Դատարանը մերժեց «Բավրա» մաքսակետի հերթափոխի պետին կալանավորելու միջնորդությունը

Երեւանի ընդհանուր իրավասության դատարանը, դատավոր Հարություն Մանուկյանի նախագահությամբ, քիչ առաջ մերժեց «Բավրա» մաքսակետի հերթափոխի պետին կալանավորելու քննիչի միջնորդությունը:

Այս մասին «Հայկական ժամանակ»-ը տեղեկացավ նրա պաշտպան Գոռ Միքայելյանից:

Միքայելյանը հայտնեց, որ իր պաշտպանյալին մեղադրանք է առաջադրվել այսօր՝ ՀՀ քրեական օրենսգրքի  308-րդ հոդվածի 1-ին մասով (պաշտոնատար անձի կողմից իր պաշտոնեական դիրքը ծառայության շահերին հակառակ օգտագործելը կամ ծառայողական պարտականությունները չկատարելը) եւ 311-րդ հոդվածի 4-րդ մասի 2-րդ կետով (առանձնապես խոշոր չափերով կաշառքը): Հարցին, թե ինչ դիրքորոշում ունի նա առաջադրված մեղադրանքի վերաբերյալ, պաշտպանը չցանկացավ պատասխանել՝ նշելով, որ դրան կանդրադառնան ավելի ուշ:

Պաշտպանական կողմը բողոքարկել էր նաեւ պետին ձերբակալելու որոշումը, ինչը եւս դատարանը մերժեց. «Այսինքն՝ դատարանը գտավ, որ ձերբակալումը եղել է իրավաչափ, բայց կալանավորման անհրաժեշտություն չկա»,- նշեց պաշտպանը: Հարցին՝ այս դեպքում նա շարունակելու՞ է մնալ Ձերբակալվածների պահման վայրում, Գոռ Միքայելյանը պատասխանեց. «Առհասարակ, չպիտի շարունակի, հենց հիմա ես զբաղված եմ այդ հարցերով, որ նա անմիջապես ազատ արձակվի, որովհետեւ կալանավորման միջնորդության մերժման որոշումը նշանակում է, որ դատարանը նրա հետագա արգելանքը համարել է անհիմն, իսկ եթե մնա ձերբակալված, կնշանակի, որ անձն ապօրինի զրկվում է ազատությունից»: Գոռ Միքայելյանը վստահություն հայտնեց, որ ՁՊՎ-ի վարչակազմը իր պաշտպանյալին ազատ կարձակի:

Հիշեցնենք՝ փետրվարի 7-ին Ազգային անվտանգության ծառայությունը հայտարարեց, որ բացահայտել է առանձնապես խոշոր չափի կաշառք ստանալու հերթական դեպքը:

Ըստ ԱԱԾ-ի՝ փաստական տվյալներ են ստացվել այն մասին, որ «Բավրա» մաքսակետի հերթափոխի պետը և մաքսային 2 տեսուչ, 2020 թ. հունվարի 25-ին ընդունելով բեռնափոխադրումներ իրականացնող կազմակերպության համասեփականատիրոջ առաջարկը, համաձայնության են եկել առանձնապես խոշոր չափի՝ 1.436.610 ՀՀ դրամին համարժեք 3000 ԱՄՆ դոլար կաշառք ստանալու դիմաց, առանց պատշաճ մաքսային հսկողության և ձևակերպման մաքսային տարածքից բաց թողնել հիշյալ կազմակերպության կողմից Վրաստանից տեղափոխվող շուրջ 4.5 տոննա ընդհանուր քաշով բեռը: Ենթադրյալ հանցագործություն կատարած 4 անձինք ձերբակալվել էին:

Տպել
3118 դիտում

Ինձ որևէ զենք կրող մարդ չի ուղեկցում և չի ուղեկցել. Հակոբ Արշակյանը՝ լուսանկարներում զինված քաղաքացու մասին

Դատական համակարգում առկա խնդիրը օր առաջ լուծման անհրաժեշտություն ունի. Ալեն Սիմոնյան

Երեկ գիշեր դանակահարություն է տեղի ունեցել Երեւանում. հարուցվել է քրգործ. ձերբակալվել է տուժողի եղբայրը

Բելառուսի նախագահը նոր վարչապետ է նշանակել

Պացիենտից վարակված բժիշկն այսօր դուրս է գրվել

Բակո Սահակյանը պատասխանել է Ապրիլյան պատերազմի քննիչ հանձնաժողովի հարցերին. հանձնաժողովի աշխատանքի ժամկետը սպառվեց

ԱԺ-ն չընդունեց մեկուսացման նպաստ սահմանող նախագիծը. այն ուղարկվեց առաջարկների ստացման փուլ

«Մշակութային ժառանգություն» դարձած կրպակը ապամոնտաժվեց տնտեսվարողի հետ բանակացությունների արդյունքում. Կուբատյան

Պաշտպանության նախարարությունը հրավիրում է դիմել «1991 ստորաբաժանման» շրջանակում անցկացվող դասընթացներին

Արմավիրի մարզում հաստատվել է կորոնավիրուսով վարակման 717 դեպք, առողջացել՝ 287-ը

Վրաստանում անցած 1 օրում կորոնավիրուսով վարակման 1 դեպք է արձանագրվել

Բանկերն ու վարկային կազմակերպությունները վարկային արձակուրդ են տրամադրել 550 հազար ֆիզիկական անձանց․ վարչապետ

Պարող կինը դպրոցի տնօրենն է. վարչապետը հրապարակել է դպրոցներից մեկում «Վերջին զանգ»-ի տեսանյութը

Բյուջետային ծրագրերի ֆինանսավորման համար ԱՄՀ-ից 315 մլն դոլար վարկային միջոցներ կներգրավվեն․ Ջանջուղազյան

Ընդդիմությունը մեզ հետ խրամատ փորելու փոխարեն պահանջում է Արսեն Թորոսյանի հրաժարականը․ Հրաչյա Հակոբյան

ՀՀ նախագահի 2020թ. մրցանակակիրների անունները հայտարարելու գործընթացը հետաձգվում է

8-րդ միջոցառման շահառուների շրջանակն ընդլայնվեց եւս 9 ոլորտով․ 9171 քաղաքացի օժանդակություն կստանա

«Իմ քայլը» խմբակցությունն առաջարկում է հետ տանել իր առաջարկած օրենքի նախագիծը, ընդդիմությունը դեմ է

Տպավորություն է, թե վարակը քաղաքական-կուսակցական հարց է, այնինչ բոլորիս առողջությունը քաղաքական հարց չէ. Լ. Նազարյան

10 տոկոս կանխավճարով եւ մինչեւ 20 տարի մարման ժամկետով բնակարաններ կվաճառվի հանրային ծառայողներին․ Ղուլարյան