ԱԺ-ի շենքը որոշակի փոփոխությունների կենթարկվի. դիզայնի եւ կատարողի համար առաջիկայում մրցույթ կհայտարարվի

Առաջիկայում ՀՀ Ազգային ժողովի շենքի արտաքին տեսքը կենթարկվի որոշակի փոփոխությունների: Խոսքը դեռեւս վերաբերում է միայն շինության արտաքին լուսավորությանը: Հնարավոր է՝ այգու հետ կապված էլ որոշակի մտահղացումներ իրականացվեն: Այս մասին «Հայկական ժամանակի» հետ զրույցում հայտնեց Ազգային ժողովի աշխատակազմի ղեկավար Տիգրան Գալստյանը, որը գաղափարի հեղինակներից մեկն է: 

Շենքի ներսում եւս, ըստ նրա, փոփոխություններ են լինելու, սակայն արդեն բոլորովին այլ տրամաբանության մեջ: «Այս պահին միայն արտաքին լուսավորության մասին փոփոխություններն են շրջանառվում, մնացածի մասին մտածում ենք»,- ասաց Գալստյանը:

Առաջիկա շաբաթներին մրցույթ կհայտարարվի, որի արդյունքում էլ կընտրվի դիզայնը, կատարողն ու արժեքները: «Այս պահին դեռ տեսլական ունենք, փորձել ենք պատկերի վերածել (լուսանկարում): Հենց ամեն ինչ մանրամասն ուսումնասիրվի, կհայտարարենք համապատասխան մրցույթ: Քննարկել ենք, որ գեղեցիկ տեսքով Ազգային ժողով ունենանք»,- ասաց նա:

Գալստյանից հետաքրքրվեցինք, թե իր ֆեյսբուքյան էջում տեղադրված նկարում շենքի նախնական տարբերակի հեղինակն ով է: «Մեզ ծանոթ դիզայներ է արել, որեւէ ընկերության կամ անհատի չենք պատվիրել»,- ասաց նա:

ԱԺ աշխատակազմի ղեկավարը հայտնեց, որ սկզբում սովորական քննարկում է եղել, որի արդյունքում էլ ծնվել է ԱԺ շենքի արտաքին տեսքի փոփոխման գաղափարը: Նրանից հետաքրքրվեցինք, թե քննարկմանն ովքեր են մասնակցել, աշխատակազմի ղեկավարը նշեց, որ իր հետ միասին եղել են տեղակալներն ու մի քանի այլ անձինք: Անուններ տալ չցանկացավ: Ըստ Գալստյանի՝ լուսանկարում պատկերված տարբերակը փորձնական է արված: «Մենք մեր մի քանի ընկերներին խնդրել ենք, արել են: Ներկայացված մի քանի տարբերակներից համեմատաբար սա դուր եկավ, որն էլ տեղադրված է»,- ասաց նա:

Ինչ վերաբերում է շենքը փոփոխությունների ենթարկելու թույլտվությանը, Գալստյանը նշեց, որ դեռ պետք է հիմնավորումներ ունենան, թե ինչու են ցանկանում փոխել, իսկ մնացածը օրենսդրական առումով կուսումնասիրեն եւ կանեն ըստ դրա: Գալստյանը դժվարացավ ասել, թե նման պարագայում Երեւանի քաղաքապետարանից թույլտվություն ստանալու կարիք կա, թե հարցն այլ կերպ էլ կարելի է կարգավորել:

Հիշեցնենք՝ հունվարի 20-ին Ազգային ժողովի աշխատակազմի ղեկավար Տիգրան Գալստյանը ֆեյսբուքյան իր էջում տեղադրել էր Ազգային ժողովի շենքի արտաքին տեսքի փոփոխված լուսանկար եւ նշել, որ եթե այն դուր է գալիս, ապա մեկնաբանությունում դրեք +, եթե՝ ոչ, ապա՝ -: «Հարգելի ընկերներ, ներկա գումարման ՀՀ Ազգային ժողովը պետք է ոչ միայն ժամանակակից լինի իր բովանդակությամբ, այլեւ արտաքին եւ ներքին տեսքով: Ներկայացնում եմ ձեզ խորհրդարանի շենքի արտաքին լուսավորության մեր պատկերացումները (դիզայնը)»,- գրել է Գալստյանը՝ հավելելով, որ շնորհակալ կլինի լսել դիզայնի բարելավման այլ առաջարկներ եւս:

Տպել
1477 դիտում

Գյումրիում հստակեցնում են շենքերի կրած վնասները. նախնական տվյալով 48 շենք է վնասել, ևս 53-ի մասին ահազանգեր կան

Դեղձուտի մոդուլային դպրոցի կառուցման համար մրցույթ է հայտարարվել

ԱԱՏՄ արձանագրած խախտումների հիմքով՝ կասեցվել է շուրջ 650 տնտեսվարողի գործունեություն

Դմիտրի Պեսկովը կորոնավիրուսից բուժվել եւ դուրս է գրվել հիվանդանոցից

Սյունիքից հակահեղափոխություն չի սկսվելու. իրավապահ համակարգը տիրապետում է իրավիճակին եւ կոշտ է արձագանքելու. պատգամավոր

Խոշոր ավտովթար Լոռիում. Բախվել են Mersedes-ն ու բեռնատարը. Mersedes-ի վարորդին դուրս են բերել փրկարարները(լուսանկարներ)

Կորոնավիրուսից ավելի հաճախ տղամարդիկ են մահանում. 70-ից բարձր անձինք քիչ են վարակվում, բայց մեծ մասամբ մահացու ելքով

ԳՇ զորքերի ծառայության վարչության աշխատանքային խումբը հանկարծակի ստուգումներ է իրականացրել մի շարք զորամասերում

Գյումրու ինֆեկցիոն հիվանդանոցում կորոնավիրուսով 47 հիվանդ է բուժվում. տնային ինքնամեկուսացման ցուցում ունի 304 քաղաքացի

ԱԱԾ տնօրեն Էդուարդ Մարտիրոսյանն այցելել է պետական սահմանը վերահսկող ուղեկալներ

Արտակարգ դրությամբ պայմանավորված, Լարսը բաց է միայն բեռնատարների համար

Կորոնավիրուսի հետ զուգահեռ ապրելու համար առաջնահերթ պետք է դրսևորել անհատական բարձր պատասխանատվություն. վարչապետ

Ոչ հերքում եմ, ոչ չեմ հերքում, չեմ մեկնաբանում. Արթուր Վանեցյանը հրավիրվել է ՀՔԾ

Ռուբեն Հայրապետյանի որդին չի կալանավորվի. դատարանը մերժել է միջնորդությունը

Շիրակի մարզի 8 գյուղական բնակավայրում անօթևանների համար 55 բնակարան կկառուցվի

Ոստիկանությունը հորդորում է առաջիկա ոչ աշխատանքային օրերին զերծ մնալ մասսայական միջոցառումներից

Կորոնավիրուսի պատճառով հետաձգվել է Չեռնոգորիայի նախագահ Միլո Ջուկանովիչի ծրագրված պաշտոնական այցը Հայաստան

Կապանում ձերբակալված երրորդ քաղաքացին եւս ազատ արձակվեց. նրա ձերբակալումը ճանաչվել է ոչ իրավաչափ

Մայիսի 27-ին դեպի Երեւան 3 չվերթ կիրականացվի՝ Մինսկից, Դամասկոսից, Սանկտ-Պետերբուրգից

Հայաստանը NBA-ի մանկապատանեկան մրցաշար անցկացնելու բացառիկ հնարավորություն է ստացել