Բանակում մահվան դեպքերը մեզ համար առաջնային խնդիրներից է՝ մեզ հուզող, տանջող, մարտունակության վրա ազդող

Մահերը բանակի համար չափազանց ծանր խնդիր են, առաջնային խնդիրներից մեկը՝ բանակի ղեկավարության համար. այն մեզ հուզող, մտահոգող, տանջող, մեր մարտունակության վրա ազդող խնդիր է, որ երբեք չի կարող մեզ համար երկրորդական լինել. «Հայկական ժամանակ»-ի հետ զրույցում նշեց ՊՆ խոսնակ Արծրուն Հովհաննիսյանը:

«Եթե որեւէ մեկը մտածում է, որ պաշտպանության նախարարի, գլխավոր շտաբի պետի, փոխնախարարների համար միեւնույնն են մահերը, կամ հասարակ ու հեշտ է ծնողների մոտ գնալ, խոնարհել գլուխը, լսել այդ խոսակցությունները, պատասխանել լրագրողի, իրավապաշտպանի, պատգամավորի՝ «ինչու», «ինչպես դա պատահեց» հարցերին, չարաչար սխալվում են: Այս մարդկանց աշխատանքի մեջ այս ամենը ծանրագույն պահերից են, որոնց ոչ ոք, ոչ ոք չէր ուզի առնչվել»,- ասաց նա:

Անդրադառնալով այն քննադատությանը, որ նախաքննությունը չավարտած՝ մահն ինքնասպանություն է որակվում՝ Հովհաննիսյանը նշեց, որ իրավական տեսանկյունից չի կարող բնորոշումներ տալ, սակայն այս պարագայում վտանգ կա մի ծայրահեղությունից մյուսին հասնել. «Այստեղ կա ուրիշ վտանգ՝ իրավական ոլորտի նկատմամբ ծայրահեղ անվստահությունից ելնելով՝ բոլոր ինքնասպանությունները որակենք սպանություն: Սա էլ է վտանգավոր, քանի որ միշտ ավելի հեշտ է մեղավոր փնտրել դրսում, մեղադրել ողջ աշխարհին, քան՝ ինքներս մեզ: Իրավական պետության մեջ խնդիր է երկուսն էլ. եւ՛ եթե սպանությունը կոծկվի, անունը դրվի ինքնասպանություն, եւ՛ եթե ինքնասպանությունը որակվի սպանություն»:

Այն հարցին, թե ինչ է արվում բանակում միջանձնային հարաբերությունների սրացումը վերահսկելու եւ մահերը կանխարգելելու համար՝ Արծրուն Հովհաննիսյանը պատասխանեց. «Հազարումի միջոցառումներ կան, տարբեր գործողություններ ենք ձեռնարկում թե դեպքերից հետո նման դեպքերի՝ չկրկնվելու համար, եւ թե որոշակի իրավիճակներում խնդիր տեսնելիս հնարավոր սրացումները կանխելու համար»:

Նրա խոսքով՝ նոր մարտահրավերները հաշվի առնելու, խնդիրներին մասնագիտորեն մոտենալու նպատակով պարբերաբար կազմվում են հանձնաժողովներ, որոնց մեջ ներառվում են բանակից դուրս մարդիկ՝ գիտնականներ, մշակույթի գործիչներ, նախկին զինվորականներ: Նրանք ոչ միայն շրջայցեր են անում զորքերում, հանդիպում զինծառայողների, հրամկազմի հետ, այլեւ՝ կոնֆերանսներ են անում բանակի բարոյահոգեբանական վիճակի համար պատասխանատուների հետ: «Ծավալուն աշխատանքի արդյունքում տարեկան կարող են մի քանի տասնյակ դեպքեր կանխարգելվել, բայց այդ ամենը չի երեւում, նման բաների մասին չի խոսվում»,- ասաց նա:

Նշենք, որ հանրությունն ալեկոծվել էր երեկ, երբ Արցախում հունվարի 30-ին մահացած զինծառայող Վահրամ Ավագյանի հարազատները, չհավատալով, որ իրենց որդին դիմել է ինքնասպանության, ի նշան բողոքի, դին փորձել են բերել Երեւան: ՀՀ պաշտպանության նախարարը զինծառայողի հարազատների հետ զրույցում նշել է, որ ինքնասպանությանը հավատալու կամ չհավատալու խնդիր չկա. «Մինչեւ չապացուցվի, որ եղել է ինքնասպանություն, ոչ ոք այդ մասին որեւէ մեկնաբանություն անելու իրավունք չունի»:

Զինծառայող Վահրամ Ավագյանը մահացել է հունվարի 30-ին՝ ժամը 13:15-ի սահմաններում: Քննչական կոմիտեն հաղորդել է, որ զինվորն իրեն ամրակցված ԱԿՄ տեսակի ինքնաձիգից կրակոցներ է արձակել իր կրծքավանդակի շրջանում եւ ստացած հրազենային վնասվածքներով տեղափոխվել զինվորական հոսպիտալ, որտեղ ժամը 14:00-ին արձանագրվել է վերջինիս կենսաբանական մահը: Դեպքի առթիվ առաջին կայազորային քննչական բաժնում ՀՀ քրեական օրենսգրքի 110-րդ հոդվածի 1-ին մասով հարուցվել քրեական գործ, կատարվում է նախաքննություն: Քրեական գործի շրջապակներում զինծառայողների փոխհարաբերությունների կանոնագրքային կանոնները խախտելու կասկածանքով ձերբակալվել են Մկրտչյանի համածառայակիցներ Դավիթ Առաքելի Մովսիսյանը (Առաքել Մովսիսյանի որդին), Խաչիկ Արմենի Գասպարյանը, Սպարտակ Արթուրի Ավետիսյանը:

Տպել
96 դիտում

Կոչ եմ անում չմասնակցել ընտրությունների երկրորդ փուլի քվեարկությանը․ Մասիս Մայիլյան

Ստեփանակերտի համեմատաբար խոշոր առևտրային սրահների տարածքներն ու մարդաշատ վայրերը ախտահանվել են

Տնտեսական բլոկի եւ կենտրոնական բանկի մասնագետների հետ քննարկում՝ վարչապետի գլխավորությամբ

Արցախ ներկրված նոր տեխնիկան ժամանակավորապես փոխանցվել է ՊԲ-ին՝ լրացուցիչ ախտահանման համար

Փլուզվել է ջրամբարի արտաքին պատը

Կորոնավիրուսի տարածման 7-օրյա կրկնապատկման տեմպը պահպանվում է. Արսեն Թորոսյան

Միասին ընթերցում ենք «Փոքրիկ իշխանը», Օր 2.ԿԳՄՍ նախարարն ուղիղ եթերում է

Քաղաքական խաղերի ժամանակը չէ

Թուրքիայի ԶՈՒ-ն 4 քուրդ զինյալի է սպանել Սիրիայի հյուսիս-արևելքում

Առողջապահության նախարարն այցելել է կորոնավիրուսի բուժմամբ զբաղվող բժշկական կազմակերպություններ

Վեհափառ Հայրապետն աղոթել է մխիթարության եւ բժշկության համար. դուրս է բերվել Աստվածամուխ Սուրբ Գեղարդը

Վրաերթ Արարատի մարզում․ 30 գառ տեղում սատկել է

Առաջիկա օրերին սպասվում է ձյան եւ անձրեւի տեսքով տեղումներ. կցրտի մինչեւ 10-12 աստիճանով

AC19 հավելվածն այլևս չի գործելու․ տվյալների բազաները տեղափոխվել են Covid-19 Armenia հավելված․ ՀՀ պարետ

Ուկրաինայի հայերը ֆինանսավորել են վիրուսաբանության լաբորատորիայի վերակառուցումը

Ռուսաստանի օդային սահմանը փակ է, սակայն կիրականացվի հատուկ չվերթ դեպի Երևան. ՌԴ-ում ՀՀ դեսպան

Հեռավար ուսուցումն իրականացնելու նպատակով ԿԳՄՍՆ-ն Կոտայքի մարզին տրամադրել է համակարգիչներ և պլանշետներ

Արցախի բուժհաստատություններում հիվանդասենյակներ են առանձնացրել կորոնավիրուսով կասկածվողներին մեկուսացնելու համար

Հայաստանի մի շարք շրջաններում ձյուն է տեղում

Կոտայքի մարզում քաղաքացին հոսանքահարվել է էլեկտրասյան վրա և մահացել