Կրթական համակարգում այլեւս չկա համակարգային կոռուպցիա. Արայիկ Հարությունյան

Այլեւս կրթական համակարգում չկա համակարգային կոռուպցիա: Այս մասին այսօր Ազգային ժողովի նիստերի դահլիճում տեղի ունեցող «Կրթության ոլորտի բարեփոխումները, առաջիկա ռազմավարական մարտահրավերները» թեմայով քննարկման ժամանակ հայտարարել է կրթության, գիտության, մշակույթի եւ սպորտի նախարար Արայիկ Հարությունյանը: Նախարարը նշել է, որ խոսքը մասնավորապես հանրակրթությանն է վերաբերում՝ հավելելով, որ վերջերս այդ թեմայով մի շարք հարցումների է ծանոթացել, որտեղ կոռուպցիայի դեմ ամենահաջող պայքար տանող ոլորտների մեջ 4-րդ կետով նշված է եղել հանրակրթությունը:

ԿԳՄՍ նախարարը խոստովանել է, որ նույնը չի կարող ասել բուհական համակարգի մասին: Ըստ նրա՝ սխալ է ասել, որ հաջողություն չկա, բայց մտահոգիչ հարցեր էլ կան: «Գուցե մասամբ կամ հիմնականում կլուծվեն այն օրենքներով, որոնք հիմա բերում ենք: Հաջորդ տարվա սկզբին «Բարձրագույն կրթության եւ գիտության մասին» օրենքն այստեղ կքննարկվի»,- նշել է նախարարը:

Անդրադառնալով վերոնշյալ օրենքի նախագծին՝ Արայիկ Հարությունյանն ընդգծել է, որ այս օրերին շատ էին փորձում հակադրել ազգայինը եւ այն գործընթացները, որ տեղի էին ունենում, սակայն այսօրվա կառավարությանն ինքը համարում է ամենաազգայինը, որ երբեւէ եղել է ՀՀ-ում: Կատարվող կրթական բարեփոխումներն էլ, նախարարի խոսքով, դրա ապացույցն են, քանի որ ազգային բաղադրիչին ամենակարեւոր նշանակությունն է տրվում:

«Ազգային ինքնության չափորոշիչների մշակման վերաբերյալ տրված են շատ հստակ հանձնարարականներ, որոնք կարմիր թելով անցնում են բարեփոխումների ընթացքում»,- ասել է նախարարը՝ հավելելով, որ այս օրերին այդպես էլ չխոսվեց «Բարձրագույն կրթության եւ գիտության մասին» օրենքի նախագծի հենց հայագիտական առարկաների վերաբերյալ կարգավորումների մասին:

Նա նաեւ անդրադարձել է կրթություն-աշխատաշուկա կապին՝ նշելով, որ այսօր բուհերում առկա է լուրջ խնդիր:

«Կարծում ենք, որ այսօր մեր բուհերը եւ միջին մասնագիտական ուսումնական հաստատությունները պատրաստում են մասնագետներ, որոնց կարիքը մի քանի տարի հետո չի լինելու»,- նշել է նախարարը՝ ավելացնելով, որ նախարարությունն այս հարցի հետ կապված հաջողություններ ունեցել է, բայց դեռեւս լուրջ վերլուծությունների կարիք կա:

Տպել
735 դիտում

Իմ աչքերը միշտ արցունքով են լցվում այդ դեպքը հիշելիս. Զոդիի վթարի գործով ամբաստանյալը ցավակցեց տուժող կողմին

Դասադուլ եւ գործադուլ Գյումրու թիվ 19 դպրոցում. մանկավարժներն ու ծնողները պայքարում են նախկին տնօրենի վերադարձի դեմ

Քաղաքացու գիտակցությունից է սկսվում մաքուր քաղաքը. Երեւանի ավագանու անդամ Աշոտ Սարգսյան

Նիկոլ Փաշինյանն ընդունել է Սլովակիայի արտաքին եւ եվրոպական գործերի նախարարին

3-րդ հարկից ընկած 1,5 տարեկան աղջնակն այսօր լիովին առողջ դուրս է գրվել հիվանդանոցից

Ազդարարվել է ուսումնական տագնապ 1-ին եւ 2-րդ զորամիավորումներում. ՊՆ

ԱԻՆ ՓԾ ճգնաժամային կառավարման ազգային կենտրոնում փետրվարի 17-23-ը գրանցվել է 280 դեպք, որից 135-ը՝ արտակարգ

Լաբորատորիայի արդյունքները հավաստում են՝ քաղաքացու վրա հարձակված կենդանին հովազ չէր. նա պնդում է հակառակը

Շահնազար գյուղի մոտ ջրամբարի չորացման պատճառով ձկները սատկել են. «Կանաչ Հայաստան» ՀԿ (տեսանյութ)

Նախկին վարչապետներն անձնական երաշխավորություն կներկայացնեն Ռոբերտ Քոչարյանի համար

Հրայր Թովմասյանը դատի է տվել Նիկոլ Փաշինյանին

Տեսախցիկները նկարահանել են ստորգետնյա անցումներում լամպերի գողության դեպքեր (տեսանյութ)

Արա Բաբլոյանի եւ Արսեն Բաբայանի մեղադրանքները փոփոխվել են

Չեմ կարծում, թե Իրանի հետ ցամաքային հաղորդակցության երկշաբաթյա դադարեցումը որեւէ խնդիր կառաջացնի․ Գոռ Գեւորգյան

«Ես կիրառել եմ երկու հատուկ միջոց». Լեւոն Երանոսյան

Քարաթափում է տեղի ունեցել Մեղրի-Երեւան ավտոճանապարհին. ԱԻՆ

Վարչապետն այցելել է ներդրումների աջակցման կենտրոն

Թող մրցույթ չլինի, գումարը մեզ տան՝ որպես դրամաշնորհ կամ նվիրատվություն. բողոքի ակցիա քաղաքապետարանի դիմաց

Բերդ-Այգեձոր ավտոճանապարհին մեքենան կողաշրջվել է. նախնական տվյալներով չորս քաղաքացի տուժել է, չորսը՝ մահացել. ԱԻՆ

ՏԿԵ նախարար Սուրեն Պապիկյանին արձակուրդ է տրամադրվել. նրան կփոխարինի տեղակալ Վաչե Տերտերյանը