Հայերն ԱՄՆ-ին պետք չեն, 1915-ի դեպքերը՝ նույնպես. Թուրքիայում շարունակում են կոշտ արձագանքել ԱՄՆ-ի Սենատի որոշմանը

Թուրքիայում ողջ օրվա ընթացքում իշխանության վերնախավն ու բարձրաստիճան պաշտոնյաները շարունակել են կոշտ արձագանքներ հնչեցնել երեկ ԱՄՆ-ի Սենատի կողմից Հայոց Ցեղասպանության ճանաչման եւ ընդունման բանաձեւին:

Անկարայում ԱՄՆ-ի դեսպան Դեյվիդ Սաթթերֆիլդը կանչվել է Թուրքիայի ԱԳ նախարարություն:

Դիվանագետի հետ հանդիպել է Թուրքիայի արտաքին գործերի փոխնախարար Սեդաթ Օնալը, որն էլ դեսպանի միջոցով ամերիկյան կողմին է փոխանցել պաշտոնական Անկարայի անհանգստությունը ԱՄՆ-ի Սենատի՝ 1915 թվականի իրադարձությունների ճանաչման եւ դատապարտման մասին:

Այս մասին հայտնում է թուրքական պետական Anadolu գործակալությանը՝ նշելով, որ ավելի վաղ Թուրքիայի ԱԳՆ-ից հայտնել էին, որ Վաշինգտոնում կայացված որոշումը չի ազդում Թուրքիայի դիրքորոշման վրա եւ այն մնում է անփոփոխ:

Թուրքիայի Մեծ ազգային ժողովի (խորհրդարանի) 5 խմբակցությունները հանդես են եկել համատեղ հայտարարությամբ, որով դատապարտել են ԱՄՆ-ի Սենատի որոշումը: Հայտարարության տակ ստորագրել են իշխող քաղաքական ուժի՝ «Արդարություն եւ զարգացում», ինչպես նաեւ «Հանրապետական ազգային կուսակցություն», «Ազգային դեմոկրատական կուսակցություն», «Ազգային շարժում» եւ «Լավ կուսակցություն» խորհրդարանական խմբակցությունները:

Anadolu-ն նաեւ հայտնում է, որ Թուրքիայի ազգային պաշտպանության նախարար Հուլուսի Աքարը, դատապարտելով ԱՄՆ-ի Սենատի որոշումը, նշել է, որ իրենց երկրին ուղղված մեղադրանքները չհիմնավորված են եւ խորհուրդ է տվել Վաշինգտոնին՝ ուսումնասիրել արխիվային նյութերը:

«Քաղաքական գործիչներն իրավունք չունեն պատմական իրադարձությունների մասին խոսել կամ եզրակացություններ անել: Սա արմատապես սխալ որոշում է, Թուրքիայի պատմությունը մաքուր է եւ մրոտված չէ նման իրադարձություններով»,-ասել է Աքարը:

Սենատի որոշմանն անդրադարձել է նաեւ  Թուրքիայի փոխնախագահ Ֆուաթ Օքթայը: Նա գրել է, որ թուրքական արխիվները բաց են գիտնականների ու պատմաբանների առջեւ՝ ասելով. «ԱՄՆ-ի Սենատը այսպես կոչված ցեղասպանության բանաձեւի միջոցով փորձում է ստերով նորից պատմություն գրել: Մինչդեռ պատմության իրական վկաները ոչ թե սենատների եւ խորհրդարանների որոշումներն են, այլ արխիվները»:

Թուրքիայի արդարադատության նախարար Աբդուլհամիդ Գյուլն էլ համոզմուքն է հայտնել, որ ոչ մի երկիր օգուտ չի քաղի պատմությունը քաղաքականացնելուց: Նա իր մյուս գործընկերների նման ուղղորդել է օգտվել արխիվներից՝ նշելով, որ Թուրքիան 1915-ի վերաբերյալ առկա բոլոր տեսակի փաստաթղթերը, արխիվները բացելու պատրաստակամության մասին ամենաբարձր մակարդակով բազմիցս հայտարարել է:

Ամենից սուր արտահայտվել է Թուրքիայի խորհրդարանի նախագահ Մուսթաֆա Շենթոփը: Նա ասել է, որ ԱՄՆ-ին առանձնապես չեն հետաքրքրում հայերը կամ 1915 թվականի իրադարձությունները, պարզապես  Միացյալ Նահանգները ցանկանում է Թուրքիայի հետ բանակցային հարցերում առավելություն ձեռք բերել, այդ պատճառով էլ օգտագործում է ամեն հնարավոր միջոց՝ այդ թվում հայերին:

Հիշեցնենք, ավելի վաղ Սենատի որոշումը մեկնաբանել էին Թուրքիայի նախագահ Ռեջեփ Թայիփ Էրդողանի աշխատակազմի կապերի վարչության ղեկավար Ֆահրեթին Ալթունը, Էրդողանի մամուլի խոսնակ Իբրահիմ Քալինը, Թուրքիայի արտգործնախարար Մեվլյութ Չավուշօղլուն, պաշտոնական հայտարարություն էր տարածել երկրի ԱԳՆ-ն:

Տպել
1516 դիտում

Ինքնասպանություններ-սպանություններ բանակում, կռիվներ դպրոցում. կրթությունը չի կարողանում չեզոքացնել քրեական բարքերը

Նիկոլ Փաշինյանի որոշմամբ քաղպաշտպանության վիճակի գնահատում է իրականացվել Առողջապահական և աշխատանքի տեսչական մարմնում

Ազգային ժողովի պատգամավորների կողմից «ՈՉ» քարոզչության կողմ ձևավորելու վերաբերյալ դիմում չի ներկայացվել. ԿԸՀ

Հալեպն ամբողջությամբ ազատագրված է, կվերագործարկվի օդանավակայանը. երկրում տոն է (լուսանկարներ, տեսանյութ)

Արայիկ Հարությունյանն ընդունել է Բրիտանական խորհրդի ներկայացուցիչներին

Մեծամորի բնակարաններից մեկում 64-ամյա տղամարդու դի է հայտնաբերվել. ԱԻՆ

Ռուստամ Բադասյանն ընդունել է Ֆրանսիայի դեսպան Ժոնաթան Լաքոտին

Մեդալս Կարեն Գիլոյանին եմ տվել, խոստացել էի. Եվրոպայի հնգակի չեմպիոն Արթուր Ալեքսանյան

Առաջ շունչներս պահած սպասում էինք՝ Սերժ Սարգսյանը վտանգավոր մի բան չասի, Փաշինյանի դեպքում ախորժակը մեծացել է. քաղաքագետ

Արդեն շուրջ 10 օր է՝ 160 բեռնատարներ Լարսի անցակետում խցանման մեջ կանգնած են. նրանց խոսքով՝ խնդիրը վրացական կողմում է

Մհեր Գրիգորյանի նախագահությամբ տեղի է ունեցել միջգերատեսչական հանձնաժողովի հերթական նիստը

Փետրվարի 10-16-ը ոստիկանները հայտնաբերել են ոչ սթափ 102 վարորդ (տեսանյութ)

Խոջալուի մասին Մութալիբովի հարցազրույցն իրական է. Դանա Մազալովան վերահաստատում է, Ալիևը՝ ստում

Քաղաքացին բնակարան գնելու համար List.am-ով գործակալություն է գտել, վճարել 10 միլիոն դրամ, ապա հետքը կորցրել

Արմեն Սարգսյանը խոսք է հղել Զինված ուժերում վերջին օրերին տեղի ունեցած մտահոգիչ դեպքերի կապակցությամբ

Օլիմպիադայից հետո երկուսին էլ ամուսնացնել. Սամվել Բալասանյանն ընդունել է Արթուր Ալեքսանյանին եւ Կարապետ Չալյանին

Ամեն ինչ էլ հնարավոր է. Վահրամ Դումանյանը չհերքեց, որ կարող է առաջադրվել ԵՊՀ ռեկտորի պաշտոնում

Այնպես չէ, որ մեր քաղաքացիների համար գաղտնիք է՝ ով է փորձելու կանգնեցնել այս ժողովրդավարական գործընթացը․ Ալեն Սիմոնյան

Արմեն Սարգսյանը հանդիպել է Հայաստանում ԵՄ պատվիրակության ղեկավար, դեսպան Անդրեա Վիկտորինի հետ (տեսանյութ)

Հավի կրծքամսում խոնավության զանգվածային մասը կազմել է 80%. խմբաքանակը հանվել է վաճառքից եւ ոչնչացվել