Իջեւանին պատկերասրահ պե՞տք չէր. արվեստագետները բողոքում են, շենքի երկու հարկը հանձնվել է սոցապին

Իջեւանի քաղաքապետարանի ենթակայությամբ գործող «Վերնատուն» պատկերասրահում այս օրերին ակտիվ շինարարություն է ընթանում: Շենքի վերանորոգումից հետո հիմնական նպատակը ոչ թե այն որպես մշակութային կոնտրոն շահագործելն է, այլ համալիր սոցիալական ծառայություն մատուցող գրասենյակի ստեղծումը, որը գործելու է աշխատանքի եւ սոցիալական հարցերի նախարարության (ԱՍՀՆ) ենթակայությամբ:

Իջեւանի համայնքապետարանի որոշմամբ՝ շենքից երկու հարկ հատկացվել է մեկ պատուհանի սկզբունքով համալիր սոցիալական ծառայություն տրամադրող գրասենյակին: Այս որոշումը շատերի զայրույթի պատճառ է դարձել: Ընդ որում, համայնքային պատկանելության շենքը աշխատանքի եւ սոցիալական հարցերի նախարարությանը տրամադրվել է չորս տարի առաջ: Այդ օրվանից մարզի արվեստագետները մշտապես դժգոհել են, բայց ոչ մի արդյունքի չեն հասել: Բանն այն է, որ «Վերնատուն» պատկերասրահի շենքն այնքան էլ լավ վիճակում չէ, մշակութային կյանքի ակտիվություն էլ առաձնապես չի զգացվում: Սակայն ինչպես արվեստագետներն են փաստում՝ Իջեւանի համայնքապետարանը պատկերասրահը զարգացնելու եւ աշխուժացնելու փոխարեն գնաց ամենահեշտ եւ շատերի համար անընդունելի ճանապարհով:

Իջեւանի պատկերասրահի շենքային պայմանները վատթար են, ցուցանմուշ հանդիսացող բազմաթիվ նկարներ ոչ թե պատից կախված են, այլ սրահի անկյուններում դրված:

2019 թվականի նոյեմբերից Իջեւանի «Վերնատուն» պատկերասրահի տնօրենի պաշտոնը զբաղեցնող Հայկ Ասիլյանը «Հայկական ժամանակի» հետ զրույցում հայտնեց, որ շենքի փոխանցումը շենքը վերանորոգելու միակ տարբերակն էր: Քաղաքապետարանը այդքան հնարավորություն չուներ: Տնօրենը նաեւ նկատեց, որ պատկերասրահը համալրված չէ անգամ մշտական ցուցադրության նկարներով: «Առաջին հարկում երբեմն ցուցահանդեսներ էինք անում, երկրորդում՝ քիչ քանակությամբ նկարներ կան՝ մշտական ցուցադրության»,- ասաց նա: Ասիլյանը նկատեց, որ տարվա մեջ մոտ 4 անգամ են ցուցադրություն իրականացնում, սակայն դա էլ մարդաշատ չի անցնում, դպրոցների աշակերտներն են լինում եւ որոշ հրավիրված մարդիկ: Մնացած օրերին պատկերասրահ այցելուների թիվը մեղմ ասած սակավ է:

«Երկրորդ հարկը էլի մերն է լինելու, այդտեղ ցուցադրություններ կանենք: Առանձնապես արժեքավոր նկարներ էլ չկան, որ դնենք մշտական ցուցադրության, խորհրդային տարիներից մնացած կարներ են»,-ասաց նա:

Իջեւանի քաղաքաշինության եւ տարածքային զարգացման բաժնի պետ Արթուր Այդինյանը «Հայկական ժամանակի» հետ զրույցում ասաց, որ պատկերասրահը դրանից չի տուժելու, այլ ընդհակառակը: Առաջին հարկն ու երրորդ՝ մանսարդային հարկն է տրամադրվել ԱՍՀՆ-ին: «Պատկերասրահը վերանորոգված շենքում կլինի, որը, եթե մեր հնարավորություններին նայեինք, գուցե դեռ երկար ժամանակ չունենայինք: Բացի դա, քանի որ այցելությունների մեծ թիվ չունենք, գուցե համալիր կենտրոնը նպաստի բնակիչների հոսքին»,- հույս հայտնեց Արթուր Այդինյանը:

Նրանից հետարքրվեցինք, թե Իջեւանում այլ՝ ավելի հարմար տարածք չի՞ եղել ԱՍՀՆ-ին տրամադրելու համար: Ասաց, որ համայնքին պատկանող կիսակոռույց շենք են ունեցել, որն արդեն օտարվել է: «Այն ժամանակ առաջարկեցինք, որ այդ տարածքը վերանորոգվի, չհամաձայնվեցին: Ամենահարմարը պատկերասրահի շենքն է: Եվ բացի դա՝ մանսարդային հարկը երբեք չի էլ օգտագործվել, իսկ առաջին հարկը միայն ցուցադրությունների ժամանակ»,- նկատեց Այդինյանը:

Համալիր կենտրոնի ստեղծման համար հատկացվել է 250 միլիոն ՀՀ դրամ: Աշխատանքի եւ սոցիալական հարցերի նախարարի տեղակալ Գեմաֆին Գասպարյանը ՀԺ-ին հայտնեց, որ համալիր կենտրոն ստեղծելու համար առաջարկել էին տարածք, որը սեյսմակայուն չի եղել, դրանից հետո մոտ 6 ամիս սպասել են, սակայն այլ առաջարկ իրենց չի ներկայացվել:

Շենքի առաջին հարկն, ըստ նրա, լինելու է համալիր սոցիալական կենտրոնի ընդունարան, որտեղ տեղակայվելու են բոլոր ծառայությունները, երկրորդ հարկը, որը գտնվում է, մեղմ ասած, վատ վիճակում, նախարարության հաշվին վերանարոգվելու է, որպեսզի տրամադրվի պատկերասրահին:

«Իմ համոզումն է, որ արվեստը միայն էլիտաների մենաշնորհը չէ, եւ որպեսզի արվեստը դառնա մշակույթ, պետք է, որ տարբեր խավերի մարդկանց հոսքեր լինեն»,- ասաց նա: Գասպարյանը նաեւ կարծիք հայտնեց, որ այս որոշմամբ կստեղծվի մի շենք, որը սոցիալական ծառայություններ մատուցելուց բացի նոր կյանք կհաղորդի Իջեւանի մշակութային կյանքին:

Աշխատանքի եւ սոցիալական հարցերի նախարարությունը 2019 թվականին հրապարակել է մի փաստաթուղթ, որտեղ մանրամասն ներկայացված է, թե շինարարական աշխատանքների անցկացման վայրում ինչ գործողություններ են իրականացվելու: Լինելու է 3-րդ հարկի կիսակառույց ձեղնահարկի կոնստրուկցիաների ապամոնտաժում եւ կառուցում, քանդման աշխատանքներ, ներքին եւ արտաքին ինժեներական ցանցերի կառուցում, դռների  տեղադրում, արտաքին դռների եւ պատուհանների տեղադրում, միջնորմների կառուցում, ինչպես նաև ներքին եւ արտաքին հարդարման աշխատանքներ, ներքին եւ արտաքին ենթկառուցվածքների մոնտաժ, հարակից տարածքի մասնակի բարեկարգում:

Փաստաթղթում նաեւ նշվում է, որ համալիր սոցիալական ծառայությունների տարածքային կենտրոնի համար հատկացված շինությունը գտնվում է Իջևանի քաղաքային համայնքի կենտրոնական մասում՝ զբոսայգում, շրջակայքում կան առեւտրային կրպակներ: Դեպի կենտրոն ճանապարհը ասֆալտապատ է: Տարածքում շինարարությանը խոչընդոտող ծառեր եւ թփեր չկան:

«Շինարարական  աշխատանքների  ընթացքը չի խանգարի 2-րդ հարկում գործող պատկերասրահի գործունեությանը, քանի որ դեպի 3-րդ հարկ տանող աստիճանավանդակը առանձին է: Շինարարական  աշխատանքների ընթացքը չի խանգարի նաեւ հարակից առեւտրային կրպակների բնականոն գործունեությանը: Ծրագրի բնապահպանության գծով եւ սոցիալական երաշխիքների մասնագետները այցելել են տարածք եւ իրականացրել են նախնական հետազննություն»,- նշվում է փաստաթղթում:

Տպել
1686 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում