Զվարճանքի ու ժամանցի օբյեկտները պետք է բնակելի շենքերից առնվազն 100 մ հեռու լինեն. քաղաքապետարանը վերջնաժամկետ է տվել

Երեւանի քաղաքապետարանը զվարճանքի եւ ժամանցի որոշ օբյեկտների գործունեությունը բնակելի հատվածներում դադարեցնելու կամ սահմանափակելու համար վերջնաժամկետ է տվել մինչեւ 2021 թվականի հոկտեմբերի 1-ը:

«Առևտրի եւ ծառայությունների մասին» օրենքով սահմանափակվում է այս օբյեկտների գործունեությունը: Օրենքի համաձայն՝ կարաոկեները, դիսկոտեկները, հեստապարային ակումբները, բաղնիքները, շոգեբաղնիքները, սաունաները, իսկ վերջերս նաեւ արդեն մերսման սրահները, պետք է տեղակայված լինեն բնակելի թաղամասերից նվազագույնը 100 մետր հեռավորության վրա: Որոշ օբյեկտներ, որոնք առավել շատ էին խանգարում բնակիչների անդորրը, արդեն մի քանի ամիս է՝ չեն գործում մայրաքաղաքի կենտրոնում:

Երեւանի ավագանում այսօրվա նիստում ընդգրկված որոշման նախագծի համաձայն, համայնքի վարչական տարածքում այդ օբյեկտները նշված հեռավորության վրա պետք է գտնվեն հետեւյալ հաստատություններից՝ ուսումնական, կրթական, մշակութային, առողջապահական, մարզական եւ սոցիալական կազմակերպություններից, հիմնարկներից, հաստատություններից, բազմաբնակարան շենքերից, անհատական բնակելի տներից, հանրային սննդի օբյեկտներից, հյուրանոցներից, պետական կառավարման եւ տեղական ինքնակառավարման մարմինների, օտարերկրյա պետությունների եւ միջազգային կազմակերպությունների կամ դրանց ներկայացուցչությունների վարչական շենքերից: Նույնը վերաբերում է նաեւ զբոսայգիներին, այգիներին, պուրակներին, հանգստի կամ ժամանցի համար նախատեսված այլ վայրերին:

Հարցը զեկուցող Երեւանի քաղաքապետարանի «Առեւտրի եւ սպասարկումների» վարչության պետ Հովիկ Սաֆարյանը նշեց, որ գործընթացն իրականացնելու համար նախատեսվել է ողջամիտ ժամկետ: 

Այնուհետեւ զավեշտալի դեպք գրանցվեց. ավագանու «Իմ քայլը» խմբակցության անդամ Գրիգոր Երիցյանը հարց ուղղեց. «Մանրամասն բացատրեք, թե ինչպես է այդ 100 մետրը սահմանվել, ինչպես եք դա որոշել, եւ եթե դա կապված է բարձր ձայնի թույլատրելիության հետ, ապա դա ինչպես է մերսման սրահների վրա տարածվում»: Դահլիճում ներկաների բուռն ու երկարատեւ ծիծաղից հետո Մարությանը արձագանքեց կատակով. «Էս ինչ հարցեր եք տալիս, պարոն Երիցյան, բա ձայնն է այնտեղ կարեւորը»:

Սաֆարյանը նկատեց, որ 100 մետր հեռավորությունը միայն ձայնի հետ չի կապված, ձայնը բաղադրիչներից մեկն է: Այդ հեռավորությունը սահմանվում է, որպեսզի օբյեկտներից օգտվող մարդիկ լինեն բավականաչափ հեռավորության վրա ընդհանուր իրենց առօրյայով ապրող բնակիչներից: Ձայնը հիմնականում կարաոկեների եւ դիսկոտկներին է վերաբերվում:

«Իմ քայլը» խմբակցության անդամ Արման Անտոնյանը, խոսելով տնտեսվարողների շահերի եւ հնարավոր ռիսկերի մասին, նկատեց. «Դիցուք, եթե որեւէ տնտեսվարող որոշում է այս կարգավորումներից հետո ծայրամասում գնել հողատարածք, այնտեղ նա կառուցում է իր օբյեկտը եւ որոշ ժամանակ հետո իր հարեւանը որոշում է հարեւանությամբ առանձնատուն կառուցել»:

Սաֆարյանն ընդգծեց, որ նման պարագայում տնտեսվարողը նախապես իմանալով եւ ռիսկերը հաշվի առնելով է մտնում այդ խաղի կանոնների մեջ: Ավագանու անդամներն ամեն դեպքում որոշման նախագիծը խնդրահարույց համարեցին, անգամ առաջարկեցին չշտապել նախագին կողմ քվեարկելիս եւ մի փոքր ավելի շատ ժամանակ տրամադրել ու քննարկել:

Բավական երկար տեւած քննարկումից հետո ավագանու որոշումն ընդունվեց, սակայն քաղաքապետն առաջարկեց աշխատանքային խումբ ստեղծել եւ Ազգային ժողովի գործընկերներին էլ հրավիրել, որպեսզի հասկանան, թե ինչ կարելի է անել, որ տնտեսվարողների, օբյեկտների սեփականատերերի շահերը առավելագույնս պաշտպանվեն:

Տպել
860 դիտում

Գյումրիում հստակեցնում են շենքերի կրած վնասները. նախնական տվյալով 48 շենք է վնասել, ևս 53-ի մասին ահազանգեր կան

Դեղձուտի մոդուլային դպրոցի կառուցման համար մրցույթ է հայտարարվել

ԱԱՏՄ արձանագրած խախտումների հիմքով՝ կասեցվել է շուրջ 650 տնտեսվարողի գործունեություն

Դմիտրի Պեսկովը կորոնավիրուսից բուժվել եւ դուրս է գրվել հիվանդանոցից

Սյունիքից հակահեղափոխություն չի սկսվելու. իրավապահ համակարգը տիրապետում է իրավիճակին եւ կոշտ է արձագանքելու. պատգամավոր

Խոշոր ավտովթար Լոռիում. Բախվել են Mersedes-ն ու բեռնատարը. Mersedes-ի վարորդին դուրս են բերել փրկարարները(լուսանկարներ)

Կորոնավիրուսից ավելի հաճախ տղամարդիկ են մահանում. 70-ից բարձր անձինք քիչ են վարակվում, բայց մեծ մասամբ մահացու ելքով

ԳՇ զորքերի ծառայության վարչության աշխատանքային խումբը հանկարծակի ստուգումներ է իրականացրել մի շարք զորամասերում

Գյումրու ինֆեկցիոն հիվանդանոցում կորոնավիրուսով 47 հիվանդ է բուժվում. տնային ինքնամեկուսացման ցուցում ունի 304 քաղաքացի

ԱԱԾ տնօրեն Էդուարդ Մարտիրոսյանն այցելել է պետական սահմանը վերահսկող ուղեկալներ

Արտակարգ դրությամբ պայմանավորված, Լարսը բաց է միայն բեռնատարների համար

Կորոնավիրուսի հետ զուգահեռ ապրելու համար առաջնահերթ պետք է դրսևորել անհատական բարձր պատասխանատվություն. վարչապետ

Ոչ հերքում եմ, ոչ չեմ հերքում, չեմ մեկնաբանում. Արթուր Վանեցյանը հրավիրվել է ՀՔԾ

Ռուբեն Հայրապետյանի որդին չի կալանավորվի. դատարանը մերժել է միջնորդությունը

Շիրակի մարզի 8 գյուղական բնակավայրում անօթևանների համար 55 բնակարան կկառուցվի

Ոստիկանությունը հորդորում է առաջիկա ոչ աշխատանքային օրերին զերծ մնալ մասսայական միջոցառումներից

Կորոնավիրուսի պատճառով հետաձգվել է Չեռնոգորիայի նախագահ Միլո Ջուկանովիչի ծրագրված պաշտոնական այցը Հայաստան

Կապանում ձերբակալված երրորդ քաղաքացին եւս ազատ արձակվեց. նրա ձերբակալումը ճանաչվել է ոչ իրավաչափ

Մայիսի 27-ին դեպի Երեւան 3 չվերթ կիրականացվի՝ Մինսկից, Դամասկոսից, Սանկտ-Պետերբուրգից

Հայաստանը NBA-ի մանկապատանեկան մրցաշար անցկացնելու բացառիկ հնարավորություն է ստացել