Այսօրվա միջադեպից հետո իրոք մտածում եմ՝ գուցե ԱԺ նիստերը հեռարձակելիս «18+» նշում անեն․ Վլադիմիր Վարդանյան

Այսօրվա միջադեպից հետո ես իրոք մտածում եմ՝ գուցե հեռուստատեսությամբ Ազգային ժողովի նիստերը հեռարձակելիս «18+» նշում անեն։ ԱԺ-ում իր ելույթի ժամանակ ասաց Ազգային ժողովի «Իմ քայլը» խմբակցության պատգամավոր Վլադիմիր Վարդանյանը՝ խոսելով քրեական ենթամշակույթի դեմ պայքարի մասին օրինագծի քննարկման ժամանակ ԱԺ-ում տեղի ունեցած միջադեպի մասին։

«Այսօրվա միջադեպից հետո ես իրոք մտածում եմ՝ գուցե հեռուստատեսությամբ Ազգային ժողովի նիստերը հեռարձակելիս «18+» նշում անեն, որովհետեւ այն, ինչ տեղի է ունենում, առնվազն համահունչ է այն արժեքների հետ, որոնց մասին մենք խոսում ենք։ Խոսում ենք ամեն օր, խոսում ենք ամբիոնից, լրատվամիջոցների հետ, խոսում ենք «Ֆեյսբուք»-ում։ Ինչ ենք մենք քննարկում, քննարկում ենք օրինագիծ, որի նպատակը հետեւյալն է՝ հնարավորինս բարձրացնել քաղաքացու վստահությունը ֆորմալ եւ ոչ ֆորմալ իշխանության նկատմամբ, թույլ տալ, որ ռեալ իշխանության կրողը՝ պետությունը, կարողանա իրականացնել իր գործառույթները, հնարավորություն վերապահել քաղաքացուն՝ ընկալել, որ ոստիկանը, իրավապահ մարմնի ներկայացուցիչը, քննչական մարմինները, դատախազությունը, դատարանն է իր իրական պաշտպանը»,- ասաց Վարդանյանը։

Նրա համոզմամբ՝ ներկայացված նախագիծը չափազանց կարեւոր է․ «Ինչ ենք մենք քննարկում, քննարկում ենք օրինագիծ, որը նպատակ է հետապնդում կանխարգելել հանցավորության մեջ նոր անձանց ներգրավումը, մենք նպատակ ենք հետապնդում վերադառնալ այն քրիստոնեական արժեքներին, որոնք պետք է դրված լինեն մեր օրենսդրության հիմքում։ Նախագիծը չափազանց կարեւոր է, կարեւոր է նույնիսկ այն անձանց համար, որոնք ճակատագրի բերումով մեկ անգամ շեղվել են օրինական ուղուց, դատապարտվել այս կամ այն հանցագործության համար, որովհետեւ մենք նաեւ ռեաբիլիտացիայի հնարավորություն ենք տալիս, կտրում ենք այն արատավոր կապը, որը կապում է նրանց քրեական ենթամշակույթի կրողների հետ»։

Հիշեցնենք՝ քրեական ենթամշակույթին հարող անձանց քրեական պատասխանատվության ենթարկելու վերաբերյալ օրենքի նախագծի քննարկման ժամանակ ԲՀԿ-ական պատգամավոր Գեւորգ Պետրոսյանը, որը օրինագծի հրապարակման հենց առաջին օրվանից դեմ է արտահայտվել ու անհասկանալի համարել առաջարկվող կարգավորումը, այսօր ԱԺ-ում այնպիսի ելույթ ունեցավ, որը սրեց իրավիճակը։

Պետրոսյանը, մասնավորապես, ասաց, որ մարդուն պետք է դատել կատարած արարքի համար, առանց արարք կատարելու մարդուն դատելը չի բխում մարդասիրության սկզբունքից։ Նա դժվարանում է հասկանալ, թե ինչու է կառավարությունն այս պայքարը գերակայություն հռչակել, որովհետեւ իր համար անորոշ պայքար է։

«Էդ գողական աշխարհը ես չգիտեմ՝ ինչ է նշանակում, ո՞վ կարող է դրա սահմանն ընդգծել»,- ասաց ԲՀԿ-ականը՝ ապա արդարադատության նախարարին դիմելով՝ ասաց՝ մի խորհուրդ է ուզում տալ․

«Էդ գողական բառի հետ էլի երեք տառից բաղկացած հասկացություն կա, լավ կլիներ՝ դրա դեմ պայքարեիք»։

Ըստ ամենայնի՝ հենց այս նախադասությունը բարկացրեց անկախ պատգամավոր Արման Բաբաջանյանին։

Նա իր ելույթում ասաց, որ ԲՀԿ-ի անունից ինչ-որ մեկը պիտի ներողություն խնդրի իրենց գործընկերոջ, իր ձեւակերպմամբ, «այս խայտառակ պահվածքի համար»։ Բաբաջանյանն ԱԺ նախագահին կոչ արեց, որպեսզի անպայման արձագանքի այս անթույլատրելի պահվածքին։ Պատգամավորի ելույթի ժամանակ ԲՀԿ-ականները տեղից ռեպլիկներ արեցին, Բաբաջանյանն էլ բարձր տոնով գոչեց՝ «Լռե՛ք, երբ ես խոսում եմ»։

Երբ նա ավարտեց ելույթն ու նստեց իր տեղում, ԲՀԿ-ական մի խումբ պատգամավորներ, այդ թվում՝ Արթուր Դալլաքյանը, Արման Աբովյանն ու Ջանիբեկ Հայրապետյանը, գնացին Բաբաջանյանի աթոռի մոտ՝ «հաշիվ պահանջելու»։ ԱԺ-ում քաշքշուկ սկսվեց, «Իմ քայլ»-ի պատգամավորները մի կերպ հանդարտեցրին մթնոլորտը։

Տպել
380 դիտում

Անկախ թոքաբորբ ունենալուց՝ Էլթոն Ջոնը կշարունակի համերգային շրջագայությունը

Արայիկ Հարությունյանն ընդունել է ըմբշամարտի Եվրոպայի առաջնության մրցանակակիրներին

Դատախազությունը մերժել է ՀՔԾ-ի առարկությունը՝ Արա Բաբլոյանի եւ Արսեն Բաբայանի մեղադրանքները փոփոխելու ցուցումի դեմ

Ամբերդ ամրոց և Քարի լիճ տանող ավտոճանապարհները դեռ փակ են, Վարդենյաց լեռնանցքը՝ դժվարանցանելի

ՀՀ վարչապետն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարին

Ուկրաինայի Գերագույն Ռադայում գրանցվել է Հայոց ցեղասպանության զոհերի հիշատակը հարգելու որոշման նախագիծ

«Սնանկության մասին» բարեփոխված օրենքի շուրջ աշխատանքային քննարկում է տեղի ունեցել

Պաշտոնական է՝ Արսեն Ջուլֆալակյանը Տոկիո 2020-ին չի մասնակցի. հունահռոմեականների 77կգ-ում ՀՀ-ն կներկայացնի Չալյանը

Ռուբեն Ռուբինյանն ընդունել է Հայաստանում Լեհաստանի արտակարգ եւ լիազոր դեսպան Պավել Չեպլակին

Բուքմեյքերական ընկերությունը խաղադրույքներ է ընդունում հանրաքվեին ընդառաջ. «Այո»-ի հաղթանակին գրեթե չեն կասկածում

Հայկական ծագում ունեցող հայտնի թենիսիստ Անդրե Աղասիին մեղադրել են դոպինգ օգտագործելու մեջ

Հրայր Թովմասյանի եւ Նորայր Փանոսյանի գործով նախաքննությունն ավարտվել է

Առանց գենդերային բաղադրիչի ներառման՝ հասարակության սոցիալ-տնտեսական զարգացումը չի կարող լիարժեք լինել․ Ժաննա Անդրեասյան

Պրոֆեսիոնալ ռեկետ է․ Արթուր Մեսչյանը՝ շինթույլտվություններից դժգոհ բնակիչների բողոքների մասին

Հայտնաբերվել է մոտ 130 000 «ապագայի» ձու եւ 54 000 հատ՝ ժամկետանց

Յուրա Մովսիսյանը շուրջ 1.5 տարի է՝ թիմ չունի

Տղամարդն ընկերոջը թմրանյութ է հյուրասիրել. հանգամանքները պարզվում են (տեսանյութ)

Ռուստամ Բադասյանն ու Դեբորա Գրիզերը քննարկել են հակակոռուպցիոն պայքարում համագործակցությունը զարգացնելու ուղղությունները

Վարչապետ Նիկոլ Փաշինյանի գլխավորությամբ այսօր քննարկվել է ՀՀ հարկային բարեփոխումների հայեցակարգը (լուսանկարներ)

«Այո»-ն շտաբներ կունենա բոլոր մարզերում ու քաղաքներում. միջոցառումների ժամանակացույցը կհրապարակվի Պապիկյանի ասուլիսում