Երևան
17 °C
Կառավարությունը նախորդ տարվա հոկտեմբերի 31-ին որոշում ընդունեց Վանաձորի մանկատունը հունվարի 1-ից լուծարելու մասին: Լուծարման պահին այս հաստատությունում խնամվում էր 38 երեխա: Արդեն դեկտեմբերի 30-ին մանկատան բոլոր երեխաները տեղափոխվել էին, մանկատան դռները՝ փակվել:
Լոռու մարզպետարանի ընտանիքի, կանանց, երեխաների իրավունքների պաշտպանության բաժնի առաջատար մասնագետ Սվետլանա Ասրյանը Հժ-ի հետ զրույցում ասաց, որ Վանաձորի մանկատան երեխաներից 8-ը տեղավորվել է Երեւանի «Զատիկ» երեխաների աջակցման կենտրոնում, «Սաբինե» փոքր տանը տեղավորվել է 6 երեխա, կենսաբանական ընտանիք է վերադարձվել 4 երեխա, որից 2-ը՝ 18 տարին լրացած: 7 երեխա տեղավորվել է խնամատար ընտանիք, որից 3-ը՝ մի ընտանիքում են, 4-ը՝ մեկ այլ:
«Բարեգործի միջոցով ու սոցապ նախարարության հետ համատեղ քննարկումների արդյունքում վարձակալած բնակարանում խնամվում են 5 երեխաներ, որոնք ուսանողներ են կամ ԲՈՒՀ ընդունվելու համար պարապողներ, 1 երեխա էլ գնացել ապրում է քրոջ մոտ»,- ասաց մարզպետարանի աշխատակիցը: Նրա խոսքով՝ տարվա ընթացքում այս ընտանիքներում ու երեխաների կյանքում տեղափոխություններ ու շարժեր դեռ կլինեն, քանի որ նրանց մի մասը բնակարաններ է ստանալու: Իջեւանի «Սոս» մանկական գյուղ է տեղափոխվել 6 երեխա, որից 2-ը՝ ժամանակավոր, որդեգրման ենթակա. «Մյուս 4 երեխաներին Վանաձոր վերադարձնելու համար լուծումներ են քննարկվում, քանի որ երեխաների կապը Վանաձորի հետ մեծ է, եւ ցանկանում են Վանաձորում մնալ: Մեկ երեխա էլ, ում 18 տարին լրացել էր, ինքն է իր համար բնակարան վարձակալել, որը եւս պետք է բնակարան ստանա»:
Ըստ Սվետլանա Ասրյանի՝ հատկապես Վանաձորի մանկատան շրջանավարտների բնակարանների հատկացման գործընթացը լուծվելու է առաջնահերթության կարգով, քանի որ մանկատունը փակվեց, եւ երեխաները հարկադրված էին դուրս գալ մանկատնից: Նա վստահեցնում է՝ չի եղել երեխա, որ վերադարձել է կենսաբանական ընտանիք այն դեպքում, երբ ընտանիք վերադարձնելը երեխայի շահերից չի բխել. «Իհարկե, եղել են դեպքեր, երբ կենսաբանական ընտանիքը եկել-խնդրել է, որ վերադարձնենք, բայց կատարված ուսումնասիրություններով եկել ենք նրան, որ երեխային ընտանիք վերադարձնելը սխալ որոշում կլինի»:
Լոռու մարզը խնամատարության առումով Հայաստանում առաջատար մարզն է: Այստեղ 20 ընտանիքներում 27 երեխա է խնամվում. «2006-ից, երբ փորձնական ծրագիր դրվեց, Լոռին ու Գեղարքունիքը մասնակցեցին: Ի տարբերություն Գեղարքունիքի՝ խնամատար ընտանիքների թիվը մեզ մոտ աճում է: Մեր խնամատար ընտանիքները համարձակվում են անգամ 2-3 երեխա վերցնել»,- ասաց նա՝ վստահեցնելով, որ մարզի տարածքում խնամատարության հետ կապված, բարեբախտաբար, ձախողումներ չեն եղել:
«Այնպես չէ, որ մեր խնամատար ընտանիքներն այսօր շատ լավ են ապրում, մենք երեխաներ տանում ենք այն ընտանիքներ, որտեղ շատ սեր ու ջերմություն կա: Մեր ընտանիքներից գերակշռողները նրանք են, ովքեր իրենց սեփական երեխան չեն կարողացել ունենալ, ովքեր ինչ-ինչ պատճառներով չեն կարողացել երեխա որդեգրել: Կան նաեւ ընտանիքներ, ովքեր ե՛ւ իրենց սեփական երեխաներն ունեն, ե՛ւ խնամատարության վերցված երեխաներ: Օձունեցի այդ ընտանիքը 3 կենսաբանական երեխա ունի, եւս 2-ին էլ խնամատար է դարձել»,- ասաց նա՝ նշելով, որ խնամատար ընտանիք կա, որն անգամ ցանկացել է որդեգրել երեխային՝ հրաժարվելով թե՛ պետության կողմից տրվող գումարներից ու թե՛ մյուս բաներից, միայն թե այդ երեխաները մնան իրենց մոտ, ինչը, ըստ մարզպետարանի ներկայացուցչի, լավագույն ցուցանիշն է այս առումով:
Խնամատար ընտանիքների վարձատրությունը պետության կողմից իրականացվում է 2 բաղադրիչով: Առաջինով տրամադրվում է գումար՝ երեխայի խնամքի ու դաստիարակության համար. «Այդ բաղադրիչում ունենք 59,909 դրամ»,- մանրամասնեց մարզպետարանի աշխատակիցը: Մյուս բաղադրիչը դա վարձատրությունն է երեխայի խնամքն իրականացնելու համար, որը կազմում է շուրջ 92,000 դրամ՝ չհարկված տարբերակով: «Ընդհանուր մոտ 130 հազար դրամ է, իսկ եթե երեխան մասնագիտացված խնամատարություն է ստանում, ապա վարձատրությունը 3 տոկոսով ավելին է լինում»,- հավելեց մեր զրուցակիցը:
Ինչ վերաբերվում է մանկատան՝ գործազուրկ դարձած աշխատակիցներին, ապա Սվետլանա Ասրյանն ասաց, որ աշխատակիցներից մի քանիսը աշխատանքի է անցել մանկատան սաների համար վարձակալված բնակարանում՝ շուրջօրյա խնամք իրականացնելու գործում, որոշների հարցն էլ քննարկման փուլում է:
Բերման է ենթարկվել Սուրեն Պետրոսյանը
ԱԽ քարտուղարը Ռուսաստանի Դաշնություն չի մեկնի
Եթե իրավիճակը Տավուշում շիկանա, օրենքը թույլ Է տալիս ՀՀ տարածքի որոշակի մասում արտակարգ ռեժիմ հայտարարել. Խալաթյան
Ուկրաինայի պաշտպանության փոխնախարարը պաշտոնանկ է արվել
Սահմանազատման գործընթացի մեկնարկի ամենակարևոր կետը սկզբունքի համաձայնեցումն է, որից Ադրբեջանը խուսափում էր․ Խանդանյան
Բռնցքամարտի ԵԱ․ Անուշ Գրիգորյանը կիսաեզրափակչում է
ԱՄՆ պետդեպարտամենտը զեկույցով արձանագրել է հայերի նկատմամբ Ադրբեջանի կողմից մարդու իրավունքների խախտումների դեպքերը
Հայաստան եկած ռուս խաղաղապահները վերադարձել են Լեռնային Ղարաբաղ․ «Ազատություն» (տեսանյութ)
Կարմրուկի համաճարակային իրավիճակը ուշադրության կենտրոնում է․ Անահիտ Ավանեսյանը խորհրդակցություն է անցկացրել
Պարույր Հովհաննիսյանը Արգենտինայի դեսպանին է ներկայացրել Հայաստանի և Ադրբեջանի միջև ընթացող խաղաղության գործընթացը
Նախագահը Քյուրքչյանին և FASTEX-ի տնօրենին մանրամասներ է հայտնել Հայաստանի և Ադրբեջանի միջև սահմանազատման գործընթացից
Վստահ եմ՝ բարձր կպահեք դատարանի հեղինակությունը․ նախագահի նստավայրում տեղի է ունեցել դատավորների երդման արարողություն
Իջևանի «Մայիսյան կամուրջ» ընկերության հանրային սննդի օբյեկտի գործունեությունն անհապաղ կասեցվել է (լուսանկարներ)
Վարչապետն ու Ժիլբեր-Լյուկ Դըվինազը մտքեր են փոխանակել «Խաղաղության խաչմերուկ»-ի շուրջ, անդրադարձել սահմանազատմանը
ՄԻՊ-ը մշտադիտարկում է Տավուշում հավաքի ժամանակ ավտոմեքենայի բազմության մեջ մխրճվելու և 1 անձի վնասվածք ստանալու լուրերը
ՁՊՎ-ում հայտնաբերվել է օրեր առաջ զոքանչին ծանր մարմնական վնասվածք պատճառելու համար ձերբակալված տղամարդու կախված մարմինը
Բրիտանական ԶԼՄ-ների ներկայացուցիչները Ջերմուկում են, քննարկվել է բնակչության հոգեբանական վիճակը․ Արսենյան (լուսանկարներ)
Վիճաբանության ժամանակ որդին մոր ներկայությամբ դանակով հարվածներ է հասցրել հորը, սպանել․ 38-ամյա տղամարդը կալանավորվել է
Կրթական ոլորտում կան շատ խնդիրներ, որոնք հետևողականորեն պետք է լուծվեն, կողմ եմ Ակադեմիական քաղաքի կառուցմանը. Դումանյան
Սա գրվող պատմություն է մի նոր․ Սիմոնյանի գրառումը Տավուշ-Ղազախ հատվածում տեղադրված առաջին սահմանային սյան վերաբերյալ
Պետք է այս մեծ, բարդ խաղում լուծել, թե ինչպես «2,5 գյուղ սահմանագծի դեմ» բանաձևում ստանանք այն, ինչ մերն է․ Սաֆարյան
Ինչու են ռուս խաղաղապահները ժամկետից շուտ լքում Լեռնային Ղարաբաղը․ Ալիևը մանրամասնել է
Եթե ՀԱԵ-ն ծփում է պետականամետ հոգևորականներով, ինչո՞ւ հազար տարի ղեկավարելով ժողովրդին՝ պետություն չստեղծեցին․ Միսկարյան
Հայաստան-Ադրբեջան շփման գծի մի փոքր կտոր դարձավ բոլորի կողմից ճանաչված սահման․ Իոաննիսյան
Ադրբեջանը չի նախատեսում անդամակցել ԵԱՏՄ-ին, սակայն սերտ գործընկերություն ունի անդամ բոլոր երկրների հետ, բացի ՀՀ-ից․ Ալիև
Հայտնի է՝ երբ տեղի կունենա Պուտինի երդմնակալությունը
Հենրիխ Մխիթարյանը Իտալիայի չեմպիոն դառնալուց հետո գրառում է արել
Դոլարն ու եվրոն էժանացել են․ ինչ փոփոխություններ է արձանագրել տարադրամի շուկան ապրիլի 23-ին
Հայաստան-Ադրբեջան պետական սահմանի Տավուշ-Ղազախ հատվածում տեղադրվեց առաջին սահմանային սյունը․ վարչապետ (լուսանկար)
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում տեղադրվել է առաջին սահմանային սյունը
Մենք տուն չենք տալիս թշնամուն, հանձնաժողովը սահման է գծելու․ Վահե Ղալումյան
Ինչ են քննարկել Պուտինն ու Ալիևը Մոսկվայում. մանրամասնել է Հաջիևը
Մենք այժմ ընդհանուր պատկերացում ունենք, թե ինչպիսին պետք է լինի խաղաղության համաձայնագիրը. Ալիև
Նիկոլ Փաշինյանի գլխավորությամբ կառավարությունում տեղի է ունեցել խորհրդակցություն (լուսանկարներ)
Բաքուն համաձայնել է Ադրբեջանի և Հայաստանի արտգործնախարարների հանդիպմանը Ղազախստանում
ՎՏԲ-Հայաստան Բանկը համալրել է ավանդային պրոդուկտները ֆիզիկական անձանց համար
Քննարկվել է EuroPris-ին Հայաստանի անդամակցության հնարավորությունը
ՀՀ ավտոճանապարհներին 1 օրում տեղի ունեցած պատահարների հետևանքով 21 մարդ ստացել է վնասվածքներ
Եկեղեցին հեղինակություն է ժողովրդի համար, նրա այլանդակված ղեկավարները՝ ոչ, նրանք պատերազմ են հրահրում. Սուքիասյան
Թույլ չեմ տա իմ հայրենակիցներին տանել պատերազմի ու կրակի բերան, ՀՀ-ում իշխանազավթում այլևս չի լինելու. Մկրտչյան
© 2024 Հայկական ժամանակ