«Լիվերպուլին» այս տարի, կարծես, ոչինչ չի կանգնեցնի, որ չեմպիոն դառնա

Եվրոպայի ու Անգլիայի ամենատիտղոսակիր թիմերից մեկը՝ «Լիվերպուլը», ընթացիկ՝ 2019-20 մրցաշրջանում, անխոցելի է թվում Անգիայի Պրեմիեր լիգայում: Մրցաշարային աղյուսակը գլխավորում է 64 միավորով՝ 16-ով ավելի, քան մոտակա մրցակիցը՝ գործող չեմպիոն «Մանչեստեր Սիթին»: Եւ այս ցուցանիշն ունի այն դեպքում, երբ մյուս թիմերի համեմատ 1 հանդիպում պակաս է անցկացրել:

Միջազգային մամուլն ու ֆուտբոլասերներն արդեն նրան չեմպիոն է համարում: Տպավորություն է, որ մնում է միայն սպասել, թե երբ դա «պաշտոնապես» տեղի կունենա: Անցած հանգստյան օրերին «Մանչեստեր Յունայթեդի» նկատմամբ տոնած 2:0 հաշվով հաղթանակից հետո «Լիվերպուլին» 30 միավոր է մնում առաջին հորիզոնականն ապահովելու համար: Եթե կարողանա պահպանել ներկայիս տեմպը եւ նրա հետ չեմպիոնության համար պայքարող թիմերը նույնպես միայն հաղթեն, ապա ապրիլի 4-ին կայանալիք 32-րդ տուրի «Սիթիի» դեմ արտագնա խաղում հաղթանակի դեպքում չեմպիոն կդառնա առաջնության ավարտից դեռ 6 տուր առաջ: Եթե այնպես ստացվի, որ հանկարծ մրցակիցները միավորներ կորցնեն, ապա բաղձալի տիտղոսը կարող է նրա ձեռքում հայտնվել ավելի շուտ:

Դա աննախադեպ արդյունք կլինի Անգլիայի Պրեմիեր լիգայում: Առայժմ մրցաշրջանի ընթացքում ամենաշուտը չեմպիոն դարձած ակումբը «Յունայթեդն» է: 2001թ. չեմպիոն է դարձել առաջնության ավարտից 5 տուր առաջ: Եվ սա միակ ռեկորդը չէ, որին «մերսիսայդցիները» կարող են հասնել: Ընթացիկ մրցաշրջանում նրանք 22 խաղում ոչ մի պարտություն չեն կրել: Յուրգեն Կլոպի գլխավորությամբ հաղթել են դրանցից 21-ում, մեկն էլ ավարտել են ոչ-ոքի: Եթե չպարտվեն, ապա կկրկնեն «Արսենալի» անպարտելի տարին: 2003-04 մրցաշրջանում «զինագործները» չեմպիոն էին դարձել առաջնությունում ոչ մի խաղում չզիջելով: Բացի այդ՝ այսպիսի խաղով «Լիվերպուլը» կարող նաեւ կրկնել կամ գերազանցել «Սիթիի» ռեկորդը: «Քաղաքայինները» միակն են, որ կարողացել են ԱՊԼ-ում չեմպիոն դառնալ 100 միավորով:

«Լիվերպուլը» եւս մեկ, բայց այս դեպքում բացասական առումով ռեկորդ կունենա, եթե նվաճի տիտղոսը: Անգլիայի ամենատիտղոսակիր թիմերից մեկը 30 տարի է՝ երկրի չեմպիոն չի դարձել: 18 անգամ է նման հաջողության հասել, սակայն վերջին անգամ 1989-90 մրցաշրջանում, երբ առաջնությունը դեռ այսպես՝ Անգլիայի Պրեմիեր լիգա, չէր կոչվում: Այդ ընթացքում մի շարք տիտղոսներ է նվաճել՝ այդ թվում հաղթել է Չեմպիոնների լիգայում ու աշխարհի ակումբային առաջնությունում, որոնց գործող չեմպիոնն է: Նույն Չեմպիոնների լիգայի գավաթին 2006-ին տիրացավ ֆուտբոլայի պատմության ամենահուզիչ եզրափակիչներից մեկի հեղինակը դառնալով: Բայց ԱՊԼ-ում....

Այս ընթացքում երկրի առաջնությունում հաղթելուն ամենամոտը «մերսիսայդցիները» եղել են 2013-14 մրցաշրջանում, երբ թիմի ղեկին Բրենդան Ռոջերսն էր: Պայքարում էին մինչեւ վերջին տուրը, սակայն սայթաքեցին ու 2-րդ տեղը գրավեցին: Վերջին 3 խաղերում 1-ական պարտությունն ու ոչ-ոքին ոչնչացրեցին երկրպագուների բաղձալի երազանքը: Ֆուտբոլասերները գուցե հիշեն նախավերջին տուրի «Քրիստլ Փելըսի» դեմ դրամատիկ ոչ-ոքին (3:3), որում «Լիվերպուլը» 3 գնդակի առավելություն էր ստացել, սակայն կորցրեց այն ունենալով գոլ խփելու նաեւ այլ հնարավորություններ: Խաղից հետո թիմի առաջատարները՝ այդ թվում Լուիս Սուարեսն ու ավագ Ստիվեն Ջերարդն չէին կարողանում զսպել զգացմունքները:

«Քրստլ Փելըս»-«Լիվերպուլ» 3:3

Ամեն դեպքում այս տարի, ինչպես երեւում է, Յուրգեն Կլոպի թիմը փորձում է այնպես անել, որ ԱՊԼ-ում տհաճ անակնկալների հավանականությունը նվազագույնի հասնի: Ճիշտ է՝ լինելով գրանդ ակումբ Լիվերպուլը չի կարող իրեն թույլ տալ անտեսել մյուս մրցաշարերը, սակայն ակնհայտ է, որ ուշադրությունն ԱՊԼ-ի նկատմամբ տարբերվում է՝ յուրահատուկ է:

Տպել
789 դիտում

«Զվարթնոց» օդանավակայանում ռումբի առկայության մասին կեղծ ահազանգ է եղել

Բազում դժնդակ օրեր հաղթահարած ժողովուրդը միաբան ջանքերով կհաղթահարի նաեւ առկա մարտահրավերը. Կաթողիկոսի ուղերձը

Կամրջից նետված 14-ամյա աղջնակի վիճակը ծանր է, բայց՝ կայուն. ունի բազմաթիվ դիմածնոտային վնասվածքներ

Քաղաքացին ցանկացել է ինքնասպանություն գործել՝ նետվելով Կիևյան կամրջից

1 օրում արձանագրվել է կորոնավիրուսի հետեւանքով 15 նոր մահ. 442 նոր դեպք է հաստատվել

Առաջին հանրապետության փորձը, ձեռքբերումները և ձախողումները մեզ դասեր են տալիս. Արմեն Սարգսյանի ուղերձը

Անկախությունն ու պետականությունը չեն ընծայվում. դրանց ձեռքբերման ճանապարհը դժվար և բարդ է եղել. ԲԴԽ նախագահի ուղերձը

Թուրքիայում հայկական եկեղեցու վրա հարձակում է եղել. անհայտ անձը պոկում ու նետում է խաչը. ահազանգում է Փայլանը

Վարչապետն ու ՀՀ բարձրաստիճան ղեկավարությունը, Արցախի նախագահը հարգանքի տուրք են մատուցում հուշահամալիրում (տեսանյութ)

«Կարմիր» կոչվող կամրջից 14-ամյա աղջիկ է նետվել. հոսպիտալացվել է «Սուրբ Աստվածամայր» ԲԿ

Հավատացած ենք՝ ունենալու ենք մեր երազանքների Հայաստանը. վարչապետը շնորհավորական ուղերձ է հղել Հանրապետության տոնի առթիվ

Հարավկովկասյան երկաթուղու աշխատակիցը զոհվել է դժբախտ պատահարի հետեւանքով. մանրամասները պարզվում են

Մենք ապրող ու հաղթող ժողովուրդ ենք. վարչապետ

Հայաստանը նշում է Առաջին Հանրապետության օրը

«Արմենիա» ավիաընկերությունը նախատեսում է իրականացնել հատուկ չվերթ Երևան-Լիոն-Երևան ուղղությամբ

Նորք-Մարաշ եւ Նուբարաշեն վարչական շրջաններում դիտարկված 36 տնտեսվարողից 21-ի մոտ ԱԱՏՄ-ն խախտումներ է արձանագրել

Երկրորդ զորամիավորումում հայտարարվել է ուսումնական տագնապ

Արտաքին տուրիզմի մասին խոսելը վաղ է, բայց ներքին տուրիզմի հնարավորությունների հետ պետք է հաշվի նստենք. Տիգրան Պետրոսյան

ՄԻԵԴ-ի վճիռը կարևոր նշանակություն կունենա էթնիկական ատելության հիմքով հանցագործությունների կանխման համար․ Արման Թաթոյան

Ճանապարհաշինություն, մշակույթի տան հիմնանորոգում ու ոչ միայն. Լոռիում եւս 10 սուբվենցիոն ծրագիր է հաստատվել