Իլհամ Ալիեւը ԵԽԽՎ բանաձևը «թղթի կտոր» է անվանել, պարգեւատրել Թուրքիայի ԱԳ նախարարին

Փետրվարի 6-ին Բաքվում կայացել է Թյուրքալեզու երկրների համագործակցության խորհրդի (Թյուրքական խորհուրդ) անդամ երկրների արտգործնախարարների արտահերթ նիստը, որը մամուլի համար եղել է դռնփակ:

Նիստին մասնակցել են Թուրքիայի արտգործնախարար Մեւլութ Չավուշօղլուն, Ադրբեջանի արտգործնախարար Էլմար Մամեդյարովը, Ղրղզստանի արտգործնախարար Չինգիզ Այդարբեկովը, Ղազախստանի արտգործնախարար Մուխտար Տլեուբերդին, Ուզբեկստանի արտգործնախարար Աբդուլազիզ Քամիլովը եւ Թյուրքական խորհրդի գլխավոր քարտուղար Բաղդադ Ամրեեւը։ 

Թուրքիայի ԱԳ նախարար Մեւլութ Չավուշօղլուն Բաքու այցի ընթացքում առանձնազրույցներ է ունեցել Ադրբեջանի արտգործնախարար Էլմար Մամեդյարովի, Ղրղզստանի արտգործնախարար Չինգիզ Այդարբեկովի եւ Թյուրքական խորհրդի գլխավոր քարտուղար Բաղդադ Ամրեեւի հետ։

Չավուշօղլուն հանդիպել է նաեւ Արդբեջանի նախագահ Իլհամ Ալիեւին: Վերջինս Չվուշօղլուին շնորհել է «Dostluq»  («Ազգերի ընկերություն») շքանշանը՝ նշելով, որ ԱԳ նախարարը Թուրքիայի գրանցած հաջողությունների մեջ մեծ ներդրում ունի եւ ադրբեջանական ժոովրդի վաղեմի ընկերն է:

Թուրքիայի եւ Ադրբեջանի հնամենի բարեկամության եւ Ցեղասպանության ճանաչման, Ղարաբաղի հակամարտության հարցում նրանց ունեցած միանման կարծիքների, իրարա աջակցելու մասին վաղուց է հայտնի: Այդ մասին Ալիեւի հետ հանդիպման ժամանակ եւս մեկ անգամ հիշեցրել է Չավուշօղլուն, նշել, որ իրենք շարունակելու են պաշտպանել Ադրբեջանի շահերը միջազգային ամենատարբեր հարթակներում եւ իր ստացած շքանշանը միայն դրա վկայությունն է:

Նաեւ հավելել է, որ նույնն են տեսնում Բաքվի կողմից, ինչը գնահատում են.«Ինչպես ասում էր Հեյդար Ալիեւը, մենք 2 պետություն ենք, բայց 1 ազգ: Անկախ նրանից, ես որտեղ եւ ինչ պաշտոնում կլինեմ, մինչեւ կյանքիս վերջ շարունակելու եմ պաշտպանել Ադրբեջանի շահերը»,-ասել է նա:

Մեւլութ Չավուշօղլուի եւ Իլհամ Ալիեւի հանդիպման ժամանակ, բացի փոխադարձ գովեստի խոսքերից, այլ հարցերից էլ է խոսվել:

Մասնավորապես, հունվարի վերջին ԵԽԽՎ ընդունած բանաձեւի մասին՝ «Ադրբեջանում քաղբանտարկյալների հայտարարությունների գործով»։ Հիշեցնենք, դրանում ասվում է, որ Ադրբեջանում քաղբանտարկյալների խնդիրը «համակարգային բնույթ» է կրում ու այն պետք է մեկընդմիշտ լուծել։

Ալիեւը հայտարարել է, որ Եվրախորհուրդը դեգրադացվում է, եւ Ադրբեջանը չի կատարելու այս կազմակերպության պահանջները:

«Ադրբեջանի առնչությամբ ընդունված վերջին բանաձևը (ԵԽԽՎ) մեզ համար թղթի կտոր է ըբնդամենը, մի կտոր թղթի արժեք ունի։ Մենք չենք ընդունում այնտեղ հնչած հորինված մեղադրանքներից ոչ մեկը եւ չենք կատարելու մեզ ներկայացված ոչ մի պահանջ: Այդ կազմակերպությունը կորցնում է իր հեղինակությունը, այն ի վիճակի չէ որևէ ազդեցություն թողնել աշխարհում տեղի ունեցող գործընթացների վրա։ Կազմակերպության հեղինակազրկման գլխավոր պատճառը կառույցի ներսում տիրող երկերեսանիությունն է, երկակի ստանդարտներն ու անարդարությունը», – հայտարարել է Ադրբեջանի նախագահը:

Նշենք, որ ԵԽԽՎ-ում Ադրբեջանի պատվիրակությունը կտրականապես հերքել է, որ Ադրբեջանում քաղբանտարկյալներ կան, դեմ է եղել բանաձեւի ընդունմանը,  իսկ Թուրքիայի  ներկայացուցիչները, ինչպես եւ ենթադրվում էր, աջակցել են նրանց:

«Ադրբեջանը փորձում են միայն սեւ գույներով ներկայացնել եւ հիմնվելով անհիմն, շինծու տվյալների վրա, զեկույցներ են հրապարակում, բանաձեւեր ընդունում այս էլ որերորդ անգամ։ Ասում են՝ իբր Ադրբեջանում քաղբանտարկյալներ կան, իբր Ադրբեջանում խոչընդոտում են ժողովրդավարական գործընթացներին: Սուտ է, Ադրբեջանում քաղբանտարկյալներ չկան, մենք դա գիտենք, եւ դա բավարար է»,-ասել է Իլհամ Ալիեւը Չավուշօղլուի հետ հանդիպմանը։ 

Հիշեցնենք, որ միջազգային իրավապաշտպան կազմակերպություններն ու կառույցները չափազանց ցածր են գնահատում Ադրբեջանում մարդու իրավունքների եւ խոսքի ազատության մակարդակը։ Ադրբեջանում քաղբանտարկյալների հարցերով ԵԽԽՎ զեկուցող Թորխիլդուր Սուննա Էվարդոտիրն այս տարի էլ է անդրադարձել խնդրին, բարձրաձայնել արդեն քանիցս: Սակայն պաշտոնական Ադրբեջանը ինչպես նախկինում, այնպես էլ հիմա համառորեն հերքում է քաղբանտարկյալների առկայությունը երկրում։

Միջազգային կազմակերպությունների զեկույցների համաձայն, Ադրբեջանում քաղբանտարկյալների թիվը վերջին տվյալներով կազմում է 120–136 մարդ։ 

Տպել
672 դիտում

290 հազար քաղաքացիների տրվել է վարկային արձակուրդ՝ 9.3 միլիարդ դրամի չափով. վարչապետ

«Zoom» և «Skype» հավելվածներով առցանց հանդիպումների հնարավորություն՝ «X», «Y» և «Z» սակագնային

Կհայտարարվի ծրագրավորման առցանց դասընթացի մրցույթ. Հակոբ Արշակյան

Առաքվել է թոշակների 96 տոկոսը, նպաստների՝ 77 տոկոսը. դժվարություններ կան արտերկրի առաքումների հետ կապված

Արցախում հաստատված կորոնավիրուսով քաղաքացին մասնակցել է համապետական ընտրություններին

Գողություն, սպանության փորձ, ծեծ. ոստիկանությունը 1 օրում հանցագործության 42 դեպք է բացահայտել

Օն-լայն առևտրաշրջանառությունը գրեթե եռապատկվել է. օն-լայն նախագծերի մրցույթի արդյունքներն ամփոփվում են

Թոքերի արհեստական օդափոխման սարքերի նախագծումը 1-2 ամսվա գործընթաց չէ. միանալու պատրաստակամություն են հայտնել շատերը

Պաշտպանները Ռոբերտ Քոչարյանի խափանման միջոցը վերացնելու նոր միջնորդություն են ներկայացրել. դատավորը դեռ անաշխատունակ է

Մանկական հոգեբուժական դիսպանսեր ծառայությունը կենտրոնացվել է «Սուրբ Գրիգոր Լուսավորիչ» ԲԿ-ի պոլիկլինիկայում

Երեւանում հայտնաբերվել է դասալքության համար նախորդ տարվանից հետախուզվող երիտասարդը

Արմեն Թավադյանի եւ Վարուժան Մկրտչյանի վերաբերյալ քրեական գործով առաջին նիստի օրը հայտնի է

Հակոբ Ճաղարյանն ազատվել է վարչապետի խորհրդականի պաշտոնից

Թալինում «Mercedes C» ավտոմեքենան բախվել է գազատար խողովակին․ կա տուժած

COVID-19-ի հետազոտման շարժական լաբորատորիան կգործարկվի այսօրվանից՝ հետազոտելով 99 տոկոս ճշտությամբ

Մահվան դեպքն արձանագրվել է Արտաշատի բժշկական կենտրոնում. պացիենտը եղել է 93 տարեկան

Աշխարհահռչակ Ռոնալդինյոն 1.6 մլն դոլար գրավ է վճարել, որ բանտում մնալու փոխարեն տնային կալանքի ենթարկվի

Այսօր ունենք կորոնավիրուսի 28 նոր դեպք. գրանցվել է 1 նոր մահ. վարչապետ

Կորոնավիրուսով վարակված արցախցու հետ շփված 20 անձ է մեկուսացվել, ինքնամեկուսացած է ամբողջ գյուղը

ՌԴ-ն արտահանձնում է Ալրաղացի Լյովիկ մականունով հայտնի Լեւոն Սարգսյանին