Կառավարությունը հավանություն տվեց «Ապօրինի ծագում ունեցող գույքի բռնագանձման մասին» օրենքի նախագծերի փաթեթին

ՀՀ կառավարությունն այսօրվա նիստում հավանություն տվեց «Ապօրինի ծագում ունեցող գույքի բռնագանձման մասին» օրենքի նախագծերի փաթեթին։

Արդարադատության նախարար Ռուստամ Բադասյանը նշեց, որ փաթեթով նախատեսվում են գործողություններ, որոնք թույլ կտան իրականացնել ակտիվների ուսումնասիրություն՝ հօգուտ պետության բռնագանձել օրենքի իմաստով չհիմնավորվող հարստությունը։

«Իրավասու մարմինը կգործի ՀՀ գլխավոր դատախազության կազմում։ Ուսումնասիրության համար հիմք կհանդիսանան որոշակի ազդակներ, մասնավորապես՝ որոշակի հանցագործությունների քրեական գործերի շրջանակներում ապօրինի ծագում ունեցող, այսինքն՝ օրինական եկամուտներով չհիմնավորվող գույքի առկայության տվյալները։ Իրավասու մարմինն իր լիազորությունների շրջանակներում կիրականացնի ուսումնասիրություն եւ առնվազն երեք տարվա ընթացքում կնախապատրաստի հայց ու կներկայացնի դատարան»,- ասաց նախարարը։

Բադասյանի խոսքով՝ գույքը ենթակա է բռնագանձման, եթե հայցվորն ապացուցում է, որ պատասխանողին պատկանող գույքն օրենքով նախատեսված ծավալներով չի հիմնավորվում օրինական եկամուտներով։ Այսինքն՝ սա պետության ապացուցման բեռն է, ասաց նախարարը։ Երկրորդ պայմանն այն է, որ պատասխանողը չի հերքում իր գույքի ապօրինի ծագման հնարավորությունը, եթե այդ գույքի արժեքը գերազանցում է օրենքով նախատեսված շեմը։

Ըստ նրա՝ երկար ժամանակ այդ շեմը 50 մլն դրամ էր, բայց ԵԽ փորձագետների կարծիքի համաձայն՝ միջին աշխատավարձի համեմատ այդ շեմը բարձր է եւ անհրաժեշտ է իջեցնել։

Վարչապետ Նիկոլ Փաշինյանը հետաքրքրվեց՝ սա վերաբերո՞ւմ է պաշտոնյաներին, թե՞ ընդհանրապես բոլորին։ Ի պատասխան՝ նախարարն ասաց, որ առաջին հերթին ազդակ են հանդիսանում կոռուպցիոն բնույթի հանցագործությունները։

«Դա նշանակում է, որ պարտադիր ինչ-որ թեմայով պետք է հարուցված քրեական գո՞րծ լինի»,- հարցրեց Նիկոլ Փաշինյանը։

Ի պատասխան՝ Բադասյանն ասաց. «Կա հոդվածների շրջանակ, որոնք ազդակ են հանդիսանում ուսումնասիրություններ սկսելու համար։ Հիմնականում կոռուպցիոն բնույթի հանցագործություններ են։ Վեց հիմք ունենք.

1-ին հիմքը. կա օրինական ուժի մեջ մտած մեղադրական դատավճիռ, եւ կան ապօրինի ծագման գույքի մասին տվյալներ։

2-րդ հիմքը. կա հարուցված քրեական գործ, եւ անձը մեղադրյալ է ներգրավվել նախագծով սահմանված հանցագործություններից մեկով։

3-րդ հիմքը. առկա են բավարար հիմքեր՝ կասկածելու, որ առկա է ապօրինի ծագում ունեցող գույք, բայց քրեական հետապնդումն անհնար է։

4-րդ հիմքը. առկա են բավարար հիմքեր կասկածելու՝ առկա է ապօրինի ծագման գույք, բայց քրեական գործը կասեցվել է։

5-րդ հիմքը. օպերատիվ հետախուզական տվյալներով՝ առկա են բավարար հիմքեր, որ բացառապես պաշտոնատար անձինք ունեն ապօրինի ծագման գույք, այս դրույթը բացառապես պաշտոնյաներին է վերաբերում, մնացածներն ավելի լայն են, եւ վերջին հիմքը՝ միջազգային հարցումներին պատասխանելու միջոցով»:

Տպել
1113 դիտում

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 3․1 հա տարածք

Երևանի Արցախի պողոտայում մեքենան բախվել է էլեկտրասյանը. ուղեւորն ու վարորդը հոսպիտալացվել են

Ղազախստանում ՀՀ դեսպանության ջանքերով 15 ՀՀ քաղաքացի, ինչպես նաև 1 ԼՂՀ քաղաքացի մեկնել է Հայաստան

Երկրաշարժ Մարմարաշեն գյուղից 3 կմ հարավ-արևելք. ուժգնությունը կազմել է 3 բալ

«Արարատ Ցեմենտ»-ում, ՀԷՑ-ում, «Նոր Զովքի» ցանցում ԱԱՏՄ-ն իրականացրել է կասեցումներ, իսկ Նոր Նորքում՝ ուժեղացված ստուգայց

Հայաստանում ՌԴ ավելի քան 1330 քաղաքացի մասնակցել է ՌԴ Սահմանադրության փոփոխությունների քվեարկությանը

Վայքից դեպի Զեդեյա ճանապարհին բախվել են շտապ օգնության «Ford»-ն ու «Toyota Camry»-ն. 9 տուժած կա

Քվեաթերթիկների 99,9%-ի հաշվարկով, ՌԴ ընտրողների 77,93%-ը կողմ են Սահմանադրության փոփոխություններին

Պատգամավորներն առաջարկում են դատավորներին բարձր թոշակ տալ. նախկին դատավորը մեկնաբանում է նախագիծը

ՌԴ-ում Սահմանադրական փոփոխությունների հանրաքվեի ձայների կեսի հաշվարկով կողմ է քվեարկել 76,24%-ը. նախնական

Ռոբերտ Քոչարյանը հրաժարվել է ՔԿԾ-ի դեմ հայցից. դատարանի որոշմամբ՝ վարույթը կարճվել է

Արմեն Թավադյանի գործով դատական ծախսերը մոտ 2.5 մլն դրամ են. պաշտպանը միջնորդեց վերացնել նրա գույքի կալանքը

Տեղի է ունեցել Իրանի, Ռուսաստանի ու Թուրքիայի նախագահների` Սիրիայի հարցով առցանց գագաթնաժողովը

Լուսակունք համայնքում կկառուցվի լուսավորության ցանց եւ ոռոգման ջրատարի ներքին ցանցի հիմնանորոգման աշխատանքներ

Գյումրու ինֆեկցիոնում կորոնավիրուսով 89 հիվանդ է բուժվում. հունիսի 30-ին հաստատվել է 57 նոր դեպք

Սուբվենցիոն ծրագրերով Նորատուսում կկառուցվի համայնքապետարանի շենք եւ կասֆալտապատվեն ճանապարհներ

Ծիրանատոնն էլ այս տարի հեռավար նշվեց. ծառ տնկելու, մշակույթի ու արվեստի դասեր՝ «Յոթ մուսաների» այգում

Արսեն Թորոսյանն այսօր այցելել է Վեդու և Արտաշատի բժշկական կենտրոններ

Արագածոտնի մարզում այս տարի իրականացվող սուբվենցիոն ծրագրերն ավելացել են 3 անգամ

Գյումրիում քննական 3 կենտրոն է ձևավորվել՝ թիվ 10, 11, 21 դպրոցներում