«Հարգելի պարոն Մարուքյան, ես ձեր օգնության կարիքը բնավ չունեմ». Միրզոյանն ու Մարուքյանը բանավիճեցին (տեսանյութ)

Հայաստանի խորհրդարանը շարունակվում է հերթական նիստերի աշխատանքները:

Պատգամավորներն առաջին եւ երկրորդ ընթերցումներով մի շարք օրինագծեր են ընդունելու այսօր։

Սակայն, երբ ԱԺ նախագահ Արարատ Միրզոյանը հայտարարեց առաջին նախագծի քվեարկության մասին, «Լուսավոր Հայաստան» խմբակցության ղեկավար Էդմոն Մարուքյանը վարման կարգի վերաբերյալ ելույթ ունենալու համար ձայն խնդրեց։ Մարուքյանը խոսեց իրենց ներկայացրած՝ Երեւան համայնքի նվիրատվությունների եւ շինթույլտվությունների հնարավոր կոռուպցիոն ռիսկերն ուսումնասիրող իրավունքի ուժով ստեղծված քննիչ հանձնաժողովի անդամների սահմանման հարցն իշխանական պատգամավորների կողմից տապալելու մասին։

Նա Արարատ Միրզոյանին մեղադրեց, որ վերջինս չի ապահովում ԱԺ բնականոն գործունեությունը՝ կապված այն իրավիճակի հետ, որ ԱԺ մեկ քառորդի կողմից ստորագրություններ են հավաքվել, բայց իրավունքի ուժով ձեւավորված հանձնաժողովը չի կարող գործել:

«Այդ հանձնաժողովը, փաստորեն, չունի կազմ: Խորհրդարանի ցանկացած հանձնաժողով, եթե չի գործում, նշանակում է՝ ԱԺ ինչ-որ մարմին չի գործում: Եթե ինչ-որ մարմին չի գործում, նշանակում է՝ խորհրդարանի նախագահը չի կարողանում ապահովել խորհրդարանի բնականոն գործունեությունը: Ի՞նչն է պատճառը, պարո՛ն Միրզոյան, ինչո՞վ ձեզ օգնենք»,- ասաց Մարուքյանը:

ԱԺ նախագահը պատասխանեց, որ Մարուքյանի օգնության կարիքը բնավ չունի․

«Կարծում եմ՝ որպես փորձված իրավաբան՝ դուք պետք է շատ լավ հասկանայիք, որ ԱԺ նախագահն այդ քննարկվող հարցի առնչությամբ ինչ պարտավոր էր եւ կարող էր անել, արել է: Մնացյալը, հանձնաժողովի թիվը հաստատելու ԱԺ որոշման նախագիծը քվեարկվում է ԱԺ լիագումար նիստի ընթացքում»,- ասաց խորհրդարանի խոսնակը՝ հիշեցնելով, որ պատգամավորներն ազատ են իրենց գործունեության մեջ, կարող են քվեարկել կողմ, դեմ, ձեռնպահ, կարող են չքվեարկել: Ըստ այդմ, Միրզոյանի խոսքով, մեղադրել ԱԺ նախագահին պատգամավորների քվեարկության որեւէ արդյունքի մեջ, նշանակում է՝ լավ չհասկանալ Սահմանադրության տրամաբանությունը․

«Ես ձեզ խորհուրդ կտայի՝ եթե դուք օգնություն եք առաջարկում, դիմել այլ իրավաբանների օգնությանը»:

Մարուքյանը նկատեց, որ ստացվում է՝ ԱԺ նախագահը ցանկացել է, որ այդ հանձնաժողովը ձեւավորվի, բայց պատգամավորներն ազատ են քվեարկել, չնայած խմբակցության ղեկավար Լիլիթ Մակունցը հայտարարել էր, որ դեմ են քվեարկելու․ «Հետո որոշեցին չքվեարկել: Իսկ երեկ էլ պարզվեց, որ քաղաքական որոշման արդյունքում եք դա տապալել»,- շարունակեց ԼՀԿ-ական պատգամավորը:

Արարատ Միրզոյանն արձագանքեց, որ այստեղ գործ ունեն բացառապես իրավական գործընթացի հետ: Նա դարձյալ բացատրեց, որ ԱԺ նախագահն առկա ստորագրությունների դեպքում միայն հայտարարում է քննիչ հանձնաժողովի՝ իրավունքի ուժով ստեղծվելու մասին, մնացյալը պատգամավորների որոշելիք հարցն է։ Սակայն հետագայում պարզվել է, որ կա իրավական խնդիր, եւ Ազգային ժողովի քննիչ հանձնաժողովը չի կարող քննել Երեւանի քաղաքապետարանի գործունեությանը վերաբերող հարց։

Հաջորդիվ՝ երբ Արարատ Միրզոյանը հայտարարեց մեկ այլ նախագծի քվեարկության մասին, Էդմոն Մարուքյանը կրկին ձայն խնդրեց վարման կարգի վերաբերյալ եւ խոսեց նույն թեմայի մասին։ Արարատ Միրզոյանն էլ նույն պարզաբանումը տվեց։ Մարուքյանին վրդովեցրել էր, որ ԱԺ նախագահը, իրեն դիմելով, «լավ չեք հասկացել» ձեւակերպումն էր արել։ Այստեղից խոսակցությունը շարունակվեց երկու խմբակցությունների՝ պատգամավորների ոչ կոռեկտ արտահայտությունների շուրջ։

Մարուքյանը, դիմելով Միրզոյանին, ասաց՝ ընդդիմությանը ձիու հետ համեմատելու համար պետք է ներողություն խնդրեք: ԱԺ նախագահն այս հայտարարությունից զարմացավ, քանի որ ինքը նման արտահայտություն չէր արել։ Մարուքյանին արձագանքեց «Իմ քայլը» խմբակցությունից Համազասպ Դանիելյանը.

«Ես խոսք վերցրի, որովհետեւ իմ խոսքը հերթական անգամ նենգափոխվեց այն քաղաքական ուժի ղեկավարի կողմից, որի ներկայացուցիչն այստեղ մեկ այլ պատգամավորի ասաց՝ «դուք շատ փոքր մարդ եք» (ԼՀԿ-ի պատգամավոր Անի Սամսոնյանն այդպես էր արտահայտվել «Իմ քայլ»-ի պատգամավոր Արուսյակ Ջուլհակյանի հասցեին,- հեղ․): Իմ խոսքը եղել է ալեգորիկ, ձիու հետ համեմատությունը հայտնի խոսք է, ինչպես, օրինակ, ասվում է, որ ընդդիմությունը պահապան շուն է: Այնպես որ, պետք չի այդպես խորը վիրավորվել եւ փորձել լրատվամիջոցներին, միգուցե նաեւ դեսպանատների հետ հանդիպումներում առաջ տանել ձեր այն միտքը, թե ընդդիմությունն այնքան  խեղճացած է, այնքան դժվարությունների է հանդիպում... Այո՛, եթե դուք ալեգորիկ խոսքը չեք կարողանում հասկանալ, եւ այդ խոսքն ուղղված է եղել կոնկրետ մարդու, մի տարածեք այն ամբողջ ընդդիմության վրա: Եթե ներողություն եք ուզում, կարգավորեք ձեր հռետորաբանությունը»,- ասաց Համազասպ Դանիելյանը:

ԱԺ նախագահի ու Դանիելյանի խոսքի ժամանակ Էդմոն Մարուքյանն անդադար արձագանքում էր տեղից, Միրզոյանը նրան խնդրեց «մի րոպե սուս մնալ», որպեսզի կարողանա իր խոսքն ի վերջո ավարտել․ «Մարդ մի քիչ կտիրապետի իրեն, էլի․․․»,- դիմելով Մարուքյանին՝ ասաց Միրզոյանը։

Տպել
1467 դիտում

Ֆիորին France 3-ի եթերում չկարողացավ զսպել հուզմունքը Ազնավուրի «Քեզ համար Հայաստան» երգի կատարման ժամանակ (տեսանյութ)

Աննա Հակոբյանն այցելել է անմահացած ժամկետային զինծառայող Վահան Աղախանյանի ընտանիքին

Ցավում եմ, որ այս բարձրագույն կոչումը հանձնում եմ ոչ թե անձամբ Կոմանդոսին, այլ Ձեզ, և հանձնում ենք հետմահու. Փաշինյան

Պետական սահմանում պահպանվել է օպերատիվ մարտավարական կայուն իրավիճակ

Ֆրանսիական Ալպերում ձնահյուսի պատճառով չորս մարդ է մահացել

Օտարերկրացի ապագա բժիշկները 100+33 ծառ տնկեցին «Եռաբլուր» զինվորական պանթեոնում

Իսպանիայում ՀՀ դեսպանության ներկայացուցիչները մասնակցել են նացիզմից Եվրոպայի ազատագրման օրվա միջոցառմանը

Կամո Ցուցուլյանը նշանակվել է ՀՀ ոստիկանության պետի տեղակալ

Թաղավարդ և Մեծ Թաղեր գյուղերի գերեզմանատները ոչնչացնելու դեպքերի վերաբերյալ հրապարկումներն ուղարկվել է ԱՀ ոստիկանություն

Հետախուզվողը հայտնաբերվեց Հանրապետության հրապարակում

Երևանի քաղաքապետարանի ենթակայությամբ գործող մանկապարտեզներում կվերսկսվի երեխաների ընդունելությունը

Գյումրիում կարդիականացվի փողոցային լուսավորության համակարգը

Ներքին Հանդ-Ծավ ճանապարհից 20-ամյա տղամարդ է բերման ենթարկվել

Ադրդեջանի կողմից հայկական դիրքերի գրավման փորձ չի եղել, լուրը չի համապատասխանում իրականությանը. Info chechk

Նիկոլ Փաշինյանն Արկադի Տեր-Թադևոսյանին շնորհված Հայրենիքի շքանշանը հանձնել է նրա որդուն՝ Հայկ Տեր-Թադևոսյանին

Շաբաթ և կիրակի օրերին պոլիկլինիկաներում պատվաստումների համար սահմանվել են հերթապահություններ

«Mitsubishi montero»-ն ընկել է Ասկերանի գետը. մեքենայում նաև վարորդի 80-ամյա տատն է եղել

Սփյուռքահայ բժիշկները հայրենիքի համար ծանր ժամանակահատվածում եղել են թիկունքի զինվորները

Քրեական գործ է հարուցվել Երևանում հնչած կրակոցների դեպքի առթիվ. սպանվածը 1984 թվականին ծնված տղամարդ է

Կայացել է «Երաժշտություն հանուն ապագայի» կրթաթոշակառուների համերգը

Օդի ջերմաստիճանը կնվազի 5-ից 7 աստիճանով. լեռնային շրջաններում ձյուն է սպասվում

Պուտինը Հայրենական պատերազմում հաղթանակի 76-րդ տարեդարձի առթիվ շնորհավորել է Փաշինյանին և ՀՀ քաղաքացիներին. «Արմենպրես»

Շիրակի մարզպետն ու Գյումրու քաղաքապետը հարգանքի տուրք են մատուցել հանուն հայրենիքի նահատակվածների հիշատակին

Շատինցի տղամարդն ու գյուղի անասնապահը արջ են սպանել

«Շուշիս». Ստեփանակերտում բացվել է բերդաքաղաքի հայկականությունը փաստող հետազոտությունների ցուցահանդես. «Արցախպրես»

Ռուս խաղաղապահները Լեռնային Ղարաբաղում ականազերծել են շուրջ 2087 հա տարածք

Նիդերլանդներում հայ կնոջ դանակահարության դեպքը ճշտվում է. լուսանկարի կինը ողջ ու առողջ է. դեսպանություն

Պետք է համախմբվենք, չկորցնենք հույսը, որ Շուշին հետ բերենք. Սասուն Միքայելյանն ու ԵԿՄ-ն այցելել են Եռաբլուր

Արցախի ՄԻՊ-ն առցանց հանդիպում է ունեցել «Վերադարձ դեպի Քաշաթաղ» հկ-ի ներկայացուցիչների հետ

Ստեփանակերտ-Դրմբոն ավտոճանապարհին մեքենան ձորն է ընկել. տուժածը տեղափոխվել է զինվորական հոսպիտալ

Նախագահ Արմեն Սարգսյանի անունից ծաղկեպսակ է դրվել «Եռաբլուր» զինվորական պանթեոնում

Արցախում հաստատվել է կորոնավիրուսի 13 նոր դեպք. ստացիոնար բուժում է ստանում 16 մարդ

Դեպքի վայր ժամանած փրկարարներն օգնություն են ցուցաբերել քաղաքացիներին

Կորոնավիրուսի 411 նոր դեպք է հաստատվել. առողջացել է 814, մահացել՝ 16 մարդ

ՀՀ տարածքում կա դժվարանցանելի ավտոճանապարհ, Լարսը բաց է

Տուն, վագոն-տնակ, անասնագոմ. հրդեհի 5 ահազանգ ՀՀ մարզերից

Կրակոցներ Երևանում. կա մեկ զոհ, մեկ վիրավոր. shamshyan.com

Արկադի Տեր -Թադևոսյանին Հայաստանի Ազգային հերոսի կոչում է շնորհվել

Արտենիի կամրջից մեքենան ձորն է գլորվել. տուժածների վիճակը ծանր է

Երևանի Մարգարյան փողոցում ծայրահեղ անընդունելի և դատապարտելի դեպք է տեղի ունեցել. Հակոբ Կարապետյան