Եվրոպայի չեմպիոն Արման Երեմյանը մեկնել է ԱՄՆ ու հենց այնտեղ իրակացրել նպատակը. թաեքվոնդոյի ակումբ է բացել

Եվրոպայի 2008թ. չեմպիոն, 2016թ. փոխչեմպիոն թաեքվոնդոիստ Արման Երեմյանն ԱՄՆ-ում իրականացրել է ակումբ բացելու իր նպատակը: «Հայկական ժամանակ»-ի հետ զրույցում նա պատմեց, որ արդեն 3-րդ տարին է՝ այնտեղ է, գնացել է հենց ակումբ բացելու նպատակով: Մարզական կարիերան ավարտելուց եւ ԱՄՆ տեղափոխվելուց հետո մոտ 2.5 տարի կորեացի մի մարզչի ակումբում աշխատել է որպես գլխավոր մարզիչ ու միաժամանակ առանձին իր աշակերտներն է ունեցել:

«Հետո արդեն պահն էր հասունացել, որ պետք  իմ դպրոցն ունենայի, եւ Աստծու կամքով՝ ամեն ինչ նորմալ եղավ, այս տարի արդեն բացեցի: Մոտ 20 օր է՝ բացել եմ: Այստեղ շատ լավ հայ երեխաներ ունենք՝ ուժեղ պոտենցիալով: Աշխատում եմ, որ երեխաներին փոխանցեմ իմ գիտելիքները, իմ փորձը»,- ասաց նա:

Երեմյանը դպրոցը բացել է իր ուժերով: Այն գործում է հայաշատ Գլենդել քաղաքում: Կոչվում է «Yeremyan’s Taekwondo Club»: Երեմյանն օգնականներ ունի, սակայն հիմնական մարզիչը հենց ինքն է: Առաջիկայում նախատեսում է հարմար մարզիչներ գտնել ու աշխատանքի ընդունել: Ակումբում կան ինչպես հայ, այնպես էլ այլազգի մարզվողներ: Ընդունելությունը 4 տարեկանից է, իսկ վերին շեմի սահմանափակում չկա. կան անգամ 40, 45 տարեկան մարզվողներ: Նրանց ընդհանուր թիվը 30-ից ավելի է: Բաժանված են տարբեր խմբերի:

«Ոչ մի հովանավոր չկա: Իմ ուժերով ակումբը բացել եմ, իմ թիմը զարգանում է, ավելի լավ պայմաններ եմ ստեղծել, որ մարդիկ պարապեն առաջնահերթ, որպեսզի առողջ լինեն: 2-րդ, եթե կդառնան լավ մարզիկներ, կդառնան օլիմպիականներ, ընտիր կլինի»,- ասաց նա:

Արման Երեմյանը կիսվում է իր մարզադահլիճի լուսանկարներով: Նշում է, որ հաստատ չի կարող ասել, սակայն իր կարծիքով՝ ՀՀ-ում նման դահլիճ ունենալը թանկ հաճույք է: Ասում է, որ ԱՄՆ-ում այդքան էլ այդպես չէ: Ընդհանրապես, ըստ Երեմյանի, որը թաեքվոնդո մարզաձեւից առաջին մարզիկն է, որը ՀՀ-ն ներկայացրել է օլիմպիական խաղերում, Հայաստանում սպորտի նկատմամբ վերաբերմունքն այնպիսին չէ, ինչպիսին ԱՄՆ-ում է: Այնտեղ, նրա խոսքով, օլիմպիական խաղերի մասնակից լինելն ավելի մեծ նշանակություն ունի, քան ՀՀ-ում, ինչի արդյունքում պայմաններն էլ այնտեղ ավելի բարենպաստ են:

«Իմ կարծիքով՝ սպորտը պետք է ավելի մասսայական լինի ու ավելի շատ լուսաբանվեն օլիմպիական մարզաձեւերը, որպեսզի մարդիկ հասկանան՝ օլիմպիական խաղերի մասնակիցն ինչ է»,- ասաց նա՝ ավելացնելով, որ կարծում է՝ ապագայում ՀՀ-ում էլ վերաբերմունքը կփոխվի:

Ոլորտի զարգացման համար, ըստ Երեմյանի, կարեւոր է ոչ միայն հանրության տեղեկացվածությունը, այլեւ այն, որ կարդրերը մնան Հայաստանում: Նա ընդգծում է, որ մարզական կարիերան ավարտած մարզիկների համար անհրաժեշտ է համապատասխան պայմաններ ստեղծել: Ասում է, որ այդպիսով մարզիկները կմնան ու տեղում կօգտագործեն իրենց փորձը, այլ ոչ թե իր նման այլ երկիր կգնան:

«Լավ կլինի, որ սպորտային ղեկավարները կարողանան մարզիկներին, որոնք ավարտում են կարիերան, պահել, որ դուրս չգնան ու դրսում չզարգացնեն»,-ասաց նա:

Անկախ ամեն ինչից՝ Երեմյանը մտածում է Հայաստանում էլ ակումբ հիմնելու մասին: Ընդգծում է դա անելու ցանկությունը, քանի որ խոսքն իր հայրենիքի մասին է: Նշում է, որ չի կարծում, որ մոտակա տարիներին դա հնարավոր կլինի, սակայն հետագայի համար չի բացառում:

Տպել
599 դիտում

Ստուգվել են զինծառայողների մասնագիտական գիտելիքները. ՊՆ

ԱՄՆ-ը մահերի թվի նոր ռեկորդ է սահմանում, Եվրոպան ազդարարում է համաճարակային ճգնաժամի թուլացման մասին

Հաստատված կորոնավիրուսային հիվանդությամբ 758 պացիենտ բուժում է ստանում. 4571 թեստ բացասական արդյունք է գրանցել

Միայնակ տարեցներն ու հաշմանդամություն ունեցողները մեկ ամիս սննդի ու հիգիենիկ պարագաների կարիք չեն ունենա

Ոստիկանության Մաշտոցի բաժնի ծառայողները մեքենաներից կատարված գողություններ են բացահայտել

9 հակաճգնաժամային միջոցառումների շրջանակներում բաշխվել է 3 միլիարդ 670 միլիոն դրամ. վարչապետ

Ալափարսում հայտնաբերվել է առանց համապատասխան փաստաթղթերի կրային թերթաքարով բեռնված «Զիլ» մակնիշի մեքենա

Ձեզ լուրջ պահեք, մեզ հետեւում են. ֆեյսբուքն օգտատերերի մասին տեղեկություններ կտրամադրի COVID-19-ի դեմ պայքարի համար

Ելակը մտավ զորամաս. վարչապետ (տեսանյութ)

Մուլտի գրուպի տնօրեն Սեդրակ Առուստամյանի գործով նախաքննությունն ավարտվել է

Պարենային եւ պաշտպանական միջոցներ կտրամադրվեն Արագածոտնի միայնակ տարեցներին, հաշմանդամություն ունեցող եւ խոցելի անձանց

Այս պահին Արցախի բուժհաստատություններում մեկուսացված քաղաքացիներ չկան. Արցախ/Տեղեկատվական շտաբ

Անցկացվել է զորավարժություն՝ մարտական հրաձգությամբ

«Նախագահի պաշտոնը զբաղեցրած մարդը ո՞նց չի ընկալում՝ ինչ ենք ասում». Քոչարյանը պնդում է՝ Սարգսյանի պայմանը կբավարարվի

Սպիտակի քաղաքային զբոսայգուց 28-ամյա երիտասարդ է բերման ենթարկվել

Բակո Սահակյանն անցկացրել է խորհրդակցություն. քննարկվել են կորոնավիրուսի տարածման դեմ պայքարի միջոցառումները

Պետության աջակցությունից օգտվող շահառուների շրջանակն ընդլայնելու նպատակով քննարկվել են նոր առաջարկություններ

Ժամեր անց Երեւանում վայրէջք կկատարի Չինաստանից բժշկական պարագաների եւ սարքավորումների խմբաքանակ տեղափոխող ինքնաթիռը

Մոսկվայում անօթևան մնացած ՀՀ քաղաքացիները գտնվում են Պոդոլսկում՝ ժամանակավոր կացարանում

Քրեական գործ է հարուցվել Սիսիանի ոստիկանների նկատմամբ բռնություն գործադրելու և խուլիգանություն կատարելու դեպքի առթիվ