Երեւանում փլուզումից տուժածների թիվը հասել է 12-ի, նրանցից 3-ը զինակոչիկներ են

19/12/2019 schedule19:15

Երեւանի Հալաբյան 19 ա հասցեում գտնվող N1 Զինվորական կոմիսարիատի երկհարկանի շենքում տեղի ունեցած փլուզման հետեւանքով տուժածների թիվը հասել է 12-ի: Նրանք տեղափոխվել են «Արմենիա» հանրապետական բժշկական կենտրոն: 

Բուժհաստատությունից տեղեկացանք, որ տուժածների մեծ մասը լուրջ վնասվածքներ չի ստացել, եւ մի քանիսն արդեն դուրս են գրվել հիվանդանոցից, միայն 3-ի մոտ է առկա կոտրվածք: Նրանք այժմ գտնվում են վերակենդանացման բաժանմունքում: Կենտրոնից այլ մանրամասնություններ չհայտնեցին՝ պարզաբանելով, որ տուժածները դեռեւս հետազոտվում են: 

Տուժածների մի մասը հիվանդանոց է տեղափոխվել շտապօգնության մեքենաներով, մյուսները բուժկենտրոն են հասցվել այլ մեքենաներով: «Շտապօգնություն» ՓԲԸ տնօրեն Թագուհի Ստեփանյանը մեզ հետ զրույցում նշեց, որ իրենք սկզբում «Արմենիա» բժշկական կենտրոն են տեղափոխել 2 հոգու, այնուհետեւ՝ 3, վերջում տեղափոխել են եւս 3 հոգու: Վերջին 3 տեղափոխվածները եղել են զինակոչիկներ: Ստեփանյանի խոսքով՝ նրանք բոլորը լուրջ վնասվածքներ չեն ունեցել:

Թե ինչն է եղել փլուզման պատճառը, փորձեցինք պարզել Արտակարգ իրավիճակների նախարարությունից: ԱԻՆ աշխատակազմի տեղեկատվության եւ հասարակայնության հետ կապերի վարչության լրատվամիջոցների մոնիթորինգի եւ վերլուծության բաժնի պետ Գոհար Խանվելյանը նշեց, որ առայժմ այլ տեղեկատվություն չեն կարող հաղորդել:

Հիշեցնենք, որ այսօր ԱԻՆ լրատվական ծառայությունը հայտնել էր, որ ժամը 15:35-ին «911» ծառայություն ահազանգ է ստացվել, որ Երեւանի Հալաբյան 19 ա հասցեում գտնվող N1 Զինվորական կոմիսարիատի երկհարկանի շենքում տեղի է ունեցել փլուզում:

Դեպքի վայր են մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատները, Երեւան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, Ճգնաժամային կառավարման ազգային կենտրոնի օպերատիվ եւ արձագանքման խմբերը, հոգեբանական աջակցության բաժնի հոգեբանական խորհրդատվության գծով հրահանգիչը եւ Աղետների բժշկության կենտրոնի հերթապահ բժիշկը:

ԱԻՆ-ը պարզել է, որ փլուզվել է 1-ին հարկի սենյակներից մեկի հատակը:

Անի Ավագյան

Տպել
1715 դիտում

Պատերազմի օրերին վիրավորված պայմանագրային զինծառայողին հարկավոր է հաստ աղիքի փոխպատվաստում․ այն Հայաստանում չեն անում

Ադրբեջանը խոշտանգում, տանջում, նվաստացնում է հայ ռազմագերիներին. Human Rights Watch-ի զեկույցը

Պետությունը կազմալուծված է. ինչպե՞ս է Արցախում եւ Հայաստանում ընդունվել Վիտալի Բալասանյանի նշանակումը

Մայիսյան համայնքի Սարգս թաղամասի գլխավոր փողոցի ասֆալտապատման աշխատանքներն ավարտվել է

ՊՎԾ-ում առանցքային փոփոխություններ են սպասվում, մոտ 10 աշխատակից է ազատվել․ Տիգրան Ուլիխանյան

Աստղաձորում ավարտվել է Զորավար Անդրանիկ փողոցի ասֆալտապատումը

Բարեկարգվել է Բաղրամյան համայնքի մանկապարտեզի բակը

ԱԱՏՄ աշխատակիցները Վանաձորում ստուգայց են իրականացրել պետական մի շարք հիմնարկներում

Հունան Պողոսյանը վաղը կազատվի պաշտոնից․ հարցը ներառված է Կառավարության նիստի օրակարգում

Գուգարքի ոստիկանները ապօրինի ծառահատման դեպք են բացահայտել

Բելգիայի խորհրդարանի արտաքին հարաբերությունների հանձնաժողովն ընդունել է ԼՂ հակամարտության կարգավորման վերաբերյալ բանաձև

Արցախում ռուսերենը երկրորդ պետական լեզու հռչակելու նախագիծ չկա․ առայժմ չկա․ ԱԺ մամուլի պատասխանատու Ռուդոլֆ Մարտիրոսյան

Թմրամիջոցի իրացման դեպք է բացահայտվել․ երկու անձ ձերբակալվել է

Հայաստանի հավաքականի դարպասապահը կարող է կարիերան շարունակել Ռուսաստանում

Հաղթանակը նվիրեցինք ամբողջ հայ ժողովրդին և նրանց ովքեր առաջնագծում էին. Կապառոս

Ամբերդ ամրոց և Քարի լիճ տանող ավտոճանապարհները դժվարանցանելի են

Հայաստանի Պրեմիեր լիգայի 14-րդ տուրն ավարտվեց երկու ոչ-ոքիներով

Արա Այվազյանը և ԿԽՄԿ ներկայացուցիչները քննարկել են գերիների և անհայտ կորածների որոնողական աշխատանքների հարցը

Երևան-Մեղրի ճանապարհին ավտովթար է տեղի ունեցել․ վարորդը տեղում մահացել է

Ադրբեջանը ՄԻԵԴ-ին խնդրել է երկարաձգել 9 հայ ռազմագերու և նրանց փոխանակման մասին տեղեկության տրամադրման ժամկետը