ԵՊՀ հոգաբարձուների նիստն անցնում էր պարբերաբար թեժացող մթնոլորտում

Երեւանի պետական համալսարանի հոգաբարձուների խորհրդի այսօրվա նիստի օրակարգում ընդգրկված էր 7 հարց՝ հոգաբարձուների խորհրդի քարտուղարի ընտրություն, հիմնադրամի (ԵՊՀ) կառուցվածքային փոփոխություններ, հիմնադրամի կանոնադրությունում փոփոխությունների կատարում, ֆինանսական տարվա եկամուտների, ծախսերի նախահաշիվ, հաստիքացուցակ, ԵՊՀ-ում դեկտեմբերի 24-ին ոստիկանության գործելաոճ եւ ընթացիկ հարցեր։

Նիստը սկսվեց եւ ավարտվեց լեզվակռիվներով, որի գլխավոր մասնակիցը ուսանողական խորհրդի նախագահ Դավիթ Ափոյանն էր:

Սկզբում, երբ ԵՊՀ ռեկտորի պաշտոնակատար Գեղամ Գեւորգյանը փորձում էր ներկայացնել բուհի կառուցվածքային փոփոխությունների հիմնավորումները, քանի որ խորհրդի անդամներից մեկը դժգոհել էր դրանց բացակայությունից: Նրա խոսքն ընդհատեց Հոգաբարձուների խորհրդի նախագահ Գեւորգ Մուրադյանը եւ խնդրեց նստել՝ ասելով, որ հարցն օրակարգից չի հանվի եւ վերջինս հաստատվելուց հետո անհրաժեշտության դեպքում կտրվեն հավելյալ պարզաբանումներ:

Դավիթ Ափոյանը հակադարձեց, որ ԵՊՀ ռեկտորին չլսել եւ քվեարկություն անցկացնելը ճիշտ չէ, Մուրադյանի քմծիծաղին էլ արձագանքեց. «Պարոն Մուրադյան, երբ դուք քմծիծաղով եք մոտենում հարցին, ինձ համար շատ տարօրինակ է»:

Մթնոլորտը շարունակեց շիկանալ նաեւ այն ժամանակ, երբ ԵՊՀ պրոռեկտոր Ռաֆայել Բարխուդարյանը ներկայացնում էր բուհում բիզնես դպրոց հիմնելու գաղափարը: Նրա ելույթի ընթացքում հոգաբարձուների խորհրդի անդամներից մեկը դժգոհեց, որ կրկին նույն բանն է կատարվում, նախապես ծրագիրը չի ներկայացվել՝ կես ժամից մինչեւ մեկ ժամ պետք է հարց տան, այնուհետեւ ասեն բերեք, քվեարկենք: Վերջինս, այս ամենը նշելով, լքեց դահլիճը:

Հոգաբարձուների խորհրդի նախագահն ընդունեց, որ կատարվածի մեղավորն ինքն է, ծրագիրն անհրաժեշտ էր նախապես, մինչ անդամների քվեարկությունը ներկայացնել նրանց:

Նիստի ընթացքում շարունակ կրկնվող մեկնաբանություններից հետո խորհրդի անդամներից մեկը նշեց, որ կան մարդիկ, ովքեր պարզապես հարթակ են փնտրում արտահայտվելու, հայտարարություններ անելու, ինչին ի պատասխան ՈՒԽ նախագահը, ակնարկն իրեն ուղղված համարելով, շեշտեց, որ խորհրդի նիստն է, յուրաքանչյուրն ունի արտահայտվելու իրավունք եւ եթե կան մարդիկ, որոնց ժամանակը չի ներում ներկա գտնվել այս ամենին, ապա կարող են դիմում գրել եւ դուրս գալ: Ափոյանի համոզմամբ, ԵՊՀ համար ճակատագրական որոշումների կայացմանը մասնակցություն ունենալը պետք է պատվաբեր լինի: Այդ հայտարարության պատասխանը չուշացավ՝ դեմագոգիայի համար ժամանակ չկա:

Մի քանի անգամ կրկնվող նման իրավիճակներից հետո ներկաներից մեկն արձագանքեց, որ Ափոյանի նկատառումները միգուցե ճիշտ են, սակայն շատ ագրեսիվ: ՈՒԽ նախագահն ընդունեց դիտողությունը, ասաց՝ երիտասարդ ու անփորձ է, եւ հնարավոր է այդ պատճառով է սուր ու կտրուկ արտահայտվում, բայց եւ նշեց, որ իր ագրեսիան պայմանավորված է ԵՊՀ նվազող վարկանիշով:

Հոգաբարձուների խորհրդի նախագահն այդ պնդման հետ չհամաձայնվեց, նրա խոսքով՝ նման ուսումնասիրությունների ինքը ծանոթ չէ, եւ ԵՊՀ-ի վարկանիշը միայն բարձրանում է:

Նիստի ժամանակ քվեարկության արդյունքում Հոգաբարձուների խորհրդի քարտուղար ընտրվեց տնտեսագիտության ֆակուլտետի դեկանի տեղակալ, տնտեսագիտության թեկնածու, դոցենտ Գրիգոր Հայրապետյանը։ Քարտուղարի տեղը թափուր էր, քանի որ հոգաբարձուների խորհրդի քարտուղար Արթուր Իսրայելյանը նշանակվել էր պրոռեկտոր:

Անի Ավագյան

Տպել
577 դիտում

Օրակարգում նման հարց գոյություն չունի․ ԱԳՆ խոսնակը՝ Թուրքիայի կողմից ՀՀ-ին աջակցելու լուրերի մասին

Եվրո 2020-ի համաեվրոպական ձեւաչափը կարող է փոխվել. The Daily Mail

Զորամասում դիզվառելիքի և բենզինի յուրացման գործով կայացվել է մեղադրական դատական ակտ. պատճառված վնասը հատուցվել է

Հայկ Մարությանը մարտ ամսվա իր աշխատավարձը փոխանցել է շտապբուժօգնության հաշվեհամարին

Մահացել է Օպերային թատրոնի երգչուհի Գայանե Գրիգորյանը

Ռոբերտ Քոչարյանը դատական հայցեր է ներկայացրել ընդդեմ Քրեակատարողական ծառայության եւ Հայաստանի Հանրապետության

Հայբիզնեսբանկը կվճարի բնակչությանը հատկացվող աջակցության գումարները

ԱԱԾ-ն եւ ոստիկանության ՆԱՎ-ը միջոցառում են իրականացրել ոստիկանության Դավթաշենի բաժանմունքում. Ահարոնյան

Խոզի միսը մարտին էժանացել է շուրջ 700 դրամով, գնաճից հետո նվազել է ալյուրի, ձեթի գինը. ապրանքներիգնի դինամիկան

Շահառուների՝ աջակցության միջոցառում ընտրելու առումով տեխնիկական խնդիր կա, կկարգավորվի. Զարուհի Բաթոյան

Արցախի ԱՆ-ն ուղեցույց կհրապարակի ՀՀ-ից Արցախ մուտք գործողների համար՝ Արցախում տեղաշարժի եւ պահանջների մասին

Հնարավոր է՝ Ռոբերտ Քոչարյանի եւ մյուսների գործը քննող դատավոր Աննա Դանիբեկյանը ապրիլի 17-ին ներկայանա աշխատանքի

Սխալի պատճառով 2 քրոջ անունն էլ նույնն է գրվել, սակայն նրանք ճիշտ են քվեարկել. ԱՀ ոստիկանությունը պարզաբանում է

ՖԻՖԱ-ն թարմացրել է վարկանիշային աղյուսակը. Հայաստանի ֆուտբոլի հավաքականը մնում է 102-րդը

Տարեցների խնամքի կենտրոններում կարանտին է. թեստավորված անձինք չկան

Սերժ Սարգսյանը ապրիլի 16-ին կմասնակցի Ապրիլյանի նիստին. նրա պայմանը բավարարվել է

Տնտեսական աջակցության միջոցառումների ծրագրերով 1 միլիարդ 433 միլիոն դրամի վարկային փաթեթներ են բավարարվել. նախարար

Կառավարության առաջարկով Ազգային ժողովն ապրիլի 13-ին արտահերթ նիստ կգումարի

Ես կարծում եմ, որ կոչերը եւ անելիքները, որոնք թիրախավորված չեն, արդյունավետ չեն լինի․ Գրիգորյան

Միանվագ աջակցության ծրագրերից ոչ մեկում չընդգրկված քաղաքացիների խնդիրները մեղմելու տարբերակներ են քննարկվում