Երևան
23 °C
Վերջին օրերին մամուլում հաճախադեպ են դպրոցների քիչ հաճախելությունների եւ տարածված վիրուսների մասին հրապարակումները: Մեր իրականացրած ուսումնասիրությունը ցույց տվեց, որ գրիպի այս սեզոնին կրթական հաստատություններում բացակայությունները թեեւ աճել են, սակայն դրանց թիվն այնքան էլ մեծ չէ: Ինչպես պարզվեց, բացակայություններն ավելացել են հիմնականում Երեւան քաղաքի դպրոցներում, մարզերում էական փոփոխություն չի եղել:
Հարցված դպրոցներից համեմատաբար շատ բացականեր կային Երեւանի Խաչատուր Աբովյանի անվան թիվ 2 հիմնական դպրոցում: Աշխատակիցները հավելեցին, որ շարունակ կապ են պահում երեխաների հետ եւ գիտեն, որ նրանք բոլորը հիվանդ են: Այս դպրոցում սովորող 860 աշակերտներից այսօր բացակա էր 157-ը:
Հ. 22 դպրոցում եւս բացակաները շատ էին՝ 295-ից 77-ը: Աշխատակիցների տեղեկացմամբ՝ առկա սեզոնային վիրուսներին գումարվել է նաեւ օրը ուրբաթ լինելու հանգամանքը: Սովորողները շաբաթվա վերջին օրը սովորաբար ավելի քիչ են դպրոց գնում, քան մնացած օրերին: Այստեղից հայտնեցին, որ նշված բացականերից 12-ը ջերմություն ունենալու պատճառով դիմել են բուժհաստատություններ:
Գրեթե նույնքան բացակա կար Լեւոն Շանթի անվան հ. 4 հիմնական դպրոցում, որտեղ այսօր 418 աշակերտից 71-ը ներկա չէին: Տնօրինությունից հայտնեցին, որ երեխաների շրջանում կան այսօր շրջանառվող վիրուսներով եւ ջրծաղիկով հիվանդներ: Իրենց խոսքով՝ այս թիվը սովորականից մի քիչ ավելի է, այլ օրերի 15-20 բացակա են ունենում:
Այս օրերին աշակերտների թվի առումով առաձնապես փոփոխություն չկար Հակոբ Կարապենցի անվան հ. 6 հիմնական դպրոցում: Հաստատությունից տեղեկացրին, որ այսօր ՀՀ կրթության, գիտության, մշակույթի եւ սպորտի նախարար Արայիկ Հարությունյանն այցելել է այս դպրոց՝ ծանոթանալու իրավիճակին ու նրան նույնպես տեղեկացրել են, որ դպրոցում բացակաները շատ չեն: Մեր հարցմանն ի պատասխան հրաժարվեցին այդ օրն առկա բացակաների թիվը նշել, քանի որ համապատասխան մասնագետը, ում մոտ դրանք նշված էին, տեղում չէր:
Մարզերի դպրոցներում բացակայությունների պատկերն ավելի մեղմ էր:
Տավուշի մարզի Ակնաղբյուրի հիմնական դպրոցում սովորում է ընդամենը 35 աշակերտ: Այնտեղ 1-2 բացակա կար: Ինչպես տեղեկացրին կրթական հաստատությունից, իրենց մոտ միշտ այդքան են լինում հաճախումները: Այսօրվա բացակաների պատճառն էլ, ըստ իրենց, առկա քամին է:
Նույն մարզի Ազատամուտի միջնակարգ դպրոցում, որտեղ թեեւ կոնկրետ թիվ չնշեցին, սակայն հավաստիացրին, որ գրեթե բացականեր չունեն եւ չեն ունեցել այս օրերին:
Արագածոտնի մարզի Աշտարակ քաղաքի Սմբատ Շահազիզի անվան դպրոցում էլ բացակաները սառը եղանակի հետ կապեցին: Հաստատության տնօրենը նշեց, որ ոչ թե երեխաներն են հիվանդ, այլ ծնողները չեն բերում դասի՝ կատակելով, որ նախնական տեղեկություններով երկուշաբթի օրն ավելի է ցրտելու, այսինքն՝ բացակաները հնարավոր է շատանան: Վերջին մի քանի օրվա ընթացքում իրենց դպրոցում, որտեղ սովորում է 300 աշակերտ, բացակայել է 17-18 երեխա:
Նշենք, որ ԿԳՄՍ նախարար Արայիկ Հարությունյանը, անդրադառնալով բացակայությունների ու սուր շնչառական վարակնեի տարածվածությանը, Ֆեյսբուքյան իր էջում գրառում էր կատարել՝ նշելով, որ ամենօրյա կապ է պահում Առողջապահության նախարար Արսեն Թորոսյանի հետ, եւ կարող է արձանագրել, որ համաճարակային ֆոնի կտրուկ փոփոխություններ չեն նկատվել:
«Ես այսօր անձամբ եմ եղել երկու դպրոցում, ուր, այո, եղել են դասարաններ ցածր հաճախելիությամբ, սակայն եղել են դասարաններ, ընդ որում՝ մեծամասամբ, որտեղ բացակայությունները չեն գերազանցել 10 տոկոսը»,- նշել էր նախարարը՝ հավելելով, որ երեկ նամակով դիմել է Տարածքային կառավարման եւ ենթակառուցվածքների նախարար Սուրեն Պապիկյանին՝ խնդրելով լրացուցիչ միջոցներ ձեռնարկել՝ առաջիկա ցուրտ օրերին դպրոցներում ջերմային պատշաճ ռեժիմ ապահովելու համար:
Փորձեցինք պարզել, թե որ դեպքում դասապրոցեսը դադարեցնելու անհրաժեշտություն կառաջանա: Ի դեպ, շատ ծնողներ պարբերաբար տարբեր հարթակներում ահազանգում են, որ կրթական հաստատություններում շնչառական հիվանդությունների տարածվածությունը մեծ է եւ հարկավոր է միառժամանակ դադարեցնել դասերը: Առողջապահության նախարարության հասարակայնության հետ կապերի բաժնից պատասխանեցին, որ այդպիսի որոշում կայացնելու համար պետք է վիրուսի բռնկում լինի, դպրոցի աշակերտները սկսեն միմյանց վարակել եւ այն արագությամբ տարածվի: Ամեն դեպքում դեռեւս նման բան անելու հիմքեր չկան:
Նշենք, որ ավելի վաղ ԱՆ-ը հայտարարություն էր տարածել՝ նշելով, որ վերջին մի քանի օրվա ընթացքում, հանրապետությունում դիտվում է սուր շնչառական վարակների աշխուժացում: Հայտնաբերվել է Ա H1N1 ենթատեսակը (18,5%), Բ տեսակը (5,5%), ինչպես նաեւ շնչառական այլ վարակների հարուցիչներ (24,7%) (ռինովիրուս, բոկավիրուս, ռեսպիրատոր սինտիցիալ վիրուս, ադենովիրոս):
Հանրապետության մակարդակով կրթական կազմակերպություններում սուր շնչառական վարակներով բացակայությունը չի գերազանցում 1,8%-ը, չնայած` եզակի կրթական կազմակերպություններում արձանագրվել են սուր շնչառական վարակներով բացակայության բարձր ցուցանիշներ:
Որպես անհետ կորած որոնվող 56-ամյա տղամարդը հայտնաբերվել է Ջրվեժի ձորում. մարմինը եղել է կենդանիների կողմից հոշոտված
Սահմանը հանձնվելու է սահմանապահներին, ինչ վերաբերում է պաշտպանության ապահովմանը, դա արդեն ուրիշ խնդիր է․ Փաշինյան
Ոսկեպարում ըստ էության արձանագրվել է այն, ինչ մենք պայմանավորվել ենք ոսկեպարցիների հետ․ Նիկոլ Փաշինյան
Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ
Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)
3 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)
Տյումենում ջրհեղեղի գոտուց երկու հազարից ավելի մարդ է տարհանվել
Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան
Գետափնյա գյուղի մոտակա կամրջով երթևեկությունը դեռևս փակ է
Շատ կարևոր է արձանագրել, որ առաջին անգամ Հայաստանի Հանրապետությունն ու Ադրբեջանը հարց են լուծել սեղանի շուրջ․ վարչապետ
Երևանում քամին տանիքի թիթեղներ է պոկել, ծառ տապալել
Արտակարգ դեպք Երևանում․ հիմնական դպրոցներից մեկում 14-ամյա երեխան ատրճանակով կրակել է 15 տարեկան աշակերտների վրա
ՀՀ-ի համար սա խաղաղ և լեգիտիմ ճանապարհով տարածքային ամբողջականության վերականգնման գործընթացի սկիզբ է․ Խաչատրյան
2017-ին «Սևան ազգային պարկ»-ում առանձնապես խոշոր չափով հափշտակությունների, փողերի լվացման բազմադրվագ դեպքը բացահայտվել է
Վիճաբանության ժամանակ 38-ամյա տղան դանակի մի քանի հարված է հասցրել հորը․ վերջինս հիվանդանոցում մահացել է
Արարատի մարզում ապօրինի ընդերքօգտագործման հետևանքով պատճառված 13 մլն 736 հազար դրամի վնասն ամբողջությամբ վերականգնվել է
Դոլարն ու եվրոն կրկին էժանացել են․ ինչ փոփոխություններ է արձանագրել տարադրամի շուկան ապրիլի 20-ին
ՄԱԿ գլխավոր քարտուղարն ուշադիր հետևում է Հայաստանի ու Ադրբեջանի ձեռք բերած սահմանազատման համաձայնությանը և ողջունում
Նյու Յորքի դատարանի դիմաց երիտասարդն ինքնահրկիզվել է (տեսանյութ)
Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է․ Հակոբ Արշակյան
Ողջունում ենք Հայաստանի և Ադրբեջանի՝ Ալմա Աթայի հռչակագիրը սահմանազատման հիմք ընդունելու հայտարարությունը․ Բլինքեն
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
Ոսկեպարի ճանապարհի դելիմիտացիայի հարցն առայժմ օրակարգում չէ․ վարչապետն ականջալուր է եղել ոսկեպարցիների մտահոգությանը
Հայաստան-Ադրբեջան սահմանին ԶՈՒ-ն երբ իր տեղը կզիջի սահմանապահներին․ Հարությունյանն ասաց՝ ինչ քննարկումներ են լինելու
ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան
Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է
Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան
Ռուսաստանը, ՀԱՊԿ-ը չեն ճանաչում Հայաստանի տարածքային ամբողջականությունը. Լավրովի «ինքնախոստովանությունը»
Այս բարդ գործընթացում պետք է լինենք առավել քան զգոն, տուրք չտանք մանիպուլյացիաներին ու կեղծ տեղեկատվությանը․ Մինասյան
Հուսադրող լուրեր կան Հայաստանի և Ադրբեջանի սահմանազատման գործընթացի մեկնարկի վերաբերյալ․ Կլաար
Ովքեր դեմ են փոխհամաձայնեցված սահմանազատմանը, փորձում են պատերազմի մեջ ներքաշել Հայաստանը, վերածել ծայրագավառի․ Չախոյան
Վարչապետը Զառի միջնակարգ դպրոցի աշակերտների հրավերով ներկա է գտնվել «Պապ թագավոր» ներկայացմանը
Եթե Ստեփանակերտում ոչ թե «քֆուրով» որոշում ընդունող, այլ ադեկվատ իշխանություն լիներ, կսահմաներ ԼՂ շփման գիծը․ Աթանեսյան
Մենք ԵՄ-ի հետ սկսում ենք սերտ համագործակցության նոր ճանապարհ․ Արարատ Միրզոյան
Խաղաղության գործընթացը հիմնականում բաղկացած է որոշումներից, որոնք դուրս են «հակամարտելու» տրամաբանությունից․ Թորոսյան
Շուտով հայտնի ուժերը «մետոձիչկաները» կստանան, ու 10 կոպեկանոց լացի նոր եթերաշրջանը կհամարենք բացված․ Ալեքսանյան
Հայաստանը կստանա հնարավորություն սահմանազատման գործընթացը կազմակերպել քաղաքակիրթ և լեգիտիմ ընթացքով․ Ղազարյան
Աշխարհի գավաթ․ մարմնամարզիկ Վահագն Դավթյանը Փարիզի Օլիմպիական խաղերի ուղեգիր է նվաճել
Կողմերը կառաջնորդվեն Ալմա Աթայի 1991թ. հռչակագրով, մի բան, որից Ադրբեջանը արդեն տևական ժամանակ խուսափում էր․ Եղոյան
Հուսանք՝ այցից հետո կհայտնվի մեր հարաբերությունների զարգացման «ճանապարհային քարտեզ»․ Միրզոյանի հարցազրույցը Arab News-ին
© 2024 Հայկական ժամանակ