուշացման: Ըստ Վարդեւանյանի՝ ազատ արձակվելուց հետո ոչ պատշաճ վարքագծի որեւէ փաստական տվյալ դատախազը չներկայացրեց. «Նոր հանցանք կատարելու ռիսկը չի կարող գնահատվել այն պայմաններում, երբ անձը ունի անմեղության կանխավարկածի երաշխիք, իսկ եթե հաշվի առնենք, որ հիշյալ մեղադրական ակտը ուժի մեջ է մտել, չպետք է դա կտրված դիտարկենք, պետք է հաշվի առնենք, թե ինչ է եղել այս ընթացքում, ինչ վարքագիծ է անձը դրսեւորել»: Վարդեւանյանը կարեւորեց նաեւ այն հանգամանքը, որ դատարանն այժմ գտնվում է դատաքննության փուլում, որը խափանման միջոցի տեսանկյունից առավել նվազ ռիսկային փուլ է:

Արամ Վարդեւանյանը նշեց, որ ինքը վերապահում ունի անգամ ընտրված խափանման միջոց ստորագրության նկատմամբ, սակայն եթե խնդրին նայի դատախազի տեսանկյունից, ապա այդ խափանման միջոցը բավարար է:

Լսելով կողմերին՝ նախագահող դատավոր Արմինե Մելիքսեթյանը հեռացավ խորհրդակցական սենյակ, որտեղից կարճ ժամանակ անց վերադառնալով՝ որոշեց մերժել Մութաֆյանին կալանավորելու միջնորդությունը:

Այսպիսով, դատական նիստը շարունակվում է:

Տպել
5216 դիտում

Վահագն Թեւոսյանն ու Վահրամ Մարտիրոսյանը նշանակվել են Հանրային հեռարձակողի խորհրդի անդամներ

Ամերիաբանկ. 2021 թ. լավագույն ներդրումային բանկը Հայաստանում ` ըստ «Global Finance» հեղինակավոր ամսագրի

Տեղի է ունեցել «Մեղրի-2» և «Որոտան-1» էլեկտրատեղակայանքներում համակարգային վթարի վերաբերյալ հանձնաժողովի նիստ

8 օր, 8% cashback «Մերի» խանութ-սրահներում IDBank-ի Visa քարտերով

Պարզվել է թմրամիջոցների ապօրինի շրջանառությամբ զբաղվող խմբի անդամների ինքնությունը. մեղադրանք է առաջադրվել ևս 5 անձի

Արթուր Վանեցյանն անկեղծ չէ, գերիների հարցը երկու օրվա լուծելու չէ. Քոչարյան

ԳՇ հայտարարությունը հայտարարություն էր, այն քաղաքական հայտարարություն չէր. Գալուստ Սահակյան

Անցած չորս օրում արձանագրված 26 դեպքով հաշվարկվել է 67.231.184 ՀՀ դրամի չափով շրջակա միջավայրին հասցված վնաս. ԲԸՏՄ

Եթե Կենտրոնական բանկի որոշումը լինի, թոշակառուները իրենց գումարը նորից կստանան կանխիկ՝ փոստից

Հայաստանի առաջարկը՝ Թուրքիան հանել ԵԱՏՄ սակագնային արտոնություններից օգտվող երկրների ցանկից, ընդունվել է

Վերականգնողական վարժություններ COVID-19 երկարատև հիվանդությունից հետո

Առաջարկվում է կորոնավիրուսի ԱԺ քննիչ հանձնաժողովի լիազորությունների ժամկետը 6 ամսով երկարաձգել

Հայաստանն այս տարի չի մասնակցի «Եվրատեսիլ» երգի միջազգային մրցույթին

Աշխատող ուսանողների ուսման վարձը կփոխհատուցվի եկամտային հարկից. դիմումները կընդունվեն ուստարվա ավարտից հետո

Ադրբեջանի նախագահը ԼՂ խաղաղ գործընթացի վերաբերյալ իր հայտարարություններով հակադրվում է միջազգային հանրությանը. Նաղդալյան

Նոր նախագիծ՝ պարտադիր զինվորական ծառայությունից ազատման վերաբերյալ

2020 թ-ին ՀՀ-ն 2 միավորով առաջ է անցել քաղաքական իրավունքների ու քաղաքացիական ազատությունների ոլորտում. Freedom House

Նախագահի հրամանագրով՝ մի խումբ զինծառայողների հետմահու շնորհվել են պետական պարգևներ

Հարցը բարդ է, կան շատ գործոններ, որոնք ազդում են կողմերի դիրքորոշման վրա. Գրիգորյանը՝ Փաշինյան-Մարուքյան հանդիպման մասին

Էրդողանի հայտարարության թիրախը ՀՀ վարչապետին հարվածելն է. պատգամավոր

Երեւանի մետրոն 2019 թվականին 21 միլիոն ուղեւոր է տեղափոխել, 2020-ին՝ 11 միլիոն. Մետրոպոլիտենը 40 տարեկան է

Նիկոլ Փաշինյանը ծաղիկներ է խոնարհել սպարապետ Վազգեն Սարգսյանի հուշարձանին (տեսանյութ)

«ՔոնթուրԳլոբալ Հիդրո կասկադ» ՓԲԸ-ն հայտարարում է մրցույթ

2 վթար է գրանցվել Ասկերան-Ստեփանակերտ ճանապարհին. կան տուժածներ

Ֆինանսների նախարարությունն առաջարկում է սահմանափակել ինտերնետային շահումով խաղերի և տոտալիզատորների գովազդը

Դագաղներ, ծաղկեպսակներ քաղաքական կիզակետում ի հայտ են եկել 2008-ից՝ ներկայիս ընդդիմադիրների կողմից. պատգամավոր

Այսօր վերաբացվել է շուրջ 250 մահճակալ հզորությամբ Սուրբ Աստվածամայր ԲԿ ինֆեկցիոն մասնաճյուղը

Ադրբեջանի ԶՈՒ-ն շարունակում է կրակոցներ արձակել Սյունիքի մարզի գյուղերի հարևանությամբ․ ՄԻՊ

3 նոր ՈՒԱԶ ֆուրգոն մակնիշի մեքենա՝ Սյունիքի պահպանվող տարածքների պահպանությունը իրականացնելու համար

Ըստ պատգամավորի՝ դատավորների կենսաթոշակի վերաբերյալ նախագիծը առաջիկա քառօրյային կքննարկվի և կընդունվի

ԲՀԿ-ն չունի որոշում արտահերթ ընտրություններ անցկացնելու վերաբերյալ

Նախագահի անունից ծաղիկներ են դրվել Վազգեն Սարգսյանի շիրիմին և նրա հիշատակը հավերժացնող հուշարձանին

Սարգիս Քլոյանը դատի է տվել Սայաթ Շիրինյանին

Արցախում հաստատվել է կորոնավիրուսային հիվանդության 4 դեպք

Եթե գործադիր իշխանությունը քննադատում է դատական իշխանությանը, ուրեմն դատական իշխանությունը լավ է աշխատել. Մարուքյան

Գերեվարված զինվորների ծնողները փակել են Շիրակի մարզպետարանի մուտքը. աշխատակիցներին թույլ չեն տվել ներս մտնել

Եթե Փաշինյանի հետ համաձայնություն լիներ, կասեի՝ լրագրողներ, եկեք, գնանք նշենք. Մարուքյան

Կաշառք ստանալու համար մեղադրանք է առաջադրվել հարկային տեսուչին. նրան կալանավորելու միջնորդություն է ներկայացվել

Օրվա ընթացքում զինամթերքի պայթեցման աշխատանքներ են նախատեսվում Արցախի 4 համայնքների կից բնակավայրերում

Հաստատվել է կորոնավիրուսային հիվանդության 442 նոր դեպք. գրանցվել է 7 մահ