Գեղարքունիքի մարզում կբացվեն «Թումո» ստեղծարար կենտրոնի շարժական ուսումնական կետեր

Դեկտեմբերի 19-ին Գեղարքունիքի մարզպետ Գնել Սանոսյանն ընդունել է Դիլիջան քաղաքում գործող «Թումո» ստեղծարար կենտրոնի ղեկավար Տիգրան Բաղիյանին: Այդ մասին հայտնում է Գեղարքունիքի մարզպետարանի լրատվական ծառայությունը:

Հանդիպման ընթացքում կողմերը քննարկել եմ Գեղարքունիքի մարզում «Թումո» ստեղծարար կենտրոնի շարժական ուսումնական կետեր հիմնելու եւ մարզի դպրոցականներին ուսման մեջ ներգրավելու խնդիրը:

Տիգրան Բաղիյանի ներկայացմամբ՝ այս պահի դրությամբ Դիլիջանի «Թումո» ստեղծարար կենտրոն դպրոցականներ են հաճախում Սեւանից եւ Ճամբարակից:

«Նրանց թիվը կարող էր ավելին լինել, եթե երթուղային տրանսպորտ գործեր Դիլիջանի եւ Գեղարքունիքի մարզի բնակավայրերի միջեւ: Թեեւ մենք ուսուցումը կազմակերպում ենք անվճար, սակայն աշակերտները ստիպված են լինում թանկ վճարել ճանապարհածախսի համար: Մեր առաջին խնդիրը պետք է լինի տրանսպորտային երթուղու ապահովումը, իսկ երկրորդ խնդիրը՝ Գեղարքունիքի մարզի տարածաշրջանների բնակավայրերում «Թումո» ստեղծարար կենտրոնի շարժական ուսումնական կետերի բացումը: Մեր ստեղծարար կենտրոնում աշակերտներն իրենց ստեղծագործական ունակությունները դրսեւորում են 14 ոլորտներում՝ ծրագրավորում, ռոբոտաշինություն, երաժշտություն, նկարչություն, շարժական գրաֆիկա, կայքերի եւ խաղերի ստեղծում, ֆիլմարտադրություն, լուսանկարչություն, նոր մեդիա եւ այլն: Սկզբնական փուլում ծրագրում ենք 2020 թվականից ուսումնական ստեղծարար կենտրոնի շարժական կետեր բացել մարզի մեկ տասանյակից ավելի համայնքներում, ապա ընդլայնել ու տարածվել մարզով մեկ: Դա ծրագրելու ենք ավարտի հասցնել 2021 թվականին: Մենք նախնական ուսումնասիրությամբ պարզել ենք, որ Գեղարքունիքում բավականին մեծ է հետաքրքրությունը մեր ուսումնական ծրագրերում ընդգրկվելու առումով: Մեր ստեղծարար կենտրոն կընդունվեն 12-18 տարեկան դպրոցականները: Այս պահի դրությամբ «Թումո» կենտրոնում 19 հազար պատանիներ կերտում են իրենց հուսալի ապագան: Նրանցից ոմանք արդեն բարձր աշխատավարձերով ընդգրկված են արտադրական ծրագրերում»,-ներկայացրեց Տիգրան Բաղիյանը:

Մարզպետ Գնել Սանոսյանը հայտնեց իր աջակցությունը Գեղարքունիքի մարզում կրթական այս կարեւոր ծրագրի արմատավորման ու զարգացման համար: «Մենք կաշխատենք համատեղ, կկարգավորենք ի հայտ եկած բոլոր խնդիրները, կաջակցենք մեր լիազորությունների եւ հնարավորությունների շրջանակներում՝ ներգրավելով նաեւ բարերարների եւ համայնքների միջոցները, որպեսզի ստանանք սպասված արդյունքը: Կանենք հնարավորը, որպեսզի ուսումնական ծրագրերում ընդգրկվեն մարզի բոլոր տարածաշրջանների դպրոցականները: Դրա համար մենք պետք է մեր ծրագրերը կազմենք՝ ելնելով աշխարհագրական, տրանսպորտային, ժողովրդագրական ու մի շարք այլ գործոններից: Մեզ մնում է ոչ միայն ողջունել ձեր նախաձեռնությունն ու ծրագրերը, այլ նաեւ համատեղ ուժերով առաջ շարժվել»,- նշել է մարզպետ Գնել Սանոսյանը:

Տպել
574 դիտում

Փրկարարները հայտնաբերել են քաղաքացու դի

Նոր սպառազինությունը մոտակա օրերին տեղակայելու ենք արդեն մարտական դիրքերում. Արցախի ՊԲ հրամանատար

Հույս ունենք, որ ապրիլի կեսերից, մայիսի սկզբից մենք ամբողջապես վերադառնալու ենք մեր բնականոն կյանքին․ պարետ

Կորոնավիրուսային հիվանդության հաստատված 532 դեպքից այս պահին ճշգրիտ է 502 քաղաքացու բնակության վայրը․ Ալինա Նիկողոսյան

ԱԺ-ն կրկին արտահերթ նիստ է գումարել․ օրակարգում 2 հարց է, որոնցից մեկն այսօր չընդունվեց պատգամավորների կողմից

Սուպերմարկետների գործունեությունը դադարեցվել էր՝ անվտանգության եւ սանիտարահամաճարակային կանոնները չպահպանելու համար

ՀՀ տարածքում ավտոճանապարհները հիմնականում անցանելի են․ ԱԻՆ

Մեր ռուս գործընկերներին տեղեկացրել ենք գազի գնի վերանայման վերաբերյալ բանակցություններ սկսելու ցանկության մասին․ պարետ

Բնականաբար, դա չի կարող հաճույք պատճառել. Բակո Սահակյանը՝ Քոչարյանին մեկուսարանից դատարան տանելու կադրերի մասին

90 անձ թոքաբորբ ունի, եւ այս պահին նրանցից 30-ը գտնվում է ծանր վիճակում․ վարչապետ

Սահմանափակումներն ավելի են խստացվելու․ ոստիկանության ուժերին միացնելու ենք այլ կառույցներից ուժեր․ Ավինյան

Ժամը 14:00-ի դրությամբ ընտրություններին մասնակցել է 50,534 ընտրող․ Արցախի ԿԸՀ

Արմեն Սարգսյանը տեսակապով զրույց է ունեցել Գերմանիայի դեսպանի հետ

Թվայնացված դասագրքերից օգտվելու հավելված և կայք՝ առանց ինտերնետի հավելյալ վճարի՝ Վիվա-ՄՏՍ-ի բաժանորդների համար

ՎՏԲ-Հայաստան Բանկը կիրականացնի կենսաթոշակների վճարումները ժամանակացույցից շուտ

10 օրով կերկարացվեն խիստ սահմանափակումները. վարչապետը հորդորում է լուրջ մոտենալ իրավիճակին (տեսանյութ)

Կառավարությունը որոշել է օրակարգից հանել կորոնավիրուսի հետեւանքով մահացած անձանց չդիահերձելու մասին նախագիծը․ Բադասյան

Ն. Փաշինյանը և Ա. Լուկաշենկոն քննարկել են կորոնավիրուսի հետևանքով ստեղծված իրավիճակում համագործակցության հարցեր

Քաղաքացու նկատմամբ ոստիկանների ենթադրյալ բռնության ահազանգերի հիման վրա հարուցվել է քրգործ

Վիվա-ՄՏՍ-ի կանխավճարային քարտեր՝ «Պրես Ստենդ»-ի բոլոր կրպակներում