Երեւանի թ. 92 մանկապարտեզի հատուկ խումբը փակվել է, մասնագետների աշխատանքային պայմանագիրն ավարտվել է դեկտեմբերի 31-ին

Երեւանի թ. 92 մանկապարտեզի հատուկ խմբեր հաճախող երեխաների ծնողներն այսօր առավոտյան իրենց երեխաներին մանկապարտեզ են տարել եւ տեսել, որ հատուկ խմբերում աշխատող որեւէ մասնագետ չկա: Պարզ է դարձել՝ խմբերն այլեւս չեն գործում:

Ծնողներից Աննա Ստեփանյանը մեզ հետ զրույցում նշեց, որ պարզաբանում ստանալու նպատակով մոտեցել են հաստատության տնօրեն Կարինե Հարությունյանին, սակայն նա նշել է, որ ոչինչ չգիտի, ամեն բան Երեւանի քաղաքապետարանն է որոշում: Այնուհետեւ տնօրենը զանգահարել է քաղաքապետարանի համապատասխան վարչություն, որտեղից ի պատասխան հաստատել են՝ մանկապարտեզի հատուկ խմբերը չեն գործելու:

Նշենք, որ այդ հաստատությունում գործող այդպիսի խմբերը երեքն էին, որտեղ հաճախում էին ֆիզիկական եւ մտավոր խնդիրներ ունեցող երեխաներ: Նրանց ընդհանուր թիվը 24 էր: 

Երեւանի քաղաքապետարանի լրատվական ծառայությունից, մեր հարցին ի պատասխան, հաստատեցին լուրը. հատուկ խմբում այսօր պարապմունք չի եղել, քանի որ այնտեղ երեխաների հետ աշխատող անհրաժեշտ մասնագետ չկար: Բոլոր մասնագետների աշխատանքային պայմանագիրն ավարտվել է 2019 թվականի դեկտեմբերի 31-ին: Խումբը փաստացի փակված է:

Ինչպես հավելեցին լրատվական ծառայությունից, քաղաքապետարանը փորձում է խումբը պահելու համար միջոցներ գտնել եւ պատրաստվում է դիմել ՀՀ կառավարություն, որպեսզի ֆինանսավորման աղբյուր գտնեն: Քանի դեռ այդ հարցը լուծված չէ, եւ ֆինասավորման աղբյուր գտնված չէ, հատուկ խումբ չի գործելու, իսկ, թե ինչ կլինի հետագայում, պարզ չէ:

Նշենք, որ հատուկ խմբերի մասնագետների աշխատավարձերի համար ֆինանսավորում էր տրամադրում Աշխատանքի եւ սոցիալական հարցերի նախարարությունը: Դեռեւս շաբաթներ առաջ մեզ հետ զրույցում մանկապարտեզի ծնողներից մեկը նշել էր, որ որոշ ժամանակ առաջ ֆինանսավորում տրամադրվում էր նաեւ այլ մասնավոր աղբյուրից, որը հետագայում դադարել էր ֆինանսավորել: Ծնողները լսել էին խմբի փակվելու մասին եւ դիմել Աշխատանքի եւ սոցիալական հարցերի նախարարություն, որտեղից հայտնել էին, որ անցում է կատարվում ներառական կրթության, եւ ՀՀ կառավարությունը չի կարող այդ երեխաների համար առանձին գումար տրամադրել:

Նախարարությունից մեր հարցին ի պատասխան նշել էին, որ իրենք ֆինանսավորում տրամադրում են միայն մանկապարտեզի մասնագետների աշխատավարձերի համար: Կառույցը գտնվում է Երեւանի քաղաքապետարանի ենթակայության ներքո եւ քաղաքապետարանն է որոշում՝ արդյոք նպատակահարմար է ֆինանսավորվել, ինչից հետո գործընթացն իրականացվում է:

Կապ էինք հաստատել նաեւ Երեւանի քաղաքապետի մամուլի խոսնակ Հակոբ Կարապետյանի հետ, որը, սակայն, նշել էր, որ ծնողները կարող են հանգիստ լինել, քանի որ խմբերի կրճատում չի լինելու, սաների թիվը եւս չի կրճատվելու, առկա է միայն մասնագետների թվի համապատասխանության խնդիր եւ օպտիմալացման անհրաժեշտություն: Կիրականացվի միայն հաստիքների վերանայում:

Հիշեցնենք, որ 2019 թվականի հոկտեմբերի 18-ին համացանցում տարածվել էին այդ մանկապարտեզի հատուկ խմբում աթոռներին կապված երեխաների լուսանկարներ: Ֆեյսբուքյան օգտատերերից մեկը գրառում էր կատարել՝ նշելով, որ չի կարող լռել եւ չարձագանքել Երեւանի թիվ 92 մանկապարտեզի նախաներառական խմբում կիրառվող վարքի կառավարման մոտեցումներին։ Հրապարակմանը «Ֆեյսբուք» սոցիալական ցանցի իր էջում արձագանքել էր Երեւանի քաղաքապետի տեղակալ Տիգրան Վիրաբյանը: Նա գրել էր, որ մանկապարտեզի ներսում այս երեխաների առօրյան կազմակերպվում է «Արբես» առողջապահական կենտրոնի տրամադրած հատուկ նստարաններով, որոնք ունեն ամրացնող հատուկ հարմարանքներ: Քաղաքապետի տեղակալը հավելել էր, որ պարբերաբար մանկապարտեզ այցելող միջազգային առողջապահական կառույցների ներկայացուցիչները դրական են գնահատում հաստատության փորձը:

Անի Ավագյան

Տպել
2519 դիտում

Ռուսաստանն այսօր էլ դեմ է ՆԱՏՕ-ին Վրաստանի անդամակցությանը․ Գախարիա

Տեղի են ունեցել նորակոչիկ զինծառայողների երդման հանդիսավոր արարողություններ. ՊՆ

Բռնակոթի 53-ամյա բնակչի տնից 2 կիլոգրամ 200 գրամից ավելի քաշով կանեփ եւ մարիխուանա է հայտնաբերվել

Պայմանագրեր, համաձայնություններ, առեւտուր, ղարաբաղյան հակամարտություն. Էրդողանն Ադրբեջանում է

Երեխայի վթարի գործով փորձաքննությունն ապացուցեց իմ անմեղությունը. Դավիթ Սանասարյան

205 մլն 560 հազար դրամ. «Քաղաքացիական պայմանագիր» կուսակցության դրամահավաքն ավարտվեց

Այսօր Անդրանիկ Զորավարի 155-ամյակն է

Լարսը փակ է. ռուսական կողմում կա կուտակված 483 բեռնատար

Ապօրինություն Վայոց ձորի մարզում․ ոստիկանները կոռուպցիոն բնույթի հանցագործություն են բացահայտել (տեսանյութ)

Շիրակի մարզետարանը «Մի բան անենք» նախաձեռնության շրջանակներում այս ձմեռ մոտ 450 ընտանիքի ապահովել է վառելափայտով

Իրանի առողջապահության փոխնախարարը վարակվել է կորոնավիրուսով

Եղվարդի խճուղում բախվել են «Lexus GX460» եւ «Mitsubishi Grand» մակնիշների ավտոմեքենաները

Մասիս քաղաքում տեսախցիկներ են տեղադրվել

«Այո» քարոզչական կողմի տարբերանշանի մրցույթում հաղթեց «Garun Agency» կազմակերպությունը. մրցանակը՝ 3 մլն դրամ է

14 հորթ, 34 գառ, 30 գոճի. անասնապահության համար աջակցություն ստացած տնտեսություններում կենդանիների քանակի աճ կա

Այս քաղաքական թիմը կկտրի սեփական ձեռքերը, բայց մի քվեաթերթիկի ընտրակեղծիք թույլ չի տա. վարչապետ

5-րդ զորամիավորման զորամասի պահպանության գոտու մարտական հենակետերում անակնկալ ստուգումներ են անցկացվել

ԱԻՆ փ/ծ խորհրդակցության ժամանակ հանձնարարվել է հետևել Տավուշի մարզի ՔՊ հենակետի հրշեջ փրկարարների ուսուցանմանը

Կանադայի նորանշանակ դեսպան Էլիսոն ԼըՔլերն իր հավատարմագրերն է հանձնել ԱԳ նախարարի տեղակալին

2020 թվականի ապրիլի 5-ին ՀՀ քաղաքացին կանգնած է կարեւոր որոշում ընդունելու առաջ. Սուրեն Պապիկյան