Փոփոխություններ՝ շենգենյան վիզայի ստացման կարգում. նոր կանոնները գործում են փետրվարի 2-ից

Դեպի Եվրամիության երկրներ կարճաժամկետ մուտքի նոր կանոններ են գործում փետրվարի 2-ից: Կանոնների փոփոխությունը վերաբերում է բոլոր այն երկրների քաղաքացիներին, որոնք պետք է ունենան վիզա՝ ԵՄ երկրներ մուտք գործելու համար:

Փոփոխությունները վերաբերում են Շենգեն գոտու 22 պետություններին՝ Ավստրիային, Բելգիային, Չեխիային, Դանիային, Էստոնիային, Ֆինլանդիային, Ֆրանսիային, Գերմանիային, Հունաստանին, Հունգարիային, Իտալիային, Լատվիային, Լիտվային, Լյուքսեմբուրգին, Մալթային, Նիդերլանդներին, Լեհաստանին, Պորտուգալիային, Սլովակիային, Սլովենիային, Իսպանիային, Շվեդիային, ինչպես նաև Իսլանդիային, Լիխտեյնշտեյնին, Նորվեգիային և Շվեյցարիային:

ԵՄ կայքում հրապարակված հաղորդագրության համաձայն՝ ԵՄ անդամ բոլոր երկրների դեսպանատները եւհյուպատոսությունները վիզաների դիմումները կդիտարկեն նոր կարգով, որը ներառում է նաև վիզայի տրամադրման գումարի 33 % աճ։ Բոլոր այն դիմումատուները, որոնք վիզայի ստացման համար նախկինում վճարել են 60 եվրո, այսուհետ կվճարեն 80 եվրո,  6-12 տարեկան երեխաների վիզան նախկին 35 եվրոյի փոխարեն կարժենա 40 եվրո։

Հիշեցնենք, ԱԺ Եվրաինտեգրման հարցերի մշտական հանձնաժողովի նախագահ Արման Եղոյանը կիրակի օրը հայտնել էր, որ չնայած այս փոփոխություններին, Հայաստանն այն երկրների ցանկում է, որոնց չի վերաբերում վիզայի գնի բարձրացումը։ Եվրամիության անդամ երկրների դեսպանատներից մուտքի վիզա ստանալու համար Հայաստանի քաղաքացիները կշարունակեն վճարել 35 եվրո։ 

Վերը նշված երկրներից յուրաքանչյուրի կողմից տրված մեկ միասնական կարճաժամկետ վիզան վավեր է Շենգենյան բոլոր 26 երկրներում ճանապարհորդությունների համար՝ մինչև 90 օր:

Եվրահանձնաժողովի պաշտոնական կայքի տեղեկացմամբ՝ վիզայի դիմումները կարող են ներկայացվել ծրագրված ճամփորդությունից մինչև վեց ամիս շուտ, ավելի հեշտ է ստանալ երկարաժամկետ մուլտիվիզա, ինչը հաճախ ճամփորդողների համար ժամանակի և ֆինանսների տնտեսման հնարավորություն է, որովհետև այդ դեպքում ստիպված չեն լինում դիմել մի քանի անգամ: 

Անփոփոխ է մնացել դիմումների ուսումնասիրման ժամկետը՝ 15 օր։

Վիզաների դրական պատմություն ունեցող անձինք կարող են ստանալ բազմակի մուտքի վիզա, որի վավերականության ժամկետը մեկ տարվանից աստիճանաբար կբարձրանա՝ հասնելով 5 տարվա։

Վիզայի դիմումատուները մնացած փաստաթղթերի հետ միասին պետք է ներկայացնեն նաև գործող առողջական ապահովագրություն։ 

ԵՄ անդամ պետությունը կարող է նաև բողոք ներկայացնել Հանձնաժողով, եթե խնդիր ունի անօրինական միգրանտ քաղաքացիության երկրի հետ՝ նրան վերադարձնելու հարցում։ Հանձնաժողովը պետք է գնահատի բողոք-ծանուցումը մեկ ամսվա ընթացքում:

Տպել
2163 դիտում

Մարդիկ պետք է տեսնեն, որ որեւէ ինքնակամ կառույց այլեւս չի օրինականացվելու. Մկրտիչ Մինասյանը՝ օրենքի նոր նախագծի մասին

Հաստատվել է կորոնավիրուսի 210 նոր դեպք. գրանցվել է 8 մահ, 4-ը՝ այլ հիվանդության հետեւանքով

ՍԴ նախագահի թեկնածու առայժմ չկա․ Վահե Գրիգորյան

Արսեն Թորոսյանը նոր հրաման է ստորագրել կորոնավիրուսի տեսանկյունից անբարենպաստ երկրներից ժամանողների վերաբերյալ

Երևանում կանցկացվի «Արմենիա» միջազգային երաժշտական փառատոնը

«Ծննդի գրանցումը՝ ծննդատանը» ծրագիրն առաջիկայում կմեկնարկի մարզերում

Ստամբուլում ամերիկացի լրագրողի դի է հայտնաբերվել

Կանխվել է Արմավիրի բնակչի ինքնասպանության փորձը. սպառնում էր նետվել աշտարակից

Հրազդանում խաչքարի ընկնելու հետեւանքով մահացած տղամարդը Ջրառատի թաղապետն է եղել

Երևանում և մի քանի մարզում էլեկտրաէներգիայի մինչեւ 6-ժամյա պլանային անջատումներ կլինեն

Արագածոտնի մարզի Փարպի գյուղում այրվել է տան տանիք

Երկրաշարժ Աշոցք գյուղից 7 կմ հարավ-արևելք՝ 2-3 բալ ուժգնությամբ

Մեր բժշկագիտական թիմի ներուժն ու ներդրումը պետք է չանտեսվեր. «Նորք» ԻԿՀ-ից բաց նամակ ՀՀ նախագահին և վարչապետին

Քննարկվել են հեղինակային իրավունքի ոլորտում առկա խնդիրները եւ դրանք լուծելու ուղիները

Դավիթ Բաբայանը վարակվել է կորոնավիրուսով ու խնդրանքով դիմել իր հետ շփված անձանց

Սուրեն Պապիկյանը ԱԷՄԳ գլխավոր տնօրենի հետ քննարկել է Հայաստանի ատոմային էներգետիկայի բնագավառի զարգացման հարցեր

«Խաժակյանի պատմության հետ ինքներդ կարող եք համեմատություն անել». քաղաքապետի վարորդի հաստիքն ազատ է

roadpolice.am. վարորդական վկայականի հետ կապված գործողությունների համար պետք է հերթագրվել այս կայքի միջոցով (տեսանյութ)

Մարտական հերթապահության մեկնող անձնակազմի հետ անցկացվել է կրակային պատրաստության պարապմունք

Գեբելսյան սո՞ւտ է, որ ԲՀԿ-ն կարող է իշխանություն փոխել․ քաղաքական ուժերի արձագանքը ՀՀ՝ մինչեւ 2050-ի ռազմավավարությանը