Գուցե եւ կա նպատակահարմարություն զինծառայողների խոսակցությունները վերահսկելու. Ջամալյանը՝ ՊՆ-ի նախագծի մասին

Պաշտպանության նախարարությունը շրջանառության մեջ է դրել նախագիծ, որով առաջարկում է ռազմական ոստիկանությանը օպերատիվ-հետախուզական գործունեության շրջանակներում հեռախոսային խոսակցությունների վերահսկում իրականացնելու իրավունք տալ:

Նախարարության կարծիքով՝ նախագծի ընդունման անհրաժեշտությունը պայմանավորված է ՀՀ զինված ուժերում ժամկետային եւ պայմանագրային պարտադիր զինծառայողների կողմից նախապատրաստվող ծանր եւ առանձնապես ծանր հանցագործությունների կանխարգելման աշխատանքների արդյունավետությունը բարձրացնելու համար, ինչպես նաեւ անհրաժեշտ տեղեկությունների (այդ թվում՝ հետախուզական) ձեռքբերման արդյունավետությունը բարձրացնելու հանգամանքով:

Հաշվի առնելով, որ պաշտպանության նախարարն արդեն հաստատել է ՀՀ զինված ուժերում ժամկետային պարտադիր զինծառայողների կողմից բջջային հեռախոսներից օգտվելու կանոնակարգը, եւ որ վերը նշված օպերատիվ հետախուզական միջոցառումն անհրաժեշտ է անցկացնել ոչ միայն այն դեպքում, երբ անձը կասկածվում է ծանր եւ առանձնապես ծանր հանցագործության մեջ, այլ նաեւ մինչ նման կասկածների ի հայտ գալը՝ ծանր եւ առանձնապես ծանր հանցագործությունների հայտնաբերման, կանխման եւ խափանման փուլերում, ուստի օրենքի նախագծի ընդունումը կհանգեցնի Զինված ուժերի բարձր պատրաստականությանը եւ Զինված ուժերում հանցագործությունների նվազմանը:

«Ներկա իրավիճակում, որը պայմանավորված է տարածքային բարդ իրավիճակով եւ ահագնացող սպառնալիքով, անհրաժեշտ է ժամանակին պատրաստ լինել հնարավոր հակաիրավական դրսեւորումներին»,- նշված է նախագծում: Բացի այդ, պետք է նկատի ունենալ, որ հակաիրավական վարքագիծ ունեցող անձինք ավելի շատ ուժեր եւ միջոցներ են ներգրավում՝ իրենց հանցավոր մտահղացումները կյանքի կոչելու համար: Այդ իսկ պատճառով անհրաժեշտ է ժամանակին եւ համաչափ արձագանքել վերոհիշյալ մարտահրավերներին:

Ռազմական փորձագետ Դավիթ Ջամալյանը «Հայկական ժամանակ»-ի հետ զրույցում ասաց, որ նախագծին ծանոթ չէ, սակայն օպերատիվ հնարավորություններն ավելի ընդլայնելու առումով գուցե եւ կա նպատակահարմարություն խոսակցությունները վերահսկելու:

«Առաջնագծում հեռախոսների օգտագործումը միշտ խնդրահարույց է եղել: Անգամ արտակարգ պատահարներ են գրանցվել նախկինում: Օրինակ՝ ադրբեջանական դիպուկահարը կարողացել է ըստ խոսակցության գաղտնալսման՝ տեղորոշել, դարանակալել եւ խոցել: Անվտանգության նկատառումներից ելնելով՝ նախկինում արգելված է եղել հեռախոս օգտագործելը: Ի դեպ, ասեմ, որ Ադրբեջանում շատ խիստ է այս առումով: Բջջային հեռախոսների օգտագործումը զինծառայողների կողմից կատեգորիկ արգելված է, եւ վերջ՝ ինֆորմացիայի արտահոսքը բացառելու համար»,- ասաց Ջամալյանը: Հարցին՝ այսինքն՝ սխա՞լ է բանակում հեռախոսի օգտագործումը թույլատրելը, Ջամալյանը պատասխանեց. «Գործնական առումով հեռախոսի արգելքը կյանքի կոչելը բարդ է հիմա: Հսկելը, որ ոչ ոք հեռախոս չունենա, բարդ է եղել»:

Ռազմական փորձագետ Հրաչյա Պետրոսյանցն էլ կարծում է, որ եթե քաղաքացիական անձանց հեռախոսներն է հնարավոր լսել, ապա ոչ մի արտառոց բան չկա զինվորականների հեռախոսները լսելու մեջ: «Այսօր զինվորականների համար հեռախոսի օգտագործումը խնդրահարույց է: Ես անձամբ դեմ եմ եղել, որ Զինված ուժերում թույլատրվի հեռախոսների օգտագործումը՝ ելնելով անվտանգության հարցերից: Շատ դեպքերում եմ ասել, որ բոլոր օրենքները ճիշտ են, սխալը գալիս է նրանից, թե այդ օրենքներն ինչպես են կիրառվում կամ ինչպես չեն կիրառվում»:

Հարցին՝ նորմա՞լ է, որ ՌՈ-ն լսի, թե զինծառայողն ինչ է խոսում իր ծնողի հետ, փորձագետը պատասխանեց. «Խորհրդային բանակում, երբ զինծառայողները նամակ էին գրում իրենց ծնողներին, հրամանատարները բացում կարդում էին, որովհետեւ խնդիր կա: Մարդը կարող է չիմանալով, չհասկանալով, որ գաղտնիքի մասին է խոսում՝ դրա մասին արտահայտվի: Հիմա նույնը հեռախոսներին է վերաբերում: Ասենք, զինվորը զանգում, ասում է՝ մա՛մ, մենք վաղը գնում ենք այսինչ տեղը, ինքը գաղտնիք է հայտնում: Եթե այս միջոցառումն ուղղված է պետության անվտանգությունն ապահովելուն, միանշանակ կողմ եմ: Քաղաքացիական հասարակության համար այս օրենքն ընդունվելուց հետո տրամաբանորեն այն պետք է շարունակություն ունենար եւ հասներ բանակին»:

Նրա կարծիքով՝ եթե նախագիծն իր նպատակին ծառայի, ապա կազդի նաեւ ներքին խնդիրների նվազմանը, քանի որ շատ հարցեր հենց հեռախոսով են քննարկվում:

Պետրոսյանցի խոսքով՝ կան նաեւ մարդու անձնական գաղտնիքներ, եւ պետք է հասկանալ այն սահմանը, թե ինչն է լսվելու, ինչը՝ չէ. «Եթե սա ուղղված է նրան, որպեսզի կարողանան որոշակի պաշտոններ զբաղեցնող մարդկանց գաղտնալսել, հետո նրանց խոսակցությունները ինչ-որ բանի համար օգտագործել, դա արդեն նորմալ չէ»:

Հարցին՝ այսինքն՝ նախագիծը նաեւ բացասակա՞ն կողմեր ունի, փորձագետը պատասխանեց. «Հիմնավորման մեջ նշված է, որ նույնիսկ այն դեպքում գաղտնալսում իրականացնել, երբ առկա չեն հիմքեր, հենց այստեղ է առաջանում հարցը: Այսինքն՝ ստացվում է, որ ցանկացածին կարող են գաղտնալսել՝ առանց որեւէ հիմք ունենալու: Եթե կան հիմքեր ինչ-որ բան գաղտնալսելու, ես համաձայն եմ, թող գաղտնալսեն: Բայց ցանկացած անձի գաղտնալսելը սխալ է»:

Տպել
1103 դիտում

Արմելլա Շաքարյանը նշանակվել է Մեքսիկայի Միացյալ Նահանգներում Հայաստանի Հանրապետության արտակարգ և լիազոր դեսպան

ՊԵԿ հարկային տեսուչները կաշառք են պահանջել, ստացել ու բռնվել (տեսանյութ)

ԿԳՄՍ նախարարը հաղթող թեկնածուներից ոչ մեկին դպրոցի տնօրեն դեռ չի նշանակել․ բողոքներն առայժմ քննում են

Ստուգումներ են անցկացվել մարտական հենակետերում

9 մարզի 101 հիմնական ու միջնակարգ դպրոցում հեռավար ձևաչափով ուսուցումն իրականացնելու հնարավորություն է ստեղծվել

Սյունիքի և Գեղարքունիքի մարզերի բոլոր ավտոճանապարհներին առկա է մերկասառույց

Սուրեն Պապիկյանն ընդունել է Զարգացման ֆրանսիական գործակալության փոխտնօրեն Բերտրան Վալկենարին

Հայագիտական կենտրոնների թիվը կավելանա եւս երկուսով

Վարչական վարույթներ են հարուցվել Գեղարքունիքի և Կոտայքի մարզերի որոշ դպրոցներում

Լարված ու անելանելի պայմաններում արագ կողմնորոշվելու շնորհիվ առաջադրված մարտական խնդիրները բարձր մակարդակով են կատարել

Արա Այվազյանը Լավրովի հետ հեռախոսազրույցում ընգծել է ռազմագերիների, պատանդների, պահվող այլ անձանց վերադարձի մասին

Դուրս եմ եկել Covid-ի հետ կապված քննիչ հանձնաժողովի կազմից․ Արտակ Մանուկյան

Փետրվարի 1-ից ՌԴ մուտք գործելու համար հնարավոր է թեստ հանձնել առայժմ միայն երկու լաբորատորիայում, գինը՝ 15 հազար դրամ

Զինծառայողներն արյուն են հանձնել

Վահան Քերոբյանը և Անդրեա Վիկտորինը քննարկել են համագործակցության հետագա խորացման հնարավորությունները

Արագածոտնի նախկին մարզպետը մեղադրանքն անհիմն է որակում. նրան կալանավորելու միջնորդությունը կքննվի այսօր

Վարչապետի գլխավորությամբ քննարկվել է Տնտեսական արձագանքման ծրագրի նախագիծը

40-ամյա հետախուզվողը չի ենթարկվել ոստիկանների օրինական պահանջներին, կրակոցներ է արձակել. հարուցվել է քրեական գործ

Վարչապետ Նիկոլ Փաշինյանն ընդունել է Իրանի ԱԳ նախարար Մոհամմադ Ջավադ Զարիֆին (լուսանկարներ)

Որոշում է կայացվել քաղաքական նշանակում կատարել․ Սիմոնյանը՝ Մակունցի ԱՄՆ-ում հնարավոր նշանակման մասին

Ալեն Սիմոնյանը՝ վարչապետի դիվանագիտական անձնագիրը հափշտակելու մասին

Հայաստանի և Իրանի ԱԳ նախարարները մտահոգություն են հայտնել տարածաշրջանում ահաբեկիչների տեղակայման առնչությամբ

Ռուստամ Բադասյանը Բելառուսի դեսպանի հետ քննարկել է հակակոռուպցիոն պայքարին առնչվող մի շարք հարցեր

ՊԵԿ մաքսանենգության դեմ պայքարի վարչությունը համալրվել է գերժամանակակից սարքավորումներով

Ավելի հասցեական նպատակներ՝ կրթության ռազմավարության բարեփոխման մեջ. ԿԳՄՍ նախարարությունը ամփոփում է տարին

Հայկական կողմը պատրաստակամ է ԵԱՀԿ ՄԽ շրջանակում վերսկսել բանակցությունները․ Արարատ Միրզոյանն ընդունել է ՌԴ դեսպանին

«Թող փորձի»․ Ալեն Սիմոնյանը՝ Վազգեն Մանուկյանի շենքեր գրավելու հայտարարության մասին

94 տարեկանում մահացել է հայկական սպորտի մեծ երախտավոր Մնացական Հովհաննիսյանը

Հայաստանում սելեկտիվ աբորտների քանակը 2001-2002 թթ․ ամենաշատն էր, տարիներ անց զոհվեցին նաեւ այդ թվերին ծնված տղաները

Վազգեն Մանուկյանի հայտարարությունների մասին տեսանյութն ուղարկվել է ԱԱԾ՝ ընթացքը լուծելու համար. դատախազություն

Մանուկյանը փաստացի ասում է, որ պատերազմի ժամանակ զինվորականներին կոչ է արել իշխանությունը վերցնել իրենց ձեռքը․ Սիմոնյան

Հանրակրթական դպրոցների 1-7-րդ դասարանների աշակերտների համար անցկացվելու է «Սպորտլանդիա» մրցույթը

Ադրբեջանցիներին հայկական անձնագիր տալու որևէ դեպք առկա չէ. փոխոստիկանապետ

Այս տարվա ընթացքում լինելու են ուսուցիչների պարտադիր վերապատրաստումներ. Արտաշես Թորոսյան

Այսօր զենք-զինամթերքի վնասազերծում է նախատեսված Մարտունիում, Ստեփանակերտի օդանավակայանի մոտ

Գանձասարի Սբ. Հովհաննես Մկրտիչ եկեղեցում հոգեհանգստյան կարգ է կատարվել ի հիշատակ 44-օրյա պատերազմի նահատակների

Կառավարությունը հաստատեց Հայաստանի ֆիզիկական կուլտուրայի եւ սպորտի պետական ինստիտուտի ռեկտորի ընտրության արդյունքները

Ազդարարում, տարահանում, պատսպարում. ԱԻՆ-ն իրազեկում է Լեջան բնակավայրում էլեկտրաշչակի փորձարկման մասին

Հրազդանի բժշկական կենտրոնի տնօրենի թափուր հաստիքի համար հայտարարված մրցույթում հաղթող չի ճանաչվել

ՀՀ փոխոստիկանապետը՝ ապստամբության վերաբերյալ Վազգեն Մանուկյանի հայտարարությունների մասին