Քաղաքապետարանի ընտրած 55 Ձմեռ պապերն ու Ձյունանուշները չեն վարձատրվելու, բայց լուսանկարվելու դիմաց գումար չեն պահանջելու

Երեւանի քաղաքապետարանի հայտարարած թեմատիկ կերպարների մրցույթը հաղթահարել են 35 Ձմեռ պապ եւ 20 Ձյունանուշ: Ստուգատեսի արդյունքներով նրանք հավաստագրեր են ստացել, որոնք նախատեսված են սույն թվականի դեկտեմբերի 21-ից մինչեւ 2020 թվականի հունվարի 13-ը ներառյալ ընկած ժամանակահատվածի համար:

Երեւանի քաղաքապետարանից «Հայկական ժամանակին» հայտնեցին, որ հավաստագրեր ստացած Ձմեռ պապերի ու Ձյունանուշների գործունեության համար հստակ նախատեսված տարածքներ կան, դրանք են՝ Հանրապետության հրապարակը, հարակից հատվածում ստեղծված Սուրբ ծննդյան տոնավաճառն ու Ազատության հրապարակը: Նրանք իրավունք ունեն լինելու միայն այս երեք տարածքներում եւ ոչ մի դեպքում գումար չպահանջել իրենց հետ լուսանկարվել ցանկացողներից:

Դեկտեմբերի 25-ին կայացած Երեւանի ավագանու նիստի ժամանակ Երեւանի փոխքաղաքապետ Սերգեյ Հարությունյանն էլ հայտարարել էր, որ եթե քաղաքապետարանի կողմից ընտրված Ձմեռ պապերը, հրապարակում լուսանկարվելու դիմաց գումար պահանջեն, կարող են ձերբակալվել:

Երեւանի քաղաքապետարանից հետաքրքրվեցինք, թե նման պարագայում արդյո՞ք նախատեսում են որեւէ գումարային փոխհատուցում Ձմեռ պապերի ու Ձյունանուշների համար: ՀԺ-ին պատասխանեցին, որ քաղաքապետարանը ֆինանսական միջոցներ չի նախատեսել եւ չի հատկացրել: «Քաղաքապետարանը չի վերահսկում երեխաների ծնողների կամ հարազատների եւ թեմատիկ կերպարների միջեւ ձեռք բերված մասնավոր պայմանավորվածությունների (օրինակ՝ տնային այցերի) պայմանները»,- հայտնեցին քաղաքապետարանի լրատվականից:

«Հայկական ժամանակ»-ը այսօր Հանրապետության հրապարակում հանդիպել էր կապուտաչյա հաղթանդամ Ձմեռ պապիկի եւ երբ նրան հարցրել էր, թե լուսանկարվելու համար վճարել հարկավո՞ր է, վերջինս պատասխանել էր. «Ըստ ձեր ցանկության»: Մենք ականատես եղանք, թե ինչպես էին ծնողները լուսանկարում իրենց երեխաներին Ձմեռ պապի հետ եւ ժպիտով հեռանում:

Ձմեռ պապերի ու Ձյունանուշների, ինչպես նաեւ մյուս թեմատիկ կերպարների գործունեության վերահսկողությունն իրականացնում են Երեւանի քաղաքապետարանի աշխատակազմի առևտրի եւ սպասարկումների վարչությունը: Վերահսկողություն են իրականացնում նաեւ Կենտրոն վարչական շրջանի ղեկավարի աշխատակազմի ներկայացուցիչները եւ ՀՀ ոստիկանության Երեւան քաղաքի վարչության աշխատակիցները:

Տպել
1565 դիտում

Գյումրիում հստակեցնում են շենքերի կրած վնասները. նախնական տվյալով 48 շենք է վնասել, ևս 53-ի մասին ահազանգեր կան

Դեղձուտի մոդուլային դպրոցի կառուցման համար մրցույթ է հայտարարվել

ԱԱՏՄ արձանագրած խախտումների հիմքով՝ կասեցվել է շուրջ 650 տնտեսվարողի գործունեություն

Դմիտրի Պեսկովը կորոնավիրուսից բուժվել եւ դուրս է գրվել հիվանդանոցից

Սյունիքից հակահեղափոխություն չի սկսվելու. իրավապահ համակարգը տիրապետում է իրավիճակին եւ կոշտ է արձագանքելու. պատգամավոր

Խոշոր ավտովթար Լոռիում. Բախվել են Mersedes-ն ու բեռնատարը. Mersedes-ի վարորդին դուրս են բերել փրկարարները(լուսանկարներ)

Կորոնավիրուսից ավելի հաճախ տղամարդիկ են մահանում. 70-ից բարձր անձինք քիչ են վարակվում, բայց մեծ մասամբ մահացու ելքով

ԳՇ զորքերի ծառայության վարչության աշխատանքային խումբը հանկարծակի ստուգումներ է իրականացրել մի շարք զորամասերում

Գյումրու ինֆեկցիոն հիվանդանոցում կորոնավիրուսով 47 հիվանդ է բուժվում. տնային ինքնամեկուսացման ցուցում ունի 304 քաղաքացի

ԱԱԾ տնօրեն Էդուարդ Մարտիրոսյանն այցելել է պետական սահմանը վերահսկող ուղեկալներ

Արտակարգ դրությամբ պայմանավորված, Լարսը բաց է միայն բեռնատարների համար

Կորոնավիրուսի հետ զուգահեռ ապրելու համար առաջնահերթ պետք է դրսևորել անհատական բարձր պատասխանատվություն. վարչապետ

Ոչ հերքում եմ, ոչ չեմ հերքում, չեմ մեկնաբանում. Արթուր Վանեցյանը հրավիրվել է ՀՔԾ

Ռուբեն Հայրապետյանի որդին չի կալանավորվի. դատարանը մերժել է միջնորդությունը

Շիրակի մարզի 8 գյուղական բնակավայրում անօթևանների համար 55 բնակարան կկառուցվի

Ոստիկանությունը հորդորում է առաջիկա ոչ աշխատանքային օրերին զերծ մնալ մասսայական միջոցառումներից

Կորոնավիրուսի պատճառով հետաձգվել է Չեռնոգորիայի նախագահ Միլո Ջուկանովիչի ծրագրված պաշտոնական այցը Հայաստան

Կապանում ձերբակալված երրորդ քաղաքացին եւս ազատ արձակվեց. նրա ձերբակալումը ճանաչվել է ոչ իրավաչափ

Մայիսի 27-ին դեպի Երեւան 3 չվերթ կիրականացվի՝ Մինսկից, Դամասկոսից, Սանկտ-Պետերբուրգից

Հայաստանը NBA-ի մանկապատանեկան մրցաշար անցկացնելու բացառիկ հնարավորություն է ստացել