Արի ազատման դիմում գրի, մենք էլ քո համար քաղաքում գործ ման կգանք. Ստեփանավանի քաղաքապետը՝ Ուրասարի վարչական ղեկավարին

Ինչպես արդեն տեղեկացրել ենք, Ստեփանավան խոշորացված համայնքի կազմի մեջ մտնող Ուրասար բնակավայրի բնակիչներն այսօր բողոքի ցույց են իրականացրել՝ պահանջելով վարչական ղեկավար  Արտակ Կիրակոսյանի հրաժարականը:

Բնակիչները, վարչական ղեկավարն ու խոշորացված Ստեփանավան համայնքի ղեկավար Միքայել Ղարաքեշիշյանը քննարկում իրականացրեցին վարչական շենքում, որտեղ էլ Ղարաքեշիշյանը վարչական ղեկավարին առաջարկեց հենց այսօր ազատման դիմում գրել: Ղարաքեշիշյանը եւս բազմաթիվ մեղադրանքներ հնչեցրեց վարչական ղեկավարին, նշելով, որ ստեղծված իրավիճակի մասին քանիցս խոսել են, սակայն՝ անարդյունք:

Ըստ Ղարաքեշիշյանի՝ բնակչության դժգոհությունը տեղին է, եւ իրավիճակը մի օր սրվելու էր. «Ամենաճիշտը՝ արի դիմում գրի, մենք էլ քո համար քաղաքում գործ ման կգանք, էլ ուրիշ ձեւ չկա, 2 օր է դու ինչի չես քո գյուղ այցելում, որ ժողովրդի հետ քո հարցերը կարգավորես, որ ես պետք է գամ…ինչու չես եկել քո գյուղի ժողովրդի հետ թե որպես ղեկավար, թե որպես ընկեր նստել-զրուցել»,- շենքի ներսում վարչական ղեկավարին հարց ուղղեց Միքայել Ղարաքեշիշյանը, ապա հավելեց. «Դու դիմումդ կգրես, մեկ այլ մարդու 3 ամսով վարչական ղեկավար կնշանակենք, հետագայում արդեն կերեւա՝ կշարունակի՞ պաշտոնավարել, թե՞ ոչ»:

Ուրասարի վարչական ղեկավար Արտակ Կիրակոսյանը ՀԺ-ի հետ զրույցում ասաց՝ հրաժարականի դիմում կներկայացնի: Բնակիչների ներկայացրած մեղադրանքներին մասնակի է համաձայն: Հերքում է, թե օրերով գյուղ չի եկել, ասում է՝ նման դեպք դժվար եղած լինի, ամեն օր, գոնե մի քանի ժամով պարտադիր եկել է գյուղ. «Դժգոհությունները կապված են գյուղում առկա խնդիրների հետ: 2 տարի է, ինչ աշխատում եմ, ինչ հնարավոր է՝ արել եմ: Իմ մեղքն այն է, որ հարկերը չեմ կարողացել հավաքել, ժողովուրդն էսօրվա վիճակով 20 մլն պարտք ունի, բոլորին տեղեկացրել եմ, ասել են՝ հավաքի, բայց ժողովրդի ձեռքին գումար չկա, ես էլ դատի չեմ տա…»:

Ստեփանավանի քաղաքապետ Միքայել Ղարաքեշիշյանը համակարծիք է բնակչության հետ՝ վարչական ղեկավարն իսկապես թերացել է իր աշխատանքում. «Այս խնդրով բազմիցս ենք հանդիպել, վարչական ղեկավարը պետք է գյուղի խնդիրները մեզ ներկայացներ, բայց եթե վարչական ղեկավարը անգործության է մատնված, գյուղում հեռակա է աշխատում, շաբաթվա մեջ 2-3 ժամ է գործի գալիս, ուրեմն գյուղն այս օրին էլ պետք է լիներ: Խորհուրդ տվեցի դուրս գա գործից»:

Ըստ քաղաքապետի՝ վարչական ղեկավարի անգործության մասին ինքը տեղյակ է պահել թե մարզպետին, թե փոխմարզպետին. «Քանի անգամ բանավոր ու գրավոր նկատողություն եմ տվել: Ինքը՝ վարչական ղեկավարը, շատ լավ գիտակցում է, որ էս իրավիճակում, այս փոխված ժամանակաշրջանում ինքը պետք է աշխատի: Ինքը սովոր է հին ոճով աշխատի, ճիշտ է՝ ես էլ եմ հին ժամանակվա ղեկավար, բայց քանի որ ժամանակները փոխվել են, ամեն մարդ ուրեմն պետք է գիտակցի՝ կամ պետք է աշխատի այն ձեւով, որն էսօրվա իշխանությունն է պահանջում, կամ, եթե չի կարողանում աշխատել, պետք է գնա իր համար նոր աշխատանք գտնի»,- հավելեց քաղաքապետ Ղարաքեշիշյանը:

Բողոքի ցույցին մասնակից Ուրասարի բնակիչները ՀԺ-ի հետ զրույցում մատնացույց են անում գյուղի քանդված ու լքված մշակույթի տունն ու թալանված գրադարանը, անբարեկարգ ճանապարհներն ու փողոցներով հոսող խմելու ջուրը, որն այդպես էլ իրենց տներ չի հասնում: Այս ամենում բնակիչները թիվ մեկ մեղավոր համարում են վարչական ղեկավարին, որն ուշադրություն չի դարձրել իրենց խնդիրներին եւ մատը մատին չի տվել դրանց լուծման համար. «Քաղաքապետ Ղարաքեշիշյանը ժողովին ասաց, թե ամեն տարի վարչական համայնքին գումար է հատկացվել, բայց թե ուր է կամ ինչի վրա է ծախսվել, ոչ տեսել ենք, ոչ լսել»:

Ուրասարի գրադարանը

Մշակույթի տունը

Տպել
2670 դիտում

Մեր նպատակը կապիտալ ծախսերի խթանման միջոցով նոր աշխատատեղերի ստեղծումն է. վարչապետ (տեսանյութ)

ՀՀ քաղաքացիական ավիացիայի կոմիտեն լիցենզիայից չի զրկվել. կոմիտեն հայտարարություն է տարածել

Վերակենդանացման բաժանմունքներում 25 հիվանդ կա. նրանցից 1-ի վիճակը ծայրահեղ ծանր է

Կորոնավիրուսը, Արմեն Մուրադյանը եւ նախարարի պորտֆելը

ՀՀ մարզերում ձյուն է տեղում, Լարսը բաց է միայն բեռնատարների համար

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել

Ապրիլի 6-ին Մոսկվայից կազմակերպվող չարտերային թռիչքի ուղևորներն ընտրվել են ըստ առաջնահերթության

Ապրիլի 4-ին Արցախում աճել է ադամաթզի, սոխ գինը, անկել՝ վարունգի, բենզինի, կիտրոնի, լոլիկի և այլ ապրանքների գները

ՀՀ ՊՆ պարզաբանումը լրատվամիջոցներում հրապարակված բաց նամակի կապակցությամբ

Երևանում բետոնե պատշգամբ է փլուզվել

Մեր «մշտական կորոնավիրուսը»

«Աղավնո», «Խարխափուտ», «Խնձորեսկ» բժշկասանիտարական հսկիչ կետերում ջերմաչափվում են Արցախ մեկնող բոլոր քաղաքացիները

Մոսկվա-Երևան չարտերային թռիչքի ապրիլի 6-ի տոմսերը սպառված են. երկրորդ թռիչքի անհրաժեշտություն կա

Ապրիլի 6-ին, ժամը 18.30-ից Նիկոլ Փաշինյանը ֆեյսբուքի իր էջի ուղիղ եթերում կպատասխանի քաղաքացիների հարցերին

Վթարի ենթարկված շտապօգնության մեքենայում կորոնավիրուսով հիվանդ 3 պացիենտ է գտնվել. Ալինա Նիկողոսյան

2017թ-ից հետախուզման մեջ գտնվող տղամարդը ներկայացել է ոստիկանության Արաբկիրի բաժին

ԱԻՆ-ը Երևանում 49 սուպերմարկետ և 128 հանրային տարածք է վարակազերծել

Կենտրոն համայնքում քամին ծառեր է տապալել

Հայաստանում կորոնավիրուսով վարակվածներից 500-ը բուժման կարիք չունի, նրանք նաև ջերմություն չունեն. Նիկոլ Փաշինյան