Դպրոցական սնունդ ազգային ծրագիրը հնարավոր է իրականացվի Երեւանում. նախատեսվում է քննարկումներ անցկացնել

Երեւանի դպրոցների 1-4 դասարանների աշակերտները եւս հնարավոր է դպրոցում օրական մեկ անգամ տաք սնունդ ուտեն: Նախատեսվում է զարգացնել եւ ընդլայնել «Դպրոցական սնունդ ազգային ծրագիրը», որն այսօր կիրառվում է ՀՀ մարզերում: Այս մասին մեզ հետ զրույցում նշեց ՀՀ կրթության, գիտության, մշակույթի եւ սպորտի նախարարության «Կայուն դպրոցական սնունդ հիմնադրամի տնօրենի պաշտոնակատար Սաթենիկ Մկրտչյանը:

Ծրագիրն առայժմ քննարկումների փուլում է, սակայն նախատեսվում է իրականացնել 2023 թվականից հետո:

Մկրտչյանի խոսքով՝ «Դպրոցական սնունդ ազգային ծրագիր»-ն ունի առողջապահական նշանակություն եւ միտված է կրթության որակի բարձրացմանը, որովհետեւ մի շարք հետազոտությունների համաձայն՝ օրական մեկ անգամյա տաք սնունդն օգնում է երեխաների ուշադրության բարձրացմանը, կենտրոնանալուն:

«Այսպիսի սննդով տրամադրվում է այդ տարիքի երեխաների համար հաշվարկված անհրաժեշտ վիտամինային ծավալի մեծ մասը: Մեծ է նաեւ դրա սոցիալական նշանակությունը»,- նշեց Մկրտչյանը՝ հավելելով, որ շեշտը դրվում է կրթության որակի եւ մարդկային կապիտալի զարգացման վրա:

«Կայուն դպրոցական սնունդ» ծրագիրը մի քանի տարվա պատմություն ունի, ժամանակին այն ամբողջությամբ իրականացվում էր Միավորված ազգերի կազմակերպության կողմից, սակայն արդեն տեւական ժամանակ է՝ մի շարք մարզեր անցում են կատարել ազգային ծրագրին, այսինքն՝ ֆինանսավորումն իրականացնում է ՀՀ կառավարությունը:

ՀՀ մարզերն ամբողջությամբ ազգային ծրագրին կանցնեն 2023 թվականին:

Առայժմ Սյունիքի, Վայոց Ձորի, Տավուշի, Շիրակի, Արագածոտնի մարզերի դպրոցների համար վճարում է Կառավարությունը, իսկ մյուս մարզերում ծրագիրը գործում է ՄԱԿ-ի ֆինանսավորմամբ:

Այս պահին աշխատանքներ են իրականանում կոնկրետ Գեղարքունիքի մարզի դպրոցներում: Կրթական հաստատություններին շինանյութ, սարքավորումներ տրամադրվում են, սակայն Մկրտչյանի խոսքով՝ կարեւոր է, որ համայնքը միավորվի եւ ամեն կերպ աջակցի դպրոցում ճաշարանի ստեղծմանը:

«Այն դպրոցներում, որտեղ կարողանում ենք ապահովել այդ համախմբվածությունը, լավ արդյունք ենք ունենում»,- նշեց նա՝ հավելելով, որ մնացած դեպքերում գոնե մինիմալ աշխատանքներն արվում են:

Վերանորոգման աշխատանքներն իրականանում են ՄԱԿ-ի կորդինացմամբ, երբ արդեն մարզի դպրոցներն այն վիճակին են հասնում, որ կարողանում են տաք սնունդ տրամադրել, ֆինանսավորում է կառավարությունը:

Ինչպես ներկայացրեց հիմնադրամի տնօրենի պաշտոնակատարը, նախատեսվում է «Դպրոցական սնունդ ազգային ծրագիր»-ն ընդլայնել: Այժմ հարցի հետ կապված իրականացվում են քննարկումներ: Ռազմավարությունը մշակելու համար՝ պետք է ձեւավորվի աշխատանքային խումբ, որը կիրականացնի ուսումնասիրություններ եւ պիլոտային ծրագրեր մինչ 2023 թվականը, երբ ՀՀ մարզերն արդեն ամբողջությամբ անցած կլինեն ազգային ծրագրին:

ՀՀ կառավարությունում արդեն սկսել են աշխատանքները:  

Ընդլայնվող ծրագրերից են նաեւ դպրոցների բակերում ջերմոցների հիմնումը, որն արդեն մի քանի դպրոցներում իրականացվել է: Այն հնարավորություն է տալիս, որ աշակերտներն իրենց ձեռքով խնամեն, մշակեն եւ աճեցնեն միրգ ու բանջարեղեն:

Միտքը տեղական արտադրության խթանումն է, դպրոցներիՆ արտադրող, սպառող նաեւ մատակարար դարձնելը:

Ծրագիրն առավել զարգացնելու դեպքում՝ հատուկ քոլեջներում աշակերտների համար այդ մթերքները կարող են լինել նաեւ ուսումնական բազա:

Տպել
1340 դիտում

Աշխարհահռչակ Ռոնալդինյոն 1.6 մլն դոլար գրավ է վճարել, որ բանտում մնալու փոխարեն տնային կալանքի ենթարկվի

Այսօր ունենք կորոնավիրուսի 28 նոր դեպք. գրանցվել է 1 նոր մահ. վարչապետ

Կորոնավիրուսով վարակված արցախցու հետ շփված 20 անձ է մեկուսացվել, ինքնամեկուսացած է ամբողջ գյուղը

ՌԴ-ն արտահանձնում է Ալրաղացի Լյովիկ մականունով հայտնի Լեւոն Սարգսյանին

Հայկական դուդուկը ՅՈՒՆԵՍԿՕ-ի ցանկում գրանցվել է 2008 թվականին․ ԿԳՄՍՆ

Պայթյուն թուրքական ռազմարդյունաբերական ընկերության գործարանի տարածքում. 3 վիրավոր կա

Հրդեհ Ագարակ գյուղում. տուժածներ չկան

6 ժամով լույս չի լինելու Վայոց ձորի մարզի մի մասում

Բեռնատար ավտոմեքենան Մեծ Մասրիկ գյուղի մոտ շրջվել է. վարորդը տեղում մահացել է

Վարդենյաց լեռնանցքը փակ է բեռնատարների համար, Սոթք-Քարվաճառ ավտոճանապարհը՝ դժվարանցանելի

Հրդեհ Աշտարակ քաղաքում. այրվել է վագոն-տնակ

Չգնահատված հանճարներն ու սադրիչները երկրորդ ճակատ են բացել իշխանության դեմ. Լեւոն Տեր-Պետրոսյան

56 նոր պլանշետ է տրամադրվել Լոռու մարզին հեռավար դասապրոցեսն անխափան իրականացնելու նպատակով

Լրատվական կայքերում վիճակաղերի գովազդն իրականացնել 21։00-ից մինչեւ 06։00-ն․ ֆինանսների նախարարության նախագիծը

Աշխարհում մնացել է 18 պետություն, որտեղ պաշտոնապես չի գրանցվել կորոնավիրուսի որեւէ դեպք

Գեղարքունիքի մարզի որոշ համայնքների աղբավայրերում կատարվում են հողածածկման աշխատանքներ

56 համակարգչային տեխնիկա է հատկացվել Արմավիրի սոցիալապես խոցելի խմբերում գտնվող ընտանիքների երեխաներին

Կրակային պատրաստության պարապմունքներ են անցկացվել. ՊՆ

Առաջարկվում է մի շարք գետերում արգելել փոքր հիդրոէլեկտրոկայաններ կառուցել

Հայաստանում հնարավոր է մեկ-երկու շաբաթում տասնյակ հազարավոր թեստեր արտադրել․ Արսեն Առաքելյան